BBK 10: ಬಿಗ್‌ಬಾಸ್‌ ಮನೆಗೆ ಮುಂದಿನ ಬಾರಿ ತುಕಾಲಿ ಸಂತೋಷ್‌ ಪತ್ನಿ ಮಾನಸರನ್ನು ಕಳುಹಿಸಿ, ನೆಟ್ಟಿಗರಿಂದ ಏಕೆ ಈ ಬೇಡಿಕೆ
Jan 29, 2024 04:23 PM IST
Share
ತುಕಾಲಿ ಸಂತೋಷ್‌ ಮತ್ತು ಮಾನಸ
- ಬಿಗ್‌ಬಾಸ್‌ ಕನ್ನಡ ಸೀಸನ್‌ 10ರ ವಿನ್ನರ್‌ ಆಗಿ ಕಾರ್ತಿಕ್‌ ಮಹೇಶ್‌ ಹೊರಹೊಮ್ಮಿದ್ದಾರೆ. ಈ ಸಮಯದಲ್ಲಿ ಟಾಪ್‌ 5 ರನ್ನರ್‌ಅಪ್‌ ಆಗಿ ದೊಡ್ಮನೆಯಿಂದ ಹೊರಹೋಗಿದ್ದ ತುಕಾಲಿ ಸಂತೋಷ್‌, ಸಂಗೀತಾ ಶೃಂಗೇರಿ ಸೇರಿದಂತೆ ಹಲವು ಸ್ಪರ್ಧಿಗಳಿಗೆ ಸಂಬಂಧಪಟ್ಟಂತೆ ಹಲವು ಮೀಮ್‌ಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ.
ಬಿಗ್‌ಬಾಸ್‌ ಕನ್ನಡ ಸೀಸನ್‌ 10ರ ವಿನ್ನರ್‌ ಆಗಿ ಕಾರ್ತಿಕ್‌ ಮಹೇಶ್‌ ಹೊರಹೊಮ್ಮಿದ್ದಾರೆ. ಈ ಸಮಯದಲ್ಲಿ ಟಾಪ್‌ 5 ರನ್ನರ್‌ಅಪ್‌ ಆಗಿ ದೊಡ್ಮನೆಯಿಂದ ಹೊರಹೋಗಿದ್ದ ತುಕಾಲಿ ಸಂತೋಷ್‌ಗೆ ಸಂಬಂಧಪಟ್ಟಂತೆ ಹಲವು ಪೋಸ್ಟ್‌ಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ. ಇದೇ ಸಮಯದಲ್ಲಿ ತುಕಾಲಿ ಸಂತೋಷ್‌ ಅವರ ಪತ್ನಿ ಮಾನಸರ ಕುರಿತೂ ನೆಟ್ಟಿಗರು ಮೆಚ್ಚುಗೆಯ ಮಾತುಗಳನ್ನಾಡುತ್ತಿದ್ದಾರೆ. ಮುಂದಿನ ಬಾರಿ ಮಾನಸರನ್ನೂ ಬಿಗ್‌ಬಾಸ್‌ ಮನೆಯೊಳಗೆ ಕಳುಹಿಸಿ ಎನ್ನುತ್ತಿದ್ದಾರೆ.
ತುಕಾಲಿ ಸಂತೋಷ್‌ ಪತ್ನಿಯನ್ನು ಕಳುಹಿಸಿ
ಬಿಗ್‌ಬಾಸ್‌ ಕನ್ನಡ ಫಿನಾಲೆ ಮುಗಿದ ಬಳಿಕ ಹಲವು ಮೀಮ್ಸ್‌ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ. ಮುಂದಿನ ಬಾರಿ ಬಿಗ್‌ಬಾಸ್‌ ಕನ್ನಡ ಸೀಸನ್‌ 11ಕ್ಕೆ ತುಕಾಲಿ ಸಂತೋಷ್‌ ಅವರ ಪತ್ನಿ ಮಾನಸರನ್ನು ಕಳುಹಿಸಿ. ಎಷ್ಟು ಚಂದ ಕಾಮಿಡಿ ಮಾಡಿ ಎಲ್ಲರನ್ನೂ ನಗಿಸ್ತಾರೆ ಎಂದು ವೈರಲ್‌ ಮೀಮ್ಸ್‌ನಲ್ಲಿ ಹೇಳಲಾಗಿದೆ. "ಮುಗ್ಧ ಮನಸ್ಸಿನ ಅಕ್ಕ" "ತುಂಬಾ ಇನ್ನೋಸೆಂಟ್‌ " "ಇವರಿಬ್ಬರನ್ನೂ ಒಟ್ಟಿಗೆ ಕಳುಹಿಸಿದ್ದರೆ ಖಂಡಿತಾ ಇವರಿಬ್ಬರು ಗೆದ್ದು ಬರುತ್ತಿದ್ದರು" ಹೀಗೆ ಈ ಮೀಮ್ಸ್‌ಗೆ ನೆಟ್ಟಿಗರು ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಇವರನ್ನು ಖಂಡಿತಾವಾಗಿಯು ಗಿಚ್ಚಿ ಗಿಲಿಗಿಲಿಗೆ ಕರೆಸಿಕೊಳ್ಳುತ್ತಾರೆ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.
