Kaatera: ‘ಕಾಟೇರ’ ಸೆಲೆಬ್ರಿಟಿ ಶೋ ಹೌಸ್‌ಫುಲ್‌; ಮೆಟ್ಟಿಲ ಮೇಲೆ ಕುಳಿತು ಸಾಮಾನ್ಯನಂತೆ ಸಿನಿಮಾ ವೀಕ್ಷಿಸಿದ ದರ್ಶನ್‌
Jan 04, 2024 09:53 AM IST
Share
Kaatera: ‘ಕಾಟೇರ’ ಸೆಲೆಬ್ರಿಟಿ ಶೋ ಹೌಸ್‌ಫುಲ್‌; ಮೆಟ್ಟಿಲ ಮೇಲೆ ಕುಳಿತು ಸಾಮಾನ್ಯನಂತೆ ಸಿನಿಮಾ ವೀಕ್ಷಿಸಿದ ದರ್ಶನ್‌
- ಕಾಟೇರ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಧೂಳೆಬ್ಬಿಸುತ್ತಿದೆ. ಗಳಿಕೆಯಲ್ಲಿ ನೂರು ಕೋಟಿಯ ಸನಿಹದಲ್ಲಿರುವ ಕಾಟೇರ ಚಿತ್ರವನ್ನು ಸ್ಯಾಂಡಲ್ವುಡ್ ಸೆಲೆಬ್ರಿಟಿಗಳಿಗೂ ತೋರಿಸಲಾಯತು. ಇದೇ ವೇಳೆ ಚಿತ್ರತಂಡ ಕೇಕ್‌ ಕತ್ತರಿಸಿ ಸಂಭ್ರಮಿಸಿತು.
Kaatera: ರಾಬರ್ಟ್‌ ಬಳಿಕ ನಿರ್ದೇಶಕ ತರುಣ್‌ ಕಿಶೋರ್‌ ಸುದೀರ್‌ ಮತ್ತೊಂದು ದೊಡ್ಡ ಗೆಲುವನ್ನೇ ಪಡೆದುಕೊಂಡಿದ್ದಾರೆ. ಕಾಟೇರ ಸಿನಿಮಾ ಜನಮೆಚ್ಚುಗೆಯ ಜತೆಗೆ ಕೋಟಿ ಕೋಟಿ ಕಲೆಕ್ಷನ್‌ ಮಾಡುವುದರ ಜತೆಗೆ ಶತ ಕೋಟಿಯ ಸನಿಹಕೆ ಬಂದು ನಿಂತಿದೆ. ಈ ಖುಷಿಯನ್ನು ಇಡೀ ಚಿತ್ರತಂಡ ಸಂಭ್ರಮಿಸಿತ್ತು. ಸ್ಯಾಂಡಲ್‌ವುಡ್‌ನ ಸೆಲೆಬ್ರಿಟಿಗಳಿಗೆ ಸಿನಿಮಾ ಪ್ರದರ್ಶನಕ್ಕೆ ಆಹ್ವಾನಿಸಿತ್ತು. ಅದರಂತೆ ಚಂದನವನದ ಹಿರಿ ಕಿರಿ ಕಲಾವಿದರೂ ಕಾಟೇರ ಸೆಲೆಬ್ರಿಟಿ ಶೋಗೆ ಆಗಮಿಸಿದ್ದರು.
ಬೆಂಗಳೂರಿನ ಒರಿಯಾನ್‌ ಮಾಲ್‌ನಲ್ಲಿ ಕಾಟೇರ ಸಿನಿಮಾದ ಸೆಲೆಬ್ರಿಟಿ ಶೋ ಆಯೋಜಿಸಲಾಗಿತ್ತು. ಸ್ಯಾಂಡಲ್‌ವುಡ್‌ನಿಂದ ಹಿರಿಯ ನಟಿ ಬಿ ಸರೋಜಾ ದೇವಿ, ರಮೇಶ್‌ ಅರವಿಂದ್‌, ಯೋಗರಾಜ್‌ ಭಟ್‌, ಅಮೂಲ್ಯ ಸೇರಿ ಹತ್ತು ಹಲವು ಕಲಾವಿದರು ಆಗಮಿಸಿ ಸಿನಿಮಾ ವೀಕ್ಷಿಸಿ ಸಂಭ್ರಮಿಸಿದರು. ಅದ್ಯಾವ ಮಟ್ಟಿಗೆ ಜನ ಸೇರಿತ್ತೆಂದರೆ, ಸ್ವತಃ ದರ್ಶನ್‌ಗೂ ಮತ್ತು ನಿರ್ಮಾಪಕ ರಾಕ್‌ಲೈನ್‌ಗೂ ಕುಳಿತುಕೊಳ್ಳಲು ಸೀಟ್‌ ಸಿಕ್ಕಿರಲಿಲ್ಲ. ಮೆಟ್ಟಿಲ ಮೇಲೆ ಕುಳಿತುಕೊಂಡೇ ಸಿನಿಮಾ ವೀಕ್ಷಿಸಿದ್ದಾರೆ. ಸದ್ಯ ಈ ಫೋಟೋ ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
ಯಾರೆಲ್ಲ ಬಂದಿದ್ದರು?
