Darshan Thoogudeepa: ಕುರುಕ್ಷೇತ್ರ ಭೀಮ ಪಾತ್ರಧಾರಿ ಮಗಳ ಚಿಕಿತ್ಸೆಗೆ ಹಣದ ಸಹಾಯ ಮಾಡಿದ ದರ್ಶನ್; ಕನ್ನಡದಲ್ಲೇ ಧನ್ಯವಾದ ಹೇಳಿದ ಡ್ಯಾನಿಶ್
Jul 03, 2023 10:25 AM IST
Share
ಡ್ಯಾನಿಶ್ ಮಗಳ ಚಿಕಿತ್ಸೆಗೆ ಹಣದ ಸಹಾಯ ಮಾಡಿದ ದರ್ಶನ್
ಡ್ಯಾನಿಶ್ ಮೂಲತ: ಬಿಹಾರದವರಾದರೂ ಕನ್ನಡ ಸಿನಿಮಾಗಳು ಹಾಗೂ ಕನ್ನಡ ನಟರ ಬಗ್ಗೆ ವಿಶೇಷ ಅಭಿಮಾನವಿದೆ. ಆದ್ದರಿಂದಲೇ ಅವರು ತಮ್ಮ ಟ್ವಿಟ್ಟರ್‌ನಲ್ಲಿ ಕೆಲವೊಮ್ಮೆ ಕನ್ನಡದಲ್ಲೇ ಬರೆದುಕೊಳ್ಳುತ್ತಾರೆ. ಇದೀಗ ಅವರ್ ದರ್ಶನ್ ಹಾಗೂ ರಾಕ್‌ ಲೈನ್‌ ವೆಂಕಟೇಶ್ ಇಬ್ಬರೂ ತಮಗೆ ಮಾಡಿದ ಸಹಾಯವನ್ನು ನೆನೆದು ಟ್ವಿಟ್ಟರ್‌ನಲ್ಲಿ ಕನ್ನಡದಲ್ಲೇ ಮೆಸೇಜ್‌ ಮಾಡಿದ್ದಾರೆ.
ಚಿತ್ರರಂಗದ ಅನೇಕ ಸ್ಟಾರ್ ನಟ ನಟಿಯರು ತಮ್ಮ ಸಹ ನಟರಿಗೆ, ಬಡವರಿಗೆ ಸಾಕಷ್ಟು ಸಹಾಯ ಮಾಡಿದ್ದಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕೂಡಾ ಲೆಕ್ಕವಿಲ್ಲದಷ್ಟು ಜನರಿಗೆ ಹೆಲ್ಪ್‌ ಮಾಡಿದ್ದಾರೆ. ಇದೀಗ ಅವರು ತಮ್ಮ ಸಹನಟ ಡ್ಯಾನಿಶ್ ಅಖ್ತರ್‌ ಮಗಳ ಚಿಕಿತ್ಸೆಗೂ ಸಹಾಯ ಮಾಡಿದ್ದು ದಾಸನ ಕಾರ್ಯಕ್ಕೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಕುರುಕ್ಷೇತ್ರ ಸಿನಿಮಾದಲ್ಲಿ ಡ್ಯಾನಿಶ್ ಅಖ್ತರ್‌ ಸೈಫಿ, ಭೀಮನ ಪಾತ್ರದಲ್ಲಿ ನಟಿಸಿದ್ದರು. ಡ್ಯಾನಿಶ್ ಮೂಲತ: ಬಿಹಾರದವರಾದರೂ ಕನ್ನಡ ಸಿನಿಮಾಗಳು ಹಾಗೂ ಕನ್ನಡ ನಟರ ಬಗ್ಗೆ ವಿಶೇಷ ಅಭಿಮಾನವಿದೆ. ಆದ್ದರಿಂದಲೇ ಅವರು ತಮ್ಮ ಟ್ವಿಟ್ಟರ್‌ನಲ್ಲಿ ಕೆಲವೊಮ್ಮೆ ಕನ್ನಡದಲ್ಲೇ ಬರೆದುಕೊಳ್ಳುತ್ತಾರೆ. ಇದೀಗ ಅವರ್ ದರ್ಶನ್ ಹಾಗೂ ರಾಕ್‌ ಲೈನ್‌ ವೆಂಕಟೇಶ್ ಇಬ್ಬರೂ ತಮಗೆ ಮಾಡಿದ ಸಹಾಯವನ್ನು ನೆನೆದು ಟ್ವಿಟ್ಟರ್‌ನಲ್ಲಿ ಕನ್ನಡದಲ್ಲೇ ಮೆಸೇಜ್‌ ಮಾಡಿದ್ದಾರೆ.
