Sandalwood News: ಜಮೀನು ವಿವಾದ, ಶಿವಮೊಗ್ಗ ಜಿಲ್ಲೆಯ ಕಾಸ್ಪಾಡಿ ಗ್ರಾಮದಲ್ಲಿ ಸ್ಯಾಂಡಲ್‌ವುಡ್‌ ನಟಿ ಅನು ಗೌಡ ಮೇಲೆ ಹಲ್ಲೆ; ಕೇಸ್‌ ದಾಖಲು

ಜಮೀನು ವಿವಾದಕ್ಕೆ ಸಂಬಧಿಸಿದಂತೆ ಸ್ಯಾಂಡಲ್‌ವುಡ್‌ ಪೋಷಕ ನಟಿ ಅನು ಗೌಡ ಮೇಲೆ ಕೆಲವರು ಹಲ್ಲೆ ನಡೆಸಿದ್ದು ಅನು ಈಗ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಶಿವಮೊಗ್ಗ ಜಿಲ್ಲೆ ಸಾಗರ ತಾಲೂಕಿನ ಕಾಸ್ಪಾಡಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.

ಬೆಂಗಳೂರಿನಲ್ಲಿ ನೆಲೆಸಿರುವ ಅನು ಗೌಡ ತಮ್ಮ ಪೋಷಕರೊಂದಿಗೆ ಶಿವಮೊಗ್ಗದ ಕಾಸ್ಪಾಡಿಯಲ್ಲಿ ಜಮೀನು ನೋಡಲು ತೆರಳಿದ್ದರು. ಈ ವೇಳೆ ಮೋಹನ್‌ ಹಾಗೂ ನೀಲಮ್ಮ ಎಂಬ ಸ್ಥಳೀಯರು ಜಮೀನು ವಿಚಾರವಾಗಿ ಅನು ಗೌಡ ಅವರ ಬಳಿ ಕ್ಯಾತೆ ತೆಗೆದಿದ್ದಾರೆ. ಅಲ್ಲದೆ ನಟಿ ಅನು ಗೌಡ ಅವರ ಮೇಲೆ ಇಬ್ಬರೂ ಹಲ್ಲೆ ನಡೆಸಿದ್ದಾರೆ ಎಂದು ಅನು ಪೋಷಕರು ಆರೋಪಿಸಿದ್ದಾರೆ. ಸದ್ಯಕ್ಕೆ ಅನು ಗೌಡ ಅವರನ್ನು ಸಾಗರದ ತಾಲೂಕು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಆಕೆಯ ಮೇಲೆ ಹಲ್ಲೆ ಮಾಡಿದ ಮೋಹನ್‌ ಹಾಗೂ ನೀಲಮ್ಮ ವಿರುದ್ಧ ಸಾಗರ ಪೊಲೀಸ್‌ ಠಾಣೆಯಲ್ಲಿ ಕೇಸ್‌ ದಾಖಲಾಗಿದೆ.

ಅನು ಗೌಡ ಕನ್ನಡದಲ್ಲಿ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸವಿಸವಿ ನೆನಪು, ಸ್ಕೂಲ್‌ ಮಾಸ್ಟರ್‌, ಕೆಂಪೇಗೌಡ, ಸವಿಸವಿ ನೆನಪು, ಸುಗ್ರೀವ, ಹುಡುಗರು, ಸಿನಿಮಾಗಳಲ್ಲಿ ನಟಿಸಿದ್ದಾರೆ. ದಂಡಂ ದಶಗುಣ ಸಿನಿಮಾದಲ್ಲಿ ರಮ್ಯಾ ಅಕ್ಕನಾಗಿ ಅನು ನಟಿಸಿದ್ದಾರೆ. ತಮಿಳು, ತೆಲುಗಿನಲ್ಲಿ ಕೂಡಾ ಅನುಗೌಡ ಗುರುತಿಸಿಕೊಂಡಿದ್ದು ಆಡಾದ ಆಟಮೆಲ್ಲ, ಶಂಕರ್‌ ಮೌನಮಾನ ನೇರಂ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಅನು ಗೌಡ ಮೂಲತ: ಶಿವಮೊಗ್ಗದವರು. ಕಾಸ್ಪಾಡಿಯಲ್ಲಿ ಅವರು ಜಮೀನು ಖರೀದಿಸಿದ್ದು ಸಿನಿಮಾಗಳಿಗಾಗಿ ಬೆಂಗಳೂರಿನಲ್ಲಿ ನೆಲೆಸಿದ್ದರು. ಜಮೀನನ್ನು ಶಿವಮೊಗ್ಗದಲ್ಲೇ ಇರುವ ತಂದೆ ತಾಯಿ ನೋಡಿಕೊಳ್ಳುತ್ತಿದ್ದರು. ಈ ಬಾರಿ ತಂದೆ ತಾಯಿ ಜೊತೆ ಜಮೀನು ನೋಡಲು ಹೋದಾಗ ಈ ಘಟನೆ ನಡೆದಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳು

