OTT Releases this Week: ಈ ವಾರ ಒಟಿಟಿಯಲ್ಲಿ ಕಿಂಗ್‌ ಆಫ್‌ ಕೋತಾ ಜತೆಗೆ ಇನ್ನೂ ಹಲವು ಸಿನಿಮಾ, ವೆಬ್‌ಸಿರೀಸ್‌ ಕಲೆಕ್ಷನ್ಸ್‌
Sep 20, 2023 10:06 AM IST
Share
OTT Releases this Week: ಈ ವಾರ ಒಟಿಟಿಯಲ್ಲಿ ಕಿಂಗ್‌ ಆಫ್‌ ಕೋತಾ ಜತೆಗೆ ಇನ್ನೂ ಹಲವು ಸಿನಿಮಾ, ವೆಬ್‌ಸಿರೀಸ್‌ ಕಲೆಕ್ಷನ್ಸ್‌
- ಈ ವಾರ ಒಟಿಟಿಯಲ್ಲಿ ಹಲವು ಸಿನಿಮಾ ಮತ್ತು ವೆಬ್‌ಸಿರೀಸ್‌ಗಳ ಆಗಮನವಾಗುತ್ತಿದೆ. ಆ ಪೈಕಿ ದುಲ್ಖರ್‌ ಸಲ್ಮಾನ್‌ ನಟನೆಯ ಕಿಂಗ್‌ ಆಫ್‌ ಕೋತಾ ಮತ್ತು ಪ್ರಿಯಾಂಕಾ ಚೋಪ್ರಾ ನಟನೆಯ ಲವ್‌ ಅಗೇನ್‌ ಸಿನಿಮಾ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆರಂಭಿಸಲಿವೆ.
OTT Releases this Week: ಸಿನಿಮಾಗಳ ಜತೆಗೆ ಒಟಿಟಿಗೂ ಡಿಮಾಂಡ್‌ ಹೆಚ್ಚಾಗಿದೆ. ಚಿತ್ರಮಂದಿರಗಳಲ್ಲಿ ಸಿನಿಮಾ ಸಲುವಾಗಿ ಕಾಯುವ ಜನರ ನಡುವೆಯೇ ಒಟಿಟಿ ಕ್ಷೇತ್ರಕ್ಕೂ ಅಪಾರ ನೋಡುಗರಿದ್ದಾರೆ. ಪ್ರತಿ ವಾರ ಯಾವ ಸಿನಿಮಾ, ವೆಬ್‌ ಸಿರೀಸ್‌ಗಳು ಸ್ಕ್ರೀಮಿಂಗ್‌ ಆರಂಭಿಸಲಿವೆ ಎಂದು ಕಾದು ಕುಳಿತರಿದ್ದಾರೆ. ಅವರೆಲ್ಲರನ್ನು ತಣಿಸುವ ಉದ್ದೇಶಕ್ಕೆ ಪ್ರತಿ ವಾರ ಹೊಸ ಹೊಸ ಕಲೆಕ್ಷನ್ಸ್‌ಗಳನ್ನು ನೋಡುಗರ ತಟ್ಟೆಗೆ ಬಡಿಸುವ ಕೆಲಸವನ್ನು ಒಟಿಟಿಗಳು ಮಾಡುತ್ತಿವೆ. ಅದೇ ರೀತಿ ಈ ವಾರ ಒಂದಷ್ಟು ಸಿನಿಮಾಗಳು ಮತ್ತು ವೆಬ್‌ಸಿರೀಸ್‌ಗಳು ಸ್ಟ್ರೀಮಿಂಗ್‌ ಆರಂಭಿಸಲು ಸಿದ್ಧವಾಗಿವೆ. ಅವುಗಳ ಪಟ್ಟಿ ಇಲ್ಲಿದೆ.
ಕಿಂಗ್‌ ಆಫ್‌ ಕೋತಾ
ದುಲ್ಖರ್‌ ಸಲ್ಮಾನ್‌ ನಾಯಕನಾಗಿ ನಟಿಸಿರುವ ಕಿಂಗ್‌ ಆಫ್‌ ಕೋತಾ ಸಿನಿಮಾ ಕಳೆದ ತಿಂಗಳು ಆಗಸ್ಟ್‌ 24ರಂದು ಬಿಡುಗಡೆ ಆಗಿತ್ತು. ಆರಂಭದಿಂದಲೂ ಹೆಚ್ಚು ಸದ್ದು ಮಾಡಿದ್ದ ಈ ಸಿನಿಮಾ ಚಿತ್ರಮಂದಿರಗಳಲ್ಲಿ ಹೇಳಿಕೊಳ್ಳುವಂಥ ಕಲೆಕ್ಷನ್‌ ಮಾಡಿರಲಿಲ್ಲ. ಅಭಿಲಾಶ್‌ ಜೋಷಿ ನಿರ್ದೇಶನದಲ್ಲಿ ಮೂಡಿಬಂದ ಈ ಸಿನಿಮಾ ಇದೀಗ ಒಟಿಟಿಗೆ ಎಂಟ್ರಿ ಕೊಡಲು ಸಿದ್ಧತೆ ನಡೆಸಿದೆ. ಸೆ. 22ರಂದು ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮ್‌ ಆಗಲಿದೆ.
