Samyuktha Hegde: ಸಂಯುಕ್ತ ಹೆಗ್ಡೆ ಹೊಸ ಅವತಾರ, ಟಾಪ್‌ಲೆಸ್‌ ಆಗಿ ದೇಹ ಪ್ರದರ್ಶಿಸಿದ ನಟಿ; ಹರಿದು ಬಂತು ಪರ ವಿರೋಧ ಕಾಮೆಂಟ್‌ಗಳು
Jul 10, 2023 11:32 AM IST
Share
ನಟಿ ಸಂಯುಕ್ತ ಹೆಗ್ಡೆ
ಹೆಚ್ಚಾಗಿ ವಿವಾದಗಳಿಂದಲೇ ಸುದ್ದಿಯಲ್ಲಿರುವ ನಟಿ ಸಂಯುಕ್ತಾ ಹೆಗ್ಡೆ ಟಾಪ್‌ಲೆಸ್‌ ವಿಡಿಯೋವೊಂದನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡು ಮತ್ತೆ ಸುದ್ದಿಯಲ್ಲಿದ್ದಾರೆ.
ಕಿರಿಕ್‌ ಪಾರ್ಟಿ ಸಿನಿಮಾ ಮೂಲಕ ಕನ್ನಡ ಸಿನಿಪ್ರಿಯರಿಗೆ ಪರಿಚಿತರಾದ ನಟಿ ಸಂಯುಕ್ತ ಹೆಗ್ಡೆ ಈಗ ಪರಭಾಷೆ ಸಿನಿಮಾಗಳಲ್ಲಿ ಕೂಡಾ ಬ್ಯುಸಿ ಇದ್ದಾರೆ. ಸಿನಿಮಾ ಮಾತ್ರವಲ್ಲದೆ ಸಂಯುಕ್ತ ಕನ್ನಡ, ಹಿಂದಿ ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿ ಕೂಡಾ ಹೆಸರು ಮಾಡಿದ್ದಾರೆ, ಜೊತೆಗೆ ಫಿಟ್ನೆಸ್‌ನತ್ತ ಕೂಡಾ ಹೆಚ್ಚು ಗಮನ ನೀಡುತ್ತಾರೆ.
ನಿಮ್ಮ ದೇಹ ನಿಮ್ಮ ಆಸ್ತಿ ಎಂದ ಸಂಯುಕ್ತ ಹೆಗ್ಡೆ
ಸಂಯುಕ್ತ ಹೆಗ್ಡೆ ಸಿನಿಮಾಗಳ ವಿಚಾರಕ್ಕಿಂತ ಹೆಚ್ಚಾಗಿ ವೈಯಕ್ತಿಕ ವಿಚಾರಗಳಿಂದಲೇ ಸುದ್ದಿಯಲ್ಲಿರುತ್ತಾರೆ. ಕೆಲವೊಮ್ಮೆ ತಾವು ಧರಿಸುವ ಬಟ್ಟೆಗಳಿಂದಲೇ ವಿವಾದಕ್ಕೆ ಒಳಗಾಗುತ್ತಾರೆ. ಇದೀಗ ಸಂಯುಕ್ತ ಇನ್ನೊಂದು ವಿಡಿಯೋ ಹಂಚಿಕೊಂಡಿದ್ದು ಇದಕ್ಕೆ ಪರ ವಿರೋಧ ಚರ್ಚೆ ವ್ಯಕ್ತವಾಗುತ್ತಿದೆ. ಸಂಯುಕ್ತ ಟಾಪ್‌ಲೆಟ್‌ ಆಗಿ ದೇಹ ಪ್ರದರ್ಶನ ಮಾಡಿದ್ದಾರೆ. ಸಂಯುಕ್ತ ಬಾಡಿ ನೋಡಿ ಹಲವರು ಶಾಕ್‌ ಆಗಿದ್ದಾರೆ. ಹುಡುಗರಂತೆ ಬಾಡಿ ಬಿಲ್ಡ್‌ ಮಾಡಿರುವ ಸಂಯುಕ್ತ ನಿಮ್ಮ ದೇಹವೇ ನಿಮ್ಮ ಆಸ್ತಿ ಎಂದು ಕ್ಯಾಪ್ಷನ್‌ ನೀಡಿದ್ದಾರೆ.
