‘ಬೆಂಗಳೂರಿಗೆ ಆತ್ಮ ಅಸ್ಮಿತೆ ಎರಡೂ ಇದೆ, ನೀವಿನ್ನು ಇಲ್ಲಿಂದ ಜಾಗ ಖಾಲಿ ಮಾಡಬಹುದು’; ಉತ್ತರ ಭಾರತದವಳಿಗೆ ಬಿಸಿ ಮುಟ್ಟಿಸಿದ ಮಾಳವಿಕಾ ಅವಿನಾಶ್

Malavika Avinash: ಸೋಷಿಯಲ್‌ ಮೀಡಿಯಾದಲ್ಲಿ ಇತ್ತೀಚೆಗಷ್ಟೇ ಉತ್ತರ ಭಾರತದ ಮಹಿಳೆಯೊಬ್ಬರ ವಿಡಿಯೋ ವೈರಲ್‌ ಆಗಿತ್ತು. ನಾವಿದ್ದರೆ ಬೆಂಗಳೂರು, ಇಲ್ಲಾಂದ್ರೆ ಏನೂ ಇಲ್ಲ ಎಂದು ಘಂಟಾಘೋಷವಾಗಿ ಹೇಳಿಕೊಂಡಿದ್ದರು. ಆದರೆ ಇದೀಗ ಹೀಗೆ ಕಿರುಚಾಡಿದ್ದ ಸುಗಂದ್‌ ಶರ್ಮಾಗೆ ಕನ್ನಡ ಪರ ಸಂಘಟನೆಗಳಷ್ಟೇ ಅಲ್ಲದೆ, ಕನ್ನಡದ ಕಲಾವಿದರಿಂದಲೂ ಛೀಮಾರಿ ಸಿಕ್ಕಿತ್ತು. ನಟಿ ಮಾಳವಿಕಾ ಅವಿನಾಶ್‌ ಸಹ, ಈ ಮಹಿಳೆ ಬಗ್ಗೆ ಸೋಷಿಯಲ್‌ ಮೀಡಿಯಾದಲ್ಲಿ ಪೋಸ್ಟ್‌ ಹಂಚಿಕೊಂಡಿದ್ದಾರೆ.

ಮಾಳವಿಕಾ ಅವಿನಾಶ್‌ ಪೋಸ್ಟ್‌..

“ನಾರ್ಥ್ ಇಂಡಿಯನ್ ಇಲ್ಲಾಂದ್ರೆ ಪಿಜಿ ಮತ್ತು ಪಬ್ ಗಳು ಖಾಲಿಯಾಗಿರುತ್ತವೆ, ನಮ್ಮಿಂದಾನೇ ನಿಮಗೆ ವರಮಾನ, ನಾವಿಲ್ಲದ್ದಿದ್ದರೆ ಬೆಂಗಳೂರು ನಿಶ್ಶಬ್ಧವಾಗಿರುತ್ತೆ” ಅಂತ ಒಬ್ಬಾಕೆ ಬೊಬ್ಬೆ ಹೊಡಿಯುತ್ತಿದ್ದುದ್ಜನ್ನು ನೋಡಿದೆ. ಎಂಥ ದಾರ್ಷ್ಟ್ಯ ನೋಡಿ. ಬೆಂಗಳೂರಿಗೇಂತ ಒಂದು ಆತ್ಮ ಅಸ್ಮಿತೆ ಎರಡೂ ಇದೆ. ಅದು ಬರಿಯ ಪಬ್ಬಿಗೆ, ಪಿಜಿಗೆ ಸೀಮಿತ ಎಂದುಕೊಳ್ಳವವರನ್ನು ಕಂಡು ಮರುಕ ಬರುತ್ತದೆ. ಬಂದಲ್ಲಿ ಸ್ಥಳೀಯರೊಂದಿಗೆ ಬೆರೆತು ಗೌರವದಿಂದ ಬದುಕುವುದನ್ನು ಬಿಟ್ಟು… ಪ್ರಕಾಶ್ ಸರ್ಯಾಗಿ ಉತ್ತರಿಸಿದ್ದಾರೆ" ಎಂದಿದ್ದಾರೆ.

