ಸಹ ನಟನ ಜತೆ ಆ ಸೀನ್‌ನಲ್ಲಿ ನಟಿಸಲು ಗಂಡನೇ ಧೈರ್ಯ ತುಂಬಿದ್ರು; ಲಸ್ಟ್‌ ಸ್ಟೋರೀಸ್‌ ಶೂಟಿಂಗ್‌ ಅನುಭವ ಬಿಚ್ಚಿಟ್ಟ ಅಮೃತಾ ಸುಭಾಷ್‌

ನೆಟ್‌ಫ್ಲಿಕ್ಸ್‌ನ ಜನಪ್ರಿಯ ಸಿನಿಮಾ ಲಸ್ಟ್‌ ಸ್ಟೋರೀಸ್‌ನ ನಟರು ಮತ್ತು ನಟಿಯರು ನೆಟ್‌ಫ್ಲಿಕ್ಸ್‌ ಆಕ್ಟರ್‌ ರೌಂಡ್‌ಟೇಬಲ್‌ ಸಂವಾದದಲ್ಲಿ ಭಾಗವಹಿಸಿ ತಮ್ಮ ಶೂಟಿಂಗ್‌ ಅನುಭವಗಳನ್ನು ಮುಕ್ತವಾಗಿ ಹಂಚಿಕೊಳ್ಳುತ್ತಿದ್ದಾರೆ. ಇದೀಗ ಈ ರೌಂಡ್‌ಟೇಬಲ್‌ ಚರ್ಚೆಯಲ್ಲಿ ನಟಿ ಅಮೃತಾ ಸುಭಾಷ್‌ ಪಾಲ್ಗೊಂಡಿದ್ದಾರೆ. ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಸಾರವಾದ ಕೊಂಕಣ ಸೇನ್‌ ಶರ್ಮಾ ನಿರ್ದೇಶನದ ಲಸ್ಟ್‌ ಸ್ಟೋರೀಸ್‌ 2ನಲ್ಲಿ ಮಿರರ್‌ ಎಂಬ ಒಂದು ಕಥೆಯಿತ್ತು. ಅದರ ಕುರಿತು ಅಮೃತಾ ಅನುಭವ ಹಂಚಿಕೊಂಡರು.

ಮಿರರ್‌ ಶಾರ್ಟ್‌ ಸ್ಟೋರಿಯಲ್ಲಿ ಸಹ ನಟನ ಜತೆ ಇಂಟಿಮೆಟ್‌ ಸೀನ್‌ನಲ್ಲಿ ನಟಿಸುವ ದೃಶ್ಯವಿತ್ತು. ತಮ್ಮ ಸಹನಟ ಮತ್ತು ನಿಜ ಜೀವನದ ಆತ್ಮೀಯ ಸ್ನೇಹಿತ ಶ್ರೀಕಾಂತ್ ಯಾದವ್ ಅವರೊಂದಿಗೆ ಹಲವಾರು ಆತ್ಮೀಯ ದೃಶ್ಯಗಳಲ್ಲಿ ನಟಿಸಬೇಕಿತ್ತು. ಇಂತಹ ಇಂಟಿಮೆಟ್‌ ದೃಶ್ಯಗಳಲ್ಲಿ ತಮ್ಮ ನಿಜ ಜೀವನದ ಆತ್ಮೀಯ ಸ್ನೇಹಿತನ ಜತೆ ಈ ರೀತಿಯ ದೃಶ್ಯಗಳಲ್ಲಿ ನಟಿಸುವ ಸಂದರ್ಭದಲ್ಲಿ ಇರಿಸುಮುರಿಸು ಆಗಿತ್ತು. ಇಂತಹ ದೃಶ್ಯಗಳಲ್ಲಿ ನಟಿಸಲು ನಿರ್ದೇಶಕರಲ್ಲಿ ನಾನು ಕೊಂಚ ಸಮಯ ಕೇಳುತ್ತಿದ್ದೆ ಎಂಬ ಅಂಶವನ್ನುಈ ರೌಂಡ್‌ಟೇಬಲ್‌ ಗೋಷ್ಠಿಯಲ್ಲಿ ಅಮೃತಾ ಬಹಿರಂಗಪಡಿಸಿದರು.

