Max Release Date: ಬೇಗ, ಅತಿಬೇಗ, ಇನ್ನೂ ಬೇಗ- ಕಿಚ್ಚ ಸುದೀಪ್‌ ನಟನೆಯ ಮ್ಯಾಕ್ಸ್‌ ಬಿಡುಗಡೆ ಯಾವಾಗ? ಇಲ್ಲಿದೆ 3 ಸಾಧ್ಯತೆ

ಬೆಂಗಳೂರು: ಕಿಚ್ಚ ಸುದೀಪ್‌ ಅಭಿನಯದ ಕನ್ನಡದ ಬಹುನಿರೀಕ್ಷಿತ ಸಿನಿಮಾ ಮ್ಯಾಕ್ಸ್‌ ಬಿಡುಗಡೆ ಕುರಿತು ಅಭಿಮಾನಿಗಳಲ್ಲಿ ಸಾಕಷ್ಟು ಕುತೂಹಲವಿದೆ. ಸ್ವಾತಂತ್ರ್ಯ ದಿನದಂದು ಅಂದರೆ ಆಗಸ್ಟ್‌ 15ಕ್ಕೆ ಮ್ಯಾಕ್ಸ್‌ ರಿಲೀಸ್‌ ಮಾಡುವುದಾಗಿ ಮೊದಲು ಹೇಳಲಾಗಿತ್ತು. ಆದರೆ, ಅದೇ ಸಮಯದಲ್ಲಿ ಶಿವರಾಜ್‌ ಕುಮಾರ್‌ ಅಭಿನಯದ ಭೈರತಿ ರಣಗಲ್‌ ಬಿಡುಗಡೆಯಾಗುತ್ತದೆ. ಹೀಗಾಗಿ, ಮ್ಯಾಕ್ಸ್‌ ಸಿನಿಮಾ ಬಿಡುಗಡೆ ಮುಂದೂಡಲಾಗಿತ್ತು. ಆದರೆ, ಇದಾದ ಬಳಿಕ ಸಿನಿಮಾದ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳು ಮುಗಿಯದೆ ಇರುವ ಕಾರಣ ಬಿಡುಗಡೆ ವಿಳಂಬವಾಗುತ್ತಿದೆ ಎಂದು ಹೇಳಲಾಯಿತು. ಸ್ವಾತಂತ್ರ್ಯ ದಿನದಂದು ಬಿಡುಗಡೆ ಮಾಡಿದರೆ ಸಿನಿಮಾ ಪ್ರಮೋಷನ್‌ಗೆ ಸಮಯ ಸಾಕಾಗುವುದಿಲ್ಲ ಎನ್ನುವ ಕಾರಣವೂ ಇತ್ತು.

ಮ್ಯಾಕ್ಸ್‌ ಬಿಡುಗಡೆ ದಿನಾಂಕ ಯಾವುದಾಗಿರಬಹುದು. ಸೂನ್‌(ಬೇಗ- ಅಕ್ಟೋಬರ್‌- ನವೆಂಬರ್‌) ಸೂನರ್‌ (ಅತಿಬೇಗ- ಸೆಪ್ಟೆಂಬರ್‌), ಸೂನೆಸ್ಟ್‌ (ಇನ್ನೂ ಬೇಗ- ಆಗಸ್ಟ್‌) ಎಂಬ ಮೂರು ಆಯ್ಕೆಗಳಲ್ಲಿ ಯಾವುದಾಗಿರಬಹುದು. ಈ ಮೂರು ಸಂಭಾವ್ಯತೆಯ ಕುರಿತು ಒಟಿಟಿಪ್ಲೇ ವರದಿ ಮಾಡಿದೆ.

ಬೇಗ, ಅತಿಬೇಗ, ಇನ್ನೂ ಬೇಗ- ಮ್ಯಾಕ್ಸ್‌ ಬಿಡುಗಡೆ ಯಾವಾಗ?

