Vinod Raj Car Collections: ಲೀಲಾವತಿ ಪುತ್ರ ವಿನೋದ್‌ ರಾಜ್‌ ಬಳಿ ಇವೆ ಹಲವು ಕಾರ್‌ಗಳು; ಅದಕ್ಕಾಗಿಯೇ ನಿರ್ಮಿಸಲಾಗಿದೆ ಬೃಹತ್‌ ಶೆಡ್‌
Jun 09, 2023 05:45 PM IST
Share
ಲೀಲಾವತಿ ಪುತ್ರ ವಿನೋದ್‌ ರಾಜ್‌ ಬಳಿ ಇವೆ ಹಲವು ಕಾರ್‌ಗಳು; ಅದಕ್ಕಾಗಿಯೇ ನಿರ್ಮಿಸಲಾಗಿದೆ ಬೃಹತ್‌ ಶೆಡ್‌
- ನಟನೆಯಿಂದ ದೂರವೇ ಉಳಿದಿರುವ ವಿನೋದ್‌ ರಾಜ್‌ ಅಮ್ಮನ ಜತೆಗೆ ಸೋಲದೇವನಹಳ್ಳಿಯಲ್ಲಿ ವಾಸವಾಗಿದ್ದಾರೆ. ಇವರ ಬಳಿ ಒಂದಕ್ಕಿಂತ ಒಂದು ಭಿನ್ನ ಎನಿಸುವ ಕಾರ್‌ ಕಲೆಕ್ಷನ್ಸ್‌ ಸಹ ಇದೆ.
Vinod Raj Car Collections: ಸಿನಿಮಾ ನಟರೆಂದರೆ ಅಲ್ಲಿ ಐಷಾರಾಮಿ ಮನೆ, ಒಂದಕ್ಕಿಂತ ಒಂದು ವಿಭಿನ್ನ ಕಾರುಗಳು, ಬಗೆಬಗೆ ಸಾಕು ನಾಯಿಗಳು ಹೀಗೆ ಇನ್ನೂ ಏನೆನೋ ಕಾಣಸಿಗುತ್ತವೆ. ಕೋಟಿ ಬೆಲೆ ಬಾಳುವ ಕಾರ್‌ಗಳನ್ನು ಹೊಂದಿದ ಕನ್ನಡದ ನಟರೂ ಇದ್ದಾರೆ. ಅದೇ ರೀತಿ ನಾವೀಗ ಸಿನಿಮಾದಿಂದ ದೂರವೇ ಉಳಿದು, ಅಮ್ಮನ ಆರೈಕೆಯಲ್ಲಿ ತೊಡಗಿಸಿಕೊಂಡಿರುವ ವಿನೋದ್‌ ರಾಜ್‌ ಅವರ ಬಳಿಯೂ ಹತ್ತು ಹಲವು ಕಾರ್‌ಗಳಿವೆ.
ಸಿನಿಮಾ ಕ್ಷೇತ್ರದಿಂದ ದೂರವೇ ಉಳಿದಿರುವ ವಿನೋದ್‌ ರಾಜ್‌ ಸದಾ ಒಂದಲ್ಲ ಒಂದು ವಿಚಾರಕ್ಕೆ ಸುದ್ದಿಯಲ್ಲಿರುತ್ತಾರೆ. ಅದರಲ್ಲೂ ಇತ್ತೀಚಿನ ಕೆಲ ದಿನಗಳಿಂದ ತಮ್ಮ ಮದುವೆ ವಿಚಾರಕ್ಕೆ ಮುನ್ನಲೆಗೆ ಬಂದಿದ್ದರು. ಇದೀಗ ಕಾರ್‌ಗಳ ವಿಚಾರಕ್ಕೂ ಇವರು ಸುದ್ದಿಯಲ್ಲಿದ್ದಾರೆ. ಹಲವು ಕಾರ್‌ಗಳು ಇವರ ಶೆಡ್‌ನಲ್ಲಿವೆ.
ನೆಲಮಂಗಲದ ಸೋಲದೇವನಹಳ್ಳಿಯಲ್ಲಿ ಅಮ್ಮ ಲೀಲಾವತಿ ಅವರ ಜತೆಗೆ ವಾಸವಿರುವ ವಿನೋದ್‌ ರಾಜ್‌ ಅವರಿಗೆ, ಮೊದಲಿಂದಲೂ ಕಾರ್‌ ಮೇಲೆ ವಿಶೇಷ ವ್ಯಾಮೋಹ. ನೆಚ್ಚಿನ ಕಾರ್‌ಗಳನ್ನೆಲ್ಲ ಮನೆಯಲ್ಲಿರಿಸಿಕೊಂಡಿದ್ದಾರವರು. ಟಾಟಾ ಇನ್ನೋವಾದಿಂದ ಆಡಿ ಕ್ಯೂ 7 ಕಾರ್‌ಗಳೂ ಇವರ ಬಳಿ ಇವೆ. ಈ ಎಲ್ಲ ಕಾರುಗಳು ಹೊಸವೇನಲ್ಲ. ಎಲ್ಲವೂ ಥರ್ಡ್‌ ಪಾರ್ಟಿಯಿಂದ ಖರೀದಿ ಮಾಡಿದ ಗಾಡಿಗಳೇ ಎಂದು ಸ್ವತಃ ವಿನೋದ್‌ ಹೇಳಿಕೊಂಡಿದ್ದಾರೆ.
