Miss Shetty Mr. Polishetty: ಮಿಸ್‌ ಶೆಟ್ಟಿ ಮಿಸ್ಟರ್‌ ಪೊಲಿಶೆಟ್ಟಿ, ಇದು ಅಭಿಮಾನಿಗಳು ನೀಡಿದ ಶೀರ್ಷಿಕೆ; ಅನುಷ್ಕಾ ಶೆಟ್ಟಿ

ಟಾಲಿವುಡ್‌ನ ಬಹುನಿರೀಕ್ಷಿತ ಮಿಸ್‌ ಶೆಟ್ಟಿ ಮಿಸ್ಟರ್‌ ಪೊಲಿಶೆಟ್ಟಿ ಸಿನಿಮಾ ಇಂದು ಬಿಡುಗಡೆಯಾಗಿದೆ. ಈ ಸಿನಿಮಾದಲ್ಲಿ ಬಾಹುಬಲಿ ಖ್ಯಾತಿಯ ಅನುಷ್ಕಾ ಶೆಟ್ಟಿ ಹಾಗೂ ಜಾತಿರತ್ನಾಲು ಖ್ಯಾತಿಯ ನವೀನ್‌ ಪೊಲಿಶೆಟ್ಟಿ ನಟಿಸಿದ್ದಾರೆ. ಪಿ. ಮಹೇಶ್‌ ಬಾಬು ಚಿತ್ರಕ್ಕೆ ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ.

ಟ್ರೇಲರ್‌ ಮೂಲಕ ಮೆಚ್ಚುಗೆ ಗಳಿಸಿದ್ದ ಈ ಸಿನಿಮಾಕ್ಕೆ ಎಲ್ಲೆಡೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ಸಿನಿಮಾದ ಬಗ್ಗೆ ಮಾಧ್ಯಮವೊಂದಕ್ಕೆ ಸಂದರ್ಶನ ನೀಡಿದ್ದ ಅನುಷ್ಕಾ ಶೆಟ್ಟಿ ʼನಾನು ಕಾಕತಾಳೀಯವಾಗಿ ಮಿಸ್‌ ಶೆಟ್ಟಿ ಮಿಸೆಸ್‌ ಶೆಟ್ಟಿ ಸಿನಿಮಾದ ಸ್ಕ್ರಿಪ್ಟ್‌ ಕೇಳಿದ್ದೆ. ಆ ಕಥೆಯನ್ನು ಕೇಳಿ ನಾನು ಈ ಸಿನಿಮಾದಲ್ಲಿ ನಟಿಸಬೇಕು ಎಂಬ ಆಸೆ ಮೂಡಿತ್ತುʼ ಎಂದು ಹೇಳಿಕೊಂಡಿದ್ದಾರೆ.

ಈ ಚಿತ್ರವು ತೆಲುಗು, ಮಲೆಯಾಳಂ, ತಮಿಳು ಹಾಗೂ ಕನ್ನಡದಲ್ಲೂ ಬಿಡುಗಡೆಯಾಗುತ್ತಿದೆ. ಸಿನಿಮಾದ ಆರಂಭದ ದಿನಗಳ ಬಗ್ಗೆ ಮಾತನಾಡಿರುವ ಅನುಷ್ಕಾ ಹಿಂದಿನ ಘಟನೆಗಳನ್ನು ನೆನೆದಿದ್ದಾರೆ.

2019ರಲ್ಲಿ ಕಾಮನ್‌ ಫ್ರೆಂಡ್‌ ಒಬ್ಬರಿಂದ ನಿರ್ದೇಶಕ ಮಹೇಶ್‌ ಬಾಬು ಪಿ. ಅವರನ್ನು ಭೇಟಿಯಾಗುವ ಅವಕಾಶ ಸ್ವೀಟಿಗೆ ಸಿಗುತ್ತದೆ. ಇವರಿಬ್ಬರೂ ಮಾತನಾಡುತ್ತಿರುವಾಗ ಮಹೇಶ್‌ ತಮ್ಮ ಸ್ಟೋರಿ ಐಡಿಯಾವನ್ನು ಹಂಚಿಕೊಂಡಿದ್ದರು.

