Tamanna Bhatia: ಮತ್ತೊಮ್ಮೆ ನಮ್ಮ ಹೃದಯ ಕದ್ರಿ..ಚಪ್ಪಲಿ ಕಳಚಿ ದೀಪ ಬೆಳಗಿಸಿದ ಮಿಲ್ಕಿ ಬ್ಯೂಟಿ..ವಿಡಿಯೋ ವೈರಲ್‌

ಸಾಮಾನ್ಯವಾಗಿ ಸಿನಿಮಾ ನಟಿಯರು ಎಂದರೆ ಅವರು ಹೆಚ್ಚು ಫ್ಯಾಷನ್‌, ದೇವರಲ್ಲಿ ಅವರಿಗೆ ನಂಬಿಕೆ ಇರುವುದಿಲ್ಲ ಎಂದು ತಪ್ಪು ತಿಳಿಯುವವರೇ ಹೆಚ್ಚು. ಆದರೆ ಅವರು ಸ್ಟಾರ್‌ ಎನ್ನುವುದಕ್ಕೂ ಮುನ್ನ ಅವರೂ ಕೂಡಾ ಸಾಮಾನ್ಯ ಮನುಷ್ಯರೇ. ದೇವರ ಆಶಿರ್ವಾದ, ಜನರ ಪ್ರೀತಿಯಿಂದಲೇ ನಾನು ಈ ಹಂತಕ್ಕೆ ಬಂದಿದ್ದು ಎಂದು ಎಷ್ಟೋ ಸೆಲಬ್ರಿಟಿಗಳು ಹೇಳಿರುವ ಮಾತನ್ನು ಕೇಳಿದ್ದೇವೆ.

ಅದೇ ರೀತಿ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಚಪ್ಪಲಿ ಧರಿಸೇ ದೀಪ ಬೆಳಗಿ ಜನರ ಕೆಂಗಣ್ಣಿಗೆ ಗುರಿಯಾದ ಅನೇಕ ಸೆಲಬ್ರಿಟಿಗಳನ್ನು ಕೂಡಾ ನಾವು ನೋಡಿದ್ದೇವೆ. ಆದರೆ ಇದೀಗ ಮಿಲ್ಕಿ ಬ್ಯೂಟಿ, ಬಹುಭಾಷಾ ನಟಿ ತಮನ್ನಾ ಭಾಟಿಯಾ ಕಾರ್ಯಕ್ರಮದ ವೇದಿಕೆಯೊಂದರಲ್ಲಿ ತಾವು ಧರಿಸಿದ್ದ ಚಪ್ಪಲಿ ತೆಗೆದು ಜ್ಯೋತಿ ಬೆಳಗಿಸಿರುವ ವಿಡಿಯೋ ವೈರಲ್‌ ಆಗುತ್ತಿದ್ದು ಇದನ್ನು ನೋಡಿದವರು ತಮನ್ನಾ ಮತ್ತೊಮ್ಮೆ ನೀವು ನಮ್ಮೆಲ್ಲರ ಹೃದಯ ಕದ್ದುಬಿಟ್ರಿ ಎನ್ನುತ್ತಿದ್ದಾರೆ. ಇತ್ತೀಚೆಗೆ, ಆಸ್ಟ್ರೇಲಿಯಾದಲ್ಲಿ ನಡೆದ IFFM (ಇಂಡಿಯನ್ ಫಿಲ್ಮ್ ಫೆಸ್ಟಿವಲ್ ಆಫ್ ಮೆಲ್ಬೋರ್ನ್) ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ತಮನ್ನಾ ಮುಖ್ಯ ಅತಿಥಿಯಾಗಿದ್ದರು. ಮೊದಲಿಗೆ ಜ್ಯೋತಿ ಬೆಳಗಿಸುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು.