ಇದನ್ನು ಓದಿ: ಅಲ್ಲಿ ನಡೆದಿದ್ದು ನನ್ನ ಮೇಲಿನ ವೈವಾಹಿಕ ಅತ್ಯಾಚಾರವೇ ಹೊರತು ಸೆಕ್ಸ್‌ ಸೀನ್‌ ಅಲ್ಲ! ಮೆಹ್ರೀನ್‌ ಪಿರ್ಜಾದಾ ಸ್ಪಷ್ಟನೆ

ಪತಿಯ ಬೆಂಬಲ ಮರೆಯಲಾರೆ ಎಂದ ಅಮೃತ

ಅಂತಹ ಸೀನ್‌ನಲ್ಲಿ ಶ್ರೀಕಾಂತ್‌ ಜತೆ ನಟಿಸಲು ನನಗೆ ನರ್ವಸ್‌ ಆಗಿತ್ತು. ಇದು ನನ್ನೊಬ್ಬಳ ಕಥೆಯಲ್ಲ. ನನ್ನ ಬೆಸ್ಟ್‌ ಫ್ರೆಂಡ್‌ ಶ್ರೀಕಾಂತ್‌ಗೂ ನರ್ವಸ್‌ ಆಗಿತ್ತು. ಹಲವು ವರ್ಷಗಳಿಂದ ಕ್ಲೋಸ್‌ ಫ್ರೆಂಡ್ಸ್‌ ಆಗಿದ್ದವರು ನಾವು. "ನಾನು ಈ ದೃಶ್ಯದ ಸ್ಕ್ರಿಪ್ಟ್‌ ಓದುತ್ತಿದ್ದಾಗ ಹಲವು ಇಂಟಿಮೆಂಟ್‌ ಸೀನ್‌ಗಳು ಇರುವುದು ಅರಿವಾಯ್ತು. ನನಗೆ ಇದು ಭಯ ಹುಟ್ಟಿಸಿತು. ನಾನು ಕೊಕೊಗೆ ತಿಳಿಸಿದೆ. ನನಗೆ ಶ್ರೀಕಾಂತ್‌ ಜತೆ ಒಂದು ದಿನ ಕಳೆಯಬೇಕು. ಏಕೆಂದರೆ, ಶ್ರೀಕಾಂತ್‌ ನನ್ನ ಹಲವು ವರ್ಷಗಳ ಬೆಸ್ಟ್‌ ಫ್ರೆಂಡ್‌. ಅದಕ್ಕೆ ಕೊಕೊ ಅವರು ನನ್ನಿಂದ ಇದು ಸಾಧ್ಯವಿಲ್ಲ ಎಂದರು. ಏಕೆಂದರೆ, ನನ್ನ ಪತಿ ಆ ನಿರ್ದೇಶಕರಿಗೂ ಫ್ರೆಂಡ್‌. ನನ್ನ ಪತಿ ಕೂಡ ನಟ. ಆತ ನೀನು ಈ ಸೀನ್‌ಗಳನ್ನು ಚೆನ್ನಾಗಿ ನಟಿಸಬಹುದು, ಭಯಪಡಬೇಡ ಎಂದು ಪ್ರೋತ್ಸಾಹಿಸಿದರು" ಎಂದು ಅಮೃತಾ ಸುಭಾಷ್‌ ನೆನಪಿಸಿಕೊಂಡಿದ್ದಾರೆ.

ಇದನ್ನು ಓದಿ: ಅಪ್ಪ ಅಮ್ಮನ ಜತೆ ಕುಳಿತು ನೋಡಲಾಗದ 5 ನೆಟ್‌ಫ್ಲಿಕ್ಸ್‌ ಶೋಗಳಿವು, ಒಟಿಟಿಯಲ್ಲಿ ಇದನ್ನೆಲ್ಲ ನೋಡ್ತಿವಿ ಅಂತ ಹೆತ್ತವರಿಗೆ ಹೇಳ್ಬೇಡಿ

ಈ ಲಸ್ಟ್‌ ಸ್ಟೋರೀಸ್‌ ಗೋಷ್ಠಿಯಲ್ಲಿ ಕಾಜೋಲ್‌, ಜಯದೀಪ್‌, ಕರೀನಾ ಕಪೂರ್‌, ತಿಲೊತ್ತಮ ಶೋಮ್‌, ಸಿದ್ಧಾರ್ಥ ಮಲ್ಹೋತ್ರಾ ಮತ್ತು ಸಾನ್ಯಾ ಮಲ್ಹೋತ್ರಾ ಮುಂತಾದವರು ಭಾಗವಹಿಸಿದ್ದಾರೆ.

