Bhamakalapam 2 OTT: ನಟಿ ಪ್ರಿಯಾಮಣಿ ಅಭಿನಯದ ಭಾಮಾಕಲಾಪಂ 2 ಒಟಿಟಿ ಸಿನಿಮಾ ಟೀಸರ್ ಬಿಡುಗಡೆಯ ದಿನಾಂಕ ಘೋಷಣೆ
Jan 29, 2024 02:49 PM IST
Share
'ಭಾಮಾಕಲಾಪಂ 2' ಒಟಿಟಿ ಸಿನಿಮಾದಲ್ಲಿ ನಟಿ ಪ್ರಿಯಾಮಣಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ
Bhamakalapam 2 OTT: ಒಟಿಟಿಯಲ್ಲಿ ಭಾರಿ ಹೈಪ್‌ ಕ್ರಿಯೇಟ್ ಮಾಡಿರುವ ಸಿನಿಮಾ 'ಭಾಮಾಕಲಾಪಂ 2'. ಪ್ರಿಯಾಮಣಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಈ ಒಟಿಟಿ ಸಿನಿಮಾದ ಟೀಸರ್ ಬಿಡುಗಡೆಯ ದಿನಾಂಕ ಘೋಷಣೆಯಾಗಿದೆ.
ಬೆಂಗಳೂರು: 'ಭಾಮಾಕಲಾಪಂ' ಸಿನಿಮಾ 2022ರಲ್ಲಿ ಆಹಾ ಒಟಿಟಿ ಪ್ಲಾಟ್‌ಫಾರ್ಮ್‌ಗೆ ನೇರವಾಗಿ ಬಂದು ಯಶಸ್ವಿಯಾಗಿತ್ತು. ಈ ಕಾಮಿಡಿ ಕ್ರೈಮ್ ಥ್ರಿಲ್ಲರ್ ಸಿನಿಮಾದಲ್ಲಿ ದಕ್ಷಿಣ ಭಾರತದ ಖ್ಯಾತ ನಟಿ ಪ್ರಿಯಾಮಣಿ ಪ್ರಮುಖ ಭೂಮಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಆಹಾ ಒಟಿಟಿಯಲ್ಲೇ ಚಿತ್ರವನ್ನು ನೋಡಿದ್ದ ಪ್ರೇಕ್ಷಕ ಮೆಚ್ಚುಗೆ ವ್ಯಕ್ತಪಡಿಸಿದ್ದ. ಇದೀಗ ಇದೇ ಒಟಿಟಿ ಪ್ಲಾಟ್‌ಫಾರ್ಮ್‌ ಈ ಸಿನಿಮಾದ ಸೀಕ್ವೆಲ್ ಅವನ್ನು ತರುತ್ತಿದೆ. ಇತ್ತೀಚೆಗಷ್ಟೇ 'ಭಾಮಾಕಲಾಪಂ 2' ಚಿತ್ರ ಝಲಕ್ ಕಣ್ತುಂಬಿಕೊಳ್ಳಲಾಗಿತ್ತು. ಇದು ಸಿನಿಮಾದ ಮೇಲೆ ಕುತೂಹಲವನ್ನು ಹೆಚ್ಚಿಸಿದ್ದು, ಇದೀಗ ಆಹಾ ಒಟಿಟಿ ಸಿನಿಮಾದ ಬಗ್ಗೆ ಅಪ್ಡೇಟ್ ನೀಡಿದ್ದು, ಟೀಸರ್ ಬಿಡುಗಡೆಯ ದಿನಾಂಕವನ್ನು ಘೋಷಿಸಿದೆ.
'ಭಾಮಾಕಲಾಪಂ 2' ಚಿತ್ರದ ಟೀಸರ್ ನಾಳೆ (ಜನವರಿ 30, ಮಂಗಳವಾರ) ಬಿಡುಗಡೆಯಾಗುತ್ತಿದೆ ಎಂದು ಅಧಿಕೃತ ಘೋಷಣೆ ಮಾಡಿದೆ. ಈ ಕುರಿತು ಸಾಮಾಜಿಕ ಜಾಲತಾಣ ಎಕ್ಸ್‌ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿರುವ ಆಹಾ, ಈ ಬಾರಿ ನಮ್ಮ ಅನುಪಮಾ (ನಟಿ ಪ್ರಿಯಾಮಣಿ) ತರಕಾರಿಗಳೊಂದಿಗೆ ಬುಲೆಟ್‌ಗಳನ್ನು ಲೋಡ್ ಮಾಡಿದ್ದಾರೆ. 'ಭಾಮಾಕಲಾಪಂ 2' ಟೀಸರ್ ಜನವರಿ 30 ರಂದು ಬಿಡುಗಡೆಯಾಗಲಿದೆ ಎಂದು ಟ್ವೀಟ್ ಮಾಡಿದೆ. ಜೊತೆಗೆ ಪ್ರಿಯಾಮಣಿ ಅವರು ಒಂದು ಕೈಯಲ್ಲಿ ತರಕಾರಿ ಬುಟ್ಟಿ ಮತ್ತೊಂದು ಕೈಯಲ್ಲಿ ಗನ್ ಹಿಡಿದಿರುವ ಪೋಸ್ಟರ್ ಹಾಕಿದ್ದಾರೆ.
