Dr Bro: ‘ದೇವ್ರು ದೊಡ್ಡದಾಗಿ ಸಿಗ್ನಲ್ ಕೊಟ್ಟವ್ನೇ!’ ಡಾ. ಬ್ರೋ ಒಂದೇ ಒಂದು ಪೋಸ್ಟ್‌ಗೆ ನೆಟ್ಟಿಗರಿಂದ ಹರಿದು ಬಂದವು ಸಾವಿರಾರು ಕಾಮೆಂಟ್ಸ್‌
Dec 27, 2023 06:15 PM IST
Share
Dr Bro: ‘ದೇವ್ರು ದೊಡ್ಡದಾಗಿ ಸಿಗ್ನಲ್ ಕೊಟ್ಟವ್ನೇ!’ ಡಾ. ಬ್ರೋ ಒಂದೇ ಒಂದು ಪೋಸ್ಟ್‌ಗೆ ನೆಟ್ಟಿಗರಿಂದ ಹರಿದು ಬಂದವು ಸಾವಿರಾರು ಕಾಮೆಂಟ್ಸ್‌
- ಡಾ. ಬ್ರೋ ಸೋಷಿಯಲ್‌ ಮೀಡಿಯಾದಲ್ಲಿ ಬಿಹಾರದ ಹಲವು ಫೋಟೋಗಳನ್ನು ಶೇರ್‌ ಮಾಡಿಕೊಳ್ಳುತ್ತಿದ್ದಂತೆ, ಸಾವಿರಾರು ಕಾಮೆಂಟ್‌ಗಳು ಹರಿದು ಬಂದಿವೆ. ಲಕ್ಷ ಲಕ್ಷ ಲೈಕ್ಸ್‌ಗಳು ಸಂದಾಯವಾಗಿವೆ. ಸದ್ಯ 5 ಲಕ್ಷ ಪ್ಲಸ್‌ ಲೈಕ್ಸ್‌ ಬಂದರೆ, 9 ಸಾವಿರ ಸನಿಹಕೆ ಕಾಮೆಂಟ್‌ಗಳು ಹರಿದು ಬಂದಿವೆ. ಈ ಮೂಲಕ ನೆಚ್ಚಿನ ದೇವ್ರನ್ನ ಮನಸಾರೆ ಸ್ವಾಗತಿಸಿದ್ದಾರೆ ಕರುನಾಡ ಜನತೆ.
Dr Bro Kannada: ಡಾ ಬ್ರೋ ಅಲಿಯಾಸ್‌ ಗಗನ್‌ ಶ್ರೀನಿವಾಸ್, ಕಳೆದ ಒಂದೂವರೆ ತಿಂಗಳಿಂದ ಸುದ್ದಿ ಇರಲಿಲ್ಲ. ಎಲ್ಲೋದ್ರು ಎಂದು ಎಲ್ಲರೂ ಹುಡುಕಾಡಿದ್ದೇ ಬಂತು, ಸೋಷಿಯಲ್‌ ಮೀಡಿಯಾ ಜಾಲಾಡಿದ್ದೇ ಬಂತು. ಆದರೆ, ಅವರ ಸುಳಿವು ಮಾತ್ರ ಸಿಕ್ಕಿರಲಿಲ್ಲ. ಈ ನಡುವೆ ಅವರ ಬಗ್ಗೆ ಕೆಲವು ಇಲ್ಲ ಸಲ್ಲದ ಊಹಾಪೋಹಗಳು ಎದ್ದಿದ್ದವು. ಇದೀಗ ಆ ಎಲ್ಲ ಪ್ರಶ್ನೆಗಳಿಗೆ ಅವರಿಂದ ಉತ್ತರ ಬಂದಿದೆ. ಸೋಷಿಯಲ್‌ ಮೀಡಿಯಾ ಇನ್‌ಸ್ಟಾಗ್ರಾಂನಲ್ಲಿ ಹೊಸ ಪೋಸ್ಟ್‌ ಹಂಚಿಕೊಂಡು ಮತ್ತೆ ಮುನ್ನೆಲೆಗೆ ಬಂದಿದ್ದಾರೆ.
