Pawan Kalyan Met Balakrishna: ವೈರತ್ವ ಮರೆತು ಒಂದಾದ ಪವನ್‌ ಕಲ್ಯಾಣ್-ಬಾಲಕೃಷ್ಣ..ನೀವಿಬ್ರೂ ಯಾವಾಗ ಅಂತಿದ್ದಾರೆ ಕಿಚ್ಚ-ದಚ್ಚು ಫ್ಯಾನ್ಸ್
Dec 25, 2022 06:22 AM IST
Share
ಹೈದರಾಬಾದ್‌ನಲ್ಲಿ ಬಾಲಕೃಷ್ಣ ಭೇಟಿಯಾದ ಪವನ್‌ ಕಲ್ಯಾಣ್
- ಪವನ್‌ ಕಲ್ಯಾಣ್ (Pawan Kalyan) ಹಾಗೂ ನಂದಮೂರಿ ಬಾಲಕೃಷ್ಣ (Nandamuri Balakrishna)ಹಾಗೂ ಇನ್ನಿತರರು ಜೊತೆಗೆ ಇರುವ ಫೋಟೋವನ್ನು ಎರಡೂ ಕುಟುಂಬದ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೋ ಈಗ ವೈರಲ್‌ ಆಗುತ್ತಿದೆ. ಎರಡೂ ಫ್ಯಾಮಿಲಿಯ ಮತ್ತಿಬ್ಬರು ನಟರು ಒಂದಾಗಿರುವುದಕ್ಕೆ ಅಭಿಮಾನಿಗಳು ಬಹಳ ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ.
Pawan Kalyan Met Balakrishna: ಚಿತ್ರರಂಗದಲ್ಲಿ ಸ್ಟಾರ್‌ ವಾರ್‌, ಫ್ಯಾನ್ಸ್ ವಾರ್‌ ಸಾಮಾನ್ಯ. ಆದರೆ ಇಬ್ಬರು ಸ್ಟಾರ್‌ ನಟರ ನಡುವಿನ ಮುನಿಸು ಮರೆಯಾಗಿ ಅವರಿಬ್ಬರೂ ಒಂದಾಗುವುದು ಎಂದರೆ ಅದು ದೊಡ್ಡ ವಿಶೇಷ ಎನ್ನಬಹುದು. ಈ ಮುನಿಸು ಮನಸ್ತಾಪ ಎನ್ನುವುದು ಬಹುತೇಕ ಎಲ್ಲಾ ಚಿತ್ರರಂಗದಲ್ಲೂ ಇರುತ್ತದೆ. ಕನ್ನಡದಲ್ಲಿ ದರ್ಶನ್‌ (Darshan) ಸುದೀಪ್‌ (Sudeep)ನಡುವಿನ ಮನಸ್ಥಾಪದ ವಿಚಾರ ಎಲ್ಲರಿಗೂ ಗೊತ್ತಿದೆ. ಇದೀಗ ಈ ಕುಚಿಕುಗಳು ಒಂದಾಗುವ ಸಮಯ ಹತ್ತಿರ ಬರುತ್ತಿದೆ. ಅತ್ತ ಟಾಲಿವುಡ್‌ನಲ್ಲಿ ಕೊನಿಡೇಲ ಹಾಗೂ ನಂದಮೂರಿ ಕುಟುಂಬ ಆಗಲೇ ಒಂದಾಗಿದೆ.
