Miss Shetty Mr Polishetty: ನಿನ್ನ ಆ ಭಾಗ ನನಗಿಷ್ಟ; ಅನುಷ್ಕಾ ಶೆಟ್ಟಿ ಬಗ್ಗೆ ಕಾಮಿಡಿ ನಟನ ಹೇಳಿಕೆ ಮತ್ತೆ ಮುನ್ನೆಲೆಗೆ

Miss Shetty Mr Polishetty: ಕರ್ನಾಟಕ ಮೂಲದ ನಟಿ ಅನುಷ್ಕಾ ಶೆಟ್ಟಿ ಸದ್ಯ ಹೊಸ ಸಿನಿಮಾದ ಬಿಡುಗಡೆಯ ಖುಷಿಯಲ್ಲಿದ್ದಾರೆ. ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ ಸಿನಿಮಾ ಸೆ. 7ರಂದು ಬಿಡುಗಡೆಯಾಗುತ್ತಿದೆ. ಸುದೀರ್ಘ ಮೂರು ವರ್ಷಗಳ ಬಳಿಕ ಅನುಷ್ಕಾ ತೆರೆ ಮೇಲೆ ಆಗಮಿಸುತ್ತಿದ್ದಾರೆ. ಆ ಕಾರಣಕ್ಕೂ ಮಿಸ್‌ ಶೆಟ್ಟಿ ಮಿಸ್ಟರ್‌ ಪೊಲಿಶೆಟ್ಟಿ ಸಿನಿಮಾ ಒಂದಷ್ಟು ನಿರೀಕ್ಷೆ ಮೂಡಿಸಿದೆ.

ಮಹೇಶ್‌ ಬಾಬು ಪಿಚಿಗೊಲ್ಲ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಸಿನಿಮಾದ ಟ್ರೇಲರ್‌ ಈಗಾಗಲೇ ಬಿಡುಗಡೆ ಆಗಿದೆ. ಚಿತ್ರದಲ್ಲಿ ಶೆಫ್‌ ಆಗಿ ಅನುಷ್ಕಾ ಕಾಣಿಸಿಕೊಂಡಿದ್ದಾರೆ. ಪ್ರೀತಿ ಮತ್ತು ಸಂಬಂಧದ ಮೇಲೆ ನಂಬಿಕೆ ಇರದ ಯುವತಿಯಾಗಿ ಅನುಷ್ಕಾ ಪಾತ್ರ ಸಾಗಲಿದೆ. ಅನ್ವಿತಾ ಶೆಟ್ಟಿಯಾಗಿ ಅನುಷ್ಕಾ, ಸಿದ್ದು ಪೊಲಿಶೆಟ್ಟಿಯಾಗಿ ನವೀನ್‌ ನಟಿಸಿದ್ದಾರೆ.

ಇದನ್ನೂ ಓದಿ: ಕೋಟಿ ಕೊಟ್ಟು ಮಹಾದಾನಿಯಾದೆ, ನಿನ್ನಿಂದ 8 ಕೋಟಿ ಲಾಸ್‌ ಆಗಿದೆ; ದೇವರಕೊಂಡ ವಿರುದ್ಧ ನಿರ್ಮಾಪಕ ಗರಂ

ಇನ್ನೇನು ಸಿನಿಮಾ ರಿಲೀಸ್‌ಗೆ ಒಂದು ದಿನ ಇದೆ ಎನ್ನುವಷ್ಟರಲ್ಲಿ ನಟಿ ಅನುಷ್ಕಾ ಬಗೆಗಿನ ಹಲವು ಹಳೇ ಸುದ್ದಿಗಳು ಮತ್ತೆ ಮುನ್ನೆಲೆಗೆ ಬಂದಿವೆ. ಸೋಷಿಯಲ್‌ ಮೀಡಿಯಾದಲ್ಲಿಯೂ ಸದ್ದು ಮಾಡುತ್ತಿವೆ. ಆ ಪೈಕಿ ತೆಲುಗಿನ ಹಾಸ್ಯ ಕಲಾವಿದ ಅಲಿ ಹೇಳಿಕೆ ದೊಡ್ಡ ಕಾಂಟ್ರವರ್ಸಿಯನ್ನೇ ಸೃಷ್ಟಿ ಮಾಡಿತ್ತು. ಸಿನಿಮಾ ವಲಯದಿಂದ ಮತ್ತು ನೆಟ್ಟಿಗ ವಲಯದಿಂಲೇ ಆಲಿ ಸಾಕಷ್ಟು ಟೀಕೆಗಳನ್ನು ಎದುರಿಸಿದ್ದರು. ಇದೀಗ ಅನುಷ್ಕಾ ಸಿನಿಮಾ ಬಿಡುಗಡೆ ಹಿನ್ನೆಲೆಯಲ್ಲಿ ಆವತ್ತಿನ ಸುದ್ದಿ ಮತ್ತೆ ಮುನ್ನೆಲೆಗೆ ಬಂದಿದೆ.

