Tamannaah Birthday: ಇಂದು ತಮನ್ನಾ ಭಾಟಿಯಾ ಹುಟ್ಟುಹಬ್ಬ; ಹಾಲುಗಲ್ಲದ ಚೆಲುವೆಯ ಈ 10 ಸಿನಿಮಾ ನೆನಪಿಸಿಕೊಳ್ಳಿ

ದಕ್ಷಿಣ ಭಾರತ ಚಿತ್ರರಂಗದ ಮಿಲ್ಕಿ ಬ್ಯೂಟಿ ಎಂದೇ ಖ್ಯಾತಿ ಪಡೆದಿರುವ ತಮನ್ನಾ ಭಾಟಿಯಾರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. 1989ರ ಡಿಸೆಂಬರ್‌ 21ರಂದು ಮುಂಬೈನ ಸಿಂಧಿ ಕುಟುಂಬದಲ್ಲಿ ಜನಿಸಿದ ತಮನ್ನಾ ಭಾಟಿಯಾರು ಕನ್ನಡದಲ್ಲಿ ಜಾಗ್ವರ್‌ ಮತ್ತು ಕೆಜಿಎಫ್‌ ಚಿತ್ರಗಳ ಹಾಡುಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ತನ್ನ ಹದಿಮೂರನೇ ವಯಸ್ಸಿಗೆ ನಟನಾ ಕ್ಷೇತ್ರಕ್ಕೆ ಆಗಮಿಸಿದ ಈ ಹಾಲುಗಲ್ಲದ ಚೆಲುವೆ ತೆಲುಗು, ತಮಿಳು, ಹಿಂದಿ ಸೇರಿದಂತೆ ಹಲವು ಭಾಷೆಗಳಲ್ಲಿ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇವರ ಹುಟ್ಟುಹಬ್ಬದ ಈ ಸಂಭ್ರಮದ ಸಮಯದಲ್ಲಿ ಐಎಂಡಿಬಿ ತಾಣವು ಗುರುತಿಸಿರುವ ಇವರ ಅಗ್ರ ಹತ್ತು ಸಿನಿಮಾಗಳ ವಿವರವನ್ನು ಇಲ್ಲಿ ನೀಡಲಾಗಿದೆ.

ಇದನ್ನು ಓದಿ: ಸೂಪರ್‌ಸ್ಟಾರ್‌ ಆಗಿದ್ರು ರಜನಿಕಾಂತ್‌ರಲ್ಲಿ ಈ 2 ಗುಣವಿದೆ; ಸಂದರ್ಶನವೊಂದರಲ್ಲಿ ತಲೈವಾ ಬಗ್ಗೆ ಮಾತನಾಡಿದ ತಮನ್ನಾ ಭಾಟಿಯಾ

ತಮನ್ನಾ ಭಾಟಿಯಾ ಅವರು ತನ್ನ 13ನೇ ವಯಸ್ಸಿಗೆ ನಟನೆ ಆರಂಭಿಸಿದರು. 2005ರಲ್ಲಿ ತನ್ನ ಹದಿನೈದನೇ ವಯಸ್ಸಿನಲ್ಲಿ ಚಾಂದ್‌ ಸಾ ರೋಷನ್‌ ಚೆಹರಾ ಎಂಬ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದರು. ಆ ಸಿನಿಮಾ ಅಷ್ಟೇನೂ ಯಶಸ್ವಿಯಾಗದೆ ಇದ್ದರೂ ತನ್ನ ಹದಿಹರೆಯದ ವಯಸ್ಸಿನಲ್ಲಿಯೇ ನಾಯಕಿಯಾದ ಹಿರಿಮೆಗೆ ಪಾತ್ರರಾದರು. ಬಳಿಕ ತೆಲುಗಿನ ಶ್ರೀ ಚಿತ್ರದಲ್ಲಿ ನಟಿಸಿದರು. ತಮಿಳಿನ ಕೆಡಿ ಚಿತ್ರದಲ್ಲೂ ನಟಿಸಿದರು. ಈ ಎರಡು ಚಿತ್ರಗಳು ಇವರಿಗೆ ಅಪಾರ ಯಶಸ್ಸು, ಜನಪ್ರಿಯತೆ ತಂದುಕೊಟ್ಟಿತು. ಇದಾದ ಬಳಿಕ ಸಹಜವಾಗಿ ಇವರಿಗೆ ಅವಕಾಶಗಳು ಹೆಚ್ಚಾದವು. ಹ್ಯಾಪಿ ಡೇಸ್‌, ಕಲ್ಲೂರಿ ಚಿತ್ರಗಳಲ್ಲಿ ಇವರ ಜನಪ್ರಿಯತೆ ಹೆಚ್ಚಾಯಿತು.