ತೆಲುಗು ಚಿತ್ರರಂಗದಲ್ಲಿ ನಂದಮೂರಿ ಕುಟುಂಬ ಹಾಗು ಕೊನಿಡೇಲ ಕುಟುಂಬಕ್ಕೆ ಮೊದಲಿನಿಂದಲೂ ಸ್ನೇಹ ಸಂಬಂಧ ಸರಿ ಇಲ್ಲ ಎನ್ನುವುದು ತೆಲುಗು ಅಭಿಮಾನಿಗಳಿಗೆ ತಿಳಿದ ವಿಚಾರ. ದಶಕಗಳಿಂದಲೂ ಈ ವೈರತ್ವ ಸಾಗುತ್ತಲೇ ಬಂದಿತ್ತು. ಇದು ಹೀಗೇ ಮುಂದುವರೆಯುತ್ತದೆ ಎನ್ನುವುದು ಕೂಡಾ ತೆಲುಗು ಜನರ ಅಭಿಪ್ರಾಯವಾಗಿತ್ತು. ಆದರೆ ನಂತರದ ದಿನಗಳಲ್ಲಿ ನಂದಮೂರಿ ಕುಟುಂಬದ ಜ್ಯೂನಿಯರ್‌ ಎನ್‌ಟಿಆರ್‌ ಹಾಗೂ ಕೊನಿಡೇಲ ಕುಟುಂಬದ ರಾಮ್‌ ಚರಣ್‌ ತೇಜ್‌ ಒಂದಾದರು. ತಾವಿಬ್ಬರೂ ಒಳ್ಳೆ ಸ್ನೇಹಿತರು ಎಂಬುದನ್ನು ಪ್ರೂವ್‌ ಮಾಡಿದ್ದರು. ಇವರಿಬ್ಬರ ಸ್ನೇಹ ಎಷ್ಟಿದೆ ಎಂಬುದನ್ನು ರಾಜಮೌಳಿ ನಿರ್ದೇಶಿಸಿದ್ದ 'ಆರ್‌ಆರ್‌ಆರ್‌' ಶೂಟಿಂಗ್‌ ಸೆಟ್‌ನಲ್ಲಿ ನೋಡಬಹುದಿತ್ತು. ಇದೀಗ ಈ ಎರಡೂ ಫ್ಯಾಮಿಲಿಯ ಮತ್ತಿಬ್ಬರು ಮುಖಾಮುಖಿಯಾಗಿದ್ದಾರೆ.
ಕೆಲವು ದಿನಗಳ ಹಿಂದಷ್ಟೇ ನಂದಮೂರಿ ಬಾಲಕೃಷ್ಣ ತಾವು ಮೆಗಾಸ್ಟಾರ್‌ ಚಿರಂಜೀವಿ ಜೊತೆ ಸಿನಿಮಾ ಮಾಡುವ ಆಸೆಯೊಂದನ್ನು ವ್ಯಕ್ತಪಡಿಸಿದ್ದರು. ಇದೀಗ ಬಾಲಕೃಷ್ಣ ಅಭಿನಯಿಸುತ್ತಿರುವ 'ವೀರಸಿಂಹರೆಡ್ಡಿ' ಸೆಟ್‌ಗೆ ಮೆಗಾಪವರ್‌ ಸ್ಟಾರ್‌ ಪವನ್‌ ಕಲ್ಯಾಣ್ ಭೇಟಿ ಕೊಟ್ಟು ಎಲ್ಲರಿಗೂ ಆಶ್ಚರ್ಯ ಮೂಡಿಸಿದ್ದಾರೆ. ಪವನ್‌ ಕಲ್ಯಾಣ್, ರಾಜಕೀಯ ಕೆಲಸಗಳ ಜೊತೆಗೆ ಸಿನಿಮಾಗಳಲ್ಲಿ ಕೂಡಾ ಬ್ಯುಸಿ ಇದ್ದಾರೆ. ಸದ್ಯಕ್ಕೆ ಅವರು 'ಹರಿಹರ ವೀರಮಲ್ಲು' ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಈ ಎರಡೂ ಸಿನಿಮಾಗಳ ಶೂಟಿಂಗ್‌ ಹೈದಾರಾಬಾದ್‌ನ ರಾಮೋಜಿ ಫಿಲ್ಮ್‌ ಸಿಟಿಯಲ್ಲಿ ನಡೆಯುತ್ತಿದೆ. ಇದೇ ವೇಳೆ ಪವನ್‌ ಕಲ್ಯಾಣ್, 'ವೀರಸಿಂಹರೆಡ್ಡಿ' ಶೂಟಿಂಗ್‌ ಸೆಟ್‌ಗೆ ಭೇಟಿ ಕೊಟ್ಟು ಅಲ್ಲಿದ್ದವರಿಗೆ ಸರ್ಪ್ರೈಸ್‌ ಕೊಟ್ಟಿದ್ದಾರೆ.
