Taapsee Pannu: ನನ್ನ ಸೆಕ್ಸ್​​ ಲೈಫ್ ಅಷ್ಟು ಉತ್ತಮವಾಗಿಲ್ಲ...ಕರಣ್ ಬಗ್ಗೆ ತಾಪ್ಸಿ ಬೋಲ್ಡ್​​​​​​​​​​​ ಹೇಳಿಕೆಗೆ ಎಲ್ಲರೂ ಸುಸ್ತು..!

ಬಾಲಿವುಡ್ ಫಿಲ್ಮ್​ ಮೇಕರ್ ಕರಣ್ ಜೋಹರ್ ನಡೆಸಿಕೊಡುತ್ತಿರುವ ಕಾಫಿ ವಿತ್ ಕರಣ್ ಕಾರ್ಯಕ್ರಮ ಹಲವರ ಕೆಂಗಣ್ಣಿಗೆ ಗುರಿಯಾಗಿದೆ. ಕಳೆದ ಒಂದು ತಿಂಗಳಿಂದ ಸೀಸನ್ 7 ಆರಂಭವಾಗಿದ್ದು ಈಗಾಗಲೇ 5 ಎಪಿಸೋಡ್​​ಗ​​ಳು ಮುಗಿದಿವೆ. ಅನೇಕ ಸೆಲಬ್ರಿಟಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾರೆ.

ಕಾಫಿ ವಿತ್ ಕರಣ್ 7 ಸೀಸನ್​​​, ಮೊದಲ ಎಪಿಸೋಡ್​​​​ನಲ್ಲಿ ಆಲಿಯಾ ಭಟ್-ರಣವೀರ್ ಕಪೂರ್​ ಎರಡನೇ ಎಪಿಸೋಡ್​​​​​ನಲ್ಲಿ ಜಾನ್ವಿ ಕಪೂರ್​​-ಸಾರಾ ಅಲಿಖಾನ್, ಮೂರನೇ ಎಪಿಸೋಡ್​​​​​ನಲ್ಲಿ ಸಮಂತಾ-ಅಕ್ಷಯ್ ಕುಮಾರ್, ನಾಲ್ಕನೇ ಎಪಿಸೋಡ್​​ನಲ್ಲಿ ವಿಜಯ್ ದೇವರಕೊಂಡ-ಅನನ್ಯಾ ಪಾಂಡೆ, 5ನೇ ಎಪಿಸೋಡ್​​​ನಲ್ಲಿ ಕರೀನಾ ಕಪೂರ್-ಆಮೀರ್ ಖಾನ್ ಭಾಗವಹಿಸಿದ್ದಾರೆ. ಮುಂದಿನ ಎಪಿಸೋಡ್​ಗಳಲ್ಲಿ ಯಾರ್ಯಾರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಬಹುದು ಎಂದು ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದಾರೆ.

ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲಿ ನಿರೂಪಕ ಕರಣ್, ವೈಯಕ್ತಿಕ ಹಾಗೂ ಲೈಂಗಿಕ ಜೀವನದ ಪ್ರಶ್ನೆಗಳನ್ನೇ ಹೆಚ್ಚು ಕೇಳುತ್ತಾರೆ. ಕಳೆದ ಎಪಿಸೋಡ್​​​​ನಲ್ಲಿ ಭಾಗವಹಿಸಿದ್ದ ವಿಜಯ್ ದೇವರಕೊಂಡ ಅವರನ್ನು ಕೂಡಾ ಕರಣ್, ನೀವು ಕೊನೆಯ ಬಾರಿ ಸೆಕ್ಸ್ ಮಾಡಿದ್ದು ಎಲ್ಲಿ..? ಎಂದು ಪ್ರಶ್ನಿಸಿದ್ದರು. ಈ ಶೋ ನೋಡಿದ್ದ ಹಲವರು, ಇದು ಸುಸಂಸ್ಕೃತರು ಭಾಗವಹಿಸುವ ಕಾರ್ಯಕ್ರಮವಂತೂ ಖಂಡಿತ ಅಲ್ಲ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. ಇದೀಗ ತಾಪ್ಸಿ ಪನ್ನು ಕೂಡಾ ಕರಣ್ ಜೋಹರ್ ಅವರನ್ನು ಪರೋಕ್ಷವಾಗಿ ಕುಟುಕಿದ್ದಾರೆ.