ಕೆಲವು ದಿನಗಳ ಹಿಂದೆ ನನ್ನ ಹೆಣ್ಣು ಮಗುವಿಗೆ ತುಂಬಾ ಅನಾರೋಗ್ಯವಾಗಿತ್ತು, ರಾಕ್‌ಲೈನ್ ವೆಂಕಟೇಶ್ ಸರ್ ನನ್ನ ಮಗುವಿನ ಜೀವ ಉಳಿಸಲು ಸಾಕಷ್ಟು ಸಹಾಯ ಮಾಡಿದ್ದಾರೆ, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸರ್ ಕೂಡಾ ತುಂಬಾ ಸಹಾಯ ಮಾಡಿದ್ದಾರೆ, ನಿಮ್ಮಿಬ್ಬರಿಗೂ ತುಂಬಾ ಧನ್ಯವಾದಗಳು ಎಂದು ಡ್ಯಾನಿಶ್ ಬರೆದುಕೊಂಡಿದ್ದಾರೆ. ಡ್ಯಾನಿಶ್ ಪೋಸ್ಟ್‌ಗೆ ದರ್ಶನ್ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿ ಕಾಮೆಂಟ್‌ ಮಾಡುತ್ತಿದ್ದಾರೆ. ಚಿನ್ನದಂಥ ಗುಣ ಇರುವವರು ನಮ್ಮ ಡಿ ಬಾಸ್‌, ದರ್ಶನ್ ಅವರಿಗೆ ಅವರೇ ಸರಿಸಾಟಿ, ಅವರು ಕಲಿಯುಗ ಕರ್ಣ ಎಂದೆಲ್ಲಾ ಕಾಮೆಂಟ್‌ ಮಾಡುತ್ತಿದ್ದಾರೆ.
ಮಗಳ ಚಿಕಿತ್ಸೆಗೆ ಹಣದ ಸಹಾಯ ಮಾಡಿದ್ದು ಮಾತ್ರವಲ್ಲ, ಕುರುಕ್ಷೇತ್ರ ಚಿತ್ರದಲ್ಲಿ ಡ್ಯಾನಿಶ್ ಅಖ್ತರ್‌ ಸೈಫಿಗೆ, ಭೀಮನ ಪಾತ್ರ ದೊರೆಯಲು ದರ್ಶನ್ ಅವರೇ ಕಾರಣ. ಸಿನಿಮಾವೊಂದರ ಚಿತ್ರೀಕರಣಕ್ಕಾಗಿ ದರ್ಶನ್ ಹೈದರಾಬಾದ್‌ಗೆ ಹೋದಾಗ ಹೋಟೆಲ್‌ ಜಿಮ್‌ನಲ್ಲಿ ಡ್ಯಾನಿಶ್ ಪರಿಚಯವಾಗಿದ್ದಾರೆ. ಆ ಸಮಯದಲ್ಲಿ ಸಿಯಾ ಕೇ ಧಾರಾವಾಹಿಯಲ್ಲಿ ಡ್ಯಾನಿಶ್ ಹನುಮಂತನ ಪಾತ್ರದಲ್ಲಿ ನಟಿಸುತ್ತಿದ್ದರು. ಅದೇ ಸಮಯಕ್ಕೆ ಕುರುಕ್ಷೇತ್ರ ಚಿತ್ರದ ಭೀಮನ ಪಾತ್ರಕ್ಕೆ ನಟನೊಬ್ಬನನ್ನು ಹುಡುಕಲಾಗುತ್ತಿತ್ತು. ಆಗ ದರ್ಶನ್ , ಡ್ಯಾನಿಶ್ ಹೆಸರನ್ನು ಸೂಚಿಸಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳು
ಸ್ಟಾರ್ ನಟನ ಮಗನಿಂದ ಕಿರುಕುಳ ಅನುಭವಿಸ್ತಿದ್ದಾರಂತೆ ಉಪ್ಪೆನ ಚೆಲುವೆ;ಆತ ಯಾರೆಂದು ತಿಳಿದುಕೊಳ್ಳುವ ಸಾಹಸದಲ್ಲಿ ಅಭಿಮಾನಿಗಳು
