ಬಿಗ್‌ಬಾಸ್‌ ಸೀಸನ್ 17 ಇಂದು ಶುರು: ಮುಟ್ಟಿದ್ದೆಲ್ಲ ಕಲ್ಲು ಚದುರಂಗ ಚೆಲುವು, ಆದ್ರೆ 3 ಬೆಡ್‌ರೂಂ ಯಾಕೆ ಗುರು, ನಿಗೂಢ ಮನೆಯ ವಿಡಿಯೋ ನೋಡಿ
Dec 22, 2023 05:21 PM IST
Share
ಬಿಗ್‌ಬಾಸ್‌ ಸೀಸನ್ 17ರ ಮನೆಯ ನೋಟ
- Bigg Boss 17 Updates: ಸಲ್ಮಾನ್‌ ಖಾನ್‌ ನಿರೂಪಣೆಯಲ್ಲಿ ಇಂದಿನಿಂದ ಬಿಗ್‌ಬಾಸ್‌ ಹಿಂದಿ ಸೀಸನ್ 17 ಆರಂಭಗೊಳ್ಳಲಿದೆ. ಈ ಮನೆಯಲ್ಲಿ ಚೆಸ್‌ ಥೀಮ್‌, ಮೂರು ಬೆಡ್‌ರೂಂ, ಐಷಾರಾಮಿ ಇಂಟೀರಿಯರ್‌ ಡಿಸೈನ್‌ ಸೇರಿದಂತೆ ಹಲವು ಆಕರ್ಷಣೆಗಳಿವೆ. ಹಿಂದಿ ಬಿಗ್‌ಬಾಸ್‌ ಮನೆ ಹೇಗಿದೆ ನೋಡೋಣ ಬನ್ನಿ.
ಬೆಂಗಳೂರು: ಕನ್ನಡ ಬಿಗ್‌ಬಾಸ್‌ ಸೀಸನ್ 10 ಒಂದು ವಾರ ಪೂರೈಸುವ ಸಮಯದಲ್ಲಿ ಹಿಂದಿ ಬಿಗ್‌ಬಾಸ್‌ ಸೀಸನ್ 17 ಶುಭಾರಂಭಗೊಳ್ಳುತ್ತಿದೆ. ಇಂದು ಗ್ರ್ಯಾಂಡ್‌ ಪ್ರೀಮಿಯರ್‌ ನಡೆಯಲಿದ್ದು. ಇದೇ ಸಮಯದಲ್ಲಿ ಬಿಗ್‌ಬಾಸ್‌ ಸೀಸನ್ 17 ಮನೆಯ ಹೇಗಿದೆ ಎಂಬ ವಿಡಿಯೋ ಲಭ್ಯವಾಗಿದೆ. ಈ ಹಿಂದಿನ ಸೀಸನ್‌ಗಳಿಗೆ ಹೋಲಿಸಿದರೆ ಮನೆಯು ಕಡಿಮೆ ವರ್ಣರಂಜಿತವಾಗಿದೆ. ಈ ಮನೆ ಅದ್ಧೂರಿ ಒಳಾಂಗಣ ಹೊಂದಿರದೆ ಇರುವುದು ವೀಕ್ಷಕರಿಗೆ ಅಚ್ಚರಿ ತಂದಿದೆ. ಇದರ ಬದಲು ಕಲ್ಲು, ಇಟ್ಟಿಗೆಯ ನೆಲ, ಕಂದು ಬಣ್ಣದ ಛಾಯಗಳು ಮನಸ್ಸಿಗೆ ಶಾಂತ ಭಾವ ಮೂಡಿಸುವಂತೆ ಇದೆ. ಬಿಗ್‌ಬಾಸ್‌ ಸೀಸನ್ 17 ಮೂಲಕ ಸಲ್ಮಾನ್‌ ಖಾನ್‌ ಮತ್ತೊಮ್ಮೆ ಬಿಗ್‌ಬಾಸ್‌ ಹೋಸ್ಟ್‌ ಆಗಿ ವಾಪಸ್‌ ಬರುತ್ತಿದ್ದಾರೆ.
ಹೇಗಿದೆ ಬಿಗ್‌ಬಾಸ್‌ ಸೀಸನ್ 17 ಮನೆ?
ಚೆಸ್‌ ಆಟದ ಥೀಮ್‌, ಅಂಕಿಅಂಶಗಳು, ಗೋಡೆಗಳ ಮೇಲೆ ಸಂಕೀರ್ಣವಾದ ಕೆತ್ತನೆ ಮನೆಯ ಪ್ರಮುಖ ಹೈಲೈಟ್ಸ್‌. ಬಿಗ್‌ಬಾಸ್‌ ಪ್ರವೇಶದ್ವಾರದಲ್ಲಿ ಕಲ್ಲಿನಲ್ಲಿ ಮೂಡಿರುವ ರೆಕ್ಕೆಗಳನ್ನು ಹೊಂದಿರುವ ದೊಡ್ಡ ಕುದುರೆ ಇದೆ. ಈ ಅಶ್ವ ಗೇಟ್‌ ದಾಟಿ ಒಳಗೆ ಹೋದರೆ ಒಳಗೆ ಇನ್ನೊಂದು ಬಾಗಿಲು ಇದೆ. ಅಲ್ಲಿ ಚದುರಂಗದ ಥೀಮ್‌ ಇದೆ.
