ಅನಿರೀಕ್ಷಿತ ತಿರುವಿನಲ್ಲಿ ಸೀತಾ ರಾಮ ಧಾರಾವಾಹಿ; ಭಾರ್ಗವಿ ಪ್ಲಾನ್‌ ಉಲ್ಟಾ, ಭೀಕರ ರಸ್ತೆ ಅಪಘಾತದಲ್ಲಿ ಸೀತಾ ಬದಲು ಸಿಹಿ ಸಾವು

Seetha Rama Serial: ಸೀತಾ ರಾಮ ಧಾರಾವಾಹಿಯಲ್ಲಿ ಈ ವರೆಗೂ ಒಂದಷ್ಟು ಸತ್ಯಗಳು ಹೊರಬಂದಿವೆ. ಅದರಲ್ಲೂ ಸಿಹಿ ಜನ್ಮ ರಹಸ್ಯದ ಬಗ್ಗೆಯೇ ಕುತೂಹಲ ಸೃಷ್ಟಿಯಾಗಿತ್ತು. ಈಗ ಆ ಕೌತುಕವೂ ತಣಿಸಿದೆ. ಸಿಹಿಯ ಅಪ್ಪ ಅಮ್ಮ ಯಾರೆಂಬ ಸತ್ಯ ಬಯಲಾಗಿದೆ. ಸೀತಾ ತನ್ನ ಯಾವ ವಿಚಾರವನ್ನು ಗೌಪ್ಯವಾಗಿ ಉಳಿಸಿಕೊಂಡಿದ್ದಳೋ ಅದೀಗ ಜಗಜ್ಜಾಹೀರಾಗಿದೆ. ಬಾಡಿಗೆ ತಾಯ್ತನದ ಹಿಂದಿನ ಅಸಲಿಯತ್ತು ರಾಮನಿಗೆ ಗೊತ್ತಾಗಿದೆ. ಸೀತಾಳ ಆ ನಿರ್ಧಾರಕ್ಕೆ ರಾಮ ಸಹಮತಿಸಿದ್ದಾನೆ. ಆದರೆ, ತಾತ ಸೂರ್ಯಪ್ರಕಾಶ್‌ ಇದೀಗ ಇದೇ ವಿಚಾರಕ್ಕೆ ಕೊಂಚ ಗರಂ ಆಗಿದ್ದಾನೆ.

ಸೀತಾಳ ನಿಜಬಣ್ಣ ಬಯಲಾಗುತ್ತಿದ್ದಂತೆ, ಭಾರ್ಗವಿ ಮತ್ತು ವಿಶ್ವ ಹಿರಿ ಹಿರಿ ಹಿಗ್ಗಿದ್ದಾರೆ. ಹೇಗಾದರೂ ಮಾಡಿ, ಸೀತಾಳನ್ನು ಈ ಮನೆಯಿಂದ ಆಚೆ ಕಳಿಸಬೇಕು ಎಂಬ ನಿರ್ಧಾರಕ್ಕೆ ಬಂದು, ತಾತನ ಎದುರು ಬಣ್ಣದ ಮಾತನಾಡಿ, ಅತ್ತು ಕರೆದು ನಾಟಕ ಮುಂದುವರಿಸಿದ್ದಾಳೆ. ಈ ನಡುವೆ ಶತಾಯಗತಾಯ ಸಿಹಿಯನ್ನು ಪಡೆದೇ ತೀರುತ್ತೇನೆ ಎಂದು ಮೇಘಶ್ಯಾಮ್‌ ಪಣತೊಟ್ಟಂತಿದೆ. ಅದಕ್ಕಾಗಿ ಸೀತಾ ಮತ್ತು ರಾಮ್‌ಗೆ ಲೀಗಲ್‌ ನೋಟಿಸ್‌ ರವಾನಿಸಿದ್ದಾನೆ. ಇದೀಗ ಇದೇ ಸೀತಾ ರಾಮ ಸೀರಿಯಲ್‌ನಿಂದ ಶಾಕಿಂಗ್‌ ಪ್ರೋಮೋ ಹೊರಬಿದ್ದಿದೆ.

ಇದನ್ನೂ ಓದಿ: ಗಂಡನ ಜೊತೆ ಭಾಗ್ಯಾ ಡ್ಯೂಯೆಟ್‌, ತಾಂಡವ್‌ ಡ್ಯಾನ್ಸ್‌ ನೋಡಿ ಬಿದ್ದು ಬಿದ್ದು ನಕ್ಕ ಸುಂದ್ರಿ, ಪೂಜಾ; ಭಾಗ್ಯಲಕ್ಷ್ಮೀ ಧಾರಾವಾಹಿ

ಸೀತಾಳನ್ನು ಟಾರ್ಗೆಟ್‌ ಮಾಡಿದ ಭಾರ್ಗವಿ

ಸೀತಾ ರಾಮ ಸೀರಿಯಲ್‌ನಲ್ಲಿ ಮುಂದಿನ ದಿನಗಳಲ್ಲಿ ಏನೆಲ್ಲ ಆಗಬಹುದು? ವೀಕ್ಷಕರಿಗೆ ಈ ಸೀರಿಯಲ್‌ನಿಂದ ಏನೆಲ್ಲ ಕೌತುಕಗಳು ದಕ್ಕಬಹುದು ಎಂಬುದನ್ನು ಹೇಳಲು, ಹೊಸ ಪ್ರೋಮೋ ಬಿಡುಗಡೆ ಮಾಡಿದೆ ಸೀತಾ ರಾಮ ಧಾರಾವಾಹಿ. ಕಾನೂನು ತೊಡಕಿನಿಂದ ಹೊರಬಂದ ಸೀತಾ ರಾಮ, ಮಗಳು ಸಿಹಿ ಜತೆಗೆ ಚೆಂದದ ದಿನಗಳನ್ನು ಕಳೆಯುತ್ತಿದ್ದಾರೆ. ಹೀಗಿರುವಾಗಲೇ ಅನಾಹುತವೊಂದು ನಡೆದಿದೆ. ಭಾರ್ಗವಿಯ ಪ್ಲಾನ್ ಉಲ್ಟಾ ಹೊಡೆದಿದೆ. ಸೀತಾ ಸಾಯುವ ಬದಲು ಸಿಹಿ ಕಣ್ಮುಚ್ಚಿದ್ದಾಳೆ.

ಅಪಘಾತದಲ್ಲಿ ಸಿಹಿ ಸಾವು

ಸಿಹಿ ಜತೆಗೆ ಸುತ್ತಾಡೋಕೆ ರಾಮ್‌ ಮತ್ತು ಸೀತಾ ಆಚೆಕಡೆ ಬಂದಿದ್ದಾರೆ. ರಸ್ತೆ ಪಕ್ಕದಲ್ಲಿದ್ದ ಜೋಳ ನೋಡಿ, ನನಗೂ ಬೇಕು ಎಂದಿದ್ದಾಳೆ. ತನಗೆ ಫೋನ್‌ ಬಂದಿದೆ ಎಂದು ಸೈಡಿಗೆ ಹೋಗಿದ್ದಾನೆ ರಾಮ. ಇತ್ತ ಭಾರ್ಗವಿ, ಸೀತಾಳನ್ನು ಅಪಘಾತದಲ್ಲಿ ಸಾಯಿಸುವಂತೆ ವ್ಯಕ್ತಿಯೊಬ್ಬನನ್ನು ಕಳಿಸಿದ್ದಾಳೆ. ಆದರೆ ಈ ದುರ್ಘಟನೆಯಲ್ಲಿ ಸೀತಾ ಬದಲು ಸಿಹಿಗೆ ಕಾರ್‌ ಡಿಕ್ಕಿ ಹೊಡೆದಿದೆ. ಕಾರ್‌ ಡಿಕ್ಕಿ ಹೊಡೆದ ರಭಸಕ್ಕೆ ಸಿಹಿ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾಳೆ. ಸೀತಾ ಮತ್ತು ರಾಮ್‌ ಅಕ್ಷರಶಃ ನಲುಗಿ ಹೋಗಿದ್ದಾರೆ. ಅಲ್ಲಿಗೆ ಭಾರ್ಗವಿಯ ಪ್ಲಾನ್‌ ಉಲ್ಟಾ ಹೊಡೆದಿದೆ.

ಇದನ್ನೂ ಓದಿ: ಯಲಾ ಕುನ್ನಿ, ಮೂಕ ಜೀವ ಸೇರಿ ಈ ವಾರ ತೆರೆ ಕಾಣುತ್ತಿರುವ ಸಿನಿಮಾಗಳಿವು: ನಿಮ್ಮಿಷ್ಟದ ಜಾನರ್‌ ಸಿನಿಮಾ ನೋಡೋಕೆ ಸಿದ್ಧರಾಗಿ

ಭಾರ್ಗವಿ ಪ್ಲಾನ್‌ ಏನು?

ಹೇಗಾದರೂ ಮಾಡಿ ದೇಸಾಯಿ ಮನೆಯ ಆಸ್ತಿಯನ್ನು ಲಪಟಾಯಿಸಬೇಕು ಎಂಬ ಪ್ಲಾನ್‌ ಭಾರ್ಗವಿಯದ್ದು. ಆದರೆ, ಆ ಆಸ್ತಿಗೆ ಹಕ್ಕುದಾರ ರಾಮ್‌. ಎಲ್ಲ ಆಸ್ತಿಯನ್ನು ರಾಮನ ಹೆಸರಿಗೆ ಬರೆದಿಟ್ಟಿದ್ದಾಳೆ ರಾಮನ ತಾಯಿ ವಾಣಿ. ಮದುವೆ ಆದ ಬಳಿಕ ಆ ಆಸ್ತಿ ರಾಮನ ಹೆಂಡತಿ ಮಕ್ಕಳಿಗೆ ಸೇರಬೇಕು ಎಂದೂ ವಿಲ್‌ನಲ್ಲಿ ವಾಣಿ ಬರೆದಿದಿಟ್ಟಿದ್ದಾಳೆ. ಹಾಗಾಗಿ ಸೀತಾಳನ್ನೇ ಟಾರ್ಗೆಟ್‌ ಮಾಡಿ, ಆಕೆಯನ್ನು ಮುಗಿಸಲು ಸಂಚು ರೂಪಿಸಿದ್ದಾಳೆ.

ಇದನ್ನೂ ಓದಿ: ತುಳು ಭಾಷೆ ಸಿನಿಮಾ ನಿರ್ಮಿಸಲು ಮುಂದಾದ ಶಿಲ್ಪಾ ಗಣೇಶ್;‌ ಪತ್ನಿ ಕನಸಿಗೆ ಸಾಥ್‌ ನೀಡಿದ ಗೋಲ್ಡನ್‌ ಸ್ಟಾರ್‌ ಗಣೇಶ್‌

ಸೀತಾ ರಾಮ ಧಾರಾವಾಹಿ ಪಾತ್ರವರ್ಗ

ನಿರ್ದೇಶಕ: ಮಧುಸೂಧನ್‌

ಗಗನ್‌ ಚಿನ್ನಪ್ಪ: ಶ್ರೀರಾಮ (ನಾಯಕ)

ವೈಷ್ಣವಿ ಗೌಡ: ಸೀತಾ (ನಾಯಕ)

ರೀತು ಸಿಂಗ್: ಸಿಹಿ (ಸೀತಾ ಮಗಳು)

ಮೇಘಶ್ಯಾಮ- ನಾಗಾರ್ಜುನ್‌ ಬಿ.ಆರ್‌

ಅಶೋಕ ಶರ್ಮಾ: ಅಶೋಕ (ಶ್ರೀರಾಮನ ಪ್ರಾಣ ಸ್ನೇಹಿತ)

ಭಾರ್ಗವಿ: ಪೂಜಾ ಲೋಕೇಶ್‌ (ಶ್ರೀರಾಮನ ಚಿಕ್ಕಮ್ಮ)

ಮುಖ್ಯಮಂತ್ರಿ ಚಂದ್ರು: ಸೂರ್ಯ ಪ್ರಕಾಶ್‌ ದೇಸಾಯಿ (ಶ್ರೀರಾಮನ ತಾತ)

ಶ್ವೇತಾ ಶಂಕರಪ್ಪ: ಪ್ರಿಯಾ (ಸೀತಾಳ ಸ್ನೇಹಿತೆ)

ವಿಕಾಸ್‌ ಕಾರ್‌ಗೋಡ್:‌ ಲಾಯರ್‌ ರುದ್ರಪ್ರತಾಪ್

ಸತೀಶ್‌ ಚಂದ್ರ: ಚರಣ್‌. ಡಿ

ಪೂರ್ಣಚಂದ್ರ ತೇಜಸ್ವಿ: ವಿಶ್ವಜೀತ್‌ (ಶ್ರೀರಾಮನ ಚಿಕ್ಕಪ್ಪ)

ಜಯದೇವ್‌ ಮೋಹನ್:‌ ಸತ್ಯಜೀತ್‌ (ಶ್ರೀರಾಮನ ಚಿಕ್ಕಪ್ಪ)