Sandalwood News: ಬರ್ತಿದೆ ಸಂಜು ವೆಡ್ಸ್‌ ಗೀತಾ ಸೀಕ್ವೆಲ್‌; ನಾಯಕಿಯಾಗಿ ಮೋಹಕ ತಾರೆ ರಮ್ಯಾ ಬದಲಿಗೆ ಡಿಂಪಲ್‌ ಕ್ವೀನ್‌ ರಚಿತಾ ರಾಮ್?
Jul 19, 2023 10:52 AM IST
Share
ಸಂಜು ವೆಡ್ಸ್‌ ಗೀತಾ ಸೀಕ್ವೆಲ್‌ನಲ್ಲಿ ರಮ್ಯಾ ಬದಲಿಗೆ ರಚಿತಾ ನಟನೆ?
ಮೂಲಗಳ ಪ್ರಕಾರ 'ಸಂಜು ವೆಡ್ಸ್‌ ಗೀತಾ' ಪಾರ್ಟ್‌ 2ನಲ್ಲಿ ರಮ್ಯಾ ನಟಿಸುವುದು ಅನುಮಾನ ಎನ್ನಲಾಗಿದೆ. ರಮ್ಯಾ ಬದಲಿಗೆ ಡಿಂಪಲ್‌ ಹುಡುಗಿ ರಚಿತಾ ರಾಮ್ ಈ ಚಿತ್ರದಲ್ಲಿ ನಟಿಸಲಿದ್ದಾರಂತೆ. ಈಗಾಗಲೇ ಚಿತ್ರತಂಡ ರಚಿತಾ ಜೊತೆ ಮಾತುಕತೆ ನಡೆಸಿದ್ದು ರಚಿತಾ ಕೂಡಾ ಈ ಚಿತ್ರದಲ್ಲಿ ನಟಿಸಲು ಒಪ್ಪಿದ್ದಾರೆ ಎನ್ನಲಾಗುತ್ತಿದೆ.
ಸೂಪರ್‌ ಹಿಟ್‌ ಎನಿಸಿಕೊಂಡ ಅನೇಕ ಸಿನಿಮಾಗಳ ಸೀಕ್ವೆಲ್‌ ತಯಾರಾಗಿವೆ. ಕನ್ನಡದಲ್ಲಿ ಕೂಡಾ ಇಂತಹ ಅನೇಕ ಸಿನಿಮಾಗಳು ಬಂದಿವೆ. ಇದೀಗ 2011ರಲ್ಲಿ ರಿಲೀಸ್‌ ಆದ ರಮ್ಯಾ ಹಾಗೂ ಶ್ರೀ ನಗರ ಕಿಟ್ಟಿ ನಟನೆಯ 'ಸಂಜು ವೆಡ್ಸ್‌ ಗೀತಾ' ಸಿನಿಮಾ ಸೀಕ್ವೆಲ್‌ ತಯಾರಾಗುತ್ತಿದೆ. ಸಿನಿಮಾ ಸೆಟ್ಟೇರುತ್ತಿದೆ ಎಂದು ತಿಳಿದು ರಮ್ಯಾ ಅಭಿಮಾನಿಗಳು ಎಕ್ಸೈಟ್‌ ಆಗಿದ್ದಾರೆ.
ನಾಗಶೇಖರ್‌ ನಿರ್ದೇಶನದ ಸಿನಿಮಾ
'ಸಂಜು ವೆಡ್ಸ್‌ ಗೀತಾ' ಚಿತ್ರವನ್ನು ನಾಗಶೇಖರ್‌ ನಿರ್ದೇಶಿಸಿದ್ದರು. ಸೀಕ್ವೆಲ್‌ಗಾಗಿ ನಿರ್ದೇಶಕ ನಾಗಶೇಖರ್‌ ಎಲ್ಲಾ ತಯಾರಿ ಮಾಡಿಕೊಂಡಿದ್ದು ಕೆಲವೇ ದಿನಗಳಲ್ಲಿ ಚಿತ್ರೀಕರಣ ಆರಂಭವಾಗಲಿದೆಯಂತೆ. ಜುಲೈ 8 ರಂದು ಶ್ರೀನಗರ ಕಿಟ್ಟಿ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರು. ಆ ದಿನ ನಾಗಶೇಖರ್‌ ಸಂಜು ವೆಡ್ಸ್‌ ಗೀತಾ ಪಾರ್ಟ್‌ 2 ಬಗ್ಗೆ ಸುಳಿವು ನೀಡಿದ್ದರು. ಒಂದು ಪೋಸ್ಟರ್‌ ಕೂಡಾ ರಿಲೀಸ್‌ ಮಾಡಿದ್ದರು. ಸಾಮಾನ್ಯವಾಗಿ ನಟ ನಟಿಯರ ಬರ್ತ್‌ಡೇಗೆ ಅವರ ಹೊಸ ಸಿನಿಮಾ ಅಥವಾ ಬೇರೆ ಅಪ್‌ಡೇಟ್‌ ದೊರೆಯುತ್ತದೆ. ಅದರೆ ಅದು ಕಾರ್ಯರೂಪಕ್ಕೆ ಬರುವುದು ಬಹಳ ತಡವಾಗುತ್ತದೆ. ಸಂಜು ವೆಡ್ಸ್‌ ಗೀತಾ ಸೀಕ್ವೆಲ್‌ ಕೂಡಾ ತಡವಾಗಿ ಸೆಟ್ಟೇರಬಹುದು ಎಂದುಕೊಂಡವರೇ ಹೆಚ್ಚು.
