Aishwarya Arjun: ಮಗಳ ಮದುವೆ ಮಾಡಲು ಅರ್ಜುನ್ ಸರ್ಜಾ ಸಜ್ಜು; ತಮಿಳು ನಟನ ಕೈ ಹಿಡಿಯಲಿದ್ದಾರೆ ಪ್ರೇಮ ಬರಹ ಸಿನಿಮಾ ನಟಿ ಐಶ್ವರ್ಯ ಅರ್ಜುನ್
Jun 26, 2023 01:19 PM IST
Share
ತಮಿಳು ನಟ ಉಮಾಪತಿ ರಾಮಯ್ಯ ಜೊತೆ ಐಶ್ವರ್ಯ ಅರ್ಜುನ್ ಮದುವೆ
- ನಟ ಅರ್ಜುನ್ ಸರ್ಜಾ ಹಾಗೂ ತಂಬಿ ರಾಮಯ್ಯ ಮೊದಲಿನಿಂದಲೂ ಉತ್ತಮ ಸ್ನೇಹಿತರು. ಇಬ್ಬರ ಫ್ಯಾಮಿಲಿ ನಡುವೆ ಕೂಡಾ ಉತ್ತಮ ಒಡನಾಟವಿದೆ. ಈ ಆತ್ಮೀಯತೆ ಐಶ್ವರ್ಯ ಹಾಗೂ ಉಮಾಪತಿ ನಡುವೆ ಪ್ರೀತಿ ಚಿಗುರಲು ಕಾರಣವಾಗಿದೆ.
'ಸಿಂಹದಮರಿ ಸೈನ್ಯ' ಸಿನಿಮಾದಲ್ಲಿ ಬಾಲನಟನಾಗಿ ನಟಿಸುವ ಮೂಲಕ ಕನ್ನಡ ಚಿತ್ರರಂಗಕ್ಕೆ ಬಂದ ಅರ್ಜುನ್ ಸರ್ಜಾ, ನಾಯಕನಾಗಿ ಕೂಡಾ ದೊಡ್ಡ ಹೆಸರು ಮಾಡಿದ್ದಾರೆ. ಹೀರೋ ಆಗಿ ಮಾತ್ರವಲ್ಲದೆ ಖಳನಟನಾಗಿ, ನಿರ್ಮಾಪಕನಾಗಿ ನಿರ್ದೇಶಕನಾಗಿ ಕೂಡಾ ಹೆಸರು ಮಾಡಿದ್ದಾರೆ. ಕನ್ನಡಕ್ಕಿಂತ ಹೆಚ್ಚಾಗಿ ತಮಿಳು ಸಿನಿಮಾಗಳಲ್ಲಿ ಅವರು ಹೆಚ್ಚಾಗಿ ಗುರುತಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಮುರಿದುಬಿದ್ದ ಮದುವೆ, ಕಂಠಿ ಸ್ನೇಹಾ ಪ್ರೀತಿ ಮುಂದುವರೆಯುತ್ತಾ; ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಟ್ವಿಸ್ಟ್‌
ಕೆಲವು ವರ್ಷಗಳಿಂದ ಪ್ರೀತಿಸುತ್ತಿರುವ ಐಶ್ವರ್ಯ - ಉಮಾಪತಿ
ಅರ್ಜುನ್ ಸರ್ಜಾಗೆ ಅಂದಿನಿಂದ ಇಲ್ಲಿವರೆಗೂ ಅದೇ ಬೇಡಿಕೆ ಇದೆ. ಸದ್ಯಕ್ಕೆ ಅವರು ಲಿಯೋ ಸಿನಿಮಾ ರಿಲೀಸ್‌ಗಾಗಿ ಕಾಯುತ್ತಿದ್ದಾರೆ. ಈ ನಡುವೆ ಅರ್ಜುನ್ ಸರ್ಜಾ ತಮ್ಮ ಮೊದಲ ಮಗಳ ಮದುವೆ ಮಾಡಲು ತಯಾರಿ ನಡೆಸುತ್ತಿದ್ದಾರೆ ಎಂಬ ಸುದ್ದಿ ಕಾಲಿವುಡ್‌ನಲ್ಲಿ ಹರಿದಾಡುತ್ತಿದೆ. ತಮಿಳು ಖ್ಯಾತ ಹಾಸ್ಯನಟ ತಂಬಿ ರಾಮಯ್ಯ ಪುತ್ರ ಉಮಾಪತಿ ಎಂಬುವರನ್ನು ಐಶ್ವರ್ಯ ಪ್ರೀತಿಸುತ್ತಿದ್ದು ಇಬ್ಬರ ಮದುವೆಗೆ ಮನೆಯವರು ಕೂಡಾ ಒಪ್ಪಿದ್ದು, ಇಬ್ಬರ ಮನೆಯಲ್ಲೂ ಮದುವೆ ಮಾತುಕತೆ ನಡೆಯುತ್ತಿದೆ. ಆದಷ್ಟು ಬೇಗ ಮದುವೆ ದಿನಾಂಕ ಫಿಕ್ಸ್‌ ಮಾಡಿ ಅದಕ್ಕೂ ಮುನ್ನ ನಿಶ್ಚಿತಾರ್ಥ ಮಾಡಲಾಗುವುದು ಎಂದು ಕಾಲಿವುಡ್ ಮೂಲಗಳು ತಿಳಿಸಿವೆ.