ʼಮೊದಲ ಬಾರಿ ನಿರ್ದೇಶಕರು ನನಗೆ ಕಥೆ ಹೇಳಿದಾಗ ನಾನು ಆ ಚಿತ್ರದಲ್ಲಿ ನಟಿಸುವ ಪ್ರಸ್ತಾಪ ಇರಲಿಲ್ಲ. ನಾವು ಕಾಮನ್‌ ಫ್ರೆಂಡ್‌ ಒಬ್ಬರ ಮೂಲಕ ಭೇಟಿಯಾಗಿದ್ದೆವು. ಆಗ ಅವರು ಸುಮ್ಮನೆ ನನಗೆ ಕಥೆ ಹೇಳಿದ್ದರು. ಆ ಹೊತ್ತಿಗೆ ಚಿತ್ರದ ನಿರ್ಮಾಪಕರು ಅಲ್ಲಿದೆ ಬಂದಿದ್ದರು. ನನಗೆ ಈ ಕಥೆಯನ್ನು ಕೇಳಿ ತುಂಬಾ ಇಷ್ಟವಾಗಿತ್ತು. ಹಾಗಾಗಿ ನಾನು ಆಗ ಮಹೇಶ್‌ ಬಳಿ ಚಿತ್ರಕ್ಕೆ ಯಾರನ್ನು ಆಯ್ಕೆ ಮಾಡಲಿದ್ದೀರಿʼ ಎಂದು ಕೇಳಿದ್ದೆ.

ʼಆದರೆ ಖಂಡಿತ ನಾನು ಸಿನಿಮಾದಲ್ಲಿ ನಟಿಸುತ್ತೇನೆ ಎಂದುಕೊಂಡಿರಲಿಲ್ಲ. ಆಯ್ಕೆಯಾದ ಮೇಲೆ ನಾನು ಬಹಳ ಚೆನ್ನಾಗಿ ನಟಿಸಿದ್ದೇನೆ ಅನ್ನಿಸಿತ್ತು. ಹಾಸ್ಯ ಹಾಗೂ ಭಾವನಾತ್ಮಕ ಸನ್ನಿವೇಶ ಎರಡನ್ನೂ ಸಮ ಪ್ರಮಾಣದಲ್ಲಿ ನಿಭಾಯಿಸಬೇಕಿತ್ತು. ಭಾವನೆಯ ಪರದವನ್ನು ಕಳಚದೇ ಎರಡನ್ನೂ ನಿಭಾಯಿಸುವುದು ನಿಜಕ್ಕೂ ಸವಲಾಗಿತ್ತು. ಆದರೆ ಖಂಡಿತ ನಾನು ನ್ಯಾಯ ಕೊಟ್ಟಿದ್ದೇನೆ ಎಂದು ಅಂದುಕೊಂಡಿದ್ದೇನೆʼ ಎಂದಿದ್ದಾರೆ.

ಮಿಸ್‌ ಶೆಟ್ಟಿ ಮಿಸ್ಟರ್‌ ಪೊಲಿಶೆಟ್ಟಿ ಸಿನಿಮಾದಲ್ಲಿ ಅನುಷ್ಕಾ ಅನ್ವಿತಾ ಎಂಬ ಶೆಫ್‌ ಮಾತ್ರದಲ್ಲಿ ನಟಿಸಿದ್ದಾರೆ. ನವೀನ್‌ ಪೊಲಿಶೆಟ್ಟಿ ಸಿದ್ದು ಎಂಬ ಸ್ಟ್ಯಾಂಡ್‌ ಅಪ್‌ ಕಾಮಿಡಿಯನ್‌ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಈ ಹಾಸ್ಯಮಯ ರೊಮ್ಯಾಂಟಿಕ್‌ ಸಿನಿಮಾದಲ್ಲಿ ಸಿದ್ದು ಅನ್ವಿತಾಳಿಂದ ಮಗುವನ್ನು ಬಯಸುತ್ತಾನೆ, ಆದರೆ ಮದುವೆಯಾಗಬಾರದು ಎಂದುಕೊಳ್ಳುವ ಮೂಲಕ ಕಥೆ ಟ್ವಿಸ್ಟ್‌ಗೆ ತೆರೆದುಕೊಳ್ಳುತ್ತದೆ.

