Priyanka Chopra: ಅಮ್ಮನ ಸಲಹೆಯಂತೆ ಆ ವಯಸ್ಸಿಗೇ ಅಂಡಾಣು ಶೇಖರಿಸಿ ಇಟ್ಟಿದ್ದೆ.. ಗ್ಲೋಬಲ್‌ ಸ್ಟಾರ್‌ ಪ್ರಿಯಾಂಕ ಚೋಪ್ರಾ
Mar 29, 2023 03:34 PM IST
Share
ಗ್ಲೋಬಲ್‌ ಸ್ಟಾರ್‌ ಪ್ರಿಯಾಂಕಾ ಚೋಪ್ರಾ
ನಾನು ಯಾರನ್ನು ಮದುವೆ ಆಗುತ್ತೇನೆ ಎಂಬುದು ನನಗೆ ಗೊತ್ತಿರಲಿಲ್ಲ. ಆದರೆ ನಿಕ್‌ ಜೋನಸ್‌ ಪರಿಚಯ ಆಗುವುದಕ್ಕೂ ಮುನ್ನವೇ ಅಮ್ಮ ಅಂಡಾಣುವನ್ನು ಶೇಖರಿಸುವಂತೆ ಸಲಹೆ ನೀಡಿದ್ದರು. ನನಗೆ ತಾಯಿ ಎಲ್ಲಾ ರೀತಿಯ ಸ್ವಾತಂತ್ರ್ಯ ನೀಡಿದ್ದರು.
2018ರಲ್ಲಿ ಅಮೆರಿಕ ಪಾಪ್‌ ಗಾಯಕ ನಿಕ್‌ ಜೋನಸ್‌ ಮದುವೆ ಆದ ಗ್ಲೋಬಲ್‌ ಸ್ಟಾರ್‌ ಪ್ರಿಯಾಂಕ ಚೋಪ್ರಾ ಈಗ ಪತಿಯೊಂದಿಗೆ ವಿದೇಶದಲ್ಲೇ ನೆಲೆಸಿದ್ಧಾರೆ. ಈ ಜೋಡಿ 2022 ಜನವರಿಯಲ್ಲಿ ಬಾಡಿಗೆ ತಾಯ್ತನದ ಮೂಲಕ ಮಗುವನ್ನು ಪಡೆದಿದ್ದು ಆ ಮಗುವಿಗೆ ಮಾಲ್ತಿ ಎಂದು ನಾಮಕರಣ ಮಾಡಿದ್ಧಾರೆ. ಪ್ರಿಯಾಂಕ ಈಗ ಹಿಂದಿ ಸಿನಿಮಾಗಳಿಗಿಂತ ಹಾಲಿವುಡ್‌ನಲ್ಲೇ ಬ್ಯುಸಿ ಇದ್ದಾರೆ.
ಪ್ರಿಯಾಂಕ ಚೋಪ್ರಾ ಬಾಡಿಗೆ ತಾಯ್ತನದ ಮೂಲಕ ಮಗು ಪಡೆದಾಗ ಆಕೆ ಟ್ರೋಲ್‌ ಆಗಿದ್ದರು. ಇಂದಿನ ನಟಿಯರಿಗೆ ಅದೊಂದು ಫ್ಯಾಷನ್‌ ಆಗಿದೆ ಎಂದು ಅಪಹಾಸ್ಯ ಮಾಡಿದ್ದರು. ಆದರೆ ಪ್ರಿಯಾಂಕ, ತಮಗಿರುವ ಆರೋಗ್ಯ ಸಮಸ್ಯೆ ಕಾರಣ ಗರ್ಭ ಧರಿಸಲು ಆಗದೆ ಬಾಡಿಗೆ ತಾಯ್ತನದ ಮೂಲಕ ಮಗು ಪಡೆದಿದ್ದಾರೆ. ಇತ್ತೀಚೆಗೆ ಆಂಗ್ಲ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಪಿಗ್ಗಿ, ಕೆಲವೊಂದು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. 30ನೇ ವಯಸ್ಸಿಗೆ ತಮ್ಮ ಅಂಡಾಣುವನ್ನು ತೆಗೆದು ಶೇಖರಿಸಿ ಇಟ್ಟಿದ್ಧಾಗಿ ಹೇಳಿಕೊಂಡಿದ್ದಾರೆ. ಅದೂ ಕೂಡಾ ಪ್ರಿಯಾಂಕ ತಾಯಿ ಮಧು ಚೋಪ್ರಾ ಸ್ತ್ರೀ ರೋಗ ಹಾಗೂ ಪ್ರಸೂತಿ ತಜ್ಞೆ ಆಗಿದ್ದು ಅಮ್ಮನ ಸಲಹೆ ಮೇರೆಗೆ ಅಂಡಾಣು ತೆಗೆದು ಶೇಖರಿಸಿ ಇಟ್ಟಿದ್ದರಂತೆ ಪ್ರಿಯಾಂಕ.
