Jaggesh: ಯಾರೋ ಕಿತ್ತೋದ್‌ ನನ್ಮಗ ಮಾಡೋದಿರ್ಲಿ, ನನ್ನ ಬುಡಕ್ಕೆ ಬಂತು; ಹುಲಿ ಉಗುರಿನ ಬಗ್ಗೆ ಜಗ್ಗೇಶ್‌ ಮಾತು

Jaggesh on Tiger Claw Pendant: ಕಳೆದ ವರ್ಷ ಹುಲಿ ಉಗುರು ಸೋಷಿಯಲ್‌ ಮೀಡಿಯಾದಲ್ಲಿ ದೊಡ್ಡ ಸದ್ದು ಮಾಡಿದ ಸುದ್ದಿ. ಕಿರುತೆರೆಯ ಬಿಗ್‌ ಬಾಸ್‌ ಶೋನಲ್ಲಿ ವರ್ತೂರು ಸಂತೋಷ್‌ ಕೊರಳಲ್ಲಿ ಹುಲಿ ಉಗುರು ಕಾಣಿಸಿದ್ದೇ ತಡ, ಅರಣ್ಯ ಇಲಾಖೆ ಅಖಾಡಕ್ಕಿಳಿದು, ಹುಲಿ ಉಗುರು ಧರಿಸಿದ್ದ ವರ್ತೂರು ಅವರನ್ನು ನೇರವಾಗಿ ಬಿಗ್‌ಬಾಸ್‌ ಮನೆಯಿಂದಲೇ ಬಂಧಿಸಿ ಜೈಲಿಗಟ್ಟಿದ್ದರು. ಅದಾದ ಬಳಿಕ ಸೆಲೆಬ್ರಿಟಿ ವಲಯದಲ್ಲೂ ಈ ವಿಚಾರ ಮುನ್ನೆಲೆಗೆ ಬಂದಿತು. ಚಂದನವನದ ಜಗ್ಗೇಶ್‌, ದರ್ಶನ್‌ ಸೇರಿ ಹಲವರ ಬಳಿಯಿದ್ದ ಹುಲಿ ಉಗುರನ್ನೂ ವಶಕ್ಕೆ ಪಡೆಯಲಾಗಿತ್ತು. ಇದೀಗ ಆ ಉಗುರಿನ ಬಗ್ಗೆ ಜಗ್ಗೇಶ್‌ ಮಾತಾಡಿದ್ದಾರೆ.

ನಿರ್ದೇಶಕ ಗುರುಪ್ರಸಾದ್‌ ಅವರ ರಂಗನಾಯಕ ಸಿನಿಮಾದಲ್ಲಿ ಜಗ್ಗೇಶ್‌ ನಟಿಸಿದ್ದಾರೆ. ಈಗಾಗಲೇ ಒಂದಷ್ಟು ಕಾರಣಕ್ಕೆ ಈ ಸಿನಿಮಾ ಸದ್ದು ಮಾಡುತ್ತಿದೆ. ಹಾಡಿನ ಮೂಲಕ ವಿವಾದ ಕಿಡಿ ಹೊತ್ತಿಸಿತ್ತು. ಇದೀಗ ಮನದರಸಿ.. ಅನ್ನೋ ಎರಡನೇ ಹಾಡನ್ನು ಬಿಡುಗಡೆ ಮಾಡಿದೆ. ಇದೇ ಹಾಡು ಬಿಡುಗಡೆ ಕಾರ್ಯಕ್ರಮದಲ್ಲಿ ಹುಲಿ ಉಗುರಿನ ಪ್ರಕರಣದ ಪ್ರಹಸನ ಹೇಗಿತ್ತು ಎಂಬುದನ್ನು ನೆನಪು ಮಾಡಿಕೊಂಡಿದ್ದಾರೆ. ತಮ್ಮದೇ ಧಾಟಿಯಲ್ಲಿಯೇ ಆ ಘಟನೆಯನ್ನು ವಿವರಿಸಿದ್ದಾರೆ.