2024ರಲ್ಲಿ ಮದುವೆ
ಅರ್ಜುನ್ ಸರ್ಜಾ ಅಥವಾ ಕುಟುಂಬ ಇದುವರೆಗೂ ಐಶ್ವರ್ಯ ಮದುವೆ ವಿಚಾರವನ್ನು ರಿವೀಲ್‌ ಮಾಡಿಲ್ಲ. ಎಲ್ಲಾ ಅಂದುಕೊಂಡಂತೆ ಆದರೆ ಮುಂದಿನ ವರ್ಷ ಐಶ್ವರ್ಯ, ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ. ಅರ್ಜುನ್ ಸರ್ಜಾ ತಮ್ಮ ಮಗಳನ್ನು ಚಿತ್ರರಂಗದಲ್ಲಿ ಈಗಾಗಲೇ ಪರಿಚಯಿಸಿದ್ದಾರೆ. ಆದರೆ ಅಪ್ಪನಂತೆ ಮಗಳಿಗೆ ಚಿತ್ರರಂಗದಲ್ಲಿ ಬ್ರೇಕ್‌ ಸಿಕ್ಕಿಲ್ಲ. ಸದ್ಯಕ್ಕೆ ಐಶ್ವರ್ಯ ತೆಲುಗು ಸಿನಿಮಾವೊಂದರಲ್ಲಿ ಬ್ಯುಸಿ ಇದ್ದಾರೆ.
ಹೊಸ ಸಿನಿಮಾ ಮೂಲಕ ಮತ್ತೆ ಸಿನಿಪ್ರಿಯರ ಮುಂದೆ ಬರುತ್ತಿರುವ ಆದಿತ್ಯ; ಡೆಡ್ಲಿ ಸೋಮನಿಗೆ ಜೊತೆಯಾದ ರಂಜನಿ ರಾಘವನ್‌
ತೆಲುಗು ಚಿತ್ರದಲ್ಲಿ ಬ್ಯುಸಿ ಇರುವ ಐಶ್ವರ್ಯ
ಐಶ್ವರ್ಯ ಅರ್ಜುನ್ 2013ರಲ್ಲಿ ಮೊದಲ ಬಾರಿಗೆ ತಮಿಳು ಸಿನಿಮಾ ಮೂಲಕ ಸಿನಿ ಕೆರಿಯರ್‌ ಆರಂಭಿಸಿದರು. ನಂತರ 2018ರಲ್ಲಿ ಪ್ರೇಮ ಬರಹ ಸಿನಿಮಾದಲ್ಲಿ ನಟಿಸಿದರು. ಈ ಸಿನಿಮಾ ತಮಿಳಿನಲ್ಲಿ ಸೊಲ್ಲಿವಿಡವಾ ಹೆಸರಿನಲ್ಲಿ ರಿಲೀಸ್‌ ಆಯ್ತು. ಈ ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ದೊರೆತರೂ ಐಶ್ವರ್ಯಗೆ ಸ್ಟಾರ್‌ ನಾಯಕಿ ಪಟ್ಟ ತಂದುಕೊಡಲಿಲ್ಲ. ತಮಿಳು, ತೆಲುಗು ನಂತರ ಅರ್ಜುನ್ ಸರ್ಜಾ ತಮ್ಮ ಮಗಳನ್ನು ಟಾಲಿವುಡ್‌ನಲ್ಲಿ ಅದೃಷ್ಟ ಪರೀಕ್ಷೆಗೆ ಕರೆ ತಂದರು. ಈಗ ಐಶ್ವರ್ಯ ತೆಲುಗು ಚಿತ್ರದಲ್ಲಿ ಬ್ಯುಸಿ ಇದ್ದಾರೆ. ಈ ನಡುವೆ ಅವರ ಮದುವೆ ಸುದ್ದಿ ಕೇಳಿಬಂದಿದ್ದು ಅಭಿಮಾನಿಗಳು ಕೂಡಾ ಐಶ್ವರ್ಯ ಮದುವೆ ಆಗುವ ಹುಡುಗನ ಬಗ್ಗೆ ತಿಳಿಯಲು ಎಕ್ಸೈಟ್‌ ಆಗಿದ್ದಾರೆ.
ಅರ್ಜುನ್ ಸರ್ಜಾ ತಂಬಿ ರಾಮಯ್ಯ ಆಪ್ತ ಸ್ನೇಹಿತರು
ನಟ ಅರ್ಜುನ್ ಸರ್ಜಾ ಹಾಗೂ ತಂಬಿ ರಾಮಯ್ಯ ಮೊದಲಿನಿಂದಲೂ ಉತ್ತಮ ಸ್ನೇಹಿತರು. ಇಬ್ಬರ ಫ್ಯಾಮಿಲಿ ನಡುವೆ ಕೂಡಾ ಉತ್ತಮ ಒಡನಾಟವಿದೆ. ಈ ಆತ್ಮೀಯತೆ ಐಶ್ವರ್ಯ ಹಾಗೂ ಉಮಾಪತಿ ನಡುವೆ ಪ್ರೀತಿ ಚಿಗುರಲು ಕಾರಣವಾಗಿದೆ. ಇಬ್ಬರ ಪ್ರೀತಿಗೆ ಮನೆಯವರೂ ಸಂತೋಷದಿಂದ ಒಪ್ಪಿಗೆ ನೀಡಿದ್ದಾರೆ ಎಂದು ಕಾಲಿವುಡ್ ಮೂಲಗಳು ತಿಳಿಸಿವೆ.
ಇನ್ನು ಅರ್ಜುನ್ ಸರ್ಜಾ ಸಿನಿಮಾಗಳ ವಿಚಾರಕ್ಕೆ ಬರುವುದಾದರೆ ಲಿಯೋ ಹೊರತುಪಡಿಸಿ, ತಮಿಳಿನ ಮೇಧಾವಿ, ಮಲಯಾಳಂನ ವಿರುನ್ನು ಸೇರಿದಂತೆ ನಾಲ್ಕು ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ.