ದೊಡ್ಡ ಹೊಡೆದಾಟಕ್ಕೆ ಸುದೀಪ್‌ ದೇಹದಂಡನೆ; ಸಿಕ್ಸ್‌ಪ್ಯಾಕ್‌ ಪ್ರದರ್ಶಿಸಿ ಬೆರಗುಗೊಳಿಸಿದ ಕಿಚ್ಚ

Kichcha Sudeep: ಸ್ಯಾಂಡಲ್‌ವುಡ್‌ನಲ್ಲೀಗ ಕಿಚ್ಚ ಸುದೀಪ್‌ ಮತ್ತು ದರ್ಶನ್‌ ಬಗ್ಗೆ ಚರ್ಚೆ ನಡೆಯುತ್ತಿದೆ. ಸುಮಲತಾ ಅಂಬರೀಶ್‌ ಅವರ ಬರ್ತ್‌ಡೇ ಪಾರ್ಟಿಯಲ್ಲಿ ಕಾಣಿಸಿಕೊಂಡ ಈ ಇಬ್ಬರ ವಿಡಿಯೋ ಎಲ್ಲರ ಕಣ್ಣರಳಿಸಿದೆ. ಅಭಿಮಾನಿಗಳ ವಲಯದಲ್ಲಿಯೂ ಅಚ್ಚರಿಗೆ ಕಾರಣವಾಗಿದೆ. ಹೀಗಿರುವಾಗಲೇ ತಮ್ಮ ಫ್ಯಾನ್ಸ್‌ಗೆ ಮತ್ತೊಂದು ಸರ್ಪ್ರೈಸ್‌ ನೀಡಿದ್ದಾರೆ ಕಿಚ್ಚ ಸುದೀಪ್‌. ಅದೂ ಸಿಕ್ಸ್‌ ಪ್ಯಾಕ್‌ ಪ್ರದರ್ಶಿಸುವ ಮೂಲಕ.

ವಿಕ್ರಾಂತ್‌ ರೋಣ ಸಿನಿಮಾ ಬಳಿಕ ಕಿಚ್ಚ ಸುದೀಪ್‌ ಅವರ ಮುಂದಿನ ಸಿನಿಮಾ ಯಾವುದು ಎಂಬ ಕುತೂಹಲಕ್ಕೆ ಕಳೆದ ತಿಂಗಳು ತೆರೆಬಿದ್ದಿದೆ. ತಮಿಳಿನಲ್ಲಿ ತುಪಾಕಿ, ಕಬಾಲಿ, ಕರ್ಣನ್‌, ಅಸುರನ್‌ ಸೇರಿ ದೊಡ್ಡ ದೊಡ್ಡ ಹಿಟ್‌ ಮತ್ತು ಹೈ ಬಜೆಟ್‌ ಸಿನಿಮಾಗಳನ್ನು ನೀಡಿದ ಖ್ಯಾತ ಚಿತ್ರನಿರ್ಮಾಣ ಸಂಸ್ಥೆ ವಿ ಕ್ರಿಯೆಷನ್ಸ್‌ ಬ್ಯಾನರ್‌ನಲ್ಲಿ ಕಿಚ್ಚ 46 ಸಿನಿಮಾ ನಿರ್ಮಾಣವಾಗುತ್ತಿದೆ. ಕಲೈಪುಲಿ ಎಸ್‌ ಧಾನು ಕಿಚ್ಚ ಸುದೀಪ್‌ ಸಿನಿಮಾಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಅದೇ ರೀತಿ ವಿಜಯ್‌ ಕಾರ್ತಿಕ್‌ ಈ ಸಿನಿಮಾದ ನಿರ್ದೇಶಕರು.

ಇದನ್ನೂ ಓದಿ: ದರ್ಶನ್‌ ಸುದೀಪ್‌ ನಡುವೆಯೂ ಸಂಧಾನ ಸಭೆ ನಡೆಸಿ ಸಮಸ್ಯೆ ಬಗೆಹರಿಸಿ; ರಾಕ್‌ಲೈನ್‌ ವೆಂಕಟೇಶ್‌ಗೆ ಫ್ಯಾನ್ಸ್‌ ಮನವಿ

