ಧರ್ಮವನ್ನೂ ಮೀರಿಸಿದ ಬಂಧ; ಜಗ್ಗೇಶ್‌ ಅಭಿನಯದ ತೋತಾಪುರಿ 2 ಟ್ರೇಲರ್‌ ರಿಲೀಸ್‌

ಜಗ್ಗೇಶ್‌ ಅಭಿನಯದ ಬಹುನಿರೀಕ್ಷಿತ 'ತೋತಾಪುರಿ 2' ಟ್ರೇಲರ್‌ ರಿಲೀಸ್‌ ಆಗಿದೆ. ಸೆಂಚುರಿ ಸ್ಟಾರ್‌ ಶಿವರಾಜ್‌ಕುಮಾರ್‌, ತೋತಾಪುರಿ 2 ಚಿತ್ರದ ಟ್ರೇಲರ್‌ ರಿಲೀಸ್‌ ಮಾಡಿ ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.

ಟ್ರೇಲರ್‌ ನೋಡಿ ಮೆಚ್ಚಿದ ಸಿನಿಪ್ರಿಯರು

ಧಜಂಜಯ್‌ ಹಾಗೂ ಸುಮನ್‌ ರಂಗನಾಥ್‌ ಲವ್‌ ಸ್ಟೋರಿ ಮೂಲಕ ಟ್ರೇಲರ್‌ ಆರಂಭವಾಗುತ್ತದೆ. ಚಿತ್ರದಲ್ಲಿ ಸುಮನ್‌ ರಂಗನಾಥ್‌ ಕ್ರೈಸ್ತ ಯುವತಿಯಾಗಿ ನಟಿಸಿದ್ದಾರೆ. ನಂತರ ಅದಿತಿ ಪ್ರಭುದೇವ ಹಾಗೂ ಜಗ್ಗೇಶ್‌ ಲವ್‌ ಸ್ಟೋರಿ ತೋರಿಸಲಾಗಿದೆ. ಅದಿತಿ ಮುಸ್ಲಿಂ ಹೆಣ್ಣುಮಗಳಾಗಿ ನಟಿಸಿದ್ದಾರೆ. ವೀಣಾ ಸುಂದರ್‌ ಅವರ ಕಾಮಿಡಿ ಡೈಲಾಗ್‌ ಮೂಲಕ ಟ್ರೇಲರ್‌ ಕೊನೆಯಾಗುತ್ತದೆ. ಟ್ರೇಲರ್‌ ನೋಡಿದವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮೊದಲ ಭಾಗಕ್ಕಿಂತ ಇದು ಡಿಫರೆಂಟ್‌ ಆಗಿದೆ. ಸಿನಿಮಾ ನೋಡಲು ಕಾಯುತ್ತಿದ್ದೇವೆ. ತೋತಾಪುರಿ ಚಿತ್ರಕ್ಕೆ ಶುಭವಾಗಲಿ, ಡಾಲಿ ಧನಂಜಯ್‌ ಸೂಪರ್‌, ಅಲ್ಟಿಮೇಟ್‌ ಕಾಮಿಡಿ ಎಂದೆಲ್ಲಾ ಸಿನಿಪ್ರಿಯರು ಕಾಮೆಂಟ್‌ ಮಾಡುತ್ತಿದ್ದಾರೆ.