ಪವನ್‌ ಕಲ್ಯಾಣ್, ಬಾಲಕೃಷ್ಣ ಹಾಗೂ ಇನ್ನಿತರರು ಜೊತೆಗೆ ಇರುವ ಫೋಟೋವನ್ನು ಎರಡೂ ಕುಟುಂಬದ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೋ ಈಗ ವೈರಲ್‌ ಆಗುತ್ತಿದೆ. ಎರಡೂ ಫ್ಯಾಮಿಲಿಯ ಮತ್ತಿಬ್ಬರು ನಟರು ಒಂದಾಗಿರುವುದಕ್ಕೆ ಅಭಿಮಾನಿಗಳು ಬಹಳ ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ. ಬಾಲಕೃಷ್ಣ ನಟಿಸುತ್ತಿರುವ 'ವೀರಸಿಂಹರೆಡ್ಡಿ' ಚಿತ್ರವನ್ನು ಗೋಪಿಚಂದ್‌ ಮಲಿನೇನಿ ನಿರ್ದೇಶಿಸುತ್ತಿದ್ದಾರೆ. ಮೈತ್ರಿ ಮೂವಿ ಮೇಕರ್ಸ್‌ ಈ ಚಿತ್ರವನ್ನು ನಿರ್ಮಿಸುತ್ತಿದೆ. ಚಿತ್ರದಲ್ಲಿ ನಂದಮೂರಿ ಬಾಲಕೃಷ್ಣ, ದುನಿಯಾ ವಿಜಯ್‌, ಶ್ರತಿ ಹಾಸನ್‌, ವರಲಕ್ಷ್ಮಿ ಶರತ್‌ ಕುಮಾರ್‌ ರವಿಶಂಕರ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ. ಪವನ್‌ ಅಭಿನಯದ 'ಹರಿಹರ ವೀರಮಲ್ಲು' ಚಿತ್ರವನ್ನು ಮೆಗಾ ಸೂರ್ಯ ಪ್ರೊಡಕ್ಷನ್ಸ್‌ ನಿರ್ಮಿಸುತ್ತಿದ್ದು ಕೃಷ್ಣ ಜಗರ್ಲಮುಡಿ ಆಕ್ಷನ್‌ ಕಟ್‌ ಹೇಳ್ತಿದ್ದಾರೆ. ಚಿತ್ರದಲ್ಲಿ ನಿಧಿ ಅಗರ್‌ವಾಲ್‌, ಬಾಬ್ಬಿ ಡಿಯೋಲ್‌, ನರ್ಗಿಸ್‌ ಫಕ್ರಿ ಹಾಗೂ ಇನ್ನಿತರರು ಇದ್ಧಾರೆ.
ನೀವಿಬ್ರೂ ಯಾವಾಗ ಅಂತಿದ್ದಾರೆ ಫ್ಯಾನ್ಸ್..?
ಅತ್ತ ತೆಲುಗು ಚಿತ್ರರಂದಲ್ಲಿ ಬಹಳ ವರ್ಷಗಳಿಂದ ಮನಸ್ತಾಪ ಇದ್ದ ಮೆಗಾ ಹಾಗೂ ಎನ್‌ಟಿಆರ್‌ ಫ್ಯಾಮಿಲಿ ಒಂದಾಗಿದೆ. ಇಲ್ಲಿ ನೀವಿಬ್ಬರೂ ಯಾವಾಗ ಮುಖಾಮಖಿ ಆಗೋದು ಎಂದು ದರ್ಶನ್‌ ಹಾಗೂ ಸುದೀಪ್‌ ಅಭಿಮಾನಿಗಳು ಕೇಳುತ್ತಿದ್ಧಾರೆ. ಹೊಸಪೇಟೆ ಘಟನೆ ನಂತರ ಸುದೀಪ್‌ ಟ್ವೀಟ್‌ ಮಾಡಿದ್ದರು. ನಂತರ ದರ್ಶನ್‌ ಕೂಡಾ ಅವರ ಟ್ವೀಟ್‌ಗೆ ಪ್ರತಿಕ್ರಿಯಿಸಿದ್ದರು. ಇದನ್ನು ನೋಡಿ ಆದಷ್ಟು ಬೇಗ ನೀವಿಬ್ಬರೂ ಒಂದಾಗೋ ಸುದಿನ ಬರಲಿ ಎಂದು ಇಬ್ಬರೂ ಅಭಿಮಾನಿಗಳು ಎದುರು ನೋಡುತ್ತಿದ್ದಾರೆ.