ತಾಪ್ಸಿ ಪನ್ನು ಅಭಿನಯದ 'ದೊಬಾರಾ' ಆಗಸ್ಟ್ 19 ರಂದು ಬಿಡುಗಡೆಗೆ ಸಿದ್ಧವಾಗುತ್ತಿದೆ. ಸದ್ಯಕ್ಕೆ ತಾಪ್ಸಿ ಈ ಸಿನಿಮಾ ಪ್ರಚಾರ ಕಾರ್ಯಗಳಲ್ಲಿ ಬ್ಯುಸಿಯಾಗಿದ್ದಾರೆ. ಮಾಧ್ಯಮದವರು ಕೇಳುವ ಪ್ರಶ್ನೆಗಳಿಗೆ ಸದಾ ಧೈರ್ಯವಾಗಿ ಉತ್ತರಿಸುವ ತಾಪ್ಸಿ ಮತ್ತೊಮ್ಮೆ ತಮ್ಮ ದಿಟ್ಟತನ ತೋರಿದ್ದಾರೆ. ಈ ಚಿತ್ರದ ಪ್ರಚಾರಕ್ಕಾಗಿ 'ಕಾಫಿ ವಿತ್ ಕರಣ್' ಶೋಗೆ ಹೋಗಲಿಲ್ಲವೇ ಎಂದು ಮಾಧ್ಯಮ ಪ್ರತಿನಿಧಿಗಳು ತಾಪ್ಸಿಯನ್ನು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ತಾಪ್ಸಿ, ''ಆ ಕಾರ್ಯಕ್ರಮದಿಂದ ಆಮಂತ್ರಣ ಪಡೆಯಲು ನನಗೆ ಇಂಟ್ರಸ್ಟಿಂಗ್ ಸೆಕ್ಸ್​​​​​​​​​​​​​​​​​​​​ ಲೈಫ್ ಇಲ್ಲ ಎಂದಿದ್ದಾರೆ. '' ತಾಪ್ಸಿ ಉತ್ತರ ಕೇಳಿ ಎಲ್ಲರೂ ಶಾಕ್ ಆಗಿದ್ದಾರೆ. ಸದ್ಯಕ್ಕೆ ತಾಪ್ಸಿಯ ಈ ಬೋಲ್ಡ್ ಉತ್ತರ ಬಾಲಿವುಡ್ ನಲ್ಲಿ ಸಂಚಲನ ಮೂಡಿಸುತ್ತಿದೆ.

ನಯನತಾರಾ ಅಭಿಮಾನಿಗಳ ಆಕ್ರೋಶಕ್ಕೆ ಒಳಗಾಗಿದ್ದ ಕರಣ್ ಜೋಹರ್

3ನೇ ಎಪಿಸೋಡ್​​​​ನಲ್ಲಿ ಸಮಂತಾ ಹಾಗೂ ಅಕ್ಷಯ್ ಕುಮಾರ್ ಭಾಗವಹಿಸಿದ್ದರು. ಈ ವೇಳೆ ಸಮಂತಾ ಅವರೊಂದಿಗೆ ಮಾತನಾಡುವಾಗ ಕರಣ್ ಜೋಹರ್, ಖ್ಯಾತ ನಟಿ ನಯನತಾರಾ ಅವರಿಗೆ ಅವಮಾನ ಮಾಡಿದ್ದಾರೆ ಎಂದು ಅವರ ಅಭಿಮಾನಿಗಳು ಆರೋಪಿಸಿದ್ದಾರೆ. ಇದೇ ವಿಚಾರವಾಗಿ ಸೋಷಿಯಲ್ ಮೀಡಿಯಾದಲ್ಲಿ ನಯನತಾರಾ ಅಭಿಮಾನಿಗಳು ಕರಣ್ ಹಾಗೂ ಅವರ ಕಾರ್ಯಕ್ರಮದ ವಿರುದ್ಧ ಅಸಮಾಧಾನ ಹೊರ ಹಾಕಿದ್ದರು.

ಖಾಸಗಿ ಸಂಸ್ಥೆಯೊಂದು ನಡೆಸಿದ ಸಮೀಕ್ಷೆಯೊಂದನ್ನು ಆಧರಿಸಿ ಕರಣ್ ಜೋಹರ್​, ಸಮಂತಾಗೆ ಒಂದು ಪ್ರಶ್ನೆ ಕೇಳಿದ್ದರು. ದಕ್ಷಿಣ ಭಾರತದಲ್ಲಿ ಈಗ ಟಾಪ್ ನಟಿ ಯಾರು ಎಂದು ಪ್ರಶ್ನಿಸಿದ್ದರು. ಇದಕ್ಕೆ ಸಮಂತಾ, ನಯನತಾರಾ ಎಂದು ಉತ್ತರಿಸಿದ್ದರು. ಆದರೆ ಸಮೀಕ್ಷೆ ಪ್ರಕಾರ ಸದ್ಯಕ್ಕೆ ಸಮಂತಾ ಆ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಸಮಂತಾ ಉತ್ತರಕ್ಕೆ ಪ್ರತಿಕ್ರಿಯಿಸಿದ ಕರಣ್ ಜೋಹರ್, ನಯನತಾರಾ ನನ್ನ ಪಟ್ಟಿಯಲ್ಲಿ ಇಲ್ಲ ಎಂದಿದ್ದರು. ಸಮೀಕ್ಷೆ ಬಗ್ಗೆ ತಿಳಿದು ಕರಣ್ ಜೋಹರ್ ಬೇಕಂತಲೇ ಈ ಪ್ರಶ್ನೆ ಕೇಳಿದ್ದಾರೆ. ಈ ಮೂಲಕ ನಯನತಾರಾ ಅವರಿಗೆ ಕರಣ್ ಜೋಹರ್ ಅಪಮಾನ ಮಾಡಿದ್ದಾರೆ ಎಂದು ಲೇಡಿ ಸೂಪರ್​​ಸ್ಟಾರ್ ಅಭಿಮಾನಿಗಳು ಕರಣ್ ಅವರತ್ತ ಬೆರಳು ತೋರಿದ್ದರು.