ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ ಗೆದ್ರಾ ಸೋತ್ರಾ; 5 ದಿನಗಳಲ್ಲಿ ಮಾಡಿದ ಕಲೆಕ್ಷನ್ ಎಷ್ಟು?
Sep 12, 2023 07:00 AM IST
Share
2023ರ ಬೆಸ್ಟ್‌ ಎಂಟರ್‌ಟೈನರ್‌ ಸಿನಿಮಾ 'ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ'
ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ ಸಿನಿಮಾ ಮೊದಲ ದಿನ 2.4ಕೋಟಿ, ಎರಡನೇ ದಿನ 2.23 ಕೋಟಿ, ಮೂರನೇ ದಿನ 3.15 ಕೋಟಿ, ನಾಲ್ಕನೇ ದಿನ 3.05 ಹಾಗೂ ಐದನೇ ದಿನ 1.75 ಕೋಟಿ ರೂಪಾಯಿ ಸಂಗ್ರಹಿಸಿದೆ.
ಟಾಲಿವುಡ್ ಸ್ವೀಟಿ ಅನುಷ್ಕಾ ಶೆಟ್ಟಿ ಅಭಿನಯದ 'ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ' ಸಿನಿಮಾ ರಿಲೀಸ್‌ ಆಗಿ 5 ದಿನಗಳು ಕಳೆದಿವೆ. ಸಿನಿಮಾ ಸೆಪ್ಟೆಂಬರ್‌ 7, ಗುರುವಾರ ರಿಲೀಸ್‌ ಆಗಿತ್ತು. ಬಹಳ ದಿನಗಳ ನಂತರ ಅನುಷ್ಕಾ ಶೆಟ್ಟಿಯನ್ನು ಬೆಳ್ಳಿ ತೆರೆ ಮೇಲೆ ನೋಡಲು ಕಾಯುತ್ತಿದ್ದ ಅಭಿಮಾನಿಗಳಿಗೆ ಸಿನಿಮಾ ಇಷ್ಟವಾಗಿದೆ. ಆದರೆ ಬಾಕ್ಸ್‌ ಆಫೀಸ್‌ ಕಲೆಕ್ಷನ್‌ನಲ್ಲಿ ಹಿಂದುಳಿದಿದೆ.
2023ರ ಬೆಸ್ಟ್‌ ಎಂಟರ್‌ಟೈನರ್‌ ಸಿನಿಮಾ
2023ರಲ್ಲಿ ತೆರೆ ಕಂಡ ತೆಲುಗಿನ ಉತ್ತಮ ಮನರಂಜನಾತ್ಮಕ ಸಿನಿಮಾಗಳಲ್ಲಿ 'ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ' ಕೂಡಾ ಒಂದು. ಚಿತ್ರದಲ್ಲಿ ಅನುಷ್ಕಾ ಶೆಟ್ಟಿ ಹಾಗೂ ನವೀನ್‌ ಪೋಲಿಶೆಟ್ಟಿ ಕೆಮಿಸ್ಟ್ರಿ ವರ್ಕೌಟ್‌ ಆಗಿದೆ. ಇದೊಂದು ಫ್ಯಾಮಿಲಿ ಎಂಟರ್‌ಟೈನರ್‌ ಸಿನಿಮಾ ಆಗಿದ್ದು ಚಿತ್ರವನ್ನು ನೋಡಲು ವೀಕ್ಷಕರು ಥಿಯೇಟರ್‌ಗೆ ತೆರಳುತ್ತಿದ್ದಾರೆ. ಆಂಧ್ರ, ತೆಲಂಗಾಣದಲ್ಲಿ ಮಾತ್ರವಲ್ಲದೆ ವಿದೇಶದಲ್ಲಿ ಕೂಡಾ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಚಿತ್ರದಲ್ಲಿ ಯಾವುದೇ ರೀತಿಯ ಮುಜುಗರ ತರುವಂತ ಸನ್ನಿವೇಶಗಳು ಇಲ್ಲದ ಕಾರಣ ಎಲ್ಲರೂ ತಮ್ಮ ಮನೆ ಮಂದಿ ಸಹಿತ ಥಿಯೇಟರ್‌ಗಳಿಗೆ ತೆರಳಿ ಚಿತ್ರ ನೋಡಿ ಬರುತ್ತಿದ್ದಾರೆ.
