Ram Gopal Varma: ವ್ಯೂಹಂ ಚಿತ್ರದ ಚಿರಂಜೀವಿ ಪವನ್‌ ಕಲ್ಯಾಣ್‌ ಪಾತ್ರಗಳ ಫಸ್ಟ್‌ ಲುಕ್‌ ರಿಲೀಸ್;ನಾನು ಬೆದರಿಕೆಗೆ ಹೆದರೊಲ್ಲ ಎಂದ ಆರ್‌ಜಿವಿ
Jun 29, 2023 12:24 PM IST
Share
ವ್ಯೂಹಂ ಚಿತ್ರದ ಫಸ್ಟ್‌ಲುಕ್‌ ರಿಲೀಸ್
'ವ್ಯೂಹಂ', ಆಂಧ್ರಪ್ರದೇಶ ಸಿಎಂ ಜಗನ್‌ಮೋಹನ್‌ ರೆಡ್ಡಿ ಜೀವನದ ಕೆಲವೊಂದು ಘಟನೆಗಳನ್ನು ಆಧರಿಸಿ ತಯಾರಾಗುತ್ತಿರುವ ಸಿನಿಮಾ. ಈ ಸಿನಿಮಾ ಎರಡು ಭಾಗಗಳಲ್ಲಿ ತಯಾರಾಗುತ್ತಿದೆ. ಸಿನಿಮಾಗೆ ಪರ ವಿರೋಧ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿರುವ ಸಮಯದಲ್ಲಿ ಆರ್‌ಜಿವಿ, ಈ ಚಿತ್ರದಲ್ಲಿ ಪವನ್‌ ಕಲ್ಯಾಣ್‌ ಹಾಗೂ ನಟ ಚಿರಂಜೀವಿ ಪಾತ್ರಗಳ ಫಸ್ಟ್‌ ಲುಕ್‌ ರಿಲೀಸ್ ಮಾಡಿದ್ದಾರೆ.
ರಾಮ್‌ಗೋಪಾಲ್‌ ವರ್ಮಾ ಅಂದರೆ ಹಾಗೇನೇ, ತಮ್ಮ ಮನಸ್ಸಿಗೆ ತೋಚ್ಚಿದ್ದನ್ನು ಹೇಳ್ತಾರೆ, ಅದನ್ನೇ ಮಾಡುತ್ತಾರೆ. ಬಹಳಷ್ಟು ಹಿಟ್‌ ಸಿನಿಮಾಗಳನ್ನು ಆರ್‌ಜಿವಿ ಚಿತ್ರರಂಗಕ್ಕೆ ನೀಡಿದ್ದಾರೆ. ಅವುಗಳಲ್ಲಿ ಎಷ್ಟೋ ಚಿತ್ರಗಳು ವಿವಾದಕ್ಕೆ ಎಡೆ ಮಾಡಿಕೊಟ್ಟಿವೆ. ಆರ್‌ಜಿವಿ ವಿರುದ್ಧ ತಿರುಗಿ ಬೀಳುವಷ್ಟು ಜನರು ಆಕ್ರೋಶಗೊಂಡಿದ್ದಾರೆ. ಆದರೆ ಯಾರು ಏನೇ ಅಂದ್ರೂ ನಾನು ಡೋಂಟ್‌ ಕೇರ್‌ ಅನ್ನೋದು ವರ್ಮಾ ಪಾಲಿಸಿ.
ಇದನ್ನೂ ಓದಿ: ಅಗ್ನಿಪಥ್‌ ಯೋಜನೆ ಅಡಿ ಸೇನೆ ಸೇರಿದ ಖ್ಯಾತ ನಟ ರವಿಕಿಶನ್‌ ಪುತ್ರಿ;ನೀವು ಇತರ ಸೆಲೆಬ್ರಿಟಿ ಕಿಡ್‌ಗಳಿಗೆ ಮಾದರಿ ಎಂದ ನೆಟಿಜನ್ಸ್
ಇದೀಗ ರಾಮ್‌ಗೋಪಾಲ್‌ ವರ್ಮಾ ತಮ್ಮ ಹೊಸ ಸಿನಿಮಾದ ಫಸ್ಟ್‌ ಲುಕ್‌ ರಿಲೀಸ್ ಮಾಡಿದ್ಧಾರೆ. 'ವ್ಯೂಹಂ' ಚಿತ್ರದ ಪವನ್‌ ಕಲ್ಯಾಣ್‌ ಲುಕ್‌ ರಿಲೀಸ್ ಮಾಡಿದ್ದಾರೆ. ಈ ಸಿನಿಮಾ ಒಟ್ಟು 2 ಭಾಗಗಳಲ್ಲಿ ತಯಾರಾಗುತ್ತಿದೆ. ಈಗಾಗಲೇ ಬಿಡುಗಡೆ ಆಗಿರುವ ಟೀಸರ್‌, ಈಗ ರಿಲೀಸ್ ಆದ ಫಸ್ಟ್‌ಲುಕ್‌ ಸೆನ್ಸೇಷನ್‌ ಕ್ರಿಯೇಟ್‌ ಮಾಡಿದೆ. ಕೆಲವು ರಾಜಕೀಯ ನಾಯಕರಿಂದ ನನಗೆ ಬೆದರಿಕೆ ಕರೆ ಬರುತ್ತಿದೆ, ಆದರೆ ನಾನು ಇದಕ್ಕೆಲ್ಲಾ ಹೆದರುವುದೇ ಇಲ್ಲ ಎಂದು ವರ್ಮಾ ಪ್ರತಿಕ್ರಿಯಿಸಿದ್ದಾರೆ.