ಕೈಯಲ್ಲಿ ಕ್ಯಾಮರಾ ಹಿಡಿದು ತನ್ನ ನೋಡುಗ ಬಳಗಕ್ಕೆ ಇಡೀ ಜಗತ್ತನ್ನೇ ತೋರಿಸುವ ಈ ಹುಡುಗ, ಕರ್ನಾಟಕದ ಲಕ್ಷಾಂತರ ಮಂದಿಯ ಪ್ರೀತಿ ಸಂಪಾದಿಸಿದ್ದಾರೆ. ಯೂಟ್ಯೂಬ್‌ ಮೂಲಕ ವಿಶ್ವದ ಬೇರೆ ಬೇರೆ ದೇಶಗಳ ನೈಜ ಸ್ಥಿತಿ, ಅಲ್ಲಿನ ಜೀವನ, ಆಹಾರ ಪದ್ಧತಿಯನ್ನು ಎಳೆ ಎಳೆಯಾಗಿ ನೋಡುಗರಿಗೆ ಉಣಬಡಿಸುತ್ತಿದ್ದಾರೆ. ಆದರೆ, ಇತ್ತೀಚಿನ ಕೆಲ ದಿನಗಳಿಂದ ಇದೇ ಡಾ. ಬ್ರೋ ಸೋಷಿಯಲ್‌ ಮೀಡಿಯಾದಿಂದ ಸಂಪೂರ್ಣ ದೂರವಾಗಿದ್ದರು. ಇದೀಗ ಒಂದೂವರೆ ತಿಂಗಳ ಬಳಿಕ ಗ್ರ್ಯಾಂಡ್‌ ಎಂಟ್ರಿ ನೀಡಿದ್ದಾರೆ.
ನವೆಂಬರ್‌ 14ರಂದು ಮಕ್ಕಳ ದಿನಾಚರಣೆ ಪ್ರಯುಕ್ತ ಗಲ್ಲಿ ಕ್ರಿಕೆಟ್‌ ಆಡುತ್ತಿದ್ದ ಮಕ್ಕಳ ಜತೆಗೆ ವಿಡಿಯೋ ಮಾಡಿ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಡಾ. ಬ್ರೋ ಪೋಸ್ಟ್‌ ಮಾಡಿದ್ದರು. ಅದಾದ ಬಳಿಕ ಚೀನಾ ದೇಶದ ಕೆಲ ವಿಶೇಷ ಸ್ಥಳಗಳನ್ನು ನೋಡುಗರಿಗೆ ವಿಡಿಯೋ ಮೂಲಕ ಪರಿಚಯಿಸಿದ್ದರು. ಆ ವಿಡಿಯೋ ನವೆಂಬರ್‌ 29ರಂದು ಅಪ್ಲೋಡ್ ಆಗಿತ್ತು. ಅದಾದ ಮೇಲೆ ಗಗನ್‌ ಅವರ ಬೇರಾವ ವಿಡಿಯೋ ಅವರ ಯೂಟ್ಯೂಬ್‌ ಖಾತೆಯಲ್ಲಿ ಅಪ್ಲೋಡ್ ಆಗಿರಲಿಲ್ಲ. ಇದೀಗ ಅಚ್ಚರಿಯ ರೀತಿಯಲ್ಲಿ ಎಂಟ್ರಿಕೊಟ್ಟಿದ್ದಾರೆ.
