M M Keeravani: ಆಸ್ಕರ್ ವಿಜೇತ ಎಂಎಂ ಕೀರವಾಣಿಗೆ ಭಯ ಹುಟ್ಟಿಸಿದ ಚಂದ್ರಮುಖಿ 2; ಎರಡು ತಿಂಗಳು ನಿದ್ದೆ ಮಾಡದ ಖ್ಯಾತ ಸಂಗೀತ ನಿರ್ದೇಶಕ
Jul 25, 2023 05:04 PM IST
Share
ಆಸ್ಕರ್ ಪ್ರಶಸ್ತಿ ವಿಜೇತ, ಖ್ಯಾತ ಸಂಗೀತ ನಿರ್ದೇಶ ಎಂ ಎಂ ಕೀರವಾಣಿ
ಆಸ್ಕರ್ ಪ್ರಶಸ್ತಿ ವಿಜೇತ, ಸಂಗೀತ ನಿರ್ದೇಶಕ ಎಂ ಎಂ ಕೀರವಾಣಿ ಅವರನ್ನು ಚಂದ್ರಮುಖಿ 2 ಸಿನಿಮಾದ ಕೆಲವು ದೃಶ್ಯಗಳು ಬೆಚ್ಚಿ ಬೀಳಿಸಿವೆ. ಇದರಿಂದ ಅವರು 2 ತಿಂಗಳು ನಿದ್ದೆಯನ್ನೇ ಮಾಡಿಲ್ಲ ಎಂದು ಹೇಳಿದ್ದಾರೆ. ಈ ಚಿತ್ರಕ್ಕೆ ಕೀರವಾಣಿ ಅವರು ಸಂಗೀತ ಸಂಯೋಜನೆ ಮಾಡಿದ್ದಾರೆ.
ಹೈದರಾಬಾದ್: ಕೆಲವು ಸಿನಿಮಾಗಳು ತುಂಬಾ ಡಿಸ್ಟರ್ಬ್ ಮಾಡುತ್ತವೆ. ಸಿನಿಮಾ ನೋಡುಗರಿಗೆ ಮಾತ್ರವಲ್ಲದೆ, ನಟ, ನಟಿಯರು, ನಿರ್ದೇಶಕರು, ನಿರ್ಮಾಪಕರು ಹೀಗೆ ಚಿತ್ರತಂಡವನ್ನೂ ತುಂಬಾ ಕಾಡಿರುವ ಉದಾಹರಣೆಗಳು ಇವೆ.
ಆಸ್ಕರ್ ಪ್ರಶಸ್ತಿ ವಿಜೇತ, ಖ್ಯಾತ ಸಂಗೀತ ನಿರ್ದೇಶಕ ಎಂಎಂ ಕೀರವಾಣಿ (MM Keeravani) ಅವರಿಗೆ ಅಕ್ಷರಶಃ ಇಂತಹ ಪರಿಸ್ಥಿತಿ ಎದುರಾಗಿದೆ. ಚಂದ್ರಮುಖಿ 2ಗೆ (Chandramukh 2) ಸಂಗೀತ ನಿರ್ದೇಶ ಮಾಡುತ್ತಿರುವ ಇವರಿಗೆ ಈ ಸಿನಿಮಾದಲ್ಲಿ ಕೆಲವು ದೃಶ್ಯಗಳನ್ನು ನೋಡಿ ಭಯ ಭೀತರಾಗಿದ್ದರಂತೆ. ಅಲ್ಲದೆ, ಇದರಿಂದ ಎರಡು ತಿಂಗಳು ನಿದ್ದೆಯನ್ನೇ ಮಾಡಿಲ್ವಂತೆ.
ಸಾಮಾಜಿಕ ಜಾಲತಾಣ ಟ್ವಿಟರ್‌ನಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಅವರು, ಸಿನಿಮಾದಲ್ಲಿ ದೃಶ್ಯಗಳು ಹೇಗಿವೆ ಎಂಬುದನ್ನು ವಿವರಿಸಿದ್ದಾರೆ. ಇವರ ಬಹಿರಂಗ ಪಡಿಸಿರುವ ಕೆಲ ಮಾಹಿತಿ ಹಲವರನ್ನು ಅಚ್ಚರಿಗೊಳಿಸಿದೆ.