ಆದರೆ 'ಭಾಮಾಕಲಾಪಂ 2' ಸಿನಿಮಾದ ಸ್ಟ್ರೀಮಿಂಗ್ ದಿನಾಂಕವನ್ನು ಆಹಾ ಇನ್ನೂ ಬಹಿರಂಗಪಡಿಸಿಲ್ಲ. ಶೀಘ್ರದಲ್ಲೇ ತಿಳಿಸುವುದಾಗಿ ಹೇಳಿದೆ. ಟೀಸರ್ ರಿಲೀಸ್ ದಿನ ಸಿನಿಮಾ ಬಿಡುಗಡೆಯ ದಿನಾಂಕವನ್ನು ಘೋಷಣೆ ಮಾಡುವ ಸಾಧ್ಯತೆಗಳಿವೆ. ಪ್ರಿಯಾಮಣಿ ಡೇಂಜರಸ್ ಹೌಸ್ ವೈಫ್ ಆಗಿ ಬರುತ್ತಿರುವ ಈ ಸಿನಿಮಾದ ಬಗ್ಗೆ ಸಾಕಷ್ಟು ನಿರೀಕ್ಷೆಗಳಿವೆ.
'ಭಾಮಾಕಲಾಪಂ 2' ಚಿತ್ರವನ್ನು ಅಭಿಮನ್ಯು ತಾಡಿಮೇಟಿ ನಿರ್ದೇಶಿದ್ದಾರೆ. ಬಾಪಿನಿಡು ಬೀ ಮತ್ತು ಸುಧೀರ್ ಈದರ ಚಿತ್ರವನ್ನು ನಿರ್ಮಿಸಿದ್ದಾರೆ. ಪ್ರಶಾಂತ್ ಆರ್ ವಿಹಾರಿ ಅವರ ಸಂಗೀತ ಸಂಯೋಜನೆ ಇದ್ದು, 'ಭಾಮಾಕಲಾಪಂ 2' ರುಚಿಕರವಾದ ಹೀಸ್ಟ್ ಫೀಸ್ ಎಂಬ ಅಡಿಬರಹದೊಂದಿಗೆ ಬರುತ್ತಿದೆ. ಸಿನಿಮಾದಲ್ಲಿ ಪ್ರಿಯಾಮಣಿ ಜೊತೆಗೆ ಶರಣ್ಯಾ ಪ್ರದೀಪ್ ಕೂಡ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಇತ್ತೀಚೆಗಷ್ಟೇ 'ಭಾಮಾಕಲಾಪಂ 2'ರ ಗ್ಲಿಂಪ್ಸ್ ಹೊರಬಿದ್ದಿದೆ. ಪ್ರಿಯಾಮಣಿ, ಶರಣ್ಯಾ ಒಟ್ಟಿಗೆ ದರೋಡೆಗೆ ಹೊಂಚು ಹಾಕುತ್ತಿರುವುದನ್ನು ಕಾಣಬಹುದು. ಕೆಲಸದಾಳುನಿಂದ ಪ್ರಮೋಷನ್ ಪಡೆದು
ಪಾಟ್ನರ್ ಆಗುತ್ತೇನೆಂದು ಅಂದುಕೊಳ್ಳುವ ಅಕ್ಕ, ಇಂತಹ ಬಂಪರ್ ಆಫರ್ ಕೊಡ್ತೀಯಾ ಅಂತ ಅಂದುಕೊಂಡಿರಲಿಲ್ಲ ಅಂತ ಹೇಳುವ ಶರಣ್ಯ ಅವರ ಡೈಲಾಗ್ಸ್‌ನೊಂದಿಗೆ ಈ ಗ್ಲಿಂಪ್ಸ್ ಆರಂಭವಾಗುತ್ತದೆ. ನನಗೆ ಭಯವಾಗುತ್ತಿದೆ ಎಂದು ಪ್ರಿಯಾಮಣಿ ಹೇಳಿದಾಗ 50 ಲಕ್ಷದಲ್ಲಿ ಅರ್ಧ ಹಣ. ಎಷ್ಟು ಇಡ್ಲಿ ಮಾರಾಟವಾದರೆ ಇಷ್ಟು ಸಂಪಾದನೆ ಮಾಡುತ್ತೇವೆ ಎಂದು ಶಿಲ್ಪಾ ಪಾತ್ರದ ನಟಿ ಶರಣ್ಯಾ ಹೇಳುತ್ತಾರೆ.
ಅಷ್ಟು ಮುಗ್ಧಳಾಗಿ ವರ್ತಿಸಬೇಡ ಅಕ್ಕ ಇದನ್ನೆಲ್ಲಾ ಶುರು ಮಾಡಿದ್ದು ನೀನೇ ಎಂದು ಮಾತು ಮುಂದುವರಿಸುತ್ತಾನೆ. ಭಾಮಾಕಲಾಪಂನಲ್ಲಿ ಪ್ರಿಯಾಮಣಿ ಮಾಡಿದ್ದ ಕೆಲಸಗಳನ್ನು ನೆನಪಿಸುತ್ತದೆ. ಆ ನಂತರ ಇಬ್ಬರು ಮುಖವನ್ನು ಮುಚ್ಚಿಕೊಂಡು ದರೋಡೆಗೆ ಹೊರಡುತ್ತಾರೆ. ಒಂದು ಸಿನಿಮಾದ ಒಂದು ಝಲಕ್ ಅಷ್ಟೇ. ಒಟಿಟಿಯಲ್ಲಿ ಟೀಸರ್ ಬಿಡುಗಡೆ ಬಳಿಕ ಶೀಘ್ರದಲ್ಲೇ ಸಿನಿಮಾ ದಿನಾಂಕದ ಘೋಷಣೆಯಾಗಲಿದೆ. (This copy first appeared in Hindustan Times Kannada website. To read more like this please logon to kannada.hindustantime.com).