Nithya Menen: ಕುಟುಂಬದ ಇಬ್ಬರು ಸದಸ್ಯರನ್ನು ಕಳೆದುಕೊಂಡ ನಿತ್ಯಾ ಮೆನನ್; ಸೋಷಿಯಲ್‌ ಮೀಡಿಯಾ ಮೂಲಕ ನೋವು ಹಂಚಿಕೊಂಡ ಮೈನಾ ಸಿನಿಮಾ ನಟಿ
Jul 19, 2023 07:12 AM IST
Share
ನಿತ್ಯಾ ಮೆನನ್
ಮೈನಾ ಸಿನಿಮಾ ನಟಿ ನಿತ್ಯಾ ಮೆನನ್ ಇತ್ತೀಚೆಗೆ ತಮ್ಮ ಕುಟುಂಬದ ಇಬ್ಬರು ಸದಸ್ಯರನ್ನು ಕಳೆದುಕೊಂಡಿದ್ದಾರೆ. ಪ್ರೀತಿಪಾತ್ರರು ಅಗಲಿದ ನೋವಿನಲ್ಲಿರುವ ನಿತ್ಯಾ ಕೆಲವು ದಿನಗಳ ಕಾಲ ಶೂಟಿಂಗ್‌ಗೆ ಬ್ರೇಕ್‌ ಹಾಕಿದ್ದಾರೆ.
ನಿತ್ಯಾ ಮೆನನ್ ಮೂಲತ: ಮಲಯಾಳಂ ಕುಟುಂಬಕ್ಕೆ ಸೇರಿದ ಹುಡುಗಿ ಆದ್ರೂ ಹುಟ್ಟಿ ಬೆಳೆದದ್ದು ಕರ್ನಾಟಕದಲ್ಲಿ. ನಾನು ಬೆಂಗಳೂರು ಹುಡುಗಿ, ಕನ್ನಡದವಳು ಎಂದು ನಿತ್ಯಾ ಅನೇಕ ಬಾರಿ ಹೇಳಿಕೊಂಡಿದ್ದಾರೆ. ಕನ್ನಡದ ಬಗ್ಗೆ ಅಪಾರ ಅಭಿಮಾನ ಇರುವ ಈ ಸುಂದರಿ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ.
ಬಾಲನಟಿಯಾಗಿ ಚಿತ್ರರಂಗಕ್ಕೆ ಬಂದ ನಿತ್ಯಾ ಮೆನನ್
ನಿತ್ಯಾ ಇತ್ತೀಚೆಗೆ ತಮ್ಮ ಕುಟುಂಬದ ಇಬ್ಬರು ಸದಸ್ಯರನ್ನು ಕಳೆದುಕೊಂಡಿದ್ದಾರೆ. ಈ ನೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ ಮೂಲಕ ಹಂಚಿಕೊಂಡಿದ್ದಾರೆ. ಬಾಲನಟಿಯಾಗಿ ಚಿತ್ರಂಗಕ್ಕೆ ಬಂದ ಈ ಮಲಯಾಳಿ ಕುಟ್ಟಿ 2006ರಲ್ಲಿ '7 o ಕ್ಲಾಕ್‌' ಸಿನಿಮಾ ಮೂಲಕ ಕನ್ನಡಕ್ಕೆ ಬಂದರು. ನಂತರ ಅನೇಕ ಕನ್ನಡ ಸಿನಿಮಾಗಳಲ್ಲಿ ಅಭಿನಯಿಸಿದರು. ಕನ್ನಡದ ಜೊತೆಗೆ ಮಲಯಾಳಂ, ತೆಲುಗು, ತಮಿಳು, ಹಿಂದಿ ಸಿನಿಮಾಗಳಲ್ಲಿ ನಟಿಸಿ ಬಹುಭಾಷಾ ನಟಿ ಆಗಿ ಹೆಸರು ಮಾಡಿದರು. ಎಲ್ಲಾ ಭಾಷೆಗಳಲ್ಲೂ ನಿತ್ಯಾಗೆ ಅನೇಕ ಅಭಿಮಾನ ಬಳಗವಿದೆ. ಒಮ್ಮೆ ನಿತ್ಯಾ ಬಾಡಿ ಶೇಮಿಂಗ್‌ ಕೂಡಾ ಒಳಗಾಗಿದ್ದರು. ತಮ್ಮ ಕಾಲೆಳೆದವರಿಗೆ ಖಡಕ್‌ ಉತ್ತರ ನೀಡಿದ್ದರು. ಇತ್ತೀಚೆಗೆ ತಮ್ಮ ಕುಟುಂಬದಲ್ಲಿ ಉಂಟಾದ ಘಟನೆಯಿಂದ ನಿತ್ಯಾ ಕೆಲವು ದಿನಗಳ ಕಾಲ ಶೂಟಿಂಗ್‌ಗೆ ಬ್ರೇಕ್‌ ಹಾಕಿದ್ದಾರೆ.