ಹಾಗಾದರೆ ಸದ್ಯ ಎಲ್ಲಿದ್ದಾರೆ ಡಾ. ಬ್ರೋ? ಇಷ್ಟು ದಿನ ವಿದೇಶಗಳಿಗೆ ತೆರಳಿ ಅಲ್ಲಿನ ವಿಶೇಷತೆಗಳ ಬಗ್ಗೆ ವಿಡಿಯೋ ಮೂಲಕ ತೋರಿಸುತ್ತಿದ್ದ ಗಗನ್‌ ಶ್ರೀನಿವಾಸ್, ಈ ಬಾರಿ ಭಾರತದಲ್ಲಿಯೇ ಸುತ್ತಾಟಕ್ಕಿಳಿದಿದ್ದಾರೆ. ದೂರದ ಬಿಹಾರ ರಾಜ್ಯದಲ್ಲಿ ಬೀಡು ಬಿಟ್ಟಿರುವ ಗಗನ್‌, ಅಲ್ಲಿನ ಸ್ಥಿತಿಗತಿಯನ್ನು ತನ್ನ ವೀಕ್ಷಕರಿಗೆ ನೀಡಲಿದ್ದಾರೆ. ಅದರಂತೆ, ಬಿಹಾರದಲ್ಲಿನ ಒಂದಷ್ಟು ಫೋಟೋಗಳನ್ನು ಶೇರ್‌ ಮಾಡಿದ್ದಾರೆ. ಎಮ್ಮೆ, ಹಸು, ಮೇಕೆ ಜತೆಗೆ ಫೋಟೋಗಳಿಗೆ ಪೋಸ್‌ ನೀಡಿದ್ದಾರೆ. ಹೀಗೆ ಫೋಟೋ ಹಂಚಿಕೊಳ್ಳುತ್ತಿದ್ದಂತೆ, ಅವರ ಫಾಲೋವರ್ಸ್‌ ಕುಣಿದು ಕುಪ್ಪಳಿಸಿದ್ದಾರೆ.
ಗಗನ್‌ ತಾವು ಸೋಷಿಯಲ್‌ ಮೀಡಿಯಾದಲ್ಲಿ ಬಿಹಾರದ ಹಲವು ಫೋಟೋಗಳನ್ನು ಶೇರ್‌ ಮಾಡಿಕೊಳ್ಳುತ್ತಿದ್ದಂತೆ, ಸಾವಿರಾರು ಕಾಮೆಂಟ್‌ಗಳು ಹರಿದು ಬಂದಿವೆ. ಲೈಕ್ಸ್‌ಗಳು ಲಕ್ಷ ಲಕ್ಷ ಸಂದಾಯವಾಗಿವೆ. ಸದ್ಯ 5 ಲಕ್ಷ ಪ್ಲಸ್‌ ಲೈಕ್ಸ್‌ ಬಂದರೆ, 9 ಸಾವಿರ ಸನಿಹಕೆ ಕಾಮೆಂಟ್‌ಗಳು ಹರಿದು ಬಂದಿವೆ. ಈ ಮೂಲಕ ನೆಚ್ಚಿನ ದೇವ್ರನ್ನ ಮನಸಾರೆ ಸ್ವಾಗತಿಸಿದ್ದಾರೆ ಕರುನಾಡ ಜನತೆ. ಹೀಗಿವೆ ನೋಡಿ ನೆಟ್ಟಿಗರ ಕಾಮೆಂಟ್‌ಗಳು.
ಡಾ. ಬ್ರೋ ಪೋಸ್ಟ್‌ಗೆ ನೆಟ್ಟಿಗರು ಏನಂದ್ರು?
