ಅಭಿಮಾನಿಗಳ ಒತ್ತಾಯಕ್ಕೆ ಮಣಿದು ಕಲರ್ಸ್‌ ಕನ್ನಡದಲ್ಲಿ ಕಾಣಿಸಿಕೊಂಡ ಲಾಯರ್‌ ಜಗದೀಶ್‌; ಈ ವಾರ ಮತ್ತೆ ಬಿಗ್‌ ಬಾಸ್‌ ಮನೆಗೆ ಹೋಗ್ತಾರಾ

ಬಿಗ್​ಬಾಸ್ ಕನ್ನಡ ಸೀಸನ್ 11ರಿಂದ ಲಾಯರ್ ಜಗದೀಶ್‌ ಅವರನ್ನು ಹೊರಹಾಕಲಾಗಿತ್ತು. ಅದಾದ ನಂತರದಲ್ಲಿ ಅವರನ್ನು ಬಿಗ್‌ ಬಾಸ್‌ ಮನೆಗೆ ವಾಪಸ್‌ ಕರೆಸಬೇಕು ಎಂದು ಹಲವರು ಒತ್ತಾಯ ಮಾಡಿದ್ದರು. ಈಗಲೂ ಯಾವುದೇ ಪ್ರೋಮೋ ಬಿಡುಗಡೆಯಾದರೂ ಅದರ ಕೆಳಗಡೆ ಜನರು ಜಗದೀಶ್‌ ಅವರನ್ನು ವಾಪಸ್ ಕರೆಸಿ ಎಂದು ಕಾಮೆಂಟ್ ಮಾಡುತ್ತಾರೆ. ಅದೇ ರೀತಿ ಕಲರ್ಸ್‌ ಕನ್ನಡವು ಜಗದೀಶ್‌ ಅವರು ಬಿಗ್‌ ಬಾಸ್‌ ಮನೆಯಿಂದ ಹೊರ ನಡೆದ ಮೇಲೆ ಈಗ ಮೂರನೆ ಬಾರಿ ಅವರನ್ನು ತಮ್ಮ ವಾಹಿನಿಗೆ ಆಹ್ವಾನಿಸಿದೆ. ಕಲರ್ಸ್‌ ಕನ್ನಡದ ಸವಿರುಚಿ ಕಾರ್ಯಕ್ರಮದಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ.

ಮೊದಲು ಅವರು ಬಿಗ್‌ ಬಾಸ್‌ ಮನೆಯಿಂದ ಹೊರಗಡೆ ಬಂದ ತಕ್ಷಣ ಯಾರಿಗೂ ಗೊತ್ತಾಗಿರಲಿಲ್ಲ. ನಂತರದಲ್ಲಿ ಅವರೇ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಿಂದ ಸ್ಪಷ್ಟನೆ ನೀಡಿದ್ದರು. ಅದಾದ ನಂತರದಲ್ಲಿ ಕಿಚ್ಚನ ಪಂಚಾಯ್ತಿಯಲ್ಲಿ ಅವರು ಲೈವ್ ಬಂದು ಮತ್ತೆ ತನಗೆ ಬಿಗ್‌ ಬಾಸ್‌ ಮನೆಗೆ ಬರಲು ಅವಕಾಶ ಸಿಗುತ್ತಾ? ಅವಕಾಶ ಇದೆ ಎಂದಾದರೆ ಮತ್ತೆ ನನ್ನನ್ನು ಕರೆಸಿಕೊಳ್ಳಿ ಎಂದು ವಿನಂತಿ ಮಾಡಿದ್ರು. ಅದಾದ ನಂತರದಲ್ಲಿ ಅವರನ್ನು ಕಲರ್ಸ್ ವಾಹಿನಿಯ ಅಧಿಕೃತ ಸೋಶಿಯಲ್ ಮೀಡಿಯಾಗಳಲ್ಲಿ ಲೈವ್ ಬಂದು ಮಾತನಾಡುವಂತೆ ಹೇಳಿದ್ದರು. ಇದೀಗ ಮೂರನೇ ಬಾರಿ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಸವಿರುಚಿ ಕಾರ್ಯಕ್ರಮಕ್ಕೆ ಕರೆಸಿಕೊಂಡಿದ್ದಾರೆ.