ಮುತ್ತಜ್ಜಿಯನ್ನು ಕಳೆದುಕೊಂಡ ನಿತ್ಯಾ ಮೆನನ್
ಇತ್ತೀಚೆಗೆ ನಿತ್ಯಾ ಮೆನನ್ ತಮ್ಮ ಅಜ್ಜಿಯನ್ನು ಕಳೆದುಕೊಂಡಿದ್ದಾರೆ. ತಾವು ಅತಿಯಾಗಿ ಇಷ್ಟಪಡುತ್ತಿದ್ದ ತಮ್ಮ ತಾಯಿಯ ಅಜ್ಜಿ ಇತ್ತೀಚೆಗೆ ನಿಧನರಾಗಿದ್ದಾರೆ. ಈ ನೋವಿನ ವಿಚಾರವನ್ನು ನಿತ್ಯಾ ಮೆನನ್ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ತಮ್ಮ ಮುತ್ತಜ್ಜಿ ಮುತ್ತಾತನೊಂದಿಗೆ ಕಳೆದ ಸಂತೋಷದ ಕ್ಷಣಗಳ ಫೋಟೋವೊಂದನ್ನು ನಿತ್ಯಾ ಹಂಚಿಕೊಂಡಿದ್ದಾರೆ. ''ಒಂದು ಯುಗ ಮುಗಿಯಿತು, ಅಮ್ಮಮ್ಮ ಹಾಗೂ ನನ್ನ ಚೆರ್ರಿ ಮ್ಯಾನ್‌ ಗುಡ್‌ ಬೈ, ಇನ್ಮುಂದೆ ನಿಮ್ಮನ್ನು ಬೇರೆ ರೀತಿಯಲ್ಲಿ ನೋಡುತ್ತೇನೆ'' ಎಂದು ಬರೆದುಕೊಂಡಿದ್ದಾರೆ. ನಿತ್ಯಾ, ಮುತ್ತಾತ ಕೂಡಾ ಕೆಲವು ದಿನಗಳ ಹಿಂದೆ ನಿಧನರಾಗಿದ್ದರು. ಈ ನೋವು ಮರೆಯಾಗುವ ಮುನ್ನವೇ ಅವರ ಮುತ್ತಜ್ಜಿ ವಿಧಿವಶರಾಗಿದ್ದಾರೆ.
ಸಮಾಧಾನ ಹೇಳಿದ ಅಭಿಮಾನಿಗಳು
ನಿತ್ಯಾ ಹಂಚಿಕೊಂಡಿರುವ ಪೋಸ್ಟ್‌ಗೆ ನೆಟಿಜನ್ಸ್‌ ಕಾಮೆಂಟ್‌ ಮಾಡಿ ನಟಿಗೆ ಸಮಾಧಾನ ಹೇಳುತ್ತಿದ್ದಾರೆ. ''ನೀವು ಧೈರ್ಯದಿಂದ ಇರಿ, ನಿಮ್ಮ ಕುಟುಂಬದವರೂ ಧೈರ್ಯದಿಂದ ಇರುವಂತೆ ಹೇಳಿ'' ಎನ್ನುತ್ತಿದ್ದಾರೆ. ರಾಶಿ ಖನ್ನಾ, ಬ್ರೋಧ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಕೂಡಾ ಕಾಮೆಂಟ್‌ ಮಾಡಿದ್ದಾರೆ. ಸಿನಿಮಾಗಳ ವಿಚಾರಕ್ಕೆ ಬರುವುದಾದರೆ ಇತ್ತೀಚೆಗೆ ನಿತ್ಯಾ ಅಭಿನಯದ 'ಕೊಲಾಂಬಿ' ಸಿನಿಮಾ ತೆರೆ ಕಂಡಿತ್ತು. 'ಆರಾಮ್‌ ತಿರುಕಲ್ಪನ' ಸಿನಿಮಾ ಹಾಗೂ 'ಕುಮಾರಿ ಶ್ರೀಮತಿ', 'ಮಾಸ್ಟರ್‌ ಪೀಸ್‌' ವೆಬ್‌ ಸೀರೀಸ್‌ನಲ್ಲಿ ನಿತ್ಯಾ ಮೆನನ್ ಬ್ಯುಸಿ ಇದ್ದಾರೆ. ನಿತ್ಯಾ, ಬಿಗ್‌ ಪ್ರಾಜೆಕ್ಟ್‌ ಸಿನಿಮಾವೊಂದರಲ್ಲಿ ನಟಿಸುತ್ತಿದ್ದು ಶೀಘ್ರದಲ್ಲೇ ಹೊಸ ಸಿನಿಮಾ ಅನೌನ್ಸ್‌ ಮಾಡಲಿದ್ದಾರೆ.