Kalki 2898 AD OTT release: ಕಲ್ಕಿ 2898 ಎಡಿ ಸಿನಿಮಾ ಯಾವ ಒಟಿಟಿಯಲ್ಲಿ ಪ್ರಸಾರ? ಮನೆಯಲ್ಲೇ ನೋಡ್ತಿವಿ ಅನ್ನೋರು ಎಷ್ಟು ತಿಂಗಳು ಕಾಯಬೇಕು

Kalki 2898 AD OTT release: ಇಂದು ಕಲ್ಕಿ 2898 ಎಡಿ ಸಿನಿಮಾ ಬಿಡುಗಡೆಯಾಗಿದೆ. ಇದೇ ಸಮಯದಲ್ಲಿ ಸಾಕಷ್ಟು ಜನರು ಈ ಸಿನಿಮಾ ಒಟಿಟಿಗೆ ಯಾವಾಗ ಬರಬಹುದು? ಯಾವ ಒಟಿಟಿಯಲ್ಲಿ ಪ್ರಸಾರವಾಗಬಹುದು ಎಂದು ಯೋಚಿಸುತ್ತಿದ್ದಾರೆ. ಕೂಸು ಹುಟ್ಟುವ ಮುನ್ನವೇ ಶಾಲೆಗೆ ಸೇರಿಸುವ ಕುರಿತು ಯೋಚಿಸುವ ಕಾಲವಿದು. ಹೀಗಾಗಿ, ಸಿನಿಮಾ ರಿಲೀಸ್‌ ಆದ ದಿನವೇ ಒಟಿಟಿ ಕುರಿತು ಯೋಚಿಸಿದರೆ ತಪ್ಪಾಗದು. ಸಾಕಷ್ಟು ಜನರು ಥಿಯೇಟರ್‌ಗೆ ಬಂದು ಸಿನಿಮಾ ನೋಡಬೇಕೆಂದು ಪ್ರತಿಯೊಂದು ಚಿತ್ರ ನಿರ್ಮಾಪಕರು ಬಯಸುತ್ತಾರೆ. ಈಗಿನ ಒಟಿಟಿ ಕಾಲದಲ್ಲಿ ಥಿಯೇಟರ್‌ಗೆ ಒಳ್ಳೆಯ ಸಿನಿಮಾಗಳಿಗೆ ಜನರು ಬಂದೇ ಬರುತ್ತಾರೆ. ವೈಯಕ್ತಿಕ ಕಾರಣಗಳಿಂದ ಅಥವಾ ಸಾಂಸಾರಿಕ ಕಾರಣಗಳಿಂದ ಅಥವಾ ಇನ್ಯಾವುದೋ ಕಾರಣಗಳಿಂದ ಕೆಲವು ಜನರಿಗೆ ಥಿಯೇಟರ್‌ಗೆ ಹೋಗಿ ಸಿನಿಮಾ ನೋಡಲು ಸಾಧ್ಯವಾಗುವುದಿಲ್ಲ. ಇನ್ನು ಕೆಲವರಿಗೆ ಒಟಿಟಿಯಲ್ಲೂ ನೋಡಲು ಆಗೋದಿಲ್ಲ,ಅವರು ಟಿವಿಯಲ್ಲಿ ಯಾವಾಗ ರಿಲೀಸ್‌ ಆಗುತ್ತೆ ಎಂದು ಕಾಯುತ್ತಾರೆ. ಇರಲಿ, ಕಲ್ಕಿ ಸಿನಿಮಾದ ಒಟಿಟಿ ಬಿಡುಗಡೆ, ಸ್ಟ್ರೀಮಿಂಗ್‌ ಮಾಡುವ ಒಟಿಟಿ ಪ್ಲಾಟ್‌ ಫಾರ್ಮ್‌ ವಿಚಾರ ತಿಳಿದುಕೊಳ್ಳೋಣ.