ಈ ವೇಳೆ ಕಾರ್ಯಕ್ರಮದ ಆಯೋಜಕರು, ಮುಖ್ಯ ಅತಿಥಿಯಾಗಿ ಆಗಮಿಸಿದ್ದ ತಮನ್ನಾ ಮತ್ತು ತಾಪ್ಸಿ ಪನ್ನು ಕೂಡಾ ಜ್ಯೋತಿ ಬೆಳಗಿಸಿದರು. ಈ ಸಂದರ್ಭದಲ್ಲಿ ತಾಪ್ಸಿ ಪನ್ನು ಚಪ್ಪಲಿ ಧರಿಸಿಯೇ ದೀಪ ಬೆಳಗಿಸಿದರೆ, ತಮನ್ನಾ ಮಾತ್ರ ತಾವು ಧರಿಸಿದ್ದ ಹೈ ಹೀಲ್ಸ್‌ ಪಾದರಕ್ಷೆಗಳನ್ನು ಬಿಟ್ಟು ಜ್ಯೋತಿ ಬೆಳಗಿಸಿದ್ದಾರೆ. ಪಕ್ಕದಲ್ಲೇ ಇದ್ದ ಕಾರ್ಯಕ್ರಮದ ಆಯೋಜಕರೊಬ್ಬರು ಏಕೆ ಹೀಗೆ ಮಾಡಿದಿರಿ ಎಂದು ಕೇಳಿದಾಗ ಇದು ದಕ್ಷಿಣ ಭಾರತದ ಸಂಸ್ಕೃತಿ ಎಂದು ಉತ್ತರಿಸಿದ್ದಾರೆ.

ಈ ವಿಡಿಯೋವನ್ನು ತಮನ್ನಾ ಅಭಿಮಾನಿಯೊಬ್ಬರು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು ವಿಡಿಯೋ ಬಹಳ ವೈರಲ್‌ ಆಗುತ್ತಿದೆ. ವಿಡಿಯೋ ನೋಡಿದವರು ತಮನ್ನಾ ಗುಣಕ್ಕೆ ಮತ್ತೊಮ್ಮೆ ಫಿದಾ ಆಗಿದ್ದಾರೆ. ತಮನ್ನಾ ಉತ್ತರ ಭಾರತದವರಾದರೂ ಅವರು ದಕ್ಷಿಣದ ಸಂಸ್ಕೃತಿಯನ್ನು ಚೆನ್ನಾಗಿ ಪಾಲಿಸುತ್ತಿದ್ದಾರೆ. ಸಂಸ್ಕೃತಿಯನ್ನು ಗೌರವಿಸುವುದು ಎಂದರೆ ಇದೇ ಅಲ್ಲವೇ, ಚಿಕ್ಕ ಚಿಕ್ಕ ವಿಷಯ ಕೂಡಾ ದೊಡ್ಡ ಪಾಠ ಕಲಿಸುತ್ತದೆ ಎಂದು ತಮನ್ನಾ ಬಗ್ಗೆ ನೆಟಿಜನ್ಸ್‌ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಅದೇ ವೇಳೆ ತಾಪ್ಸಿ ಪನ್ನು ಬಗ್ಗೆ ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ತಮನ್ನಾ ಅವರಂತೆ ತಾಪ್ಸಿ ಪನ್ನು ಕೂಡಾ ತೆಲುಗು, ತಮಿಳು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆದರೆ ಆಕೆಗೆ ಇನ್ನೂ ದಕ್ಷಿಣದ ಸಂಸ್ಕಾರ ಬಂದಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

2 ದಿನಗಳ ಹಿಂದಷ್ಟೇ ತಮನ್ನಾ ಭಾಟಿಯಾ ಆಸ್ಟ್ರೇಲಿಯಾದ ಸುಂದರ ತಾಣಗಳಲ್ಲಿ ಹಸಿರು ಸೀರೆ ಧರಿಸಿ ಕ್ಲಿಕ್ಕಿಸಿದ್ದ ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದ್ದವು. ಸಿನಿಮಾ ವಿಚಾರಕ್ಕೆ ಬರುವುದಾದರೆ ಸದ್ಯಕ್ಕೆ ಅವರು ಬಾಲಿವುಡ್‌ ಸಿನಿಮಾದಲ್ಲಿ ಕೂಡಾ ನಟಿಸುತ್ತಿದ್ದಾರೆ. ಬಬ್ಲಿ ಬೌನ್ಸರ್‌, ಬೋಲೆ ಚೂಡಿಯಾಂ ಮತ್ತು ಪ್ಲಾನ್‌ A ಪ್ಲಾನ್‌ B ಸಿನಿಮಾಗಳ ಶೂಟಿಂಗ್‌ ಕಂಪ್ಲೀಟ್‌ ಮಾಡಿದ್ದಾರೆ. ತೆಲುಗಿನಲ್ಲಿ ಚಿರಂಜೀವಿ ಜತೆಗೆ ಭೋಲಾ ಶಂಕರ್‌ ಚಿತ್ರದಲ್ಲಿ ಕೂಡಾ ಈ ಚೆಲುವೆ ನಟಿಸುತ್ತಿದ್ದಾರೆ.