"ಈ ಸೋಷಿಯಲ್ ಮೀಡಿಯಾ ಇನಫ್ಲೂಯೆಂಸರ್ಸ್ ಎಂಬ ಹೊಸ ಬಗೆಯ ಜನ ಜನಿಸಿರುವುದು, ಮಾನವ ಸಮಾಜಕ್ಕೆ ದೊರಕಿರುವ ಮತ್ತೊಂದು ಆಯಾಮ. ಅವರು, ಅಡುಗೆಯ ಬಗೆ, ಬಟ್ಟೆಯ ಬಗೆ, ಒಡವೆಯ ಬಗೆ, ಬೇರೆ ಬೇರೆ ವಸ್ತುಗಳ ಬಗೆ, ಕಸದಿಂದ ರಸ, ಆರೋಗ್ಯಕ್ಕೆ ಸಲಹೆ, ಟೆಕ್ನಲೋಜಿಕಲ್ ಅಡ್ವಾನ್ಸ್ಮೆಂಟ್, ಸೋಷಿಯಲ್ ಮೀಡಿಯಾವನ್ನೇ ಹೇಗೆ ಇನ್ಮಷ್ಟು ಸಮರ್ಥವಾಗಿ ಬಳಸುವುದು, ಹೀಗೆ ಹತ್ತು ಹಲವು ಬಗೆಯ ವಿಚಾರವನ್ನು ತಿಳಿಸಿವುದು ತುಂಬಾ ಸೂಕ್ತ ಮತ್ತು ನಮ್ಮ ಬದುಕಿಗೆ ಉಪಯುಕ್ತ"

ಇದನ್ನೂ ಓದಿ: ‘ರಮ್ಮಿ ವಿಚಾರಕ್ಕೆ ಪಿಎಂ ಮೋದಿ, ಸಿಎಂ ಸಿದ್ದರಾಮಯ್ಯ ಮನೆ ಮುಂದೆ ಪ್ರತಿಭಟನೆ ಮಾಡಿ’ ಕಿಚ್ಚ ಸುದೀಪ್‌ ಸಿಡಿಮಿಡಿ

"ಆದರೆ ಕೆಲವು ತರುಣಿಯರು, ಯಾವುದೊ ಒಂದು ಸಿನಿಮಾ ಹಾಡಿಗೆ ಡ್ಯಾನ್ಸ್ ಮಾಡುವುದನ್ನೇ ತಮ್ಮ ಪುಟಗಳಲ್ಲಿ ಸದಾ ಸರ್ವದಾ ಹಾಕಿಕೊಳ್ಳುತ್ತಾರಲ್ಲಾ…ಇವರನ್ನು ಕಂಡರೆ ನನಗೆ ಮರುಕ ಮತ್ತು ಆಶ್ಚರ್ಯ ಒಟ್ಟೊಟ್ಟಿಗಾಗುತ್ತೆ. ಇದೆಂತಹ ವೃತ್ತಿ? ಕಲಾವಿದರಲ್ಲಾ, ಎಂದೂ ಸಿನಿಮಾ ಟಿವಿಗಳಲ್ಲಿ ಅಭಿನಯಿಸಿಲ್ಲ, ಅಥವಾ ಯಾವುದೊ ಒಂದೆರಡು ರಿಯಾಲಿಟಿ ಶೋಗಳಲ್ಲಿ, social media influencers ಅಂತಾನೆ ತಲೆ ತೋರಿಸುವುದು, ಸಣ್ಣ ಪುಟ್ಟ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವುದು, ಮತ್ತದೇ ಸಿನಿಮಾ ಹಾಡುಗಳಿಗೆ ಮೈ ಕುಣಿಸುವುದು…"

"ಹೋಗಲಿ ಯಾವುದೊ ಪ್ರಭುದೇವರಂತೆಯೊ, ಮಾಧುರಿಯಂತೆಯೊ ಒಳ್ಳೆಯ ಡ್ಯಾನ್ಸಾದರೂ ಮಾಡ್ತಾರಾ? ಇಲ್ಲ…ಕ್ಯಾಮರಾವನ್ನು ಅತ್ಯಂತ ಸಮೀಪದಲ್ಲಿ ಇಟ್ಟುಕೊಂಡು, ಪುರುಷರನ್ನು ಪ್ರಚೋದಿಸುವ ರೀತಿಯಲ್ಲಿ, ಮೈ ಕೈ ಆಡಿಸುವುದು, ಮುಖ ಭಾವನೆ ಮಾಡುವುದು. ಯಾವ ಪುರುಷಾರ್ಥಕ್ಕಾಗಿ? ಎಂಬುದು ನನ್ನಲ್ಲಿ ಮೂಡುವ ಪ್ರಶ್ನೆ. ಕೆಳಗೆ ಅದೇ ಪುರುಷರು ನೋಡುವಷ್ಟು ಸಾರ್ತಿ ನೋಡಿ, ಅಶ್ಲೀಲ ಕಾಮೆಂಟುಗಳನ್ನು ಮಾಡುತ್ತಾರೆ. ಆ ಕಾಮೆಂಟ್ ಮಾಡುವ ಯಾರು ಇಂತಹವರಿಗೆ ಪರಿಚಿತರಿರಲು ಸಾಧ್ಯವಿಲ್ಲ!

