Pavan Wadeyar: ನಿರ್ದೇಶಕ ಪವನ್‌ ಒಡೆಯರ್ ಅಪೇಕ್ಷಾ ಪುರೋಹಿತ್‌ ದಂಪತಿಯ ಮಡಿಲು ತುಂಬಿದ ಮತ್ತೊಂದು ಪುಟ್ಟ ಕಂದ

Pavan Wadeyar: ಸ್ಯಾಂಡಲ್‌ವುಡ್‌ ನಿರ್ದೇಶಕ ಪವನ್‌ ಒಡೆಯರ್‌ ಮತ್ತು ಅಪೇಕ್ಷಾ ಪುರೋಹಿತ್‌ ದಂಪತಿ ಸಂಭ್ರಮದಲ್ಲಿದ್ದಾರೆ. ಈ ಜೋಡಿಯ ಮಡಿಲಿಗೆ ಇಂದು (ಜು. 5) ಮತ್ತೊಂದು ಮುದ್ದಾದ ಮಗು ಆಗಮಿಸಿದೆ. ಈ ವಿಚಾರವನ್ನು ನಿರ್ದೇಶಕ ಪವನ್‌ ಒಡೆಯರ್‌, ಹೆಣ್ಣು ಮಗುವಿನ ಆಗಮನ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಪೋಸ್ಟ್‌ ಹಂಚಿಕೊಂಡಿದ್ದಾರೆ.

ಕಳೆದ ಕೆಲ ದಿನಗಳ ಹಿಂದಷ್ಟೇ ಪ್ರಗ್ನೆನ್ಸ್‌ ಫೋಟೋಶೂಟ್‌ ಮೂಲಕ ಫೋಟೋ ಹಂಚಿಕೊಂಡು, ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿದ್ದೇವೆ ಎಂದು ನಟಿ ಅಪೇಕ್ಷಾ ಪೋಸ್ಟ್‌ ಮಾಡಿದ್ದರು. ಅದಾಗಿ ಕಳೆದ ಮೂರು ದಿನಗಳ ಹಿಂದಷ್ಟೇ ಸರಳವಾಗಿ ಮನೆಯಲ್ಲಿಯೇ ಸೀಮಂತ ಕಾರ್ಯವನ್ನೂ ನೆರವೇರಿಸಿಕೊಂಡಿದ್ದರು.

ಇದನ್ನೂ ಓದಿ: ಮುಂಬೈ ಏರ್‌ಪೋರ್ಟ್‌ನಲ್ಲಿ ಶಾರುಖ್‌ ಖಾನ್‌ ಪ್ರತ್ಯಕ್ಷ;ಮೂಗಿಗೆ ಬ್ಯಾಂಡೇಜ್‌ ಇಲ್ಲದ್ದನ್ನು ನೋಡಿ ಕನ್ಫ್ಯೂಸ್‌ ಆದ ಫ್ಯಾನ್ಸ್

ಇದೀಗ ಶುಭ ಗಳಿಗೆಯಲ್ಲಿ ಅಪೇಕ್ಷಾ ಅವರ ಹೆರಿಗೆಯಾಗಿದ್ದು, ಹೆಣ್ಣು ಮಗುವನ್ನು ಬರಮಾಡಿಕೊಂಡಿದ್ದಾರೆ. ಈಗಾಗಲೇ ಗಂಡು ಮಗು ಹೊಂದಿದ್ದ ಈ ಜೋಡಿಗೆ ಇದೀಗ ಹೆಣ್ಣು ಮಗುವೇ ಬೇಕಿತ್ತು. ಜೋಡಿಯ ಬಯಕೆಯಂತೆ ಹೆಣ್ಣು ಮಗುವಿನ ಜನನವಾಗಿದ್ದು, ಖುಷಿಯ ಅಲೆಯಲ್ಲಿ ತೇಲುತ್ತಿದ್ದಾರೆ.

ಸೋಷಿಯಲ್‌ ಮೀಡಿಯಾದಲ್ಲಿಯೂ ಶುಭಾಶಯದ ಸಂದೇಶಗಳು ರವಾನೆಯಾಗುತ್ತಿವೆ. ಕೆಲವು ಸಿನಿಮಾ ತಾರೆಯರು ಪವನ್‌ ಅವರ ಪೋಸ್ಟ್‌ಗೆ ಪ್ರತಿಕ್ರಿಯಿಸಿದ್ದಾರೆ. ಸಿನಿಮಾ ಮಂದಿ ಜತೆಗೆ ನೆಟ್ಟಿಗರೂ ಈ ಜೋಡಿಗೆ ಶುಭಹಾರೈಸುತ್ತಿದೆ.