ಶ್ರೀಕಾಂತ್‌ ಯಾದವ್‌ ಕುರಿತು

ಅಮೃತಾ ಸುಭಾಷ್‌ ಅವರು ಈ ವರ್ಷ ಜುಲೈನಲ್ಲಿ ಶ್ರೀಕಾಂತ್‌ನ ಹಲವು ಫೋಟೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡು ಫ್ಯಾನ್ಸ್‌ಗೆ ಪರಿಚಯಿಸಿದ್ದರು. "ಲಸ್ಟ್‌ ಸ್ಟೋರೀಸ್‌ 2ನಲ್ಲಿ ನನ್ನ ಗಂಡನ ಪಾತ್ರ ಮಾಡಿದ ವ್ಯಕ್ತಿ ಯಾರೆಂದು ಎಲ್ಲರೂ ಕೇಳುತ್ತಿದ್ದಾರೆ. ಈ ಪಾತ್ರದಲ್ಲಿ ನಟಿಸಿರುವುದು ನನ್ನ ಹಳೆ ಸ್ನೇಹಿತ ಶ್ರೀಕಾಂತ್‌ ಯಾದವ್‌. ನೀವು ಈತನನ್ನು ಜಲ್ಸಾ ಸಿನಿಮಾದಲ್ಲಿ ಪೊಲೀಸ್‌ ಆಗಿ ನೋಡಿರುವಿರಿ. ಈತ ಕೂಡ ಫ್ಯಾಮಿಲಿ ಮ್ಯಾನ್‌" ಎಂದು ಅಮೃತಾ ಸುಭಾಷ್‌ ಪರಿಚಯಿಸಿದ್ದರು.

ಲಸ್ಟ್ ಸ್ಟೋರೀಸ್ 2 ಸಿನಿಮಾದ ಬಗ್ಗೆ

ಲಸ್ಟ್ ಸ್ಟೋರೀಸ್ 2 ಎನ್ನುವುದು 2023ರಲ್ಲಿ ಬಿಡುಗಡೆಯಾದ ಹಿಂದಿ ಸಿನಿಮಾ. ಇದು ಲಸ್ಟ್‌ ಸ್ಟೋರೀಸ್‌ ಎಂಬ ಸಿನಿಮಾದ ಎರಡನೇ ಕಂತು. ಆರ್. ಬಾಲ್ಕಿ, ಕೊಂಕಣ ಸೇನ್ ಶರ್ಮಾ, ಅಮಿತ್ ರವೀಂದ್ರನಾಥ್ ಶರ್ಮಾ ಮತ್ತು ಸುಜೋಯ್ ಘೋಷ್ ನಿರ್ದೇಶಿಸಿದ ನಾಲ್ಕು ಕಿರುಚಿತ್ರಗಳನ್ನು ಈ ಲಸ್ಟ್‌ ಸ್ಟೋರೀಸ್‌ 2 ಒಳಗೊಂಡಿದೆ. ಆರ್‌ಎಸ್‌ವಿಪಿಯ ರೋನಿ ಸ್ಕ್ರೂವಾಲಾ ಮತ್ತು ಫ್ಲೈಯಿಂಗ್ ಯುನಿಕಾರ್ನ್ ಎಂಟರ್‌ಟೈನ್‌ಮೆಂಟ್‌ನ ಆಶಿ ದುವಾ ಸಾರಾ ಸಹ-ನಿರ್ಮಾಣ ಮಾಡಿರುವ ಈ ಚಿತ್ರದಲ್ಲಿ ಮೃಣಾಲ್ ಠಾಕೂರ್, ಕುಮುದ್ ಮಿಶ್ರಾ, ಅಮೃತಾ ಸುಭಾಷ್, ಅಂಗದ್ ಬೇಡಿ, ನೀನಾ ಗುಪ್ತಾ, ಕಾಜೋಲ್, ತಮನ್ನಾ ಭಾಟಿಯಾ ಮತ್ತು ವಿಜಯ್ ವರ್ಮಾ ಭಾಟಿಯಾ ಸೇರಿದಂತೆ ಪ್ರಮುಖ ಕಲಾವಿದರು ನಟಿಸಿದ್ದರು. ಈ ಸಿನಿಮಾ ನೆಟ್‌ಫ್ಲಿಕ್ಸ್‌ನಲ್ಲಿ 2023ರ ಜೂನ್‌ 29ರಂದು ಬಿಡುಗಡೆಯಾಗಿತ್ತು.