ಮ್ಯಾಕ್ಸ್‌ ಬಿಡುಗಡೆಗೆ ಮತ್ತೊಂದು ಸಂಭಾವ್ಯ ಸಮಯ ಸೆಪ್ಟೆಂಬರ್‌ 5-6. ಅದು ಗಣೇಶ ಚತುರ್ಥಿ ಸಮಯ. ಕನ್ನಡ ನಟ ಕಿಚ್ಚ ಸುದೀಪ್‌ ಹುಟ್ಟುಹಬ್ಬದ ವಾರವೂ ಹೌದು. ಆದರೆ, ಈ ಸಮಯದಲ್ಲಿ ಬಿಡುಗಡೆಯಾದರೆ ದಳಪತಿ ವಿಜಯ್‌ ನಟನೆಯ ಗೋಟ್‌ ಸಿನಿಮಾದ ಜತೆ ಪೈಪೋಟಿ ನಡೆಸಬೇಕಾಗುತ್ತದೆ. ವೆಂಕಟ ಪ್ರಭು ಅವರ ಗೋಟ್‌ ಸಿನಿಮಾವು ಸೆಪ್ಟೆಂಬರ್‌ 5ರಂದು ದೊಡ್ಡಮಟ್ಟದಲ್ಲಿ ಬಿಡುಗಡೆಯಾಗುತ್ತಿದೆ.

ಇದನ್ನೂ ಓದಿ: ಚಿತ್ರಮಂದಿರ ಒಟಿಟಿಗಳಲ್ಲಿ ಈ ವಾರ ಬಿಡುಗಡೆಯಾಗುವ ಸಿನಿಮಾ, ವೆಬ್‌ ಸರಣಿಗಳ ವಿವರ; ಬ್ಯಾಡ್‌ ನ್ಯೂಝ್‌ನಿಂದ ಹೆಜ್ಜಾರುವರೆಗೆ

ಗೋಟ್‌ ಜತೆ ಮ್ಯಾಕ್ಸ್‌ ಫೈಟ್‌ ಸಾಧ್ಯತೆ ಇದೆಯಾ?

ಮ್ಯಾಕ್ಸ್‌ ಎನ್ನುವುದು ಮೂಲ ಕನ್ನಡ ಸಿನಿಮಾ ಎನ್ನುವುದು ನಿಜ. ಆದರೆ, ಈ ಸಿನಿಮಾ ನಿರ್ಮಿಸುತ್ತಿರುವುದು ತಮಿಳು ಪ್ರೊಡ್ಯುಸರ್ಸ್‌. ಗೋಟ್‌ ಸಿನಿಮಾದ ಜತೆ ಮ್ಯಾಕ್ಸ್‌ ಸಿನಿಮಾ ಫೈಟ್‌ ಮಾಡದೆ ಇರಲು ಇದೊಂದೇ ಕಾರಣ ಸಾಕು ಎಂದು ವಿತರಕರು ಹೇಳುತ್ತಾರೆ. ಒಟಿಟಿ ಪ್ಲೇ ವರದಿ ಪ್ರಕಾರ ಮತ್ತು ಜುಲೈ 17ರಂದು ಬಂದ ಅಪ್‌ಡೇಟ್‌ ಪ್ರಕಾರ ಅಂತಾರಾಷ್ಟ್ರೀಯ ವಿತರಕರ ಜತೆ ನಡೆಸಿದ ಸಂವಹನದ ಆಧಾರದಲ್ಲಿ ಹೇಳುವುದರಾದರೆ ಸುದೀಪ್‌ ನಟನೆಯ ಮ್ಯಾಕ್ಸ್‌ ಸಿನಿಮಾ ಮುಂದಿನ ತಿಂಗಳು ಅಂದರೆ ಆಗಸ್ಟ್‌ 15ರ ಸ್ವಾತಂತ್ರ್ಯ ದಿನದಂದು ಬಿಡುಗಡೆಯಾಗುವ ಸಾಧ್ಯತೆ ಹೆಚ್ಚಿದೆ.