ಪ್ರಭಾಸ್ ಕಲ್ಕಿ ಚಿತ್ರ ಇಂದು (ಜೂನ್ 27) ವಿಶ್ವದಾದ್ಯಂತ ಬಿಡುಗಡೆಯಾಗಿದೆ. ನಿರ್ದೇಶಕ ನಾಗ್ ಅಶ್ವಿನ್ ಪುರಾಣಕ್ಕೆ ಗ್ರಾಫಿಕ್ಸ್ ಮತ್ತು ದೃಶ್ಯಗಳನ್ನು ಸೇರಿಸಿ ಕಲ್ಕಿ ಸಿನಿಮಾ ಮಾಡಿದ್ದಾರೆ. ಪ್ರಭಾಸ್ ನಾಯಕನಾಗಿ ನಟಿಸಿರುವ ಈ ಚಿತ್ರದಲ್ಲಿ ಕಮಲ್ ಹಾಸನ್ ಖಳನಾಯಕನಾಗಿ ಕಾಣಿಸಿಕೊಂಡರೆ, ಅಮಿತಾಬ್ ಬಚ್ಚನ್ ಮತ್ತು ದೀಪಿಕಾ ಪಡುಕೋಣೆ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಸುಮಾರು 600 ಕೋಟಿ ಬಜೆಟ್‌ನಲ್ಲಿ ತೆರೆಕಂಡಿರುವ ಈ ಸಿನಿಮಾ ಮುಂಗಡ ಬುಕ್ಕಿಂಗ್‌ನಲ್ಲಿ 40 ಕೋಟಿ ಗಳಿಸಿದೆ. ಕಲ್ಕಿ ಚಿತ್ರ ಮೊದಲ ದಿನವೇ 100 ಕೋಟಿಗೂ ಹೆಚ್ಚು ಗಳಿಕೆ ಮಾಡುವ ಸಾಧ್ಯತೆ ಇದೆ  ಎನ್ನಲಾಗಿದೆ.

ಇದನ್ನೂ ಓದಿ: Kalki 2898 AD Movie Review: ಪಾತ್ರ ಪರಿಚಯ, ದೃಶ್ಯ ವೈಭವ, ಅಪೂರ್ಣ ಕಥೆಯಲ್ಲೇ ಮುಗಿದ ಮೊದಲ ಅಧ್ಯಾಯ; ಇಲ್ಲಿದೆ ಕಲ್ಕಿ 2898 ಎಡಿ ವಿಮರ್ಶೆ

ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮಿಂಗ್‌

ಅಮೆಜಾನ್ ಪ್ರೈಮ್ ವಿಡಿಯೋ ಕಲ್ಕಿ ಚಿತ್ರದ OTT ಹಕ್ಕುಗಳನ್ನು ಪಡೆದುಕೊಂಡಿದೆ. ಕಲ್ಕಿಯ ಡಿಜಿಟಲ್ ಸ್ಟ್ರೀಮಿಂಗ್ ಅಮೆಜಾನ್‌ ವಿಡಿಯೋದಲ್ಲಿ ಇರಲಿದೆ ಎಂದು ಚಿತ್ರತಂಡವು ಟೈಟಲ್ ಕಾರ್ಡ್‌ನಲ್ಲಿ ಪ್ರಕಟಿಸಿದೆ. ಭಾರೀ ಪೈಪೋಟಿಯ ನಡುವೆಯೇ ಅಮೆಜಾನ್ ಪ್ರೈಮ್ ಸುಮಾರು 150 ಕೋಟಿಗೆ ಈ ಚಿತ್ರದ OTT ಹಕ್ಕುಗಳನ್ನು ಪಡೆದುಕೊಂಡಿದೆ ಎಂದು ವರದಿಗಳು ತಿಳಿಸಿವೆ.

ಸ್ಟ್ರೀಮಿಂಗ್ ಯಾವಾಗ?

ಕಲ್ಕಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಎಂಟು ವಾರಗಳ ನಂತರ OTTಯಲ್ಲಿ ಸಾಮಾನ್ಯವಾಗಿ ಬಿಡುಗಡೆ ಮಾಡಲಾಗುತ್ತದೆ. ಆಗಸ್ಟ್ ಅಂತ್ಯಕ್ಕೆ ಒಟಿಟಿಯಲ್ಲಿ ಕಲ್ಕಿ ಸಿನಿಮಾ ಬಿಡುಗಡೆಯಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ. ಈ ಚಿತ್ರದ OTT ಬಿಡುಗಡೆ ದಿನಾಂಕವನ್ನು ಆಗಸ್ಟ್‌ನಲ್ಲಿಯೇ ಚಿತ್ರತಂಡ ತಿಳಿಸಲಿದೆ.