ರಮೇಶ್‌ ಅರವಿಂದ್‌, ಬಿ ಸರೋಜಾದೇವಿ, ನಟಿ ಶ್ರುತಿ, ಮಾಲಾಶ್ರೀ, ಧನಂಜಯ್‌, ವಿನೋದ್‌ ಪ್ರಭಾಕರ್, ಸತೀಶ್‌ ನೀನಾಸಂ, ಅಮೂಲ್ಯ, ಮೇಘಾ ಶೆಟ್ಟಿ, ಧನ್ವೀರ್‌ ಗೌಡ, ಅರವಿಂದ್‌ ಕೆಪಿ ಮತ್ತು ದಿವ್ಯಾ ಉರುಡುಗ, ರಕ್ಷಿತಾ ಪ್ರೇಮ್, ಕುಮಾರ್‌ ಗೋವಿಂದ್‌, ವಿಕ್ರಂ ರವಿಚಂದ್ರನ್‌, ಮನುರಂಜನ್‌ ರವಿಚಂದ್ರನ್‌, ನಿರ್ದೇಶಕರಾದ ಯೋಗರಾಜ್‌ ಭಟ್‌, ಚೇತನ್‌ ಕುಮಾರ್‌, ಕೃಷ್ಣ, ನಿಶ್ವಿಕಾ ನಾಯ್ಡು, ಎಸ್‌ ನಾರಾಯಣ್, ಮೇಘನಾ ಗಾಂವ್ಕರ್‌, ವಸಿಷ್ಠ ಸಿಂಹ, ಹರಿಪ್ರಿಯಾ, ಪ್ರಿಯಾಂಕಾ ಉಪೇಂದ್ರ, ಸುಮಲತಾ, ಅಭಿಷೇಕ್‌ ಅಂಬರೀಶ್‌, ಸಾಧುಕೋಕಿಲ, ದೊಡ್ಡಣ್ಣ ಸೇರಿ ಇನ್ನೂ ಸಾಕಷ್ಟು ಮಂದಿ ಕಾಟೇರ ಸೆಲೆಬ್ರಿಟಿ ಶೋಗೆ ಆಗಮಿಸಿದ್ದರು.
ಕೇಕ್‌ ಕತ್ತರಿಸಿ ಸಂಭ್ರಮ
ಕಾಟೇರ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಹಲವು ದಾಖಲೆಗಳನ್ನು ಬರೆಯುತ್ತ ಮುಂದೆ ಸಾಗುತ್ತಿದೆ. ಶತ ಕೋಟಿಯ ಸನಿಹ ಬಂದಿರುವ ಈ ಚಿತ್ರವನ್ನೀಗ ಸ್ಯಾಂಡಲ್‌ವುಡ್‌ನ ಸೆಲೆಬ್ರಿಟಿಗಳು ಕಣ್ತಂಬಿಕೊಂಡಿದ್ದಾರೆ. ಎಲ್ಲರ ಜತೆ ಕುಳಿತು ಸಿನಿಮಾ ನೋಡಿದ್ದಾರೆ ದರ್ಶನ್‌. ಬಳಿಕ ಇಡೀ ಚಿತ್ರತಂಡ ಕೇಕ್‌ ಕತ್ತರಿಸಿ ಸಂಭ್ರಮಿಸಿದೆ. ಈ ಸಂಭ್ರಮದಲ್ಲಿ ಹಿರಿ ಕಿರಿ ಕಲಾವಿದರ ಸಮಾಗಮವಾಗಿದೆ.