ನಾನು ಯಾರನ್ನು ಮದುವೆ ಆಗುತ್ತೇನೆ ಎಂಬುದು ನನಗೆ ಗೊತ್ತಿರಲಿಲ್ಲ. ಆದರೆ ನಿಕ್‌ ಜೋನಸ್‌ ಪರಿಚಯ ಆಗುವುದಕ್ಕೂ ಮುನ್ನವೇ ಅಮ್ಮ ಅಂಡಾಣುವನ್ನು ಶೇಖರಿಸುವಂತೆ ಸಲಹೆ ನೀಡಿದ್ದರು. ನನಗೆ ತಾಯಿ ಎಲ್ಲಾ ರೀತಿಯ ಸ್ವಾತಂತ್ರ್ಯ ನೀಡಿದ್ದರು. ನಾನು ಇನ್ನೂ ಸಾಧನೆ ಮಾಡಬೇಕಿತ್ತು. ವೃತ್ತಿ ಬದುಕಿನಲ್ಲಿ ಮತ್ತಷ್ಟು ಉತ್ತುಂಗಕ್ಕೆ ಏರಬೇಕಿತ್ತು. 35 ವರ್ಷ ತುಂಬಿದ ನಂತರ ಗರ್ಭ ಧರಿಸುವುದು ಕಷ್ಟವಾದ್ದರಿಂದ ನನ್ನ ತಾಯಿ ಈ ಸಲಹೆ ನೀಡಿದರು. ನನಗೂ ಅದು ಸರಿ ಎನ್ನಿಸಿತು. ಆದ್ದರಿಂದ 30 ನೇ ವಯಸ್ಸಿಗೆ ಅಂಡಾಣು ಶೇಖರಿಸಿ ಇಟ್ಟಿದ್ದೆ ಎಂದು ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.
ಮತ್ತಷ್ಟು ಮನರಂಜನೆ ಸುದ್ದಿಗಳು
ವೀಕೆಂಡ್‌ ವಿತ್‌ ರಮೇಶ್‌ ವೇದಿಕೆಯಲ್ಲಿ ಗೋಲಿ, ಟೈರ್‌ ಬಂಡಿ ಆಟ ಆಡಿದ ಪ್ರಭುದೇವ... ಪ್ರೋಮೋ ರಿಲೀಸ್‌
5ನೇ ಸೀಸನ್‌ನ ಮೊದಲ ಎಪಿಸೋಡ್‌ನ ಅತಿಥಿಯಾಗಿ ರಮ್ಯಾ ಆಗಮಿಸಿದ್ದರು. ಈ ಕಾರ್ಯಕ್ರಮ ಹೆಚ್ಚು ವೀಕ್ಷಣೆ ಪಡೆದರೂ ರಮ್ಯಾ ಇಂಗ್ಲೀಷ್‌ ಮಾತನಾಡಿದ್ದು ಟ್ರೋಲ್‌ ಆಗಿತ್ತು. ಇದರ ಬೆನ್ನಲ್ಲೇ ಎರಡನೇ ವಾರದ ಅತಿಥಿ ಯಾರಾಗಬಹುದು ಎಂಬ ಕುತೂಹಲಕ್ಕೆ ಬ್ರೇಕ್‌ ಬಿದ್ದಿದೆ. ಜೀ ಕನ್ನಡ ವಾಹಿನಿಯು ಎರಡನೇ ವಾರದ ಪ್ರೋಮೋ ಹಂಚಿಕೊಂಡಿದೆ. ಈ ವಾರ, ಭಾರತದ ಮೈಕಲ್‌ ಜಾಕ್ಸನ್‌ ಎಂದೇ ಹೆಸರಾದ ಪ್ರಭುದೇವ ವೀಕೆಂಡ್‌ ವಿತ್‌ ಕಾರ್ಯಕ್ರಮದ ಸಾಧಕರ ಸೀಟ್‌ನಲ್ಲಿ ಕೂರಲಿದ್ಧಾರೆ. ಪ್ರೋಮೋ ಸಾಕಷ್ಟು ಕುತೂಹಲ ಕೆರಳಿಸಿದ್ದು ಈ ಎಪಿಸೋಡ್‌ ನೋಡಲು ಕಿರುತೆರೆಪ್ರಿಯರು ಕಾಯುತ್ತಿದ್ದಾರೆ. ಪ್ರೋಮೋ ನೋಡಲು ಈ ಲಿಂಕ್‌ ಒತ್ತಿ.
'ಉತ್ತರಕಾಂಡ'ಕ್ಕೆ ಶಿವಣ್ಣ ಎಂಟ್ರಿ... ರಮ್ಯಾ ಜೋಡಿ ಆಗ್ತಿರೋದು ಯಾರಿಗೆ , ಶಿವರಾಜ್‌ಕುಮಾರ್‌ ಅಥವಾ ಡಾಲಿ?
'ಉತ್ತರಕಾಂಡ' ಚಿತ್ರದಲ್ಲಿ ಧನಂಜಯ್‌ ನಾಯಕನಾಗಿ ನಟಿಸುತ್ತಿದ್ದಾರೆ. ಇದೀಗ ಸೆಂಚುರಿ ಸ್ಟಾರ್‌ ಶಿವರಾಜ್‌ಕುಮಾರ್‌ ಕೂಡಾ ಈ ಸಿನಿಮಾದಲ್ಲಿ ವಿಶೇಷ ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ಶಿವಣ್ಣ ನಟಿಸುತ್ತಿರುವ ವಿಚಾರವನ್ನು ಚಿತ್ರದ ನಿರ್ದೇಶಕ ರೋಹಿತ್‌ ಪದಕಿ ಅಧಿಕೃತವಾಗಿ ಅನೌನ್ಸ್‌ ಮಾಡಿದ್ದಾರೆ. ಈ ವಿಚಾರ ಕೇಳಿ ಅಭಿಮಾನಿಗಳಿಗೆ ರಮ್ಯಾ ಜೋಡಿ ಆಗ್ತಿರೋದು ಯಾರಿಗೆ ಎಂಬ ಅನುಮಾನ ಶುರುವಾಗಿದೆ. ಪೂರ್ತಿ ಸ್ಟೋರಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ.