Tharun Sonal Marriage: ತರುಣ್ ಸುಧೀರ್‌- ಸೋನಾಲ್ ಮೊಂತೆರೋ ಮದುವೆ ದಿನಾಂಕ ಫಿಕ್ಸ್‌, ವಿಡಿಯೋ ಹಂಚಿಕೊಂಡ ಜೋಡಿ, ಎಲ್ಲಿ ಯಾವಾಗ ಮದುವೆ?
Jul 22, 2024 11:36 AM IST
Share
Tharun Sonal Marriage: ತರುಣ್ ಸುಧೀರ್‌- ಸೋನಾಲ್ ಮೊಂತೆರೋ ಮದುವೆ ದಿನಾಂಕ ಫಿಕ್ಸ್‌, ವಿಡಿಯೋ ಹಂಚಿಕೊಂಡ ಜೋಡಿ, ಎಲ್ಲಿ ಯಾವಾಗ ಮದುವೆ?
- Tharun Sudhir- Sonal Monteiro Marriage: ಕಾಟೇರ ಸಿನಿಮಾ ನಿರ್ದೇಶಕ ತರುಣ್ ಸುಧೀರ್‌ ಮತ್ತು ನಟಿ ಸೋನಾಲ್ ಮೊಂತೆರೊ ಸದ್ಯದಲ್ಲಿಯೇ ಶುಭವಿವಾಹವಾಗಲಿದ್ದಾರೆ. ಇವರಿಬ್ಬರ ಮದುವೆ ದಿನಾಂಕ ಮತ್ತು ಮದುವೆ ನಡೆಯುವ ಸ್ಥಳದ ಅಪ್‌ಡೇಟ್‌ ಕೂಡ ಇಂದು ದೊರಕಿದೆ.
Tharun Sudhir- Sonal Monteiro Marriage: ಕಾಟೇರ ಸಿನಿಮಾ ನಿರ್ದೇಶಕ ತರುಣ್ ಸುಧೀರ್‌ ಮತ್ತು ನಟಿ ಸೋನಾಲ್ ಮೊಂತೆರೊ ಸದ್ಯದಲ್ಲಿಯೇ ಶುಭವಿವಾಹವಾಗಲಿದ್ದಾರೆ. ಇವರಿಬ್ಬರ ಮದುವೆ ದಿನಾಂಕ ಮತ್ತು ಮದುವೆ ನಡೆಯುವ ಸ್ಥಳದ ಅಪ್‌ಡೇಟ್‌ ಕೂಡ ಇಂದು ದೊರಕಿದೆ.ಇಂದು ಸೋನಾಲ್ ಮತ್ತು ತರುಣ್ ತಮ್ಮ ಮದುವೆಯ ಶುಭಸುದ್ದಿಯ ಟ್ರೇಲರ್‌ ವಿಡಿಯೋ ಬಿಡುಗಡೆ ಮಾಡಿದ್ದಾರೆ. "ಈ ನಾಯಕಿಗೆ ಕೊನೆಗೂ ಜೀವನದ ನಿರ್ದೇಶಕ ಸಿಕ್ಕ" ಎಂದು ನಿನ್ನೆಯಷ್ಟೇ ಇವರು ಅಪ್‌ಡೇಟ್‌ ನೀಡಿದ್ದರು. ಇದೀಗ ತಮ್ಮ ಪ್ರೀವೆಡ್ಡಿಂಗ್‌ ಶೂಟಿಂಗ್‌ನ ವಿಡಿಯೋ ಹಂಚಿಕೊಂಡಿದ್ದಾರೆ. ಸಿನಿಮಾವೊಂದರ ಟ್ರೇಲರ್‌ ಅಥವಾ ಟೀಸರ್‌ನಂತೆ ಇವರಿಬ್ಬರು ಸಿನಿಮಾ ಟಾಕೀಸ್‌ನೊಳಗೆ ತಮ್ಮದೇ ಸಿನಿಮಾ ನೋಡುವಂತೆ ಈ ವಿಡಿಯೋ ಇದೆ.
ತರುಣ್ - ಸೋನಾಲ್ ವಿವಾಹ ದಿನಾಂಕ
ವಿಶೇಷ ವಿಡಿಯೋ ಮೂಲಕ ತಮ್ಮ ಮದುವೆ ಸುದ್ದಿಯನ್ನು ತರುಣ್ ಮತ್ತು ಸೋನಲ್‌ ಹಂಚಿಕೊಂಡಿದ್ದಾರೆ. ಸ್ಯಾಂಡಲ್‌ವುಡ್‌ನ ಸ್ಟಾರ್‌ ಡೈರೆಕ್ಟರ್‌ ಮತ್ತು ಬ್ಯೂಟಿಫುಲ್‌ ಹೀರೋಯಿನ್‌ ನಡುವೆ ಮುಂದಿನ ತಿಂಗಳು ಮದುವೆ ನಡೆಯಲಿದೆ. ಆಗಸ್ಟ್ 10 -11ರಂದು ಬೆಂಗಳೂರಿನಲ್ಲಿ ಇವರಿಬ್ಬರ ಶುಭ ವಿವಾಹ ನಡೆಯಲಿದೆ.
ತರುಣ್ - ಸೋನಾಲ್ ವಿವಾಹ ಎಲ್ಲಿ?
ಬೆಂಗಳೂರಿನ ಕೆಂಗೇರಿ ಬಳಿ ಇರೋ ಪೂರ್ಣಿಮಾ ಕನ್ವೆಷನ್ ಹಾಲ್‌ನಲ್ಲಿ ವಿವಾಹ ನಡೆಯಲಿದೆ.
ವಿಡಿಯೋದಲ್ಲಿ ಏನಿದೆ?
ಇಂದು ತರುಣ್ ಸುಧೀರ್‌ ಮತ್ತು ನಟಿ ಸೋನಾಲ್ ಮೊಂತೆರೊ ಹಂಚಿಕೊಂಡಿರುವ ವಿಡಿಯೋವನ್ನು ಪ್ರೀವೆಡ್ಡಿಂಗ್‌ ವಿಡಿಯೋ ಎಂದು ಕರೆಯಲು ಅಡ್ಡಿಯಿಲ್ಲ. ಸಿನಿಮಾ ಟಾಕೀಸ್‌ವೊಂದರಲ್ಲಿ ಇವರಿಬ್ಬರು ಪ್ರೀತಿಯ ಹೆಜ್ಜೆ ಹಾಕುತ್ತಿರುವ ವಿಡಿಯೋ ಇದಾಗಿದೆ. ವಿಡಿಯೋ ಇಲ್ಲಿದೆ ನೋಡಿ.
ಕೊನೆಗೂ ಈ ನಾಯಕಿಗೆ ನಿರ್ದೇಶಕ ಸಿಕ್ಕ
ತನ್ನ ಮತ್ತು ತರುಣ್ ಸುಧೀರ್‌ ಮದುವೆ ಕುರಿತು ಮೌನಕ್ಕೆ ಜಾರಿದ್ದ ಸೋನಾಲ್ ಮೊಂತೆರಿಯೋ ಅವರು ನಿನ್ನೆ "ಈ ನಾಯಕಿಗೆ ಕೊನೆಗೂ ಜೀವನದ ನಿರ್ದೇಶಕ ಸಿಕ್ಕ" ಎಂದು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದರು. ಜತೆಗೆ ಜುಲೈ 22ರ ಬೆಳಗ್ಗೆ 11.08 ಗಂಟೆಗೆ ಈ ಕುರಿತು ಹೆಚ್ಚಿನ ಅಪ್‌ಡೇಟ್‌ ನೀಡುವುದಾಗಿ ಹೇಳಿದ್ದರು. ಇತ್ತೀಚೆಗೆ ಸೋನಾಲ್ ಮೊಂತೆರೋ ಅವರನ್ನು ಮಾಧ್ಯಮಗಳು ಪ್ರಶ್ನಿಸಿದಾಗ ನಾಚಿ ನೀರಾಗಿ ಏನೂ ಉತ್ತರಿಸದೆ ಹೋಗಿದ್ದರು. ಇದೀಗ ತಮ್ಮ ಮದುವೆಯ ವಿಡಿಯೋ ಅಪ್ಲೋಡ್‌ ಮಾಡಿದ್ದು, ಮದುವೆಯ ಶುಭದಿನ ಮತ್ತು ಎಲ್ಲಿ ಮದುವೆ ನಡೆಯಲಿದೆ ಎಂಬ ವಿವರ ಹಂಚಿಕೊಂಡಿದ್ದಾರೆ.
ಕನ್ನಡ ಸಿನಿಮಾ ಉದ್ಯಮದ ಮೋಸ್ಟ್‌ ಬ್ಯಾಚುಲರ್‌ ಪೈಕಿ ನಿರ್ದೇಶಕ ತರುಣ್ ಸುಧೀರ್‌ ಕೂಡಾ ಒಬ್ಬರು. ವಯಸ್ಸು 38 ವರ್ಷವಾದರೂ ಇನ್ನೂ ಸಿಂಗಲ್‌ ಆಗಿಯೇ ಇದ್ದಾರೆ. ಇದೀಗ ಇವರ ಮದುವೆ ಫಿಕ್ಸ್‌ ಆಗಿದೆ. ಇತ್ತೀಚೆಗೆ ಜೈಲಿನಲ್ಲಿರುವ ಕಾಟೇರ ನಟನನ್ನು ಭೇಟಿಯಾಗಿ ತಮ್ಮ ಮದುವೆಯ ಸುದ್ದಿ ಹಂಚಿಕೊಂಡಿದ್ದರು. ತರುಣ್ ಸುಧೀರ್‌ ನಿರ್ದೇಶನದಲ್ಲಿ ಮೂಡಿಬಂದಿದ್ದ ರಾಬರ್ಟ್‌ ಸಿನಿಮಾದಲ್ಲಿ ಸೋನಾಲ್ ನಟಿಸಿದ್ದರು. ಸ್ಯಾಂಡಲ್ವುಡ್ ಸೇರಿ ತುಳು ಸಿನಿಮಾರಂಗದಲ್ಲಿಯೂ ಹೆಸರು ಮಾಡಿರುವ ಸೋನಾಲ್ ಮೊಂತೆರೋ ಹೆಸರು ಮಾಡಿದ್ದಾರೆ. ಇವರ ಕೈಯಲ್ಲಿ ಈಗ ಹಲವು ಪ್ರಾಜೆಕ್ಟ್‌ಗಳು ಇವೆ.