‘ಚಂದ್ರಮುಖಿ 2’ ಸಿನಿಮಾ ನೋಡಿದೆ. ಚಿತ್ರದಲ್ಲಿ ಪಾತ್ರಗಳನ್ನು ನೋಡಿ ಸಾವಿನ ಭಯವಾಯ್ತು. ಇದರಿಂದ ನಿದ್ದೆಯಿಲ್ಲದ ರಾತ್ರಿಗಳನ್ನು ಕಳೆದಿದ್ದೇನೆ. ಮೂವಿಗೆ ಜೀವ ತುಂಬಲು 2 ತಿಂಗಳು ಹಗಳಿರುಳು ಕೆಲಸ ಮಾಡಿದ್ದೇನೆ. ನನಗೆ ಸರಿಯಾಗಿ ನಿದ್ದೆನೇ ಬರುತ್ತಿರಲಿಲ್ಲ. ಗುರುಕಿರಣ್ ಮತ್ತು ನನ್ನ ಸ್ನೇಹಿತ ವಿದ್ಯಾಸಾಗರ್ ನನ್ನ ಗೆಲ್ಲಿಸಬೇಕು ಮಾಡಿ ಎಂದು ಟ್ವಿಟರ್‌ನಲ್ಲಿ ಬರೆದುಕೊಂಡಿದ್ದಾರೆ.
ತಮಿಳಿನ ಚಂದ್ರಮುಖಿ 2 ಒಂದು ಭೂತದ ಕಥೆಯಾಗಿದ್ದು, ನಟ ರಾಘವ ಲಾರೆನ್ಸ್, ಕಂಗನಾ ರಣಾವತ್, ಮಹಿಮಾ ನಂಬಿಯಾರ್, ಲಕ್ಷ್ಮಿ ಮೆನನ್, ವಡಿವೇಲು ತಾರಾಗಣವಿದೆ. ನಿರ್ದೇಶಕ ಪಿ ವಾಸು ವಾಸ್ತವವಾಗಿ ಈ ಸಿನಿಮಾವನ್ನು ರಜನೀಕಾಂತ್ ಅವರೊಂದಿಗೆ ಮಾಡಲು ಪ್ಲಾನ್ ಮಾಡಿದ್ದರು. ಆದರೆ ಇದು ಸಾಧ್ಯವಾಗಿಲ್ಲ. ಚಂದ್ರಮುಖಿ ಸೂಪರ್ ಡೂಪರ್ ಹಿಟ್ ಆಗಿತ್ತು. ಇದೀಗ ನಿರ್ದೇಶಕ ವಾಸ ಚಂದ್ರಮುಖಿ 2 ನಿರ್ದೇಶನ ಮಾಡುತ್ತಿದ್ದು, ಸೆಪ್ಟೆಂಬರ್ 19ಕ್ಕೆ ತೆರೆಗೆ ಬರಲಿದೆ. ಲೈಕಾ ಪ್ರೊಡಕ್ಷನ್ ನಿರ್ಮಿಸಿದ್ದು, ಈಗಾಗಲೇ ಚಿತ್ರೀಕರಣ ಮುಕ್ತಾಯವಾಗಿದೆ. ರಾಘವ ಲಾರೆನ್ಸ್ ತಮ್ಮ ಪಾತ್ರದ ಡಬ್ಬಿಂಗ್ ಕೂಡ ಮುಗಿಸಿದ್ದಾರೆ.
ಎಂಎಂ ಕೀರವಾಣಿ ಅವರು ಸಂಗೀತ ಸಂಯೋಜನೆ ಮಾಡಿದ್ದ 2022ರಲ್ಲಿ ಬಿಡುಗಡೆಯಾಗಿದ್ದ 'RRR' ರಾಷ್ಟ್ರ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬಾರಿ ಸಕ್ಸಸ್ ಕಂಡಿತ್ತು. ಈ ಸಿನಿಮಾದಲ್ಲಿನ ನಾಟು ನಾಟು ಹಾಡಿಗೆ ಆಸ್ಕರ್ ಸಿಕ್ಕಿತ್ತು. ಆ ಬಳಿಕ ಕೀರವಾಣಿ ಅವರಿಗೆ ವಿಶ್ವಮಟ್ಟದಲ್ಲಿ ಮನ್ನಣೆ ಸಿಕ್ಕಿದೆ.
ಸದ್ಯ ಕೀರವಾಣಿ ಅವರ ಮುಂದಿನ ಸಿನಿಮಾಗಳ ಮೇಲೆ ನಿರೀಕ್ಷೆ ಹೆಚ್ಚಿದೆ. ಆ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದ್ದಾರೆ. ‘ಚಂದ್ರಮುಖಿ 2’ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಬಾಹುಬಲಿ, ಛತ್ರಪತಿ, ಸೀತಯ್ಯ, ಸಿಹಾದ್ರಿ, ಕನ್ನಡದ ಅಪ್ಪಾಜಿ ಸೇರಿ ಹಲವು ಜನಪ್ರಿಯ ಸಿನಿಮಾಗಳಿಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.
ವಿಭಾಗ