ಇದನ್ನೂ ಓದಿ: Bigg Boss Kannada: ಬಿಗ್‌ ಬಾಸ್‌ ಮನೆಯ ರಾಜಕೀಯ ಅಖಾಡಕ್ಕಿಳಿದ ರಾಧಾ ಹಿರೇಗೌಡ; ಒಂದೊಂದು ಪ್ರಶ್ನೆಗೂ ಕಕ್ಕಾಬಿಕ್ಕಿಯಾದ ಸ್ಪರ್ಧಿಗಳು

ಸವಿರುಚಿ ಕಾರ್ಯಕ್ರಮದಲ್ಲಿ ಅವರು ಮಶ್ರುಮ್ ಬಳಸಿಕೊಂಡು ಅಡುಗೆ ಮಾಡುತ್ತಿದ್ದಾರೆ. ಅದೇ ಸಮಯದಲ್ಲಿ ಅವರು ಬಿಗ್‌ ಬಾಸ್‌ ಮನೆಯಲ್ಲಿ ಇದ್ದ ಬಗ್ಗೆಯೂ ಪ್ರಶ್ನೆಗಳನ್ನು ಕೇಳಲಾಗುತ್ತಿದೆ. ಕಲರ್ಸ್‌ ಕಿಚನ್‌ನಲ್ಲಿ ಕ್ರಶ್‌ ಆಪ್ ಕರ್ನಾಟಕ ಎಂದು ಅವರನ್ನು ಇಂಟ್ರಡ್ಯೂಸ್‌ ಮಾಡಿಸಲಾಗಿದೆ. ತಮ್ಮದೇ ಆದ ಒಂದು ಲುಕ್‌ನಲ್ಲಿ ಜಗದೀಶ್‌ ಮಿಂಚಿದ್ದಾರೆ. ಅಡುಗೆ ಮಾಡುತ್ತಾ ಮಜ್ಜಿಗೆ ನೋಡಿದ್ರೆ ವಿಕ್ರಂ ಮತ್ತು ರಂಜಿತ್ ನೆನಪಾಗ್ತಾರೆ. ಅವರು ಹಂಸ್‌ನಾ ಕಿತ್ಕೊಂಡ್‌ಬಿಟ್ರು ಎಂದು ಹೇಳಿದ್ದಾರೆ.

ಜಗದೀಶ್‌ ಈ ಕಾರ್ಯಕ್ರಮದಲ್ಲೂ ಬಿಗ್‌ ಬಾಸ್‌ ವಿಚಾರವನ್ನೇ ಮಾತಾಡ್ತಾ ಇದ್ದಾರೆ. ನಿರೂಪಕಿ “ಸೀರಿಯಸ್‌ ಆಗಿ ನಿಮಗೆ ಹಂಸ್‌ ಮೇಲೆ ಏನಾದ್ರೂ ಲವ್ ಆಗಿತ್ತಾ?” ಎಂದು ಪ್ರಶ್ನೆ ಮಾಡುತ್ತಾರೆ. ಆಗ ಜಗದೀಶ್‌ ನಗುತ್ತಾರೆ. ಇವಿಷ್ಟನ್ನು ನಾವು ಪ್ರೋಮೋದಲ್ಲಿ ಕಾಣಬಹುದು. ಸಾಕಷ್ಟು ಜನ ಈ ಪ್ರೋಮೋಗೆ ಕಾಮೆಂಟ್ ಮಾಡಿದ್ದಾರೆ. ಈ ರೀತಿ ಪ್ರಶ್ನೆಗಳನ್ನು ಕೇಳಬೇಡಿ. ಹಂಸ ಅವರಿಗೆ ಸಂಸಾರ ಇದೆ. ಅವರಿಗೂ ಮದುವೆ ಆಗಿದೆ ಅನ್ನೋದನ್ನು ನೆನಪಿನಲ್ಲಿಟ್ಟುಕೊಳ್ಳಿ ಎಂದಿದ್ದಾರೆ.

ಇದನ್ನೂ ಓದಿ: Annayya Serial: ಅಣ್ಣಯ್ಯ ಬೈತಾನೆ ಅಂದುಕೊಂಡ್ರೆ ಹೊಗಳೇಬಿಟ್ಟ; ತಂಗಿಯರಿಗಿಂದು ಪಶ್ಚಿಮದಲ್ಲಿ ಸೂರ್ಯ ಹುಟ್ಟಿದ ಅನುಭವ

ಇನ್ನು ಇವರು ಈ ವಾರ ಮತ್ತೆ ಬಿಗ್‌ ಬಾಸ್‌ಗೆ ಹೋಗ್ತಾರಾ ಎನ್ನುವ ಪ್ರಶ್ನೆ ಎಲ್ಲರನ್ನೂ ಕಾಡುತ್ತಿತ್ತು. ಹಲವರು ಮತ್ತೆ ಜಗದೀಶ್‌ ಅವರನ್ನು ಬಿಗ್‌ ಬಾಸ್‌ ಮನೆಯಲ್ಲಿ ಕಾಣಬೇಕು ಎಂದು ಆಸೆಪಟ್ಟಿದ್ದರು. ಆದರೆ ಇದುವರೆಗೆ ಲಾಯರ್ ಜಗದೀಶ್‌ ಬಿಗ್‌ ಬಾಸ್‌ ಮನೆಗೆ ಮತ್ತೆ ಹೋಗುವ ಕುರಿತು ಯಾವುದೇ ಅಧಿಕೃತ ಪ್ರಸ್ತಾಪವಾಗಿಲ್ಲ.