Allu Arha: ಎನ್‌ಟಿಆರ್‌, ಜಾಹ್ನವಿ ಕಪೂರ್‌ ನಟನೆಯ ದೇವರ ಸಿನಿಮಾದಲ್ಲಿ ಅಲ್ಲು ಪುತ್ರಿ ಅರ್ಹ ನಟನೆ; ಸಂಭಾವನೆ ಕೇಳಿದ್ರೆ ಶಾಕ್‌ ಆಗ್ತೀರಾ
Jul 19, 2023 01:22 PM IST
Share
ಅಲ್ಲು ಅರ್ಹ, ಜೂನಿಯರ್‌ ಎನ್‌ಟಿಆರ್‌
- Arha Remuneration: ಜೂನಿಯರ್‌ ಎನ್‌ಟಿಆರ್‌ ನಟನೆಯ ಮುಂದಿನ ʼದೇವರʼ ಸಿನಿ ತಂಡದಿಂದ ಹೊಸ ಸುದ್ದಿಯೊಂದು ಹೊರ ಬಿದ್ದಿದೆ. ಈ ಚಿತ್ರದಲ್ಲಿ ಟಾಲಿವುಡ್‌ನ ಖ್ಯಾತ ನಟ ಅಲ್ಲು ಅರ್ಜುನ್‌ ಪುತ್ರಿ ಅಲ್ಲು ಅರ್ಹ ಅತಿಥಿ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಸಿನಿಮಾಕ್ಕೆ ಆಕೆ ಪಡೆಯುತ್ತಿರುವ ಸಂಭಾವನೆಯ ವಿಷಯ ಈಗ ಎಲ್ಲೆಡೆ ಚರ್ಚೆಯಾಗುತ್ತಿದೆ. ಏನಿದು ಸುದ್ದಿ ಓದಿ.
ಆರ್‌ಆರ್‌ಆರ್‌ ಸಿನಿಮಾದ ಯಶಸ್ಸಿನ ಬಳಿಕ ಟಾಲಿವುಡ್ ಯಂಗ್‌ ಟೈಗರ್‌ ಜೂನಿಯರ್‌ ಎನ್‌ಟಿಆರ್‌ ʼದೇವರʼ ಶೀರ್ಷಿಕೆಯ ಸಿನಿಮಾದಲ್ಲಿ ನಟಿಸುತ್ತಿದ್ದು, ಶೂಟಿಂಗ್‌ ಭರದಿಂದ ಸಾಗಿದೆ. ಚಿತ್ರದಲ್ಲಿ ಬಾಲಿವುಡ್ ಬೆಡಗಿ ಜಾಹ್ನವಿ ಕಪೂರ್‌ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಅಲ್ಲದೆ, ಈ ಸಿನಿಮಾದ ಮೂಲಕ ಮೊದಲ ಬಾರಿಗೆ ದಕ್ಷಿಣ ಭಾರತ ಸಿನಿರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ.
ಇದೆಲ್ಲವೂ ಹಳೆಯ ವಿಷಯ. ಆದರೆ ಈ ಚಿತ್ರಕ್ಕೆ ಸಂಬಂಧಿಸಿ ಹೊಸ ಅಪ್‌ಡೇಟ್‌ವೊಂದು ಹೊರ ಬಿದ್ದಿದೆ. ಅದೇನೆಂದರೆ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಸ್ಟಾರ್‌ ನಟನ ಮಗಳೊಬ್ಬಳು ನಟಿಸುತ್ತಿದ್ದಾಳೆ. ಅದ್ಯಾರು ಗೊತ್ತಾ?
ಹೌದು. ಟಾಲಿವುಡ್‌ನ ಖ್ಯಾತ ನಟ ಅಲ್ಲು ಅರ್ಜುನ್‌ ಅವರ ಪ್ರೀತಿಯ ಮಗಳು ಅಲ್ಲು ಅರ್ಹ ʼದೇವರʼ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಲಿದ್ದಾಳೆ ಎಂಬ ಸುದ್ದಿ ಈಗ ಎಲ್ಲೆಡೆ ಹರಿದಾಡುತ್ತಿದೆ.
ಈ ಬಹುನಿರೀಕ್ಷಿತ ಆಕ್ಷನ್‌ ಥ್ರಿಲ್ಲರ್‌ ಸಿನಿಮಾದ ಮೂಲಕ ಕೊರಟಾಲ ಶಿವ ಮತ್ತು ಜೂನಿಯರ್‌ ಎನ್‌ಟಿಆರ್‌ ಎರಡನೇ ಬಾರಿಗೆ ಒಂದಾಗಿ ಕೆಲಸ ಮಾಡುತ್ತಿದ್ದಾರೆ. ಈ ಸಿನಿಮಾವು 2024ರ ಏಪ್ರಿಲ್‌ 5 ರಂದು ಪ್ರಪಂಚದಾದ್ಯಂತ ಬಿಡುಗಡೆಯಾಗಲಿದೆ. ಚಿತ್ರದ ರಚನೆ ಹಾಗೂ ನಿರ್ದೇಶನ ಎರಡರ ಜವಾಬ್ದಾರಿಯನ್ನೂ ಕೊರಟಾಲ ಶಿವ ಅವರೇ ಹೊತ್ತಿದ್ದಾರೆ. ಚಿತ್ರದಲ್ಲಿ ಬಾಲಿವುಡ್‌ನ ಖ್ಯಾತ ನಟ ಸೈಫ್‌ ಅಲಿ ಖಾನ್‌ ಖಳನಟನ ಪಾತ್ರದಲ್ಲಿ ನಟಿಸುತ್ತಿರುವುದು ವಿಶೇಷ.