ಇದನ್ನೂ ಓದಿ: ಹಾಸಿಗೆ ಹಿಡಿದ ಜೂನಿಯರ್‌ ಪುನೀತ್‌ ರಾಜ್‌ಕುಮಾರ್‌! ಎರಡೂ ಕಿಡ್ನಿ ಕಳೆದುಕೊಂಡ ನಟ ಆನಂದ್‌ ಆರ್ಯ ಸ್ಥಿತಿ ಈಗ ಹೇಗಿದೆ?

ಒಂದು ಲಕ್ಷ ಲೈಕ್ ಪಡೆಯುವುದರಿಂದ ಏನು ಲಾಭ? ಇನ್ಸ್ಟಾ/ ಫೇಸ್ ಬುಕ್ಕಿನ ಲೈಕ್ಸನ್ನು ಮಾನಿಟೈಸ್ ಮಾಡಲಾಗುತ್ತದೆಯಾ? ಆಗುತ್ತದೆ ಅಂತಾನೆ ಇಟ್ಟುಕೊಳ್ಳೋಣ, ಎಷ್ಟು ದಿನ? ಇಂತಹವರ ಭವಿಷ್ಯವಾದರೂ ಏನು? ಎಷ್ಟು ವರ್ಷ ಜನ, ನಿಮ್ಮದೇ ರೀಲ್ಸನ್ನು ನೋಡುತ್ತಾರೆ? ಕಷ್ಟ ಪಟ್ಟು ಆಕ್ಟ್ ಮಾಡುವ ಹೀರೋಯಿನ್‌ಗಳೇ 4-5 ಸಿನಿಮಾಗಳಾದ ಮೇಲೆ ಕಾಣೆಯಾಗಿಬಿಡುತ್ತಾರೆ. ಇನ್ನು ಇವರ ಕತೆಯೇನು? ಇಂತಹವರು ಮದುವೆಯಾಗುವುದು, ವಿಚ್ಛೇದನೆ ಮಾಡಿಕೊಳ್ಳುವುದು ಎಲ್ಲವೂ ಸೋಷಿಯಲ್ ಮೀಡಿಯಾ ಬ್ರೇಕಿಂಗ್ ನ್ಯೂಸ್!

ಇದನ್ನೂ ಓದಿ: ಬಿಗ್‌ ಬಾಸ್‌ ಕನ್ನಡ ಸೀಸನ್‌ 11ರ ಗ್ರ್ಯಾಂಡ್‌ ಓಪನಿಂಗ್‌ಗೂ ಮೊದಲೇ ಸ್ಪರ್ಧಿಗಳ ರಿವೀಲ್‌! ಆಡಿಯೆನ್ಸ್‌ ಕೈಗೆ ಸಿಗಲಿದೆ ಅಧಿಕಾರ

But beyond that what? ಹೋಗಲಿ ಗಳಿಸಿದ ಜನಪ್ರಿಯತೆಯನ್ನು ಸಿನಿಮಾ/ಟೀವಿ ಅಭಿನಯದ ಮೂಲಕ ಅಧಿಕೃತವಾಗಿಸಿಕೊಳ್ಳಬಹುದಲ್ಲ. ಅಲ್ಲಿ ಕಷ್ಟ ಪಡಬೇಕು, ಅವಕಾಶಕ್ಕಾಗಿ ಕಾಯಬೇಕು, ಜನರಿಗೆ ಇಷ್ಟವಾಗಬೇಕು… ಇಲ್ಲಿ ಅದ್ಯಾವುದೂ ಇಲ್ಲವಲ್ಲ, ಮನಸೋಚ್ಛೆ ಬಟ್ಟೆ ಧರಿಸಿ, ತುಟಿ ಕಚ್ಚಿ, ಮೈ ಕುಣಿಸುವುದು… ತಾನೂ ಹೀಗೆ ಸೆಲೆಬ್ರಿಟಿಯಾಗಿಬಿಡುತ್ತೇನೆ, ಎಂದುಕೊಳ್ಳುವ ಮನೆಯಲ್ಲಿನ ಹೆಣ್ಣುಮಕ್ಕಳಿಗೆ ಇಂತಹವರು ಎಂತಾ ದಾರಿ ತೋರಿಸುತ್ತಿದ್ದಾರೆ?

ಸಾಕು ಮಕ್ಕಳೇ, ಯಾರೋ ಗುರುತು ಪರಿಚಯವಿಲ್ಲದರ ಲೈಕ್ಸಿಗಾಗಿ ನಿಮ್ಮ ಭವಿಷ್ಯಗಳನ್ನು ನೀವೇ ಚಿವುಟಿಕೊಳ್ಳಬೇಡಿ. ನಿಮ್ಮ ಅಪ್ಪಾಮ್ಮ ಹೇಳುವ ಮಾತನ್ನು ಕೇಳಿ. Learn to start living in the real world! Virtual world is after all virtual…" ಎಂದಿದ್ದಾರೆ.