2018ರ ಆಗಸ್ಟ್‌ನಲ್ಲಿ ಅಪೇಕ್ಷಾ ಮತ್ತು ಪವನ್‌ ಒಡೆಯರ್‌ ಸಪ್ತಪದಿ ತುಳಿದು ಶಾಸ್ತ್ರೋಕ್ತವಾಗಿ ಮದುವೆ ಆಗಿದ್ದರು. ಹೀಗೆ ಮದುವೆ ಆದ ಎರಡು ವರ್ಷದ ಬಳಿಕ ಅಂದರೆ 2020ರ ಡಿಸೆಂಬರ್‌ 10ರಂದು ಅಪೇಕ್ಷಾ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಇದೀಗ ಹೆಣ್ಣು ಮಗುವನ್ನು ಬರಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ನಿರ್ಮಾಪಕ ಎನ್‌ ಕುಮಾರ್‌ ಆರೋಪಕ್ಕೆ ಪ್ರತ್ಯುತ್ತರವಾಗಿ ಟ್ವಿಟ್ಟರ್‌ನಲ್ಲಿ ಪೋಸ್ಟ್‌ ಹಂಚಿಕೊಂಡ್ರಾ ಸುದೀಪ್‌; ಅಭಿಮಾನಿಗಳು ಹೇಳಿದ್ದೇನು?

ಸಿನಿಮಾ ಕಿರುತೆರೆಯಲ್ಲಿ ಗುರುತಿಸಿಕೊಂಡಿದ್ದ ಅಪೇಕ್ಷಾ ಹಲವು ಧಾರಾವಾಹಿಗಳಲ್ಲಿ ಮತ್ತು ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ. ಮದುವೆ ಬಳಿಕ ನಟನೆಯಿಂದ ದೂರ ಉಳಿದರೂ, ಪತಿ ಪವನ್‌ ಒಡೆಯರ್‌ ನಿರ್ಮಾಣದ ಸಿನಿಮಾಗಳತ್ತ ಗಮನ ಹರಿಸಿದ್ದಾರೆ. ಫ್ಯಾಷನ್‌ ಡಿಸೈನರ್‌ ಆಗಿ ಗುರುತಿಸಿಕೊಂಡಿದ್ದಾರೆ. ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ರೇಮೊ ಚಿತ್ರದ ಬಳಿಕ ಪವನ್‌ ಒಡೆಯರ್‌ ಬಾಲಿವುಡ್ ಸಿನಿಮಾವೊಂದರ ಕೆಲಸಗಳಲ್ಲಿ ಬಿಜಿಯಾಗಿದ್ದಾರೆ.

ಸಿನಿಮಾ ಸಂಬಂಧಿ ಈ ಸುದ್ದಿಗಳನ್ನೂ ಓದಿ

ಜಮೀನು ವಿವಾದ, ಶಿವಮೊಗ್ಗ ಜಿಲ್ಲೆಯ ಕಾಸ್ಪಾಡಿ ಗ್ರಾಮದಲ್ಲಿ ಸ್ಯಾಂಡಲ್‌ವುಡ್‌ ನಟಿ ಅನು ಗೌಡ ಮೇಲೆ ಹಲ್ಲೆ; ಕೇಸ್‌ ದಾಖಲು

ಜಮೀನು ವಿವಾದಕ್ಕೆ ಸಂಬಧಿಸಿದಂತೆ ಸ್ಯಾಂಡಲ್‌ವುಡ್‌ ಪೋಷಕ ನಟಿ ಅನು ಗೌಡ ಮೇಲೆ ಕೆಲವರು ಹಲ್ಲೆ ನಡೆಸಿದ್ದು ಅನು ಈಗ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಶಿವಮೊಗ್ಗ ಜಿಲ್ಲೆ ಸಾಗರ ತಾಲೂಕಿನ ಕಾಸ್ಪಾಡಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಬೆಂಗಳೂರಿನಲ್ಲಿ ನೆಲೆಸಿರುವ ಅನು ಗೌಡ ತಮ್ಮ ಪೋಷಕರೊಂದಿಗೆ ಶಿವಮೊಗ್ಗದ ಕಾಸ್ಪಾಡಿಯಲ್ಲಿ ಜಮೀನು ನೋಡಲು ತೆರಳಿದ್ದರು. ಈ ವೇಳೆ ಮೋಹನ್‌ ಹಾಗೂ ನೀಲಮ್ಮ ಎಂಬ ಸ್ಥಳೀಯರು ಜಮೀನು ವಿಚಾರವಾಗಿ ಅನು ಗೌಡ ಅವರ ಬಳಿ ಕ್ಯಾತೆ ತೆಗೆದಿದ್ದಾರೆ. ಅಲ್ಲದೆ ನಟಿ ಅನು ಗೌಡ ಅವರ ಮೇಲೆ ಇಬ್ಬರೂ ಹಲ್ಲೆ ನಡೆಸಿದ್ದಾರೆ ಎಂದು ಅನು ಪೋಷಕರು ಆರೋಪಿಸಿದ್ದಾರೆ. ಸದ್ಯಕ್ಕೆ ಅನು ಗೌಡ ಅವರನ್ನು ಸಾಗರದ ತಾಲೂಕು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಆಕೆಯ ಮೇಲೆ ಹಲ್ಲೆ ಮಾಡಿದ ಮೋಹನ್‌ ಹಾಗೂ ನೀಲಮ್ಮ ವಿರುದ್ಧ ಸಾಗರ ಪೊಲೀಸ್‌ ಠಾಣೆಯಲ್ಲಿ ಕೇಸ್‌ ದಾಖಲಾಗಿದೆ. ಪೂರ್ಣ ವಿವರಕ್ಕೆ ಇಲ್ಲಿ ಕ್ಲಿಕ್‌ ಮಾಡಿ