ನಾನು ಇಲ್ಲದೇ ಕಾರ್ತಿಕ್‌ ಝೀರೋ ಅಂತ ಹೇಳಿದ್ದ ಸಂಗೀತಾಗೆ ಇಂದು ಕಾರ್ತಿಕ್‌ ಇಲ್ಲದೆ ಸೆಕೆಂಡ್‌ ರಾಂಕ್‌ ಕೂಡ ಸಿಕ್ಕಿಲ್ಲ ಎಂದು ಇನ್ನೊಂದು ಮೀಮ್ಸ್‌ನಲ್ಲಿ ಹೇಳಲಾಗಿದೆ. ಬಡವರ ಮಕ್ಕಳು ಬೆಳಿ ಬೇಕು ಕಣಯ್ಯ ಶೀರ್ಷಿಕೆಯಡಿ ಹಲವು ಮೀಮ್ಸ್‌ಗಳು ಹರಿದಾಡುತ್ತಿವೆ.
ಡ್ರೋನ್‌ ಪ್ರತಾಪ್‌ಗೆ ಮೆಚ್ಚುಗೆ
ಬಿಗ್‌ಬಾಸ್‌ ಕನ್ನಡ ಟಾಪ್‌ 2 ಸ್ಪರ್ಧಿಯಾಗಿ ಬಿಗ್‌ಬಾಸ್‌ ಶೋನ ರನ್ನರ್‌ಅಪ್‌ ಆದ ಡ್ರೋನ್‌ ಪ್ರತಾಪ್‌ ತಾವು ಗೆದ್ದ ಹತ್ತು ಲಕ್ಷ ರೂಪಾಯಿಯನ್ನು ಯಾವುದಾದರೂ ರೋಗಿಯ ಟ್ರೀಟ್‌ಮೆಂಟ್‌ಗೆ ಹಾಗೂ ಬಹುಮಾನವಾಗಿ ಬಂದ ಬೌನ್ಸ್‌ ಸ್ಕೂಟಿಯನ್ನು ಡೆಲಿವರಿ ಬಾಯ್‌ಗೆ ಕೊಡುವುದಾಗಿ ಹೇಳಿದ್ದಾರೆ. ಡ್ರೋನ್‌ ನಿಮ್ಮ ಬಗ್ಗೆ ಗೌರವವಾಗುತ್ತಿದೆ ಇನ್ನೊಂದು ಮೀಮ್ಸ್‌ನಲ್ಲಿ ಹೇಳಲಾಗಿದೆ.
ಬಿಗ್‌ಬಾಸ್‌ ಕನ್ನಡ ಸೀಸನ್‌ 10ರ ಕುರಿತು ಇನ್‌ಸ್ಟಾಗ್ರಾಂನಲ್ಲಿ ಮಾತ್ರವಲ್ಲದೆ ಟ್ವಿಟ್ಟರ್‌, ಫೇಸ್‌ಬುಕ್‌ನಲ್ಲೂ ಹಲವು ಮೀಮ್‌ಗಳು ವೈರಲ್‌ ಆಗುತ್ತಿವೆ.
ಬಿಗ್‌ಬಾಸ್‌ ಗೆದ್ದ ಕಾರ್ತಿಕ್‌ ಮಹೇಶ್‌
ಬಿಗ್‌ಬಾಸ್‌ ಕನ್ನಡ ಸೀಸನ್‌ ಹತ್ತರ ವಿನ್ನರ್‌ ಆಗಿ ಕಾರ್ತಿಕ್‌ ಮಹೇಶ್‌ ಹೊರಹೊಮ್ಮಿದ್ದಾರೆ. ಮೊದಲ ರನ್ನರ್‌ಅಪ್‌ ಆಗಿ ಡ್ರೋನ್‌ ಪ್ರತಾಪ್‌ ಆಯ್ಕೆಯಾಗಿದ್ದಾರೆ. ಎರಡನೇ ರನ್ನರ್‌ಅಪ್‌ ಆಗಿ ಸಂಗೀತಾ ಶೃಂಗೇರಿ ಮನೆಯಿಂದ ಹೊರ ಹೋಗಿದ್ದಾರೆ. ಮೂರನೇ ರನ್ನರ್‌ ಅಪ್‌ ಆಗಿ ವಿನಯ್‌ ಗೌಡ ಔಟ್‌ ಆಗಿದ್ದಾರೆ.