Sneha dance for Kranti song: ಬೊಂಬೆ ಹಾಡಿಗೆ ಹೆಜ್ಜೆ ಹಾಕಿದ ತಮಿಳು ಗೊಂಬೆ...ಸ್ನೇಹ ಬ್ಯೂಟಿಗೆ ಮನಸೋತ ನೆಟಿಜನ್‌ಗಳು..ವಿಡಿಯೋ
Jan 08, 2023 07:14 PM IST
Share
ಬೊಂಬೆ ಬೊಂಬೆ ಹಾಡಿಗೆ ಸ್ನೇಹ ಡ್ಯಾನ್ಸ್
- ತಮಿಳು ನಟಿ ಸ್ನೇಹ ಕೂಡಾ ಬೊಂಬೆ ಬೊಂಬೆ..ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಟಾಲಿವುಡ್ ಖ್ಯಾತ ಡ್ಯಾನ್ಸರ್‌ ಆಟಾ ಸಂದೀಪ್‌, ಸ್ನೇಹ ಜೊತೆ ಸೇರಿ ಸ್ನೇಹ ರೀಲ್ಸ್‌ ಮಾಡಿದ್ದಾರೆ. ಈ ವಿಡಿಯೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ಸಂದೀಪ್‌, ''ಸ್ನೇಹ ಅವರೊಂದಿಗೆ ಡ್ಯಾನ್ಸ್ ಮಾಡಲು ಅವಕಾಶ ಸಿಕ್ಕಿದ್ದಕ್ಕೆ ಬಹಳ ಖುಷಿ ಆಯ್ತು'' ಎಂದು ಬರೆದುಕೊಂಡಿದ್ದಾರೆ.
ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಅಭಿನಯದ 'ಕ್ರಾಂತಿ' ಸಿನಿಮಾ ಇದೇ ತಿಂಗಳು 26 ರಂದು ತೆರೆ ಕಾಣುತ್ತಿದೆ. ಗಣರಾಜ್ಯೋತ್ಸವದಂದು ಈ ಚಿತ್ರವನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕೂಡಾ ಕಾಯುತ್ತಿದ್ದಾರೆ. ನಿನ್ನೆಯಷ್ಟೇ ಚಿತ್ರದ ಟ್ರೇಲರ್‌ ಕೂಡಾ ರಿಲೀಸ್‌ ಆಗಿದ್ದು ದರ್ಶನ್‌ ಡೈಲಾಗ್‌ಗೆ ಸಿನಿಪ್ರಿಯರು ಫಿದಾ ಆಗಿದ್ದಾರೆ.
ಚಿತ್ರತಂಡ ಬಿಡುಗಡೆ ಮಾಡಿರುವ ಹಾಡುಗಳು ಜನರ ಮನ ಗೆದ್ದಿವೆ. ಅದರಲ್ಲಿ ಹೊಸಪೇಟೆಯಲ್ಲಿ ತೆರೆ ಕಂಡ ಬೊಂಬೆ ಬೊಂಬೆ... ಹಾಡಂತೂ ಸಖತ್‌ ಕ್ರೇಜ್ ಹುಟ್ಟುಹಾಕಿದೆ. ಈ ಹಾಡಿಗೆ ಅಭಿಮಾನಿಗಳು ರೀಲ್ಸ್‌ ಮಾಡಿ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಈ ಮೂಲಕ ಸಿನಿಮಾ ತೆರೆ ಕಾಣುವ ಮುನ್ನವೇ ಸಖತ್‌ ಸದ್ದು ಮಾಡುತ್ತಿದೆ. ಈ ಹಾಡಿಗೆ ಇದೀಗ ತಮಿಳು ನಟಿ ಸ್ನೇಹ ಕೂಡಾ ಹೆಜ್ಜೆ ಹಾಕಿದ್ದಾರೆ. ಟಾಲಿವುಡ್ ಖ್ಯಾತ ಡ್ಯಾನ್ಸರ್‌ ಆಟಾ ಸಂದೀಪ್‌, ಸ್ನೇಹ ಜೊತೆ ಸೇರಿ ರೀಲ್ಸ್‌ ಮಾಡಿದ್ದಾರೆ. ಈ ವಿಡಿಯೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ಸಂದೀಪ್‌, ''ಸ್ನೇಹ ಅವರೊಂದಿಗೆ ಡ್ಯಾನ್ಸ್ ಮಾಡಲು ಅವಕಾಶ ಸಿಕ್ಕಿದ್ದಕ್ಕೆ ಬಹಳ ಖುಷಿ ಆಯ್ತು'' ಎಂದು ಬರೆದುಕೊಂಡಿದ್ದಾರೆ.