ಉಪ್ಪೆನ ಬಳಿಕ ಆಕೆ ನಟಿಸಿದ ಸಿನಿಮಾಗಳು ಅಷ್ಟು ಸದ್ದು ಮಾಡದಿದ್ದರೂ ಈ ಬ್ಯೂಟಿಗೆ ಅವಕಾಶಗಳೇನೂ ಕಡಿಮೆ ಆಗಿಲ್ಲ. ಆದರೆ ಈಕೆ ಮಾತ್ರ ಬಂದ ಅವಕಾಶಗಳನ್ನೆಲ್ಲಾ ಒಪ್ಪಿಕೊಳ್ಳದೆ ಕಥೆ, ಹೀರೋ , ಪ್ರೊಡಕ್ಷನ್‌ ಹೌಸ್‌ ಎಲ್ಲವನ್ನೂ ಅಳೆದು ಲೆಕ್ಕಾಚಾರ ಮಾಡಿ ನಂತರವಷ್ಟೇ ಸಿನಿಮಾಗೆ ಒಪ್ಪಿಗೆ ಸೂಚಿಸುತ್ತಿದ್ದಾರೆ. ಆದರೆ ಇತ್ತೀಚೆಗೆ ಕೃತಿ ಶೆಟ್ಟಿಗೆ ಸ್ಟಾರ್ ನಟನ ಮಗನೊಬ್ಬ ಕರೆ ಮಾಡಿ ಕಿರುಕುಳ ನೀಡುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಕೃತಿ ಶೆಟ್ಟಿ ಬಗ್ಗೆ ಪೂರ್ತಿ ಮಾಹಿತಿಗೆ ಈ ಲಿಂಕ್‌ ಒತ್ತಿ.
ಧನ್ಯಾ ಬಾಲಕೃಷ್ಣ ಬಾಲಾಜಿ ಮೋಹನ್‌ ಮದುವೆ ವಿವಾದ; ಕಾಲಿವುಡ್ ಜೋಡಿಯ ಕ್ಷಮೆ ಯಾಚಿಸಿದ ಯೂಟ್ಯೂಬರ್‌ ಕಲ್ಪಿಕಾ ಗಣೇಶ್‌
ಯೂಟ್ಯೂಬರ್‌ ಕಲ್ಪಿಕಾ ಗಣೇಶ್‌ ತಮ್ಮ ವಾಹಿನಿಯಲ್ಲಿ ಧನ್ಯಾ ಬಾಲಾಜಿ ಮದುವೆ ವಿಚಾರವನ್ನು ರಿವೀಲ್‌ ಮಾಡಿದ್ದರು. ಜೊತೆಗೆ ಧನ್ಯಾ ಬಾಲಕೃಷ್ಣ ಬಗ್ಗೆ ನಕಾರಾತ್ಮಕವಾಗಿ ಮಾತನಾಡಿದ್ದರು. ತಮ್ಮ ಹಾಗೂ ಪತ್ನಿ ಬಗ್ಗೆ ಕಲ್ಪಿಕಾ ಈ ರೀತಿ ಹೇಳಿಕೆ ನೀಡಿದ್ದಕ್ಕೆ ನಿರ್ದೇಶಕ ಬಾಲಾಜಿ, ಕಲ್ಪಿಕಾ ಗಣೇಶ್‌ ವಿರುದ್ಧ ಮಾನನಷ್ಟ ಮೊಕದ್ದಮೆ ಹೂಡಿದ್ದರು. ತಮಗೆ ಕಾನೂನು ಸಮಸ್ಯೆ ಎದುರಾದ ಹಿನ್ನೆಲೆ ಇದೀಗ ಕಲ್ಪಿಕಾ ಗಣೇಶ್‌ ಸೆಲ್ಫಿ ವಿಡಿಯೋವೊಂದನ್ನು ಮಾಡಿ ಕ್ಷಮೆ ಕೇಳಿದ್ದಾರೆ. ಈ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ. ಪೂರ್ತಿ ಸ್ಟೋರಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ.