Annayya Serial: ಮತ್ತೊಮ್ಮೆ ಶಿವ - ಪಾರ್ವತಿ ಕಲ್ಯಾಣ; ಪಾರುಗೆ ಕರಿಮಣಿ ತೊಡಿಸಿದ ಅಣ್ಣಯ್ಯ -ತಂಗಿಯರಿಗೆ ಶುರುವಾಯ್ತು ನಡುಕ

ಅಣ್ಣಯ್ಯ ಧಾರಾವಾಹಿಯಲ್ಲಿ ಈಗ ಪಾರು ಹಾಗೂ ಶಿವು ಇಬ್ಬರಿಗೂ ಕರಿಮಣಿ ಶಾಸ್ತ್ರ ನಡೆಯುತ್ತಿದೆ. ಇನ್ನೊಂದೆಡೆ ಅಣ್ಣಯ್ಯನ ತಂಗಿಯರು ಮೊಬೈಲ್ ಬಳಕೆ ಮಾಡಿ ಸಿಕ್ಕಿಬಿದ್ದಿದ್ದಾರೆ. ಮಲ್ಲಪ್ಪಣ್ಣನ ಹೆಂಡತಿ ಈಗ ಕರಿಮಣಿ ಶಾಸ್ತ್ರ ಮಾಡಿಸಲು ಎಲ್ಲ ತಯಾರಿ ಮಾಡಿಕೊಂಡಿದ್ದಾಳೆ. ಇನ್ನು ರಾಣಿ ತುಂಬಾ ಉತ್ಸಾಹದಿಂದ ಓಡಾಡುತ್ತಾ ಇದ್ದಾಳೆ. ಅಣ್ಣಯ್ಯ ಅಂಗಡಿಯಿಂದ ಮನೆಗೆ ಬರುತ್ತಾನೆ. ಬರುವಾಗ ಅಂಗಡಿಯಲ್ಲಿ ಕೆಲಸ ಮಾಡುವ ಇನ್ನೊಬ್ಬನೂ ಅಣ್ಣಯ್ಯನ ಜೊತೆ ಬರುತ್ತಾನೆ. ಅವನು ಬಂದಾಗ ಮನೆಯಲ್ಲಿ ಒಂದು ಫೋನ್ ರಿಂಗಾಗುತ್ತದೆ. ಅರೆ ಏನಿದು? ನಮ್ಮ ಮನೆಯಲ್ಲಿ ಮೊಬೈಲ್ ಇಲ್ವಲ್ಲ ಎಂದು ಅಣ್ಣಯ್ಯ ಹೇಳುತ್ತಾನೆ.

ಅದಕ್ಕೂ ಮುನ್ನ ಅಣ್ಣಯ್ಯ ಹಾಗೂ ಪಾರು ಇಬ್ಬರಿಗೂ ಕರಿಮಣಿ ಶಾಸ್ತ್ರ ಮಾಡಿಸುತ್ತಾರೆ. ಮಲ್ಲಪ್ಪಣ್ಣನ ಹೆಂಡತಿ ಬಂದು ಶಾಸ್ತ್ರಕ್ಕೆ ಬೇಕಾದ ಎಲ್ಲ ತಯಾರಿ ಮಾಡಿಕೊಳ್ಳುತ್ತಾಳೆ. ರಾಣಿ ಊರಿನಲ್ಲಿರುವ ಮುತ್ತೈದೆಯರಿಗೆಲ್ಲ ಹೇಳಿ ಬಂದಿರುತ್ತಾಳೆ. ಇನ್ನು ಪಾರು ಹಾಗೂ ಶಿವುನಾ ಕೂರಿಸಿಕೊಂಡು ಮಾತಾಡುತ್ತಾ ಮಾದಪ್ಪಣ್ಣನ ಹೆಂಡತಿ ಏನೇ ಆದ್ರೂ ಈ ಕರಿಮಣಿಗೆ ಇದ್ದಷ್ಟು ಮೌಲ್ಯ ಯಾವ ಬಂಗಾರದ ಸರಕ್ಕೂ ಇಲ್ಲ ಎಂದು ಹೇಳುತ್ತಾಳೆ.

ಅದಾದ ನಂತರ ಮತ್ತೊಮ್ಮೆ ಅಣ್ಣಯ್ಯನ ಕೈಯ್ಯಿಂದ ಪಾರು ತಾಳಿ ಕಟ್ಟಿಸಿಕೊಳ್ಳುತ್ತಾಳೆ. ಯಾವುದೇ ಭಾವನೆ ಇಲ್ಲದೆ ನಿರ್ಲಿಪ್ತವಾಗಿ ಅವಳು ಒಪ್ಪಿಕೊಳ್ಳುತ್ತಾಳೆ. ಇನ್ನು ಇತ್ತ ಅಂಗಡಿಯಿಂದ ಬಂದವನು ಇಲ್ಲ ಅಣ್ಣ ಮೊಬೈಲ್ ರಿಂಗಾಗ್ತಾ ಇದೆ, ಬೇಕಿದ್ರೆ ನೀನೇ ನೋಡು ಎಂದು ಹೇಳುತ್ತಾನೆ. ಆಗ ಅಣ್ಣಯ್ಯನಿಗೂ ಅದೇ ಧ್ವನಿ ಕೇಳುತ್ತದೆ. ಹಾಗಾಗಿ ಅವನು ಆ ಧ್ವನಿಯನ್ನೇ ಆಲಿಸುತ್ತಾ ಬರುತ್ತಾನೆ. ಆಗ ಮಡಿಕೆಯ ಹತ್ತಿರ ಮತ್ತೆ ಧ್ವನಿ ಕೇಳುತ್ತದೆ. ಆಗ ಆ ಮಡಿಕೆಯನ್ನು ನೋಡುತ್ತಾನೆ. ಮಡಿಕೆಯ ಒಳಗಡೆ ಮೊಬೈಲ್ ಇರುತ್ತದೆ. ಆಗ ಅದನ್ನು ನೋಡಿ ಅಣ್ಣಯ್ಯನಿಗೆ ಶಾಕ್ ಆಗುತ್ತದೆ.