ಈ ವಿಡಿಯೋದಲ್ಲಿ ಸ್ನೇಹಾ, ಪಿಂಕ್‌ ಬಣ್ಣದ ಔಟ್‌ಫಿಟ್‌ನಲ್ಲಿ ಬೊಂಬೆಯಂತೆಯೇ ಮುದ್ದು ಮುದ್ಧಾಗಿ ಕಾಣುತ್ತಿದ್ದಾರೆ. ಈ ವಿಡಿಯೋ ನೋಡಿದವರು ನಿಮ್ಮಿಂದ ಈ ಹಾಡಿಗೆ ಮತ್ತಷ್ಟು ಕಳೆ ಬಂತು ಎಂದಿದ್ದಾರೆ. ಕನ್ನಡಿಗರು ಕೂಡಾ ಕಮೆಂಟ್‌ ಮಾಡಿ, ಈ ಹಾಡಿಗೆ ರೀಲ್ಸ್‌ ಮಾಡಿದ್ದಕ್ಕೆ ಧನ್ಯವಾದಗಳು ಎಂದು ಥ್ಯಾಂಕ್ಸ್‌ ಹೇಳುತ್ತಿದ್ದಾರೆ. ಮತ್ತಷ್ಟು ಕನ್ನಡ ಹಾಡುಗಳಿಗೆ ರೀಲ್ಸ್‌ ಮಾಡಿ ಎಂದು ಮನವಿ ಮಾಡುತ್ತಿದ್ದಾರೆ. ಸ್ನೇಹ, ಕನ್ನಡದಲ್ಲಿ ರವಿಶಾಸ್ತ್ರಿ, ಒಗ್ಗರಣೆ, ಕುರುಕ್ಷೇತ್ರ ಸಿನಿಮಾಗಳಲ್ಲಿ ನಟಿಸಿದ್ದು ಕರ್ನಾಟಕದಲ್ಲಿ ಕೂಡಾ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಸ್ನೇಹ ನಗುವಿಗೆ ಎಷ್ಟೋ ಜನರು ಫಿದಾ ಆಗಿದ್ದಾರೆ. ಎರಡು ಮಕ್ಕಳ ತಾಯಿ ಆದರೂ ಸ್ನೇಹ ಇಂದಿಗೂ ತಮ್ಮ ಅಂದವನ್ನು ಮೊದಲಿನಂತೆ ಕಾಪಾಡಿಕೊಂಡು ಬಂದಿದ್ದಾರೆ.
'ಕ್ರಾಂತಿ' ಸಿನಿಮಾವನ್ನು 'ಯಜಮಾನ' ಚಿತ್ರ ನಿರ್ಮಿಸಿದ್ದ ತಂಡವೇ ನಿರ್ಮಿಸಿದೆ. 'ಯಜಮಾನ' ಸಿನಿಮಾ 2019 ರಲ್ಲಿ ತೆರೆ ಕಂಡಿತ್ತು. ಇದೀಗ 4 ವರ್ಷಗಳ ನಂತರ ಈ ತಂಡ ಮತ್ತೆ 'ಕ್ರಾಂತಿ' ಚಿತ್ರದ ಮೂಲಕ ಒಂದಾಗಿದೆ. ಮೀಡಿಯಾ ಹೌಸ್‌ ಸ್ಟುಡಿಯೋಸ್‌ ಬ್ಯಾನರ್‌ ಅಡಿಯಲ್ಲಿ ಶೈಲಜಾ ನಾಗ್‌ ಹಾಗೂ ಬಿ. ಸುರೇಶ್‌ ಈ ಚಿತ್ರವನ್ನು ನಿರ್ಮಿಸಿದ್ದು ವಿ. ಹರಿಕೃಷ್ಣ ಕಥೆ ಬರೆದು ಆಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಚಿತ್ರದ ಹಾಡುಗಳಿಗೆ ಹರಿಕೃಷ್ಣ ಅವರೇ ಸಂಗೀತ ನೀಡುತ್ತಿದ್ದಾರೆ. ದರ್ಶನ್‌, ರಚಿತಾ ರಾಮ್‌, ರವಿಚಂದ್ರನ್‌, ಸುಮಲತಾ ಅಂಬರೀಶ್‌ ಹಾಗೂ ಇನ್ನಿತರು ಸಿನಿಮಾದಲ್ಲಿ ನಟಿಸಿದ್ದಾರೆ.
ಇನ್ನು ಭಾನುವಾರ ರಿಲೀಸ್‌ ಆಗಿರುವ ಚಿತ್ರದ ಟ್ರೇಲರ್‌ನಲ್ಲಿ ಬರುವ ಡೈಲಾಗ್‌ಗಳು ಸಿನಿಪ್ರಿಯರನ್ನು ಬಹಳ ಸೆಳೆದಿದೆ. " ಆಕಾಶದಲ್ಲಿ ನಕ್ಷತ್ರ , ಸಮುದ್ರದಲ್ಲಿ ಮೀನು , ನನ್ನ ಜೋತೆ ಇರೋ ಜನ ಯಾವತ್ತೂ ಬದಲಾಗಲ್ಲಾ"̧ "ನನ್ನ ಎದುರು ಒಂದು ಗುಂಪು ಇದೆ ,ಆದರೆ ನನ್ನ ಕಾಯೋಕೆ ಒಂದು ಸೈನ್ಯ ಇದೆ" ಎಂಬ ಡೈಲಾಗ್‌ಗಳು ಸಿನಿಪ್ರಿಯರಿಗೆ ಬಹಳ ಇಷ್ಟವಾಗಿದೆ. ಹಾಗೇ ಟ್ರೇಲರ್‌ ಕೊನೆಯಲ್ಲಿ ದರ್ಶನ್‌ ಬಾಡಿ ಲುಕ್‌ ನೋಡಿ ಮಹಿಳಾ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಒಟ್ಟಿನಲ್ಲಿ ಈ ಸಿನಿಮಾ ಕನ್ನಡ ಚಿತ್ರರಂಗದಲ್ಲಿ ಯಾವ ರೀತಿ ಕ್ರಾಂತಿ ಮಾಡಲಿದೆ ಕಾದು ನೋಡಬೇಕು.