ನೀವು ಯಾವುದೇ ಸಾಮಾಜಿಕ ಮಾನದಂಡಗಳ ಮಾಲೀಕತ್ವ ಹೊಂದಿಲ್ಲ, ಮಹಿಳೆಯರಾಗಿ ನಾವು ಸ್ಟ್ರಾಂಗ್‌ ಆಗಿರಬೇಕು, ಸ್ವತಂತ್ಯ್ರಳಾಗಿ, ಆತ್ಮವಿಶ್ವಾಸದಿಂದ ಇರಬೇಕು ಎಂದು ಸಂಯುಕ್ತ ಬರೆದುಕೊಂಡಿದ್ದಾರೆ. ಸಂಯುಕ್ತ ಹೆಗ್ಡೆ ಹಂಚಿಕೊಂಡಿರುವ ವಿಡಿಯೋಗೆ ಪರ ವಿರೋಧ ಚರ್ಚೆ ವ್ಯಕ್ತವಾಗುತ್ತಿದೆ. ನೀವು ಇತರ ಮಹಿಳೆಯರಿಗೆ ಸ್ಫೂರ್ತಿ, ನಿಮ್ಮ ಬಾಡಿ ನೋಡಿ ಹುಡುಗರೂ ನಾಚುತ್ತಿದ್ದಾರೆ ಎಂದು ಕೆಲವರು ಕಾಮೆಂಟ್‌ ಮಾಡಿದರೆ ಇನ್ನೂ ಕೆಲವರು ಹೆಣ್ಣಾಗಿ ಈ ರೀತಿ ನಿಮ್ಮ ದೇಹ ಪ್ರದರ್ಶಿಸುವ ಅಗತ್ಯವಿರಲಿಲ್ಲ, ಜನರ ಗಮನ ಸೆಳೆಯಲು ನೀವು ಮಾಡ್ತಿರೋ ಗಿಮಿಕ್‌ ಅಷ್ಟೇ ಎನ್ನುತ್ತಿದ್ದಾರೆ.
ವಿವಾದಗಳಿಂದಲೇ ಹೆಚ್ಚು ಸುದ್ದಿಯಾದ ನಟಿ
ಬಿಗ್‌ ಬಾಸ್‌ ಸೀಸನ್‌ 5ರಲ್ಲಿ ವೈಲ್ಡ್‌ ಕಾರ್ಡ್‌ ಎಂಟ್ರಿ ಮೂಲಕ ಸ್ಪರ್ಧಿಯಾಗಿ ಬಂದಿದ್ದ ಸಂಯುಕ್ತ ಹೆಗ್ಡೆ ತಮ್ಮ ಸಹಸ್ಪರ್ಧಿ ಸಮೀರ್‌ ಕೆನ್ನೆಗೆ ಹೊಡೆದು ಸುದ್ದಿಯಾಗಿದ್ದರು, ಸಂಯುಕ್ತ ವರ್ತನೆಗೆ ಎಲ್ಲರಿಂದ ವಿರೋಧ ವ್ಯಕ್ತವಾಗಿತ್ತು. ನಂತರ 2020 ರಲ್ಲಿ ಬೆಂಗಳೂರಿನ ಪಾರ್ಕ್‌ವೊಂದರಲ್ಲಿ ಸಮಯುಕ್ತ ತಮ್ಮ ಸಂಗಡಿಗರೊಂದಿಗೆ ಹುಲಾ ಹೂಪ್ಸ್‌ ಅಭ್ಯಾಸ ಮಾಡುತ್ತಿದ್ದ ವೇಳೆ ಅವರ ಡ್ರೆಸ್‌ ಬಗ್ಗೆ ವಿರೋಧ ವ್ಯಕ್ತಪಡಿಸಿ ಮಹಿಳೆಯೊಬ್ಬರೊಂದಿಗೆ ಕಿರಿಕ್‌ ಮಾಡಿಕೊಂಡಿದ್ದರು. ಹಾಗೇ ಕಳೆದ ವರ್ಷ ಸಂಯುಕ್ತ ಪೂಲ್‌ ಬಳಿ ನೀಲಿ ಬಣ್ಣದ ಮೈಕ್ರೋ ಬಿಕಿನಿಯಲ್ಲಿ ದರ್ಶನ ಕೊಟ್ಟು ಸುದ್ದಿಯಾಗಿದ್ದರು.
ಸಂಯುಕ್ತ ಹೆಗ್ಡೆ ಮೂಲತ: ಉತ್ತರ ಕರ್ನಾಟಕ ಮೂಲದವರು. ರಿಷಬ್‌ ಶೆಟ್ಟಿ ನಿರ್ದೇಶನದ ಕಿರಿಕ್‌ ಪಾರ್ಟಿ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಬಂದ ಸಂಯುಕ್ತ ನಂತರ ಕಾಲೇಜು ಕುಮಾರ ಸಿನಿಮಾದಲ್ಲಿ ನಟಿಸಿದರು. ನಂತರ ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು. ತೆಲುಗು, ತಮಿಳು ಸಿನಿಮಾಗಳಲ್ಲೇ ಹೆಚ್ಚು ಬ್ಯುಸಿ ಇದ್ದ ಸಂಯುಕ್ತ ಹೆಗ್ಡೆ, ಬಹಳ ವರ್ಷಗಳ ನಂತರ ರಾಣ ಸಿನಿಮಾ ಮೂಲಕ ಕನ್ನಡಕ್ಕೆ ವಾಪಸಾದರು. ಇತ್ತೀಚೆಗೆ ತೆರೆ ಕಂಡ ತುರ್ತು ನಿರ್ಗಮನ ಸಿನಿಮಾದಲ್ಲಿ ಸಂಯುಕ್ತ ನಟಿಸಿದ್ದಾರೆ. ಅವರು ನಟಿಸಿರುವ ಕ್ರೀಮ್‌ ಸಿನಿಮಾ ಪೋಸ್ಟ್‌ ಪ್ರೊಡಕ್ಷನ್‌ ಹಂತದಲ್ಲಿದ್ದು ಶೀಘ್ರವೇ ತೆರೆ ಕಾಣಲಿದೆ.