ಇದನ್ನು ಓದಿ: ಜ್ಯೋತಿಷಿ ಬೇಡ ಅಂದ್ರು ಅಂತ ನನ್ನನ್ನು ಆ ಸಿನಿಮಾದಿಂದ ರಿಜೆಕ್ಟ್‌ ಮಾಡಿದ್ರು; ಹಳೆ ಘಟನೆ ನೆನಪಿಸಿಕೊಂಡ ತಮನ್ನಾ ಬಾಯ್‌ಫ್ರೆಂಡ್‌

ಬಾಹುಬಲಿ ಚಿತ್ರದ ಮೂಲಕ ತಮನ್ನಾ ಪ್ಯಾನ್‌ ಇಂಡಿಯಾ ಸ್ಟಾರ್‌ ಆದರು. ಅದಕ್ಕೂ ಮೊದಲು ಕೊಂಚಂ ಇಷ್ಟಂ ಕೊಂಚಂ ಕಷ್ಟಂ, ಪೈಯ್ಯ, ಬದ್ರಿನಾಥ್‌ ಮುಂತಾದ ಚಿತ್ರಗಳಲ್ಲಿ ನಟಿಸಿ ಜನಪ್ರಿಯತೆ ಪಡೆದಿದ್ದರು. ಐಎಂಡಿಬಿಯಲ್ಲಿ ಬಳಕೆದಾರರು ನೀಡಿರುವ ರೇಟಿಂಗ್‌ ಆಧಾರದಲ್ಲಿ ತಮನ್ನಾ ಭಾಟಿಯಾ ಅವರ ಜನಪ್ರಿಯ 10 ಸಿನಿಮಾಗಳು ಯಾವುವು ಎಂದು ತಿಳಿದುಕೊಳ್ಳೋಣ.

100% ಲವ್‌: ಸುಕುಮಾರ್‌ ನಿರ್ದೇಶನದ ಈ ಚಿತ್ರದಲ್ಲಿ ನಟ ನಾಗ ಚೈತನ್ಯ ಅಕ್ಕಿನೇನಿ ಜತೆ ತಮನ್ನಾ ಭಾಟಿಯಾ ನಟಿಸಿದ್ದರು. ಇದು 2011ರಲ್ಲಿ ಬಿಡುಗಡೆಯಾದ ಸಿನಿಮಾ. ಈ ಚಿತ್ರವನ್ನು ಒಟಿಟಿಯಲ್ಲಿ ನೋಡಬಹುದು, ಸನ್‌ ನೆಕ್ಸ್ಟ್‌ನಲ್ಲಿದೆ.

ಹ್ಯಾಪಿ ಡೇಸ್‌: 2007ರಲ್ಲಿ ಬಿಡುಗಡೆಯಾದ ಹ್ಯಾಪಿ ಡೇಸ್‌ ಸಿನಿಮಾವನ್ನು ಶೇಖರ್‌ ಕಮ್ಯುಲಾ ನಿರ್ದೇಶನ ಮಾಡಿದ್ದರು. ತಮನ್ನಾ ಭಾಟಿಯಾ ನಾಯಕಿಯಾಗಿದ್ದ ಈ ಚಿತ್ರಕ್ಕೆ ವರುಣ್‌ ಸಂದೇಶ್‌ ನಾಯಕ ನಟ. ಈ ಸಿನಿಮಾ ಅಮೆಜಾನ್‌ ಪ್ರೈಮ್‌ ವಿಡಿಯೋದಲ್ಲಿದೆ.

ಅಯನ್‌: ಕೆವಿ ಆನಂದ್‌ ನಿರ್ದೇಶನದ 2009ರ ಈ ಚಿತ್ರಕ್ಕೆ ಸೂರ್ಯ ನಾಯಕ. ತಮನ್ನಾ ಭಾಟಿಯಾ, ಪ್ರಭು, ಜಗನ್‌ ಮುಂತಾದವರು ನಟಿಸಿರುವ ಈ ಚಿತ್ರ ಸನ್‌ನೆಕ್ಟ್ಸ್‌ನಲ್ಲಿ ಸ್ಟ್ರೀಮ್‌ ಆಗುತ್ತಿದೆ.

ಒಪಿರಿ: 2016ರಲ್ಲಿ ಬಿಡುಗಡೆಯಾದ ಒಪಿರಿ ಸಿನಿಮಾವನ್ನು ವಂಶಿ ಪಡಿಪಲ್ಲಿ ನಿರ್ದೇಶನ ಮಾಡಿದ್ದರು. ಈ ಚಿತ್ರದಲ್ಲಿ ನಾಗರ್ಜುನ ಅಕ್ಕಿನೇನಿ ಜತೆ, ಕಾರ್ತಿ, ತಮನ್ನಾ ಭಾಟಿಯಾ, ಪ್ರಕಾಶ್‌ ರಾಜ್‌ ನಟಿಸಿದ್ದರು. ಈ ಚಿತ್ರವೂ ಸನ್‌ನೆಕ್ಸ್ಟ್‌ ಒಟಿಟಿಯಲ್ಲಿದೆ.