ಇದನ್ನೂ ಓದಿ: Darling Movie: ಶೃಂಗೇರಿಯ ನಭಾ ನಟೇಶ್‌ ನಟನೆಯ ಡಾರ್ಲಿಂಗ್‌ ಸಿನಿಮಾ ಬಿಡುಗಡೆ; ಐ ಲವ್‌ ಯು ರಾಘವ್‌ ಎಂದವಳು ಹೀಗೆ ಮಾಡೋದ?

ಹೆಚ್ಚು ದಿನ ವಿಳಂಬ ಮಾಡುವುದಕ್ಕಿಂತ ಭಾರತದಲ್ಲಿ ಮ್ಯಾಕ್ಸ್‌ ಸಿನಿಮಾ ಬಿಡುಗಡೆ ಮಾಡಲು ಸ್ವಾತಂತ್ರ್ಯ ದಿನವೇ ಸೂಕ್ತವಾಗಿದೆ. ಆ ದಿನದಂದು ಭೈರತಿ ರಣಗಲ್‌ ಬಿಟ್ಟರೆ ಭಾರತದ್ಯಾಂತ ಬೇರೆ ದೊಡ್ಡ ಪೈಪೋಟಿ ಇರೋದಿಲ್ಲ. ಅಂದು ರಜಾ ದಿನವಾಗಿರುವುದರಿಂದ ಭಾರತದಲ್ಲಿ ಈ ಸಿನಿಮಾಕ್ಕೆ ಬೇಡಿಕೆ ಹೆಚ್ಚಾಗಲಿದೆ. ಆದರೆ, ಈ ಕಾರಣವನ್ನು ಅಂತಾರಾಷ್ಟ್ರೀಯ ಮಾರುಕಟ್ಟೆಗೆ ಹೇಳುವಂತೆ ಇಲ್ಲ. ಏಕೆಂದರೆ, ಭಾರತದ ಸ್ವಾತಂತ್ರ್ಯ ದಿನದ ಸಮಯವು ವಿದೇಶಿಗರಿಗೆ ಸಮ್ಮರ್‌ ಹಾಲಿಡೇ ಸಮಯವೂ ಹೌದು.

ಇತ್ತೀಚೆಗೆ ಮ್ಯಾಕ್ಸ್‌ ಸಿನಿಮಾದ ಟೀಸರ್‌ ಬಿಡುಗಡೆಯಾಗಿತ್ತು. ಆ ಸಮಯದಲ್ಲಿ ಚಿತ್ರ ಬಿಡುಗಡೆ ದಿನಾಂಕದ ಕುರಿತು ಯಾವುದೇ ಅಪ್‌ಡೇಟ್‌ ನೀರಿಲಿಲ್ಲ. ಆದರೆ, ಸೂನ್‌, ಸೂನರ್‌, ಸೂನೆಸ್ಟ್‌ (ಬೇಗ, ಅತಿಬೇಗ, ಇನ್ನೂಬೇಗ) ಬಿಡುಗಡೆಯಾಗುವ ಹಿಂಟ್‌ ನೀಡಿತ್ತು. ಮ್ಯಾಕ್ಸ್‌ ಸಿನಿಮಾದಲ್ಲಿ ನಟಿಸಿರುವ ಸಂಯುಕ್ತ ಹೊರನಾಡು ಕೂಡ ಇತ್ತೀಚೆಗೆ "ಇದು ಅಭಿಮಾನಿಗಳಿಗಾಗಿ ಮಾಡಿದ ಸಿನಿಮಾ, ಮ್ಯಾಕ್ಸ್‌ ಅಭಿಮಾನಿಗಳಿಗೆ ಬೇಸರ ತರಿಸದು" ಎಂದಿದ್ದರು. (ಪೂರಕ ಮಾಹಿತಿ: ಒಟಿಟಿಪ್ಲೇ)