ಈ ಬಾರಿ ಬಿಗ್‌ಬಾಸ್‌ ಕಲ್ಲುಗಳ ವಿನ್ಯಾಸ ಹೊಂದಿರುವುದು ವಿಶೇಷ. ಬಹುತೇಕ ಕುಳಿತುಕೊಳ್ಳುವ ಸ್ಥಳಗಳು ಕಲ್ಲಿನಿಂದ ಮಾಡಲ್ಪಟ್ಟಿವೆ. ಇದೇ ರೀತಿ, ಡೈನಿಂಗ್‌ ಟೇಬಲ್‌ ಕೂಡ ಕಲ್ಲಿನಿಂದ ಮಾಡಲ್ಪಟ್ಟಿದೆ. ಮಂಚದ ಸೈಡ್‌ನಲ್ಲಿ ಇಟ್ಟಿಗೆಯ ಪ್ರಿಂಟ್‌ ಕಾಣಿಸುತ್ತದೆ. ಉದ್ಯಾನದ ಆಸನವು ಕಲ್ಲುಗಳಿಂದ ನಿರ್ಮಿಸಲಾಗಿದ್ದರೂ, ಮತ್ತೊಂದು ಭಾಗದಲ್ಲಿ ಬಿಳಿಯ ಮಂಚ ಕಾಣಿಸುತ್ತದೆ.
3 ಬೆಡ್‌ರೂಂಗಳ ಬಿಗ್‌ಬಾಸ್‌ ಮನೆ
ಈ ಬಿಗ್‌ಬಾಸ್‌ ಮನೆಯೊಳಗೆ ಮೂರು ಬಗೆಯ ಬೆಡ್‌ರೂಂಗಳು ಕಾಣಿಸುತ್ತವೆ. ಲ್ಯಾವೆಂಡರ್‌ ಸೆಟ್ಟಿಂಗ್‌ನ ಒಳಾಂಗಣ ಹೊಂದಿರುವ ಒಂದು ಬೆಡ್‌ರೂಂನ ಗೋಡೆಗಳಲ್ಲಿ ಸುಂದರವಾದ ಹೂವುಗಳು, ವಿನ್ಯಾಸಗಳು ಕಾಣಿಸುತ್ತವೆ. ಸ್ಪರ್ಧಿಗಳಿಗೆ ವಿಶ್ರಾಂತಿ ಪಡೆಯಲು, ಹರಟೆ ಹೊಡೆಯಲು ಮೂಲೆಯಲ್ಲಿ ಮಂಚಗಳಿವೆ. ಇನ್ನೊಂದು ಬೆಡ್‌ರೂಂ ಕಂದು ಬಣ್ಣದ ಮರದ ಒಳಾಂಗಣ ವಿನ್ಯಾಸ ಹೊಂದಿದೆ. ಗೋಡೆಗಳ ಮೇಲೆ ಚೆಸ್‌ ಥೀಮ್‌ ಇದೆ. ಕೋಣೆಯ ಇನ್ನೊಂದು ಭಾಗದಲ್ಲಿ ಸಣ್ಣ ಡೈನಿಂಗ್‌ ಟೇಬಲ್‌, ಒಂದು ಸೋಫಾ ಕಾಣಿಸುತ್ತದೆ.