ಇದನ್ನೂ ಓದಿ: ರಸ್ತೆ ಬದಿಯ ಗೂಡಂಗಡಿಯಲ್ಲಿ ಪತ್ನಿ ರಾಧಿಕಾಗೆ ಐಸ್‌ಕ್ಯಾಂಡಿ ಕೊಡಿಸಿದ ಯಶ್!‌ ಸರಳತೆಯ ಸಾಹುಕಾರ ಎಂದ ಫ್ಯಾನ್ಸ್ PHOTOS

"ನನ್ನಮ್ಮ ನನಗೆ ಒಂದು ಹುಲಿ ಉಗುರು ಕೊಟ್ಟಿದ್ಲು. ನಾನೀನ ನನ್ನ 40ನೇ ವರ್ಷದ ಸಿನಿಮಾ ಜರ್ನಿಯಲ್ಲಿದ್ದೇನೆ. ಎಂಥ ಬ್ಯೂಟಿಫುಲ್‌ ಜರ್ನಿರೀ ಇದು. ನಾನು ಸತ್ತೋದ ಮೇಲೆ ಜಗ್ಗೇಶ್‌ ಎಂಥ ನಟ. ಏನೆಲ್ಲ ಮಾಡಿ ಸತ್ತೋಗ್ಬಿಟ್ಟ ಅಂತ ಸತ್ತೋದ ಮೇಲೆ ಬರೆದ್ರೆ ನನಗೇನು ಗೊತ್ತಾಗಬೇಕು ಅಲ್ವಾ. ನಾನು ಬದುಕಿದ್ದಾಗ ಹೇಳಬೇಕು. ಅದಕ್ಕಾಗಿ ನಾನು ನನ್ನ ಮನಸೋ ಇಚ್ಛೇ ಸತ್ಯವನ್ನೇ ಆವತ್ತು ಸುದೀರ್ಘವಾಗಿ ಹೇಳಿಕೊಂಡೆ"

"ನಾನು ನಮ್ಮ ತಾಯಿ ಅವರು ನನಗೆ ಹುಲಿತರ ಬದುಕೋ ಮಗನೇ ಅಂತ ಹುಲಿ ಉಗುರು ಕೊಟ್ಟಿದ್ದರು ಅಂತ ನಾನು ಹೆಮ್ಮೆಯಿಂದ ಹೇಳಿದೆ. ಅವನು ಯಾರೋ ಕಿತ್ತೋದ್‌ ನನ್ಮಗ ರಿಯಲ್ ಆಗಿ ಹಾಕೊಂಡು, ಅದೇನೋ ಆಗಿ ಟಿವಿಯಲ್ಲಿ ತಗಲಾಕೊಂಡಿದ್ದಾನೆ. ಇಲ್ಲಿರೋ ಅಷ್ಟೂ ಕ್ಯಾಮರಾಗಳೂ ನನ್ನ ಮನೆ ಮುಂದೆ ಇತ್ತು. ಏನೇನ್‌ ಡೈಲಾಗ್‌ ಬಿಡ್ತಾವ್ರೇ ಅಂದ್ರೆ, ನನಗೆ ಕೇಳೋಕೆ ಆಗ್ತಿಲ್ಲ" ಎಂದು ವರ್ತೂರು ಸಂತೋಷ್‌ ಹೆಸರು ಹೇಳದೇ ಪರೋಕ್ಷವಾಗಿಯೇ ಮಾತನಾಡಿದ್ದಾರೆ ಜಗ್ಗೇಶ್.‌

ಇದನ್ನೂ ಓದಿ: ಅತಿಯಾದ ತೂಕ, ಮೈತುಂಬ ಕಾಯಿಲೆ; ಬಳುಕೋ ಬಳ್ಳಿಯಂತಿದ್ದ ‘ಕುರುಬನ ರಾಣಿ’ ನಗ್ಮಾಗೆ ಏನಾಯ್ತು, ಗುರುತೇ ಸಿಗ್ತಿಲ್ಲವಲ್ಲ!

ಮಾರ್ಚ್‌ 8ಕ್ಕೆ ರಂಗನಾಯಕ ಬಿಡುಗಡೆ..