ಇದನ್ನೂ ಓದಿ: ಸೀತಾಳ ಖುಷಿಗೆ ಹುಳಿ ಹಿಂಡೋಕೆ ಭಾರ್ಗವಿ ಮಸಲತ್ತು! ಸೀತಾ ನಂಬಿರೋ ಆ ಶ್ರೀರಾಮ ಕೈ ಹಿಡಿತಾನಾ?

ಹಾಗಾದ್ರೆ ಆಲಿ ನೀಡಿದ ಹೇಳಿಕೆ ಏನಾಗಿತ್ತು?

2015ರಲ್ಲಿ ಅನುಷ್ಕಾ ಶೆಟ್ಟಿ ಮತ್ತು ಆರ್ಯ ನಟನೆಯ ಸೈಜ್‌ ಜೀರೋ ಸಿನಿಮಾದ ಆಡಿಯೋ ಲಾಂಚ್‌ ಕಾರ್ಯಕ್ರಮದ ವೇಳೆ ನಟ ಅಲಿ ಅನುಷ್ಕಾ ಶೆಟ್ಟಿಯನ್ನು ಹೊಗಳುವ ಭರದಲ್ಲಿ ಆಡಿದ ಮಾತು, ಸ್ವತಃ ಅನುಷ್ಕಾ ಅವರನ್ನೇ ಮುಜುಗರಕ್ಕೀಡು ಮಾಡಿತ್ತು. ಅನುಷ್ಕಾಗೆ ಹಾಟ್‌ ಜಿಲೇಬಿ ಇದ್ದಂತೆ, ಎಲ್ಲರೂ ಅದನ್ನು ತಿನ್ನಲು ಇಷ್ಟಪಡುತ್ತಾರೆ" ಎಂದಿದ್ದರು.

ಇದಕ್ಕಿಂತ ಒಂದು ಹೆಜ್ಜೆ ಮುಂದೆ ಹೋಗಿ, "ಅನುಷ್ಕಾ ಶೆಟ್ಟಿ ಮನಮೋಹಕ ತೊಡೆಗಳನ್ನು ಹೊಂದಿದ್ದಾರೆ. ಬಿಲ್ಲಾ ಸಿನಿಮಾ ಶೂಟಿಂಗ್‌ ಸಮಯದಲ್ಲಿ ನಾನು ಅವಳ ಆ ದೃಶ್ಯವನ್ನು ನೋಡಿದಾಗಿನಿಂದ ದೊಡ್ಡ ಅಭಿಮಾನಿಯಾದೆ" ಎಂದು ಆಲಿ ವರ್ಣನೆ ಮಾಡಿ ಟೀಕೆಗೆ ಗುರಿಯಾಗಿದ್ದರು. ಆ ಸಮಯದಲ್ಲಿ ಟಾಲಿವುಡ್‌ ಅಂಗಳದಲ್ಲಿ ಆಲಿಯ ಈ ಮಾತು ಸುಡುವ ಬೆಂಕಿಗೆ ತುಪ್ಪ ಸುರಿದಂತಾಗಿತ್ತು. ಆಲಿ ವಿರುದ್ಧ ಸಾಕಷ್ಟು ಮಂದಿ ಆಕ್ರೋಶ ಹೊರಹಾಕಿದ್ದರು.

ಇದನ್ನೂ ಓದಿ: ನಾನು ಹುಟ್ಟಿದ್ದು ನಮ್ಮ ಅಪ್ಪ, ಅಮ್ಮನಿಗೆ ಹೊರತು ಸನಾತನ ಧರ್ಮಕ್ಕಲ್ಲ; ಪ್ರಕಾಶ್‌ ರಾಜ್‌