ROCKY met RADHIKA: ವಾಟ್‌ ಎವರ್‌ ಐ ವೇರ್‌ ಲುಕ್ಸ್‌ ನೈಸ್‌: ರಾಕಿ-ರಾಧಿಕಾ ಇಂಗ್ಲೀಷ್‌ ಸಂಭಾಷಣೆ.. 'ಕೆಜಿಎಫ್‌ 2' ಸೆಟ್‌ ವಿಡಿಯೋ ವೈರಲ್‌
Apr 14, 2023 09:52 PM IST
Share
'ಕೆಜಿಎಫ್‌ 2' ಸೆಟ್‌ ಹಳೆಯ ವಿಡಿಯೋ ವೈರಲ್‌
- ಯಶ್‌ ರಾಧಿಕಾಗೆ ಹಗ್‌ ಕೊಟ್ಟು ನಂತರ ಆಯ್ರಾಳನ್ನು ನೋಡಿ ಮಗಳೇ.. ಎಂದು ಕನ್ನಡದಲ್ಲಿ ಉದ್ಘರಿಸುತ್ತಾರೆ. ಆಗ ಮತ್ತೆ ರಾಧಿಕಾ, ಲುಕ್ಸ್‌ ವೆರಿ ನೈಸ್‌ ಎಂದು ಇಂಗ್ಲೀಷ್‌ನಲ್ಲಿ ಹೇಳುತ್ತಾರೆ. ಇದಕ್ಕೆ ಇಂಗ್ಲೀಷ್‌ನಲ್ಲೇ ಉತ್ತರಿಸುವ ಯಶ್‌, ವಾಟ್‌ ಎವರ್‌ ಐ ವೇರ್‌ ಲುಕ್ಸ್‌ ನೈಸ್‌ ಎನ್ನುತ್ತಾರೆ.
ಏಪ್ರಿಲ್‌ 14, 'ಕೆಜಿಎಫ್‌ 2' ಬಿಡುಗಡೆ ಆದ ದಿನ. ಇಂದಿಗೆ ಈ ಸೂಪರ್‌ ಡೂಪರ್‌ ಹಿಟ್‌ ಸಿನಿಮಾ ತೆರೆ ಕಂಡು ವರ್ಷ ತುಂಬಿದೆ. ಅಭಿಮಾನಿಗಳು ಈ ದಿನವನ್ನು ಸಂಭ್ರಮಿಸಿದ್ದಾರೆ. ಚಿತ್ರತಂಡ ಕೂಡಾ ಈ ದಿನವನ್ನು ವಿಶೇಷವಾಗಿ ಆಚರಿಸಿದೆ. ಇದೇ ಖುಷಿಯಲ್ಲಿ ಅಭಿಮಾನಿಗಳು ಕೆಜಿಎಫ್‌ 3 ಯಾವಾಗ ಎಂದು ಪ್ರಶ್ನಿಸುತ್ತಿದ್ದಾರೆ.
ಕೆಜಿಎಫ್‌ 2 ರಿಲೀಸ್‌ಗೆ ಒಂದು ವರ್ಷ ತುಂಬಿದ ಸಂದರ್ಭದಲ್ಲಿ ರಾಧಿಕಾ ಪಂಡಿತ್‌ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಇದು ಯಶ್‌ ಕೆಜಿಎಫ್‌-2 ಸೆಟ್‌ನಲ್ಲಿ ತೆಗೆಯಲಾದ ವಿಡಿಯೋ. ಸೆಟ್‌ನಲ್ಲಿರುವ ಪತಿ ಯಶ್‌ ನೋಡಲು ರಾಧಿಕಾ ಪಂಡಿತ್‌ ಪುಟಾಣಿ ಆಯ್ರಾಳನ್ನು ಎತ್ತುಕೊಂಡು ಬರುತ್ತಾರೆ. ಯಶ್‌ ಲುಕ್‌ ನೋಡುತ್ತಿದ್ದಂತೆ ರಾಧಿಕಾ ಪಂಡಿತ್‌ ಆಶ್ಚರ್ಯ ವ್ಯಕ್ತಪಡಿಸುತ್ತಾರೆ. ''ನಾನು 70ರ ದಶಕಲ್ಲಿ ಇದ್ದೀನಾ ? ಎಂದು ಇಂಗ್ಲೀಷ್‌ನಲ್ಲಿ ಪ್ರಶ್ನಿಸುತ್ತಲೇ ಯಶ್‌ಗೆ ಹಗ್‌ ಮಾಡಿ ಕಿಸ್‌ ಮಾಡುತ್ತಾರೆ.
ಯಶ್‌ ರಾಧಿಕಾಗೆ ಹಗ್‌ ಕೊಟ್ಟು ನಂತರ ಆಯ್ರಾಳನ್ನು ನೋಡಿ ಮಗಳೇ.. ಎಂದು ಕನ್ನಡದಲ್ಲಿ ಉದ್ಘರಿಸುತ್ತಾರೆ. ಆಗ ಮತ್ತೆ ರಾಧಿಕಾ, ಲುಕ್ಸ್‌ ವೆರಿ ನೈಸ್‌ ಎಂದು ಇಂಗ್ಲೀಷ್‌ನಲ್ಲಿ ಹೇಳುತ್ತಾರೆ. ಇದಕ್ಕೆ ಇಂಗ್ಲೀಷ್‌ನಲ್ಲೇ ಉತ್ತರಿಸುವ ಯಶ್‌, ವಾಟ್‌ ಎವರ್‌ ಐ ವೇರ್‌ ಲುಕ್ಸ್‌ ನೈಸ್‌ ಎನ್ನುತ್ತಾರೆ. ಈ ವಿಡಿಯೋ ಈಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ. ಈ ವಿಡಿಯೋಗೆ ರಾಧಿಕಾ When ROCKY met RADHIKA ಎಂದು ಕ್ಯಾಪ್ಷನ್‌ ನೀಡಿದ್ದಾರೆ. ರಾಕಿ-ರಾಧಿಕಾ ಸಂಭಾಷಣೆ ವಿಡಿಯೋಗೆ ಕೆಲವರು ಮೆಚ್ಚುಗೆ ವ್ಯಕ್ತಪಡಿಸಿದರೆ, ಇನ್ನೂ ಕೆಲವರು ದಯವಿಟ್ಟು ಇಂಗ್ಲೀಷಿನಲ್ಲಿ ಮಾತನಾಡಿ ಎಂದು ಮನವಿ ಮಾಡಿದ್ದಾರೆ.