ಆಗಸ್ಟ್‌ 15ಕ್ಕೆ ಸೀಕ್ವೆಲ್‌ ಮುಹೂರ್ತ
ಆದರೆ ನಾಗಶೇಖರ್‌ ಚಿತ್ರವನ್ನು ಅಧಿಕೃತವಾಗಿ ಅನೌನ್ಸ್‌ ಮಾಡಿದ್ದಾರೆ. ಆಗಸ್ಟ್‌ 15 ರಂದು ಸಿನಿಮಾ ಮುಹೂರ್ತ ಎಂದು ಹೇಳಿದ್ದಾರೆ. ಇದೀಗ ಈ ಚಿತ್ರಕ್ಕೆ ರಮ್ಯಾ ಅವರೇ ನಾಯಕಿ ಆಗುತ್ತಾರಾ ಎನ್ನುವುದು ದೊಡ್ಡ ಪ್ರಶ್ನೆ ಆಗಿದೆ. ಮೂಲಗಳ ಪ್ರಕಾರ 'ಸಂಜು ವೆಡ್ಸ್‌ ಗೀತಾ' ಪಾರ್ಟ್‌ 2ನಲ್ಲಿ ರಮ್ಯಾ ನಟಿಸುವುದು ಅನುಮಾನ ಎನ್ನಲಾಗಿದೆ. ರಮ್ಯಾ ಬದಲಿಗೆ ಡಿಂಪಲ್‌ ಹುಡುಗಿ ರಚಿತಾ ರಾಮ್ ಈ ಚಿತ್ರದಲ್ಲಿ ನಟಿಸಲಿದ್ದಾರಂತೆ. ಈಗಾಗಲೇ ಚಿತ್ರತಂಡ ರಚಿತಾ ಜೊತೆ ಮಾತುಕತೆ ನಡೆಸಿದ್ದು ರಚಿತಾ ಕೂಡಾ ಈ ಚಿತ್ರದಲ್ಲಿ ನಟಿಸಲು ಒಪ್ಪಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಅಂತಿಮವಾಗಿ ಅಧಿಕೃತವಾಗಿ ಯಾವ ನಟಿಯ ಹೆಸರನ್ನು ರಾಜಶೇಖರ್‌ ಅನೌನ್ಸ್‌ ಮಾಡಲಿದ್ದಾರೆ ಕಾದು ನೋಡಬೇಕು.
ರಮ್ಯಾ ಬದಲಿಗೆ ರಚಿತಾ ರಾಮ್?
12 ವರ್ಷಗಳ ಹಿಂದೆ ತೆರೆ ಕಂಡಿದ್ದ 'ಸಂಜು ವೆಡ್ಸ್‌ ಗೀತಾ' ಲವ್‌ ಸ್ಟೋರಿ ಸಿನಿಮಾಭಿಮಾನಿಗಳಿಗೆ ಬಹಳ ಇಷ್ಟವಾಗಿತ್ತು. ಈ ಚಿತ್ರದ ಹಾಡುಗಳು , ಡೈಲಾಗ್‌ಗಳು ಯುವ ಹೃದಯಗಳಿಗೆ ಬಹಳ ಮೆಚ್ಚುಗೆ ಆಗಿತ್ತು. ಈ ಚಿತ್ರದ ಸೀಕ್ವೆಲ್‌ ಬರುತ್ತಿದೆ ಎಂದು ತಿಳಿದ ಸಿನಿಪ್ರಿಯರು ಖುಷಿ ಆಗಿದ್ದಾರೆ. ಆದರೆ ಕೆಲವರು ಮಾತ್ರ ರಮ್ಯಾ ಅವರೇ ಸೀಕ್ವೆಲ್‌ನಲ್ಲಿ ನಟಿಸಿದರೆ ಅದಕ್ಕೊಂದು ಅರ್ಥ ಇರುತ್ತದೆ ಎಂದು ಹೇಳುತ್ತಿದ್ದಾರೆ. ನಿರ್ದೇಶಕ ರಾಜಶೇಖರ್‌ ಅಭಿಮಾನಿಗಳ ಬೇಡಿಕೆಯನ್ನು ಈಡೇರಿಸಲಿದ್ದಾರಾ ಎಂಬುದನ್ನು ಕಾದು ನೋಡಬೇಕು.