ಟೀಸರ್‌ ಮೂಲಕವೇ ಸದ್ದು ಮಾಡಿದ್ದ ಈ ಸಿನಿಮಾದಲ್ಲಿ ನಟ ಕಿಚ್ಚ ಸುದೀಪ್‌ ವಿಭಿನ್ನ ಲುಕ್‌ನಲ್ಲಿ ಎದುರಾಗಿದ್ದರು. ಕೊಂಚ ರಗಡ್‌ ಆಗಿಯೇ ಕಾಣಿಸಿಕೊಂಡಿದ್ದರು. ಮೇಕಿಂಗ್‌ ಗುಣಮಟ್ಟ, ಸಂಭಾಷಣೆ, ಹಿನ್ನೆಲೆ ಸಂಗೀತ ಹೀಗೆ ಪ್ರತಿ ಹಂತದಲ್ಲೂ ವಿಶೇಷವಾದುದ್ದನ್ನೇ ನೀಡಲು ಇಡೀ ಚಿತ್ರತಂಡ ಶ್ರಮಿಸುತ್ತಿದೆ. ಅದರಂತೆ ಡಿಮೋನ್‌ ಟೀಸರ್‌ ಸಹ ಮೂಡಿಬಂದಿತ್ತು. ಇದೀಗ ಇದೇ ಚಿತ್ರದ ಕ್ಲೈಮ್ಯಾಕ್ಸ್‌ಗೆ ಸುದೀಪ್‌ ಅಣಿಯಾಗುತ್ತಿದ್ದಾರೆ. ಅದ್ಯಾವ ಮಟ್ಟಿಗೆ ಎಂದರೆ, ದೇಹವನ್ನು ಹುರಿಗೊಳಿಸುತ್ತಿದ್ದಾರೆ.

ಸಿಕ್ಸ್‌ ಪ್ಯಾಕ್‌ ಪ್ರದರ್ಶನ

ಸಿನಿಮಾ ಸಲುವಾಗಿ ಸುದೀಪ್‌ ದೇಹವನ್ನು ಹುರಿಗೊಳಿಸಿಕೊಂಡಿದ್ದು ಇದೇ ಮೊದಲೇನಲ್ಲ. ಈ ಹಿಂದೆ ಪೈಲ್ವಾನ್‌ ಸಿನಿಮಾಕ್ಕೂ ದೇಹವನ್ನು ದಂಡಿಸಿ ಸಿಕ್ಸ್‌ ಪ್ಯಾಕ್‌ ಮೂಡಿಸಿಕೊಂಡಿದ್ದರು. ಇದೀಗ #Kichcha46 ಸಿನಿಮಾಕ್ಕೂ ಮತ್ತಷ್ಟು ಗಟ್ಟಿಮುಟ್ಟಾಗುತ್ತಿದ್ದಾರೆ. ಸೋಷಿಯಲ್‌ ಮೀಡಿಯಾದಲ್ಲಿ ಹೊಸ ಪೋಸ್ಟ್‌ ಹಂಚಿಕೊಂಡಿರುವ ಸುದೀಪ್‌, ತಮ್ಮ ಫಿಟ್‌ನೆಸ್‌ ಪ್ರದರ್ಶಿಸಿದ್ದಾರೆ. “ವರ್ಕೌಟ್‌ ನನ್ನ ಖುಷಿಯ ಕ್ಷಣಗಳಲ್ಲೊಂದು. ಇದು ನನ್ನನ್ನು ಮತ್ತಷ್ಟು ಶಾಂತವಾಗಿರಿಸುತ್ತದೆ. ಕೇಂದ್ರೀಕರಿಸುವಂತೆ ಮಾಡುತ್ತದೆ. K46 ಚಿತ್ರದ ಕ್ಲೈಮ್ಯಾಕ್ಸ್‌ಗೆ ಇನ್ನೊಂದು ತಿಂಗಳು. ಅದಕ್ಕೂ ಮುಂಚೆ ಈ ವರ್ಕೌಟ್‌” ಎಂದು ಬರೆದುಕೊಂಡಿದ್ದಾರೆ ಸುದೀಪ್.‌

ಇದನ್ನೂ ಓದಿ: ಒಂದೇ ಸ್ಪೂನಿನಲ್ಲಿ ಕೇಕ್‌ ತಿಂದ ದರ್ಶನ್‌- ಸುದೀಪ್‌! ಸುಮಲತಾ ಬರ್ತ್‌ಡೇಯಲ್ಲಿ ಹಳೇ ಕುಚಿಕುಗಳ ಮಿಲನ

ಮನರಂಜನೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