ನವರಸ ನಾಯಕ ಜಗ್ಗೇಶ್ ಅಭಿನಯದ, ರಂಗನಾಯಕ ಸಿನಿಮಾ ಮಾರ್ಚ್ 8ರಂದು ರಾಜ್ಯಾದ್ಯಂತ ತೆರೆಗೆ ಬರಲಿದೆ. ಪುಷ್ಪಕ ವಿಮಾನ ಖ್ಯಾತಿಯ ನಿರ್ಮಾಪಕ‌ ವಿಖ್ಯಾತ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಮಠ , ಎದ್ದೇಳು ಮಂಜುನಾಥ ಚಿತ್ರಗಳ ಮೂಲಕ ಹೊಸ ದಾಖಲೆಯನ್ನೇ‌‌ ಸೃಷ್ಟಿಸಿದ್ದ ‌ಗುರುಪ್ರಸಾದ್- ಜಗ್ಗೇಶ್ ಜೋಡಿ ನಗುವಿನ ಅಲೆ ಎಬ್ಬಿಸಲು ಮತ್ತೊಮ್ಮೆ ಪ್ರೇಕ್ಷಕರೆದುರು ಬರುತ್ತಿದ್ದಾರೆ. ಶಿವರಾತ್ರಿಯ ವಿಶೇಷವಾಗಿ ಈ ಚಿತ್ರ ಬಿಡುಗಡೆಯಾಗುತ್ತಿದೆ.

ಗುರುಪ್ರಸಾದ್‌ ಜಗಮೊಂಡ, ಒಂಟಿಸಲಗ..

ಹಾಡು ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಜಗ್ಗೇಶ್, ಈ ಸಿನಿಮಾ ಸಂಪೂರ್ಣವಾಗಿ ಗುರುಪ್ರಸಾದ್ ಅವರ ಪ್ರಸಾದ. ಆತ ಜಗಮೊಂಡ, ಆತ ಯಾರ ಮಾತನ್ನೂ ಕೇಳೋನಲ್ಲ. ಮದವೇರಿದ ಒಂಟಿ ಸಲಗನಂತೆ ಎಂದು ನಿರ್ದೇಶಕರ ಕಾರ್ಯವೈಖರಿಯನ್ನು ಮೆಚ್ಚುಕೊಂಡರು. ವರ್ಷಕ್ಕೊಂದು ಸಿನಿಮಾ ಮಾಡಿದ್ರೆ ಖಂಡಿತಾ ಒಳ್ಳೆದಾಗತ್ತೆ. ರಂಗನಾಯಕ ಒಂದು ಎಂಟರ್ಟೈನಿಂಗ್ ಚಿತ್ರ. ಜನ ಥಿಯೇಟರ್ ಗೆ ಬಂದು ಬಾಯಿ ತುಂಬಾ ನಕ್ಬಿಟ್ರೆ ನಮಗೆ ಖುಷಿಯಾಗತ್ತೆ ಎಂದರು.

ಇದನ್ನೂ ಓದಿ: ಕ್ರೀಂ ಚಿತ್ರದ ಟ್ರೇಲರ್‌ ಬಿಡುಗಡೆ; ಐದು ವರ್ಷಗಳ ಬಳಿಕ ಸ್ಯಾಂಡಲ್‌ವುಡ್‌ಗೆ ಮರಳಿದ ಸಂಯುಕ್ತಾ ಹೆಗ್ಡೆ

ಡಬ್ಬಿಂಗ್ ಸ್ಟುಡಿಯೋ ಆರಂಭಿಸಲಿದ್ದಾರೆ ಜಗ್ಗೇಶ್

ಡಬ್ಬಿಂಗ್ ಸ್ಟುಡಿಯೋ ನಂಗೆ ತುಂಬಾ ಇಷ್ಟವಾದ ಜಾಗ ಎಂದ ಜಗ್ಗೇಶ್‌, ಇಂಡಸ್ಟ್ರಿಯಲ್ಲಿ ಮತ್ತೊಂದು ಹೆಜ್ಜೆ ಮುಂದಿಟ್ಟಿದ್ದಾರೆ. ಫೈನ್ ಓನ್ ಅನ್ನೋ ಡಬ್ಬಿಂಗ್ ಸ್ಟುಡಿಯೋವನ್ನು ಶುರು ಮಾಡ್ತಿದ್ದಾರೆ. ಈ ಬಗ್ಗೆ ಮುಂದಿನ ದಿನಗಳಲ್ಲಿ ಮಾಹಿತಿ ನೀಡಲಿದ್ದಾರೆ.