ಸತ್ಯ ಸಿನಿಮಾ ಟೈಟಲ್‌ ಬಳಸಿದ್ದು ಅವಳನ್ನು ಇಂಪ್ರೆಸ್‌ ಮಾಡುವುದಕ್ಕೆ;ರಾಮ್‌ಗೋಪಾಲ್‌ ವರ್ಮಾ ಪ್ರೀತಿಸುತ್ತಿದ್ದ ಹುಡುಗಿ ಯಾರು

ಜೆಡಿ ಚಕ್ರವರ್ತಿ, ಮನೋಜ್‌ ಬಾಜ್‌ಪೇಯಿ, ಸುರಭ್‌ ಶುಕ್ಲಾ,ಮಕರಂದ್‌ ದೇಶ್‌ಪಾಂಡೆ, ಊರ್ಮಿಳಾ ಮಾತೊಂಡ್ಕರ್‌ ಹಾಗೂ ಇನ್ನಿತರರು ನಟಿಸಿದ್ದ ಹಿಂದಿಯ ಸತ್ಯ ಸಿನಿಮಾ ಆ ಕಾಲಕ್ಕೆ ಸೂಪರ್‌ ಹಿಟ್‌ ಎನಿಸಿಕೊಂಡಿತ್ತು. ಸತ್ಯ ಚಿತ್ರಕ್ಕೆ 25 ವರ್ಷಗಳು ತುಂಬಿದ ಹಿನ್ನೆಲೆ ನಿರ್ದೇಶಕ ರಾಮ್‌ ಗೋಪಾಲ್‌ ವರ್ಮಾ ಫಿಲ್ಮ್‌ ಕಂಪ್ಯಾನಿಯನ್‌ ಎಂಬ ಯೂಟ್ಯೂಬ್‌ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ತಾವು ಆ ಚಿತ್ರಕ್ಕೆ 'ಸತ್ಯ' ಎಂಬ ಟೈಟಲ್‌ ಇಟ್ಟದ್ದು ಏಕೆ ಎಂದು ಹೇಳಿದ್ದಾರೆ. ಆರ್‌ಜಿವಿ ಪ್ರೀತಿಸಿದ ಹುಡುಗಿ ಬಗ್ಗೆ ತಿಳಿಯಲು ಈ ಲಿಂಕ್‌ ಒತ್ತಿ.

ಬಾಲಿವುಡ್‌ ನಟ ಶಾರುಖ್‌ ಖಾನ್‌ಗೆ ಅಪಘಾತ,ಮೂಗಿನ ಸರ್ಜರಿ ಮಾಡಿಸಿ ಮುಂಬೈನ ಮನ್ನತ್‌ನಲ್ಲಿ ರೆಸ್ಟ್‌ ಮಾಡುತ್ತಿರುವ ಕಿಂಗ್‌ಖಾನ್

ಹೆಸರಿಡದ ಸಿನಿಮಾ ಶೂಟಿಂಗ್‌ ಒಂದರಲ್ಲಿ ಭಾಗವಹಿಸಲು ಅಮೆರಿಕದ ಲಾಸ್‌ ಏಂಜಲೀಸ್‌ ತೆರಳಿದ್ದ ಶಾರುಖ್‌ ಖಾನ್‌ಗೆ ಆಕಸ್ಮಿಕವಾಗಿ ಸಣ್ಣ ಅಪಘಾತವಾಗಿದೆ. ಇದರಿಂದ ಅವರ ಮೂಗಿಗೆ ಪೆಟ್ಟಾಗಿದ್ದು ರಕ್ತ ಸುರಿಯಲು ಆರಂಭಿಸಿದೆ. ಕೂಡಲೇ ಶೂಟಿಂಗ್‌ ನಿಲ್ಲಿಸಿ ಅವರು ಆಸ್ಪತ್ರೆಗೆ ತೆರಳಿದ್ದಾರೆ. ವೈದ್ಯರು ಮೂಗಿಗೆ ಸಣ್ಣ ಸರ್ಜರಿ ಮಾಡಿ ರೆಸ್ಟ್‌ ಮಾಡಲು ಹೇಳಿದ್ದಾರೆ. ವೈದ್ಯರ ಸಲಹೆ ಮೇರೆಗೆ ಶಾರುಖ್‌ ಖಾನ್‌ ಶೂಟಿಂಗ್‌ ಕ್ಯಾನ್ಸಲ್‌ ಮಾಡಿ ಮುಂಬೈಗೆ ವಾಪಸಾಗಿದ್ದಾರೆ. ಶಾರುಖ್‌ ಖಾನ್‌ ಆರೋಗ್ಯದ ಬಗ್ಗೆ ತಿಳಿಯಲು ಈ ಲಿಂಕ್‌ ಕ್ಲಿಕ್‌ ಮಾಡಿ.