ಬಾಹುಬಲಿ: ದಿ ಬಿಗಿನಿಂಗ್‌: 2015ರಲ್ಲಿ ಬಿಡುಗಡೆಯಾದ ಈ ಪ್ಯಾನ್‌ ಇಂಡಿಯಾ ಸಿನಿಮಾ ತಮನ್ನಾ ಭಾಟಿಯಾ ಕರಿಯರ್‌ನಲ್ಲಿ ಪ್ರಮುಖ ಮೈಲಿಗಲ್ಲು. ಎಸ್‌ಎಸ್‌ ರಾಜಮೌಳಿ ನಿರ್ದೇಶನದ ಬಾಹುಬಲಿ ಸಿನಿಮಾದಲ್ಲಿ, ಪ್ರಭಾಸ್‌, ರಾಣಾ ದಗ್ಗುಬಾಟಿ, ಅನುಷ್ಕಾ ಶೆಟ್ಟಿ, ತಮನ್ನಾ ಭಾಟಿಯಾ ನಟಿಸಿದ್ದಾರೆ. ಈ ಸಿನಿಮಾ ಹಾಟ್‌ಸ್ಟಾರ್‌ನಲ್ಲಿದೆ.

ಕೊಂಚಂ ಇಷ್ಟಂ ಕೊಂಚಂ ಕಷ್ಟಂ: ಕಿಶೋರ್‌ ಕುಮಾರ್‌ ಪರ್ದರ್ಶಿನಿ ನಿರ್ದೇಶನದ ಈ ಚಿತ್ರದಲ್ಲಿ ನಾಯಕ ಸಿದ್ಧಾರ್ಥ ಜತೆ ತಮನ್ನಾ ಭಾಟಿಯಾ ನಟಿಸಿದ್ದಾರೆ. ಈ ಚಿತ್ರವು ಅಮೆಜಾನ್‌ ಪ್ರೈಮ್‌ ವಿಡಿಯೋದಲ್ಲಿದೆ.

ಪಯ್ಯ: ಎನ್‌ ಲಿಂಗಸ್ವಾಮಿ ನಿರ್ದೇಶನ ಮಾಡಿರುವ ಈ ಸಿನಿಮಾದಲ್ಲಿ ಕಾರ್ತಿ ಜತೆಗೆ ನಾಯಕಿಯಾಗಿ ತಮನ್ನಾ ಭಾಟಿಯಾ ನಟಿಸಿದ್ದಾರೆ. ಹಾಟ್‌ಸ್ಟಾರ್‌ನಲ್ಲಿ ಈ ಚಿತ್ರವಿದೆ.

ಕಲ್ಲೋರಿ: ಬಾಲಾಜಿ ಶಕ್ತಿವೇಲು ನಿರ್ದೇಶನದ ಈ ಚಿತ್ರದಲ್ಲಿ ಅಖಿಲ್‌ ಜತೆಗೆ ತಮನ್ನಾ ಭಾಟಿಯಾ ಕೂಡ ನಟಿಸಿದ್ದಾರೆ. ಹಾಟ್‌ಸ್ಟಾರ್‌ ಒಟಿಟಿಯಲ್ಲಿ ಈ ಸಿನಿಮಾವನ್ನು ವೀಕ್ಷಿಸಬಹುದು.

ಧರ್ಮ ದೊರೈ: ಸೀನು ರಾಮಸ್ವಾಮಿ ನಿರ್ದೇಶನದ ಈ ಚಿತ್ರದಲ್ಲಿ ವಿಜಯ್‌ ಸೇತುಪತಿ, ತಮನ್ನಾ ಭಾಟಿಯಾ, ಐಶ್ವರ್ಯಾ ರಾಜೇಶ್‌, ಸೃಷ್ಟಿ ದಾಂಗೆ ಮುಂತಾದವರು ನಟಿಸಿದ್ದಾರೆ. ಈ ಸಿನಿಮಾ ಹಾಟ್‌ಸ್ಟಾರ್‌ನಲ್ಲಿದೆ.

ಎದುಕಂಟೆ ಪ್ರೇಮಂತಾ: ಎ ಕರುಣಾಕರಣ್‌ ನಿರ್ದೇಶನದ 2012ರಲ್ಲಿ ಬಿಡುಗಡೆಯಾದ ಈ ಸಿನಿಮಾದಲ್ಲಿ ರಾಮ್‌ ಪೊಥಿನೇನಿ ಜತೆಗೆ ತಮನ್ನಾ ಭಾಟಿಯಾ ನಟಿಸಿದ್ದಾರೆ.

ಇದನ್ನು ಓದಿದ್ದೀರಾ?: ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಜತೆ ವಿಜಯ್‌ ವರ್ಮಾ ವಿವಾಹ ಯಾವಾಗ; ಕೊನೆಗೂ ಮೌನ ಮುರಿದ ದಹಾದ್‌ ನಟ