1250 ಕೋಟಿ ಲಾಭ ಮಾಡಿದ್ದ ಸಿನಿಮಾ
ಕೆಜಿಎಫ್‌ 2 ಸಿನಿಮಾ, 2022ರ ಏಪ್ರಿಲ್‌ 14ರಂದು ದೊಡ್ಡ ಮಟ್ಟದಲ್ಲಿ ಬಿಡುಗಡೆ ಆಗಿತ್ತು . ಕನ್ನಡ ಮಾತ್ರವಲ್ಲದೆ, ತೆಲುಗು, ತಮಿಳು, ಮಲಯಾಳಂ, ಹಿಂದಿ ಭಾಷೆಗಳಿಗೂ ಡಬ್‌ ಆಗಿ ದೊಡ್ಡ ಮಟ್ಟದ ಯಶಸ್ಸು ಪಡೆದುಕೊಂಡಿತ್ತು. ಬಾಕ್ಸ್‌ ಆಫೀಸ್‌ನಲ್ಲಿ 1250 ಕೋಟಿಗೂ ಅಧಿಕ ಹಣ ಗಳಿಕೆ ಮಾಡಿತ್ತು.
ಕೆಜಿಎಫ್‌ 3 ಸುಳಿವು ನೀಡಿದ ಹೊಂಬಾಳೆ ಫಿಲ್ಮ್ಸ್‌
‘ಕೆಜಿಎಫ್‌ 2’ಸಿನಿಮಾದ ಕ್ಲೈಮ್ಯಾಕ್ಸ್‌ ನೋಡಿದವರಿಗೆ ಅಲ್ಲಿ ಆಶ್ಚರ್ಯ ಕಾದಿತ್ತು. ‘ಕೆಜಿಎಫ್‌ 3’ ಬರಲಿದೆ ಎಂದು ಚಿತ್ರತಂಡ ಮಾಹಿತಿ ನೀಡಿತ್ತು. ಆದರೆ ಚಿತ್ರತಂಡ ಆ ಬಗ್ಗೆ ಯಾವುದೇ ಗುಟ್ಟನ್ನು ಬಿಟ್ಟುಕೊಟ್ಟಿರಲಿಲ್ಲ. ಸದ್ಯಕ್ಕೆ ಆ ಬಗ್ಗೆ ಏನೂ ಕೇಳಬೇಡಿ ಎಂದೇ ಹೇಳಿಕೊಂಡು ಬರುತ್ತಿತ್ತು. ಇದೀಗ ‘ಕೆಜಿಎಫ್‌ 2’ ಮೊದಲ ವಾರ್ಷಿಕೋತ್ಸವದ ದಿನ ಹೊಂಬಾಳೆ ಫಿಲ್ಮ್ಸ್‌ ಭಾಗ 3 ಸುಳಿವು ನೀಡಿದೆ.
ರಾಕಿಭಾಯ್‌ ಹೇಗೆ ತನ್ನ ಸಾಮ್ರಾಜ್ಯವನ್ನು ವಿಸ್ತರಿಸಿಕೊಂಡ, ಅಮ್ಮನ ಮಾತನ್ನು ಹೇಗೆ ಉಳಿಸಿಕೊಂಡ ಎಂಬುದನ್ನು ರಕ್ತಸಿಕ್ತ ದೃಶ್ಯಾವಳಿಗಳ ಮೂಲಕ ಹೊಸ ವಿಡಿಯೋದಲ್ಲಿ ತೋರಿಸಲಾಗಿದೆ. ಅಷ್ಟೇ ಅಲ್ಲ ಒಂದಷ್ಟು ಪ್ರಶ್ನೆಗಳನ್ನೂ ವಿಡಿಯೋ ಮೂಲಕ ಪ್ರೇಕ್ಷಕರ ಮುಂದಿಟ್ಟಿದೆ. 1978 ರಿಂದ 1981ರ ವರೆಗೆ ರಾಕಿ ಎಲ್ಲಿದ್ದ? ಎಂದೂ ಅಭಿಮಾನಿಗಳ ಕುತೂಹಲಕ್ಕೆ ಒಗ್ಗರಣೆ ಹಾಕಿದೆ. ಹೀಗೆ ವಿಡಿಯೋ ಮುಗಿಯುತ್ತಿದ್ದಂತೆ, ಅದನ್ನೇ ರಿವೈಂಡ್‌ ಮಾಡಿ ಪಾರ್ಟ್‌ 3 ಸುಳಿವು ನೀಡಿದೆ ಹೊಂಬಾಳೆ ಫಿಲ್ಮ್ಸ್‌. ಬಹುಶ: ಕೆಜಿಎಫ್‌ 3 ಯಶ್‌ 19ನೇ ಸಿನಿಮಾ ಇರಬಹುದು ಎನ್ನಲಾಗುತ್ತಿದೆ.