ಮಹಾಭಾರತದಿಂದ ಪ್ರೇರಿತ

ಮಹಾಭಾರತಕ್ಕೆ ವೈಜ್ಞಾನಿಕ ಕಾಲ್ಪನಿಕ ಅಂಶಗಳನ್ನು ಜೋಡಿಸಿ ನಿರ್ದೇಶಕ ನಾಗ್ ಅಶ್ವಿನ್ ಈ ಚಿತ್ರವನ್ನು ತೆರೆಗೆ ತಂದಿದ್ದಾರೆ. ಇದರಲ್ಲಿ ಭೈರವ ಎಂಬ ಸೂಪರ್ ಹೀರೋ ಆಗಿ ಪ್ರಭಾಸ್ ನಟಿಸಿದ್ದಾರೆ. ಅಮಿತಾಬ್ ಬಚ್ಚನ್ ಮತ್ತು ಪ್ರಭಾಸ್ ನಡುವಿನ ದೃಶ್ಯಗಳು ಗೂಸ್‌ಬಂಪ್ಸ್ ನೀಡುತ್ತವೆ. ಕಮಲ್ ಹಾಸನ್ ಈ ಚಿತ್ರದಲ್ಲಿ ಸುಪ್ರೀಂ ಯಾಸ್ಕಿನ್‌ ಪಾತ್ರದಲ್ಲಿ ಖಳನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಅಶ್ವತ್ಥಾಮನಾಗಿ ಅಮಿತಾಬ್‌ ಬಚ್ಚನ್‌ ನಟಿಸಿದ್ದಾರೆ. ಯುವ ನಾಯಕರಾದ ದುಲ್ಕರ್ ಸಲ್ಮಾನ್ ಮತ್ತು ವಿಜಯ್ ದೇವರಕೊಂಡ ಅವರು ಟಾಲಿವುಡ್ ನಿರ್ದೇಶಕರಾದ ಆರ್‌ಜಿವಿ ಮತ್ತು ರಾಜಮೌಳಿ ಕಲ್ಕಿ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಮೃಣಾಲ್ ಠಾಕೂರ್, ಅನ್ನಾಬೆನ್, ಶೋಭನಾ, ರಾಜೇಂದ್ರಪ್ರಸಾದ್, ಪಶುಪತಿ ಮತ್ತು ಅನೇಕ ತೆಲುಗು ಮತ್ತು ತಮಿಳು ನಟರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದು ಕಲ್ಕಿಯ ಕಥೆ

ಸುಪ್ರೀಂ ಆಶ್ಕಿನ್ ಇಡೀ ಭೂಮಿಯನ್ನು ನಾಶಪಡಿಸುತ್ತಾನೆ ಮತ್ತು ಕಾಂಪ್ಲೆಕ್ಸ್ ಎಂಬ ಹೊಸ ಪ್ರಪಂಚವನ್ನು ಸೃಷ್ಟಿಸುತ್ತಾನೆ. ಭೈರವ ಏಕೆ ಆ ಲೋಕವನ್ನು ಪ್ರವೇಶಿಸಲು ಪ್ರಯತ್ನಿಸುತ್ತಾನೆ? ಕಾಂಪ್ಲೆಕ್ಸ್ ನಿಂದ ತಪ್ಪಿಸಿಕೊಂಡ ಸುಮತಿ ಯಾರು? ಆಕೆಯನ್ನು ಅಶ್ವತ್ಥಾಮನು ಏಕೆ ರಕ್ಷಿಸಿದನು ಎಂಬುದು ಈ ಚಿತ್ರದ ಕಥೆ. ಹಾಲಿವುಡ್ ಸಿನಿಮಾಗಳಿಗೆ ಹೋಲಿಸಿದರೆ ಈ ಸಿನಿಮಾದ ಗ್ರಾಫಿಕ್ಸ್ ಮತ್ತು ವಿಶುವಲ್ ಎಫೆಕ್ಟ್ ಉತ್ತಮವಾಗಿದೆ ಎನ್ನುತ್ತಾರೆ ಅಭಿಮಾನಿಗಳು. ಅಶ್ವಿನಿ ನಾಗ್‌ ಅವರು ವೈಜಯಂತಿ ಮೂವೀಸ್ ಬ್ಯಾನರ್‌ನಲ್ಲಿ ಸುಮಾರು ಆರು ನೂರು ಕೋಟಿ ಬಜೆಟ್‌ನಲ್ಲಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಈ ಚಿತ್ರಕ್ಕೆ ಸಂತೋಷ್ ನಾರಾಯಣನ್ ಸಂಗೀತ ನೀಡಿದ್ದಾರೆ.

ಪ್ರಭಾಸ್-ದೀಪಿಕಾ ಪಡುಕೋಣೆ ಅಭಿನಯದ ಕಲ್ಕಿ ಸಿನಿಮಾದ ಸಮಗ್ರ ಮಾಹಿತಿ ಇಲ್ಲಿದೆ