- ಅಂತಿಮವಾಗಿ ಕಾಯುವಿಕೆ ಕೊನೆಯಾಯ್ತು, ದೇವ್ರು ಇಸ್‌ ಬ್ಯಾಕ್.. ಯಾರೋ ಅದು, ಚೀನಾದವರು ಹಿಡ್ಕೊಂಡಿದ್ದಾರೆ ಅಂದಿದ್ದು
- ಅಯೋಧ್ಯ ಇಂದ ಕೆಲಸ ಶುರು ಮಾಡು ದೇವ್ರು
- ಎಷ್ಟು ದಿನ ಕಾಯೋದು bro ನಿಮಗೆ
- ನೀವು ಕಾರಣಾಂತರಗಳಿಂದ ಯೂಟ್ಯೂಬ್‌ ವಿಡಿಯೋ ಮಾಡ್ಲಿಲ್ಲ ಅಂದ್ರೂ ಇನ್‌ಸ್ಟಾಗ್ರಾಂನಲ್ಲಿ ಒಂದು ಫೋಟೋ ಹಾಕಿ ಬ್ರೋ. ಇಲ್ಲಾ ನೀವು ಕಾಣೆ ಆದ್ರಿ ಅಂತ ನಮ್ ಜನ ಕರ್ನಾಟಕ ಬಂದ್ ಮಾಡಿದ್ರು ಮಾಡ್ತಾರೆ. ಅಷ್ಟು ಇಷ್ಟ ನೀವ್ ಅಂದ್ರೆ.
- ಬಿಗ್‌ ಬಾಸ್‌ ಟಿಆರ್‌ಪಿ ಬಂತು ಅನ್ಸುತ್ತೆ
- ನಮಸ್ಕಾರ ದೇವ್ರು ಇಷ್ಟು ದಿನ ಎಲ್ಲಿಗ್ ಹೋಗಿದ್ದೀರಿ ನಿಮ್ಮ ವಿಡಿಯೋಗೆ ಇಡೀ ಕರ್ನಾಟಕ ಕಾಯ್ತಾ ಇದೆ ದೇವ್ರು
- ಕನ್ನಡದ ಕಂದನ ದರ್ಶನ ಕಾಮೆಂಟ್ ಬಾಕ್ಸ್ನಲ್ಲಿ ಜನಸಾಗರ
- ಬೇಗ ಬನ್ನಿ ನಿಮ್ಮಗೋಸ್ಕರ ಇಡೀ ಕರ್ನಾಟಕನೇ ಕಾಯ್ತಾ ಇದೇ
- ದೇವ್ರು ದೊಡ್ಡದಾಗಿ ಸಿಗ್ನಲ್ ಕೊಟ್ಟವ್ನೇ
- ಹೊಸ ವರ್ಷಕ್ಕೆ ಹೊಸ ವಿಡಿಯೋ ಬರುತ್ತೆ Dr bro ಇಷ್ಟ ಪಡೋರು ಲೈಕ್ ಮಾಡಿ
- ಅಣ್ಣಾ ನಿಮ್ಮ ಹಿಂದೆ ಒಂದ ಕಿಚ್ಚಿದೆ
- ಬಹಳ ದಿನಗಳ ನಂತರ ಮತ್ತೆ ಡಾ ಬ್ರೊ ಕಾಣಿಸಿಕೊಂಡಿದ್ದಾರೆ ಅಭಿನಂದನೆಗಳು ಮತ್ತೆ ವಿಡಿಯೋ ಹಾಕಿ
- ನಮಸ್ಕಾರ ದೇವ್ರು ನಿನಗೆ ಏನು ಆಯಿತು ಅಂತ ಫುಲ್‌ ಟೆನ್ಷನ್‌ ಆಗಿತ್ತು. ಕೊನೆಗೂ ಮತ್ತೆ ಬಂದ್ರಿ ಮತ್ತೆ ಮುಂದಿನ ವಿಡಿಯೋ ಯಾವಾಗ ಅಪ್ಲೋಡ್ ಮಾಡುತ್ತೀರಾ?
- ಏನ್ ಬ್ರೋ ವರ್ಕ್ ಔಟ್ ಮಾಡಿ ದಪ್ಪ ಆಗಿದ್ಯಾ
- ಕಿಂಗ್‌ ಇಸ್‌ ಬ್ಯಾಕ್ ಬೀಸ್ಟ್‌ ಮೋಡ್‌ ಆನ್. ಸೋಷಿಯಲ್‌ ಮೀಡಿಯಾ, ಯೂಟ್ಯೂಬ್‌ ಬ್ಲಾಸ್ಟ್‌