ಫಾಸ್ಟ್‌ X
ಹಾಲಿವುಡ್‌ನಲ್ಲಿ ನಿರ್ಮಾಣವಾಗಿರುವ ಫಾಸ್ಟ್‌ X ಸಿನಿಮಾ ಇದೀಗ ಒಟಿಟಿಗೆ ಎಂಟ್ರಿಕೊಟ್ಟಿದೆ. ಮೇ 19ರಂದು ವಿಶ್ವದಾದ್ಯಂತ ರಿಲೀಸ್‌ ಆಗಿದ್ದ ಈ ಸಿನಿಮಾ ಇದೀಗ ಹಿಂದಿ, ತೆಲುಗು ಮತ್ತು ತಮಿಳು ಭಾಷೆಗಳಿಗೆ ಡಬ್‌ ಆಗಿ, ಸೆ. 18ರಂದು ಸ್ಟ್ರೀಮಿಂಗ್‌ ಆರಂಭಿಸಿದೆ. ಜಿಯೋ ಸಿನಿಮಾದಲ್ಲಿ ಸ್ಟ್ರೀಮ್‌ ಆಗುತ್ತಿರುವ ಈ ಚಿತ್ರದಲ್ಲಿ ವಿನ್‌ ಡಿಸೈಲ್‌ ಮುಖ್ಯಭೂಮಿಕೆಯಲ್ಲಿದ್ದಾರೆ.
ಜಾನೇ ಜಾನ್‌
ಕರೀನಾ ಕಪೂರ್‌, ವಿಜಯ್‌ ವರ್ಮಾ, ಜಯ್‌ದೀಪ್‌ ಮುಖ್ಯಭೂಮಿಕೆಯಲ್ಲಿರುವ ಜಾನೇ ಜಾನ್‌ ಸಿನಿಮಾ ಇದೀಗ ಸೆ. 21ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್‌ ಆರಂಭಿಸಲಿದೆ. ಕ್ರೈಂ ಥ್ರಿಲ್ಲರ್‌ ಕಥಾಹಂದರಲ್ಲಿ ಮೂಡಿ ಬಂದ ಈ ಚಿತ್ರವನ್ನು ಸುಜಯ್‌ ಘೋಷ್‌ ನಿರ್ದೇಶನ ಮಾಡಿದ್ದಾರೆ. ಬಾಲಾಜಿ ಮೋಷನ್‌ ಪಿಕ್ಚರ್ಸ್‌ ಈ ಚಿತ್ರ ನಿರ್ಮಾಣ ಮಾಡಿದೆ.
ಅತಿಥಿ
ಎರಡು ದಶಕಗಳ ಹಿಂದೆ ಒಂದಷ್ಟು ಹಿಟ್‌ ಸಿನಿಮಾಗಳನ್ನು ನೀಡಿದ್ದ ತೆಲುಗು ನಟ ವೇಣು ತೊಟ್ಟೆಂಪುಡಿ, ಇದೀಗ ಅತಿಥಿ ಸಿನಿಮಾ ಮೂಲಕ ಕಂಬ್ಯಾಕ್‌ ಮಾಡಿದ್ದಾರೆ. ಅತಿಥಿ ಅನ್ನೋ ಹಾರರ್‌ ಶೈಲಿಯ ವೆಬ್‌ ಸಿರೀಸ್ ಮೂಲಕ ಆಗಮಿಸಿದ್ದಾರೆ. ಅತಿಥಿ ಸಿನಿಮಾ ಸೆಪ್ಟೆಂಬರ್‌ 19 ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮಿಂಗ್‌ ಆರಂಭಿಸಿದೆ.
ಲವ್‌ ಅಗೇನ್‌
ಹಾಲಿವುಡ್‌ನಲ್ಲಿಯೂ ಗುರುತಿಸಿಕೊಂಡಿರುವ ನಟಿ ಪ್ರಿಯಾಂಕಾ ಚೋಪ್ರಾ ಇದೀಗ ಒಟಿಟಿಗೆ ಆಗಮಿಸುತ್ತಿದ್ದಾರೆ. ಮೇ 5ರಂದು ಬಿಡುಗಡೆ ಆಗಿದ್ದ ಲವ್‌ ಅಗೇನ್‌ ಸಿನಿಮಾ ಇದೀಗ ಒಟಿಟಿಗೆ ಎಂಟ್ರಿಕೊಟ್ಟಿದೆ. ಜೇಮ್ಸ್‌ ಸ್ಟ್ರೌಸ್‌ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ ಲವ್‌ ಅಗೇನ್‌ ಸಿನಿಮಾ, ಸೆ. 20ರಿಂದ ಸ್ಟ್ರೀಮಿಂಗ್‌ ಆರಂಭಿಸಿದೆ.
ಮನರಂಜನೆ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