ಐದು ದಿನಗಳಲ್ಲಿ 17 ಕೋಟಿ ಕಲೆಕ್ಷನ್
ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ ಸಿನಿಮಾ ಮೊದಲ ದಿನ 2.4ಕೋಟಿ, ಎರಡನೇ ದಿನ 2.23 ಕೋಟಿ, ಮೂರನೇ ದಿನ 3.15 ಕೋಟಿ, ನಾಲ್ಕನೇ ದಿನ 3.05 ಹಾಗೂ ಐದನೇ ದಿನ 1.75 ಕೋಟಿ ರೂಪಾಯಿ ಸಂಗ್ರಹಿಸಿದೆ. ಏಷ್ಯಾ ಕಪ್‌ ಕ್ರಿಕೆಟ್‌, ಜವಾನ್‌, ಜೈಲರ್‌ ಸಿನಿಮಾಗಳ ಅಬ್ಬರಗಳ ನಡುವೆಯೂ ಅನುಷ್ಕಾ ಶೆಟ್ಟಿ ಸಿನಿಮಾ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಆದರೆ 50 ಕೋಟಿ ರೂಪಾಯಿ ಖರ್ಚು ಮಾಡಿ ಮಾಡಲಾದ ಸಿನಿಮಾ ಇದುವರೆಗೂ 17 ಕೋಟಿ ರೂಪಾಯಿ ಮಾತ್ರವೇ ಲಾಭ ಮಾಡಿದೆ. ಈಗಾಗಲೇ ಸಿನಿಮಾದ ಒಟಿಟಿ ರೈಟ್ಸ್‌ ಕೂಡಾ ಸೇಲ್‌ ಆಗಿದೆ. ಸಿನಿಮಾ ಹಿಟ್‌ ಅಥವಾ ಫ್ಲಾಪ್‌, ಶೀಘ್ರದಲ್ಲೇ ತಿಳಿಯಲಿದೆ.
ಮಹೇಶ್‌ ಬಾಬು ನಿರ್ದೇಶನದ ಸಿನಿಮಾ
ಮಿಸ್‌ ಶೆಟ್ಟಿ ಮಿಸ್ಟರ್‌ ಪೋಲಿಶೆಟ್ಟಿ ಸಿನಿಮಾವನ್ನು ಯುವಿ ಕ್ರಿಯೇಷನ್ಸ್‌ ಬ್ಯಾನರ್‌ ಅಡಿ ವಂಶಿ ಕೃಷ್ಣ ರೆಡ್ಡಿ, ಪ್ರಮೋದ್‌ ಉಪ್ಪಳಪತಿ ಜೊತೆ ಸೇರಿ ನಿರ್ಮಿಸಿದ್ದಾರೆ. ಚಿತ್ರವನ್ನು ಮಹೇಶ್‌ ಬಾಬು ಪಚಿಕೊಲ್ಲ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಹಾಡುಗಳಿಗೆ ರಾಧನ್‌ ಸಂಗೀತ ನೀಡಿದ್ದು, ಗೋಪಿ ಸುಂದರ್‌ ಹಿನ್ನೆಲೆ ಸಂಗೀತ ಒದಗಿಸಿದ್ದಾರೆ. ಚಿತ್ರದಲ್ಲಿ ಅನುಷ್ಕಾ ಶೆಟ್ಟಿ ಅನ್ವಿತಾ ಶೆಟ್ಟಿ ಆಗಿ ನವೀನ್‌ ಪೋಲಿಶೆಟ್ಟಿ ಸಿದ್ದು ಆಗಿ ನಟಿಸಿದ್ದಾರೆ. ಉಳಿದಂತೆ ಜಯಸುಧಾ, ಮುರಳಿ ಶರ್ಮ, ತುಳಸಿ, ನಾಸರ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ. ಸಿನಿಮಾ ಶೀಘ್ರದಲ್ಲೇ ಒಟಿಟಿಯಲ್ಲಿ ತೆರೆ ಕಾಣುವ ಸಾಧ್ಯತೆ ಇದೆ.