ಆಫ್‌ ರೋಡ್‌ ಡ್ರೈವ್‌ಗೆ ಅಂತಾನೇ ಫೇಮಸ್‌ ಆಗಿರುವ ಅಡ್ವೆಂಚರ್ಸ್‌ ಮಿಕ್ಸಿಬಿಷಿ ಚಾಲೆಂಜರ್‌ ಕಾರು ವಿನೋದ್‌ ರಾಜ್‌ ಬಳಿ ಇದೆ. ಬಂಡೆ ಕಲ್ಲುಗಳ ಮೇಲೆ ಸರಾಗವಾಗಿ ಹೋಗುವ ಈ ಕಾರು ಸಖತ್‌ ಪವರ್‌ಫುಲ್‌. ಅದೇ ರೀತಿ ವೋಕ್ಸ್‌ವ್ಯಾಗನ್‌, ಇನ್ನೋವಾ, ಸ್ಕಾರ್ಪಿಯೋ, ಒಮಿನಿ ಹೀಗೆ ಇನ್ನೂ ಹಲವು ಕಾರ್‌ಗಳು ವಿನೋದ್‌ ಅವರ ಬಳಿ ಇವೆ.
ಸಿನಿಮಾ ಸಂಬಂಧಿ ಈ ಸುದ್ದಿಯನ್ನೂ ಓದಿ
Family Gang stars: ಮತ್ತೆ ಕಿರುತೆರೆಗೆ ಬಂದ ಸೃಜನ್‌ ಲೋಕೇಶ್‌; ಕಲರ್ಸ್ ಕನ್ನಡದ ವಾರಾಂತ್ಯ ಶೋ ಫ್ಯಾಮಿಲಿ ಗ್ಯಾಂಗ್ ಸ್ಟಾರ್ಸ್‌ಗೆ ಸಾರಥ್ಯ
Colors Kananda: ಹೆಸರು ಕೇಳಿ ಇದೇನು ಮಾಫಿಯಾ ಕುರಿತ ಶೋನಾ ಅಂತ ತಲೆ ಕೆಡಿಸಿಕೊಳ್ಳಬೇಡಿ. ಯಾಕಂದ್ರೆ ಕಲರ್ಸ್ ಕನ್ನಡದ ಹೊಚ್ಚ ಹೊಸ ಶೋ 'ಫ್ಯಾಮಿಲಿ ಗ್ಯಾಂಗ್ ಸ್ಟಾರ್ಸ್' (Family Gangstars) ಇಲ್ಲಿರೋದು ಗ್ಯಾಂಗ್ ಮತ್ತು ಸ್ಟಾರ್ಸ್ ಅಷ್ಟೇ! ನಿಮ್ಮ ವಾರಾಂತ್ಯಗಳ ಖುಷಿ ಹೆಚ್ಚಿಸಲಿರುವ ಈ ಹೊಸ ಗೇಮ್ ಶೋ ಇದೇ ಶನಿವಾರ ಅಂದರೆ ಜೂನ್ 10ರಂದು ಶುರುವಾಗಲಿದೆ. ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 9 ಗಂಟೆಗೆ ಈ ಶೋ ಪ್ರಸಾರಗೊಳ್ಳಲಿದೆ. ಪೂರ್ಣ ಓದಿಗೆ ಇಲ್ಲಿ ಕ್ಲಿಕ್‌ ಮಾಡಿ
ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರನ್ನು ಭೇಟಿ ಮಾಡಿದ ಸಮಂತಾ ರುತು ಪ್ರಭು, ಬಾಲಿವುಡ್ ನಟ ವರುಣ್‌ ಧವನ್‌
Samantha Ruth Prabhu: ಟಾಲಿವುಡ್ ಬ್ಯೂಟಿ ಸಮಂತಾ ರುತು ಪ್ರಭುವಿಗೆ ಚಿತ್ರರಂಗಕ್ಕೆ ಬಂದ ಆರಂಭದ ದಿನಗಳಂತೆ ಈಗಲೂ ಸಿನಿಮಾಗಳಲ್ಲಿ ಬಹಳ ಬೇಡಿಕೆ ಇದೆ. ತಮಿಳು, ತೆಲುಗು ಸಿನಿಮಾಗಳಲ್ಲಿ ಮಾತ್ರವಲ್ಲದೆ ಈಗ ಬಾಲಿವುಡ್ ಹಾಗೂ ಇಂಗ್ಲೀಷ್‌ ಸಿನಿಮಾಗಲ್ಲಿ ಕೂಡಾ ಅವಕಾಶ ಪಡೆಯುತ್ತಿದ್ದಾರೆ. ವೆಬ್‌ ಸೀರೀಸ್‌ಗಳಲ್ಲೂ ನಟಿಸುತ್ತಿದ್ದಾರೆ. ಈ ನಡುವೆ ಸಮಂತಾ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರನ್ನು ಭೇಟಿ ಮಾಡಿ ಬಂದಿದ್ದಾರೆ. ಪೂರ್ಣ ಓದಿಗೆ ಇಲ್ಲಿ ಕ್ಲಿಕ್‌ ಮಾಡಿ