Yash19 Movie: ಯಶ್‌ ಅಭಿಮಾನಿಗಳಿಗೆ ಗುಡ್‌ನ್ಯೂಸ್‌; ಕೆವಿಎನ್‌ ಪ್ರೊಡಕ್ಷನ್‌ನ ಹೊಸ ಸಿನಿಮಾಕ್ಕೆ ರಾಕಿ ಬಾಯ್‌ ನಾಯಕ
Dec 04, 2023 11:48 AM IST
Share
ಡಿಸೆಂಬರ್‌ 8ರಂದು ಯಶ್‌ ಮುಂದಿನ ಸಿನಿಮಾದ ಟೈಟಲ್‌ ಘೋಷಣೆ
- Yash19 Movie Title Announcement: ಕೆಜಿಎಫ್‌ ನಟ ಯಶ್‌ ತನ್ನ ಮುಂದಿನ ಸಿನಿಮಾದ ಕುರಿತು ಮಹತ್ವದ ಅಪ್‌ಡೇಟ್‌ ನೀಡಿದ್ದಾರೆ. ನಿನ್ನೆಯಷ್ಟೇ ಲೋಡಿಂಗ್‌ ಸಿಗ್ನಲ್‌ ನೀಡಿದ್ದ ಯಶ್‌ ಇಂದು ತನ್ನ ಮುಂದಿನ ಸಿನಿಮಾದ ಶೀರ್ಷಿಕೆ ಕುರಿತು ಕುತೂಹಲ ಹೆಚ್ಚಿಸಿದ್ದಾರೆ. ಈ ಕುರಿತು ಹೆಚ್ಚಿನ ವಿವರ ಇಲ್ಲಿದೆ.
ಬೆಂಗಳೂರು: ಕೆಜಿಎಫ್‌ ನಟ ಯಶ್‌ ಅವರ ಮುಂದಿನ ಸಿನಿಮಾದ ಕುರಿತು ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಿಸಿದೆ. ಇದೇ ಡಿಸೆಂಬರ್‌ 8ರಂದು ಮುಂದಿನ ಸಿನಿಮಾದ ಟೈಟಲ್‌ ಘೋಷಣೆ ಮಾಡುವುದಾಗಿ ಯಶ್‌ ಪ್ರಕಟಿಸಿದ್ದಾರೆ. ಡಿಸೆಂಬರ್‌ 08ರಂದು ಬೆಳಗ್ಗೆ 9.55 ನಿಮಿಷಕ್ಕೆ ಸಿನಿಮಾದ ಟೈಟಲ್‌ ಬಿಡುಗಡೆ ಮಾಡಲು ಕೆವಿಎನ್‌ ಪ್ರೊಡಕ್ಷನ್‌ ನಿರ್ಧರಿಸಿದೆ.
ಯಶ್‌ ಈ ಪ್ರಕಟಣೆಗೆ ದೇಶಾದ್ಯಂತ ಇರುವ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಈ ಡಿಸೆಂಬರ್‌ ನಿಜಕ್ಕೂ ಅದ್ಭುತ, ಡಂಕಿ, ಸಲಾರ್‌, ಇದೀಗ ಯಶ್‌ 19 ಕುತೂಹಲ ಹೆಚ್ಚಿಸಿದೆ ಎಂದು ಇನ್‌ಸ್ಟಾಗ್ರಾಂನಲ್ಲಿ ಅಭಿಮಾನಿಗಳು ಬರೆದಿದ್ದಾರೆ. ಕೊನೆಯಗೂ 599 ದಿನಗಳು ಕಳೆದ ಬಳಿಕ ಹೊಸ ಸಿನಿಮಾದ ಹೆಸರು ಘೋಷಣೆ ಮಾಡಲಿದ್ದೀರಿ ಎಂದು ಒಬ್ಬರು ಕಾಮೆಂಟ್‌ ಮಾಡಿದ್ದಾರೆ.
ಯಶ್‌ ನಟನೆಯ ಕೆಜಿಎಫ್‌ 2 ಸಿನಿಮಾವು ಪ್ಯಾನ್‌ ಇಂಡಿಯಾದಲ್ಲಿ ಏಪ್ರಿಲ್‌ 14ರಂದು ಬಿಡುಗಡೆಯಾಗಿತ್ತು. ಅದಾದ ಬಳಿಕ ರಾಕಿ ಬಾಯ್‌ ಯಾವುದೇ ಸಿನಿಮಾದ ಅಪ್‌ಡೇಟ್‌ ನೀಡಿರಲಿಲ್ಲ. ಕೆಜಿಎಫ್‌ಗೆ ಮೊದಲು ಹಲವು ಸಿನಿಮಾಗಳನ್ನು ನೀಡುತ್ತಿದ್ದ ಯಶ್‌ ಸೈಲೆಂಟ್‌ ಆಗಿದ್ದರು. ಕೆಜಿಎಫ್‌ನಂತಹ ಇನ್ನೊಂದು ಭರ್ಜರಿ ಸಿನಿಮಾ ಹೊರತರುವ ಸೂಚನೆ ನೀಡಿದ್ದರು.
ಕೆಜಿಎಫ್‌ ನಟ ಯಶ್‌ರ ಮುಂದಿನ ಸಿನಿಮಾ ಯಾವುದು ಎಂಬ ಕುತೂಹಲ ಎಲ್ಲರಲ್ಲಿಯೂ ಇದೆ. 2016ರಲ್ಲಿ ಸಂತು ಸ್ಟ್ರೈಟ್‌ ಫಾರ್ವಾರ್ಡ್‌ ಬಳಿಕ ಕೆಜಿಎಫ್‌ನಲ್ಲಿ ನಟಿಸಿದ್ದರು. ಕೆಜಿಎಫ್‌ನ ಅಭೂತಪೂರ್ವ ಗೆಲುವಿನ ಬಳಿಕ ಯಶ್‌ ಅವರ ಮೇಲೆ ಅಭಿಮಾನಿಗಳ ನಿರೀಕ್ಷೆಯೂ ದೊಡ್ಡದಾಗಿದೆ. ಹೀಗಾಗಿ, ಇವರು ನೀಡುವ ಮುಂದಿನ ಅಪ್‌ಡೇಟ್‌ ಏನು ಎಂಬ ಕುತೂಹಲ ಯಶ್‌ ಅಭಿಮಾನಿಗಳಲ್ಲಿದೆ.
ಕೊನೆಗೂ ಅಭಿಮಾನಿಗಳ ಕಾಯುವಿಕೆಗೆ ಕೊನೆಗೊಳ್ಳುವ ಸೂಚನೆ ದೊರಕಿದೆ. ಕೆವಿಎನ್‌ ಪ್ರೊಡಕ್ಷನ್‌ನ ನೂತನ ಸಿನಿಮಾ ಯಾವುದಾಗಿರಬಹುದು, ಎಷ್ಟು ಬಜೆಟ್‌ನಲ್ಲಿ ಸಿನಿಮಾ ಮಾಡಬಹುದು. ಯಾರು ನಿರ್ದೇಶಕರು ಇರಬಹುದು. ಸಿನಿಮಾ ಹೇಗಿರಬಹುದು? ಇತ್ಯಾದಿ ಕುತೂಹಲಗಳ ಪ್ರಶ್ನೆಗಳು ಅಭಿಮಾನಿಗಳಲ್ಲಿ ಇದೆ.