ಜಾತ್ಯಾತೀತ ತತ್ವ ಇರುವ ಸಿನಿಮಾ

''ತೋತಾಪುರಿ ಮೊದಲ ಭಾಗ ಕೇವಲ ಪಾತ್ರಗಳ ಪರಿಚಯ ಮಾತ್ರವಷ್ಟೇ. ಆದರೆ ನಿಮಗೆ ತೋತಾಪುರಿ ಭಾಗ 2ರಲ್ಲಿ ಹೊಸ ಕಥೆ ನೋಡಲು ಸಿಗುತ್ತದೆ. ನನ್ನ ವಿದೇಶಿ ಸ್ನೇಹಿತರು ಕೂಡಾ ತೋತಾಪುರಿ ಚಿತ್ರ ನೋಡಿ ಇಷ್ಟಪಟ್ಟಿದ್ದಾರೆ. ಅತಿ ಶೀಘ್ರದಲ್ಲೇ ಭಾಗ 2 ರಿಲೀಸ್‌ ಆಗುತ್ತಿದೆ. ಈ ಸಿನಿಮಾವನ್ನು ಕೂಡಾ ನೀವೆಲ್ಲರೂ ಇಷ್ಟಪಡುತ್ತೀರಿ. ನಾನು ಜಾತ್ಯಾತೀತ ಮನುಷ್ಯ, ನನಗೂ ಜಾತಿ ಧರ್ಮ ಇಷ್ಟವಿಲ್ಲ. ಕಲಾವಿದನಾಗಿ ನಾನು ಎಲ್ಲಾ ಜನರ ಮನಸ್ಸು ಗೆದ್ದಿದ್ದೇನೆ. ಆ ಕಾಲದಕ್ಕೇ ಅಂಜರ್ತಾತಿ ವಿವಾಹವಾಗಿದ್ಧೆನೆ, ನನ್ನ ಮಗನಿಗೂ ವಿದೇಶಿ ಯುವತಿಯೊಂದಿಗೆ ಮದುವೆ ಮಾಡಿದ್ದೇನೆ. ನಾನು ಬಾಳಿ ಬದುಕುದಂತೆ ಈ ಚಿತ್ರದಲ್ಲಿ ಜಾತ್ಯಾತೀತ ತತ್ವಗಳು ಅಡಗಿವೆ. ಎಲ್ಲರೂ ಸಿನಿಮಾ ನೋಡಿ ಹಾರೈಸಿ'' ಎಂದು ಜಗ್ಗೇಶ್‌ ಇತ್ತೀಚೆಗೆ ವಿಡಿಯೋ ಮಾಡಿ ಮನವಿ ಮಾಡಿದ್ದರು.

ಕೆಎ ಸುರೇಶ್‌ ನಿರ್ಮಾಣದ ಸಿನಿಮಾ

'ತೋತಾಪುರಿ 2' ಚಿತ್ರವನ್ನು ಮೊನಿಪ್ಲೆಕ್ಸ್‌ ಸ್ಟುಡಿಯೋ ಬ್ಯಾನರ್‌ ಅಡಿ ಕೆಎ ಸುರೇಶ್‌ ನಿರ್ಮಿಸಿದ್ದಾರೆ. ಚಿತ್ರಕ್ಕೆ ವಿಜಯ್‌ ಪ್ರಸಾದ್‌ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಹಾಡುಗಳಿಗೆ ಅನೂಪ್‌ ಸೀಳಿನ್‌ ಸಂಗೀತ ನೀಡಿದ್ದಾರೆ. ತೋತಾಪುರಿ 2 ಚಿತ್ರದಲ್ಲಿ ಜಗ್ಗೇಶ್‌, ಧನಂಜಯ್‌, ಅದಿತಿ ಪ್ರಭುದೇವ, ಸುಮನ್‌ ರಂಗನಾಥ್‌, ದತ್ತಾತ್ರೇಯ , ವೀಣಾ ಸುಂದರ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ. ಶೀಘ್ರದಲ್ಲೇ ಚಿತ್ರತಂಡ ಸಿನಿಮಾ ರಿಲೀಸ್‌ ಡೇಟ್‌ ಅನೌನ್ಸ್‌ ಮಾಡಲಿದೆ.

ಇದನ್ನೂ ಓದಿ: ತಾನು ಅತ್ತು, ಸಿನಿಪ್ರಿಯರನ್ನು ರಂಜಿಸಿದ ಹಿರಿಯ ನಟಿ ಶ್ರುತಿಗೆ ಜನ್ಮದಿನದ ಸಂಭ್ರಮ

ಇದನ್ನೂ ಓದಿ: ಒಟಿಟಿಯಲ್ಲಿ ರಿಲೀಸ್‌ ಆಯ್ತು ಡಾರ್ಲಿಂಗ್‌ ಕೃಷ್ಣ ಅಭಿನಯದ ಕೌಸಲ್ಯಾ ಸುಪ್ರಜಾ ರಾಮ