ಸ್ಟೈಲಿಶ್‌ ಸ್ಟಾರ್‌ ಅಲ್ಲು ಅರ್ಜುನ್‌ ಪುತ್ರಿ ಅರ್ಹ ಸಮಂತಾ ನಟನೆಯ, ಗುಣ ಶೇಖರ್‌ ನಿರ್ದೇಶನದ ʼಶಾಕುಂತಲಂʼ ಸಿನಿಮಾದ ಮೂಲಕ ನಟನೆ ಸಿನಿರಂಗಕ್ಕೆ ಪದಾರ್ಪಣೆ ಮಾಡಿದ್ದಳು. ದೇವರ ಸಿನಿಮಾದಲ್ಲಿ ಆಕೆ ಮುಖ್ಯ ಪಾತ್ರವೊಂದರಲ್ಲಿ ನಟಿಸಲಿದ್ದಾಳೆ ಎಂದು ಮೂಲಗಳು ತಿಳಿಸಿವೆ.
ಚರ್ಚೆಯಾಗುತ್ತಿದೆ ಅರ್ಹ ಸಂಭಾವನೆ
ಈ ಸಿನಿಮಾದಲ್ಲಿ ಅರ್ಹ ನಟನೆಗಿಂತ ಹೆಚ್ಚಾಗಿ ಆಕೆ ಪಡೆಯುತ್ತಿರುವ ಸಂಭಾವನೆಯ ಕುರಿತೇ ಹೆಚ್ಚು ಚರ್ಚೆಯಾಗುತ್ತಿದೆ. ಈ ಸಿನಿಮಾದ ಪಾತ್ರಕ್ಕಾಗಿ ಅರ್ಹ ಒಂದು ನಿಮಿಷಕ್ಕೆ 2 ಲಕ್ಷ ರೂಪಾಯಿ ಸಂಭಾವನೆ ಪಡೆಯಲಿದ್ದಾಳಂತೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ, ಸಿನಿಮಾದಲ್ಲಿ ಅರ್ಹಳದ್ದು 10 ನಿಮಿಷಗಳ ಪಾತ್ರ. ಒಂದು ವೇಳೆ ಆಕೆ ಎನ್‌ಟಿಆರ್‌ ಜೊತೆ ದೇವರ ಸಿನಿಮಾದಲ್ಲಿ 10 ನಿಮಿಷ ನಟಿಸಿದರೆ ಆಕೆ ಬರೋಬ್ಬರಿ 20 ಲಕ್ಷ ಸಂಭಾವನೆ ಪಡೆಯುತ್ತಾಳೆ. ಇದೀಗ ಟಾಲಿವುಡ್ ಅಂಗಳದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.
ದೇವರ ಸಿನಿಮಾದಲ್ಲಿ ಜೂನಿಯರ್‌ ಎನ್‌ಟಿಆರ್‌, ಸೈಫ್‌ ಅಲಿ ಖಾನ್‌, ಜಾಹ್ನವಿ ಕಪೂರ್‌, ಪ್ರಕಾಶ್‌ ರಾಜ್‌, ಚೈತ್ರಾ ರೈ, ಶೈನ್‌ ಟಾಮ್‌ ಚಾಕೊ, ಮೆಕಾ ಶ್ರೀಕಾಂತ್‌, ಮುರುಳಿ ಶರ್ಮಾ, ಕಲೈಯರಸನ್‌, ನರೇನ್‌ ಮೊದಲಾದವರು ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ.
ಇದನ್ನೂ ಓದಿ
Tollywood News: ಚಿರಂಜೀವಿ ಬ್ಲಡ್‌ ಬ್ಯಾಂಕ್‌ ವಿರುದ್ಧ ಹೇಳಿಕೆ; 12 ವರ್ಷಗಳ ನಂತರ ಜೀವಿತಾ ರಾಜಶೇಖರ್‌ಗೆ ಜೈಲು ಶಿಕ್ಷೆ ವಿಧಿಸಿದ ನ್ಯಾಯಾಲಯ
ರಾಜಶೇಖರ್‌ ಹಾಗೂ ಜೀವಿತಾ ಮಾತುಗಳನ್ನು ಗಂಭೀರವಾಗಿ ಪರಿಗಣಿಸಿದ್ದ ಚಿರಂಜೀವಿ ಪತ್ನಿ ಸುರೇಖಾ ಅಣ್ಣ, ನಿರ್ಮಾಪಕ ಅಲ್ಲು ಅರವಿಂದ್‌ ನ್ಯಾಯಾಲಯದ ಮೆಟ್ಟಿಲೇರಿದ್ದರು.
ಸುಮಾರು 12 ವರ್ಷಗಳ ಹಿಂದಿನ ಮಾನನಷ್ಟ ಮೊಕದ್ದಮೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ತೆಲುಗು ನಟ ರಾಜಶೇಖರ್‌ ಹಾಗೂ ಪತ್ನಿ ಜೀವಿತಾಗೆ ನ್ಯಾಯಾಲಯವು 1 ವರ್ಷ ಜೈಲು ಶಿಕ್ಷೆ ವಿಧಿಸಿದೆ. 2011 ರಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಜೀವಿತಾ ಹಾಗೂ ರಾಜಶೇಖರ್‌ ದಂಪತಿ ಚಿರಂಜೀವಿ ನಡೆಸುತ್ತಿರುವ ಬ್ಲಡ್‌ ಬ್ಯಾಂಕ್‌ ಬಗ್ಗೆ ಆಕ್ಷೇಪಾರ್ಹ ಮಾತುಗಳನ್ನಾಡಿದ್ದರು ಎಂದು ನಿರ್ಮಾಪಕ ಅಲ್ಲು ಅರವಿಂದ್‌ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದರು.
ವಿಭಾಗ