'ವ್ಯೂಹಂ', ಆಂಧ್ರಪ್ರದೇಶ ಸಿಎಂ ಜಗನ್‌ಮೋಹನ್‌ ರೆಡ್ಡಿ ಜೀವನದ ಕೆಲವೊಂದು ಘಟನೆಗಳನ್ನು ಆಧರಿಸಿ ತಯಾರಾಗುತ್ತಿರುವ ಸಿನಿಮಾ. ಈ ಸಿನಿಮಾ ಎರಡು ಭಾಗಗಳಲ್ಲಿ ತಯಾರಾಗುತ್ತಿದೆ. ಸಿನಿಮಾಗೆ ಪರ ವಿರೋಧ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿರುವ ಸಮಯದಲ್ಲಿ ಆರ್‌ಜಿವಿ, ಈ ಚಿತ್ರದಲ್ಲಿ ಪವನ್‌ ಕಲ್ಯಾಣ್‌ ಹಾಗೂ ನಟ ಚಿರಂಜೀವಿ ಪಾತ್ರಗಳ ಫಸ್ಟ್‌ ಲುಕ್‌ ರಿಲೀಸ್ ಮಾಡಿದ್ದಾರೆ. ತಮ್ಮ ಟ್ವಿಟ್ಟರ್‌ನಲ್ಲಿ ಈ ಫೋಟೋಗಳನ್ನು ಹಂಚಿಕೊಂಡಿರುವ ಆರ್‌ಜಿವಿ 2+2=1 ಎಂದು ಕ್ಯಾಪ್ಷನ್‌ ಕೊಟ್ಟಿದ್ದಾರೆ. ಈ ಫೋಟೋದಲ್ಲಿ ಇಬ್ಬರು ಪಾತ್ರಧಾರಿಗಳ ಮುಖ ಅಷ್ಟು ಸ್ಪಷ್ಟವಾಗಿ ಕಾಣುತ್ತಿಲ್ಲ. ಈ ಫೋಟೋ ಈಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ. ಫೋಟೋಗಳನ್ನು ಹಂಚಿಕೊಳ್ಳವ ಮೂಲಕ ಆರ್‌ಜಿವಿ ಜಗನ್‌ಮೋಹನ್‌ ರೆಡ್ಡಿ ಕುರಿತ ಸಿನಿಮಾದಲ್ಲಿ ಚಿರಂಜೀವಿ ಹಾಗೂ ಪವನ್‌ ಕಲ್ಯಾಣ್‌ ಪ್ರಸ್ತಾಪ ಕೂಡಾ ಇರಲಿದೆ ಎಂಬುದನ್ನು ಹೇಳಿದ್ದಾರೆ.
ಮಗಳ ಸಾಧನೆ ಕೊಂಡಾಡಿ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಹಂಚಿಕೊಂಡ ಖ್ಯಾತ ನಟಿ ಮಾಧವಿ; ಕಂಗ್ರಾಟ್ಸ್‌ ಹೇಳಿದ ನೆಟ್ಟಿಗರು
ಈ ಹೊಸ ಪೋಸ್ಟರ್‌ ನೋಡುತ್ತಿದ್ದರೆ 2019 ಚುನಾವಣೆ ಸಮಯದಲ್ಲಿ ಪವನ್‌ ಕಲ್ಯಾಣ್‌, ಅಣ್ಣ ಚಿರಂಜೀವಿ ಜೊತೆ ಏನೋ ಮಾತನಾಡಿ, ತಿರುಗಿ ವಾಪಸ್‌ ಹೋಗುತ್ತಿರುವ ದೃಶ್ಯದಂತೆ ಕಾಣುತ್ತಿದೆ. 'ವ್ಯೂಹಂ' ನಂತರ ಆರ್‌ಜಿವಿ 'ಶಪಥಂ' ಹೆಸರಿನಲ್ಲಿ ಇದೇ ಚಿತ್ರವನ್ನು ಮುಂದುವರೆಸಲಿದ್ದಾರೆ. ಈಗ ಬಿಡುಗಡೆ ಆಗಿರುವ ಟೀಸರ್‌ನಲ್ಲಿ ವೈಎಸ್‌ಆರ್‌ ನಿಧನ, ಆ ನೋವಿನಿಂದ ಸಾವನ್ನಪ್ಪುವ ಅಭಿಮಾನಿಗಳು, ನಂತರ ರಾಜ್ಯ ರಾಜಕೀಯದಲ್ಲಿ ಉಂಟಾದ ಬೆಳವಣಿಗೆ, ಜಗನ್‌ಮೋಹನ್‌ ರೆಡ್ಡಿ ಮೇಲಿನ ಕೇಸ್‌ ಸೇರಿದಂತೆ ಇನ್ನಿತರ ಅಂಶಗಳನ್ನು ತೋರಿಸಲಾಗಿದೆ. ಒಟ್ಟಿನಲ್ಲಿ ಈ ಟೀಸರ್‌ ಭಾರೀ ಸಂಚಲನ ಮೂಡಿಸಿರುವುದಂತೂ ನಿಜ.