ನಂತರ ಎಲ್ಲರನ್ನೂ ಸಾಲಾಗಿ ನಿಲ್ಲಿಸಿ ಪ್ರಶ್ನೆ ಮಾಡಿ ಬೈಯ್ಯಲು ಆರಂಭಿಸುತ್ತಾನೆ. ಆದರೆ ಪಾರು ಬಂದು ಅವಳ ಪರ ನಿಲ್ಲುತ್ತಾಳೆ.

ಇದನ್ನೂ ಓದಿ: Lakshmi Baramma: ಲಕ್ಷ್ಮೀಯನ್ನು ಹುಚ್ಚಿ ಎಂದು ಸಾಬೀತು ಮಾಡಲು ಲಂಚ ಕೊಟ್ಟ ಕಾವೇರಿ; ಈ ಸಂಕಷ್ಟದಿಂದ ಪಾರಾಗ್ತಾಳಾ ಲಕ್ಷ್ಮೀ

ಜೀ ಕನ್ನಡ ವಾಹಿನಿಯಲ್ಲಿ ಅಣ್ಯಯ್ಯ ಎಂಬ ಅಣ್ಣ ತಂಗಿಯರ ಬಾಂಧವ್ಯದ ಸೀರಿಯಲ್‌ ಮೂಡಿ ಬರುತ್ತಿದ್ದು ಹೆಚ್ಚಿನ ಜನರು ಇದನ್ನು ವೀಕ್ಷಿಸುತ್ತಿದ್ದಾರೆ. ಮಾರಿಗುಡಿ ಶಿವಣ್ಣ ಮತ್ತು ಆತನ ಸಹೋದರಿಯರ ಕಥೆ ಹೊಂದಿರುವ ಈ ಸೀರಿಯಲ್‌ ಪ್ರೇಕ್ಷಕರ ಗಮನ ಸೆಳೆದಿದೆ. ತನ್ನ ತಂಗಿಯರಿಗಾಗಿ ಇಡೀ ಜೀವನವನ್ನೇ ಮುಡಿಪಿಟ್ಟ ಅಣ್ಣಯ್ಯ ಕೊನೆಗೂ ಪ್ರೀತಿಯಲ್ಲಿ ಬಿದ್ದಿದ್ದಾನೆ. ಪಾರು ಮೇಲೆ ಅವನಿಗೆ ಮನಸಾಗಿದೆ.

ಅಣ್ಣಯ್ಯ ಸೀರಿಯಲ್‌ ಪಾತ್ರವರ್ಗ

ಅಣ್ಣ ಮತ್ತು ತಂಗಿಯರ ಬಾಂಧವ್ಯದ ಕಥೆ ಹೊಂದಿರುವ ಅಣ್ಣಯ್ಯ ಧಾರಾವಾಹಿ ಜೀ ಕನ್ನಡದಲ್ಲಿ ರಾತ್ರಿ 7.30 ಗಂಟೆಗೆ ಪ್ರಸಾರವಾಗುತ್ತಿದೆ. ಝೀ 5 ಒಟಿಟಿಯಲ್ಲೂ ಈ ಸೀರಿಯಲ್‌ ನೋಡಬಹುದು.ಅಣ್ಣಯ್ಯ ಸೀರಿಯಲ್‌ನಲ್ಲಿ ವಿಕಾಸ್‌ ಉತ್ತಯ್ಯ ನಾಯಕನಾಗಿ ನಟಿಸಿದ್ದಾರೆ.

ವಿಕಾಸ್‌ ಉತ್ತಯ್ಯ - ಶಿವು

ಗಟ್ಟಿಮೇಳ ಖ್ಯಾತಿಯ ನಿಶಾ ರವಿಕೃಷ್ಣನ್‌ ನಾಯಕಿಯಾಗಿದ್ದಾರೆ.

ನಿಶಾ ರವಿಕೃಷ್ಣನ್‌ - ಪಾರು

ಅಂಕಿತಾ ಗೌಡ, ನಾಗಶ್ರೀ ಬೇಗಾರ್‌, ಪ್ರತೀಕ್ಷಾ ಶರೀನಾಥ್‌ ಮತ್ತು ರಾಘವಿ ಅಣ್ಣಯ್ಯನ ತಂಗಿಯರಾಗಿ ಅಭಿನಯಸಿದ್ದಾರೆ. ಅಣ್ಣಯ್ಯ ಸೀರಿಯಲ್‌ನ ಎಲ್ಲಾ ಎಪಿಸೋಡ್‌ಗಳ ಕಥೆ ಇಲ್ಲಿ ಓದಬಹುದು.

ಇದನ್ನೂ ಓದಿ: ಅಣ್ಣಯ್ಯ ಧಾರಾವಾಹಿ: ಪಾರು ಕೈಯ್ಯಲ್ಲಿ ಅರಳಿದ ಶಿವು ಪ್ರೀತಿ; ಮದರಂಗಿ ರಂಗು ನೋಡಿ ಬೇಸರ ಮಾಡಿಕೊಂಡ ಪಾರು