ಮೂರನೇ ಬೆಡ್‌ರೂಂನಲ್ಲಿ ಕೇವಲ ಒಂದು ಡಬಲ್‌ ಬೆಡ್‌ರೂಂ, ಪಕ್ಕದಲ್ಲಿ ಸೋಫಾ ಕುರ್ಚಿ ಕಾಣಿಸುತ್ತದೆ. ಇದು ಬಿಗ್‌ಬಾಸ್‌ ನಾಯಕನಾಗಿ ಆಯ್ಕೆಯಾದವರಿಗೆ ದೊರಕುವ ಬೆಡ್‌ರೂಂ ಆಗಿರುವ ಸಾಧ್ಯತೆಯಿದೆ. ಕೊಠಡಿಯು ಪುರಾತನ ಒಳಾಂಗಣ ವಿನ್ಯಾಸ ಹೊಂದಿದೆ. ಹಾಸಿಗೆಯ ಮೇಲೆ ರೆಕ್ಕೆಗಳನ್ನು ಹೊಂದಿರುವ ಮಹಿಳೆಯ ಬೃಹತ್‌ ಪ್ರತಿಮೆ ಇದೆ. ಈ ವಿಡಿಯೋದಲ್ಲಿ ಯಹಾ ಪತಾ ನಹೀ ಕಿಸ್ಕಾ ಹೋಗಾ ಸಯಾ, ಖುಷಿಯೋ ಕೆ ಸಾಥ್ ಯಹಾನ್ ಗಮ್ ಕಾ ಭೀ ಬಫೆಟ್ ಹೈ ಲಗ್ನೆ ವಾಲಾ ಎಂಬ ಮಾತು ಕೇಳಿಸುತ್ತದೆ. ಈ ಮನೆಯ ಮೇಲೆ ಯಾರ ನೆರಳು ಪ್ರಾಬಲ್ಯ ಸಾಧಿಸುತ್ತದೆ ಎಂದು ತಿಳಿದಿಲ್ಲ. ದುಃಖವನ್ನು ಸಹ ಇಲ್ಲಿ ಬಫೆಯಲ್ಲಿ ನೀಡಲಾಗುತ್ತದೆ ಇನ್ನುವುದು ಈ ಅಶರೀರವಾಣಿಯ ಅರ್ಥ.
ಬಿಗ್‌ಬಾಸ್‌ನ ಅಧಿಕೃತ ಸೋಷಿಯಲ್‌ ಮೀಡಿಯಾ ಪುಟಗಳಲ್ಲಿ ಹಂಚಿಕೊಳ್ಳಲಾಗಿದೆ. ಬಿಗ್ ಬಾಸ್ ಕೆ ಘರ್ ಮೇ ಆಪ್ಕಾ ಸ್ವಾಗತ್ ಹೈ! ಚಲಿಯೆ ಪ್ರವೇಶ್ ಕರ್ತೆ ಹೈ ಇಸ್ಸ್ ಸೀಸನ್ ಕೆ ಅಲಿಶಾನ್ ಔರ್ ಶಾಂದಾರ್ ಘರ್ ಮೇ ಜಹಾನ್ ದಿಲ್, ದಿಮಾಗ್ ಔರ್ ದಮ್ ಕಾ ಲಗೇಗಾ ಬಫೆ ಎಂಬ ಟಿಪ್ಪಣಿಯನ್ನು ಈ ವಿಡಿಯೋಗಳಿಗೆ ನೀಡಲಾಗಿದೆ. ಒಟ್ಟಾರೆ, ಇಂದು ಬಿಗ್‌ಬಾಸ್‌ ಸೀಸನ್ 17 ಆರಂಭವಾಗಲಿದ್ದು, ಯಾರೆಲ್ಲ ಮನೆಗೆ ಪ್ರವೇಶಿಸಲಿದ್ದಾರೆ ಎಂದು ಕಾದು ನೋಡಬೇಕಿದೆ.
ಇನ್ನೊಂದೆಡೆ ಕನ್ನಡ ಬಿಗ್‌ಬಾಸ್‌ನಲ್ಲಿ ಮನೆಯಿಂದ ಹೊರಕ್ಕೆ ಹೋಗುವ ಮೊದಲ ಸ್ಪರ್ಧಿ ಯಾರು ಎಂದು ಇಂದು ತಿಳಿದುಬರಲಿದೆ. ಅಸಮರ್ಥರು ಮತ್ತು ಸಮರ್ಥರ ನಡುವಿನ ಕದನ ನಿನ್ನೆಗೆ ಕೊನೆಗೊಂಡಿದೆ. ಅಸಮರ್ಥರು ಈಗ ಸಮರ್ಥರಾಗಿದ್ದಾರೆ. ನಿನ್ನೆಯ ಬಿಗ್‌ಬಾಸ್‌ ಸೀಸನ್ 10ರ ಸಂಚಿಕೆಯಲ್ಲಿ ಸ್ಪರ್ಧಿಗಳಿಗೆ ಕಿಚ್ಚ ಸುದೀಪ್‌ ಕ್ಲಾಸ್‌ ತೆಗೆದುಕೊಂಡಿದ್ದಾರೆ. ಇದೇ ಸಮಯದಲ್ಲಿ ಬಿಗ್‌ಬಾಸ್‌ ಮನೆಯೊಳಗೆ ಇರುವ ವಿಷಕಾರಿ, ಊಸರವಳ್ಳಿ, ಮುಗ್ಧರು, ಜೋಕರು ಯಾರು ಎಂಬ ಮಾಹಿತಿಯನ್ನೂ ಸ್ಪರ್ಧಿಗಳು ಹಂಚಿಕೊಂಡಿದ್ದಾರೆ. ಈ ಕುರಿತಾದ ವರದಿ ಇಲ್ಲಿದೆ ಓದಿ.