ಚಿತ್ರ ಶೀರ್ಷಿಕೆಯ ಬಗ್ಗೆ ಮಾತನಾಡಿರುವ ಅನುಷ್ಕಾ ʼಈ ಶೀರ್ಷಿಕೆ ಇಡಲು ಪ್ರೇಕ್ಷಕರೇ ಕಾರಣʼ ಎಂದಿದ್ದಾರೆ. ಮಿಸ್‌ ಶೆಟ್ಟಿ ಮಿಸ್ಟರ್‌ ಪೊಲಿಶೆಟ್ಟಿ ನಾಯಕ ಹಾಗೂ ನಾಯಕಿಯ ನಿಜಜೀವನದ ಸರ್‌ನೇಮ್‌ಗಳಾಗಿವೆ.

ʼನನ್ನ ಸರ್‌ನೇಮ್‌ ಶೆಟ್ಟಿ, ನವೀನ್‌ ಸರ್‌ನೇಮ್‌ ಪೊಲಿಶೆಟ್ಟಿ, ಇದು ಕಾಕತಾಳೀಯವಾಗಿದೆ. ಆರಂಭದಲ್ಲಿ ನಿರ್ದೇಶಕ ಹಾಗೂ ನಿರ್ಮಾಪಕರ ಬಳಿ ಕೆಲವು ಬೇರೆ ಬೇರೆ ಶೀರ್ಷಿಕೆಗಳಿದ್ದವು. ಆದರೆ ಚಿತ್ರದ ಗ್ರಾಫ್‌ ಹಾಗೂ ಕಥೆಯನ್ನು ಗಮನದಲ್ಲಿಟ್ಟುಕೊಂಡು ಮಿಸ್‌ ಶೆಟ್ಟಿ ಮಿಸ್ಟರ್‌ ಪೊಲಿಶೆಟ್ಟಿ ಎಂದು ಶೀರ್ಷಿಕೆ ಇಡಲು ತೀರ್ಮಾನಿಸಿದ್ದರು ಎಂದಿದ್ದಾರೆ.

ʼಆರಂಭದಲ್ಲಿ ಈ ಸಿನಿಮಾ ಘೋಷಣೆಯಾದಾಗ ಅಭಿಮಾನಿಗಳು ʼʼಇಟ್ಸ್‌ ಮಿಸ್‌ ಶೆಟ್ಟಿ ವಿತ್‌ ಮಿಸ್ಟರ್‌ ಪೊಲಿಶೆಟ್ಟಿʼʼ ಎಂದು ಕಾಮೆಂಟ್‌ ಮಾಡಿದ್ದರು ಎಂದು ನಿರ್ಮಾಪಕರು ತಿಳಿಸಿದ್ದರು. ಕೊನೆಗೆ ಅದೇ ಹೆಸರನ್ನು ಸಿನಿಮಾಗೆ ಇಡಲಾಯಿತು ಎಂಬುದು ನನ್ನ ಅನಿಸಿಕೆʼ ಎಂದು ಅನುಷ್ಕಾ ಈ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ

ಕಾಮಿಡಿ, ಎಮೋಷನ್‌ ಮೂಲಕ ಮನಗೆದ್ದ ಮಿಸ್‌ ಶೆಟ್ಟಿ ಮಿಸ್ಟರ್‌ ಪೊಲಿಶೆಟ್ಟಿ; ಮೋಡಿ ಮಾಡ್ತು ಶೆಟ್ಟಿ, ಪೊಲಿಶೆಟ್ಟಿ ಜೋಡಿ; ಟ್ವಿಟರ್‌ ರಿವ್ಯೂ

ಶೀರ್ಷಿಕೆ, ಟ್ರೇಲರ್‌ ಮೂಲಕ ಗಮನ ಸೆಳೆದಿದ್ದ ಮಿಸ್‌ ಶೆಟ್ಟಿ ಮಿಸ್ಟರ್‌ ಪೊಲಿಶೆಟ್ಟಿ ಸಿನಿಮಾಕ್ಕೆ ಎಲ್ಲೆಡೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕಾಮಿಡಿ, ಎಮೋಷನ್‌ ದ್ರಶ್ಯ ಸಂಯೋಜನೆಯ ಈ ಸಿನಿಮಾ ಬಗ್ಗೆ ಸಾಗರೋತ್ತರ ಪ್ರೇಕ್ಷಕರು ಶಹಬ್ಬಾಸ್‌ ಎಂದಿದ್ದಾರೆ. ಈ ಸಿನಿಮಾದ ಟ್ವಿಟರ್‌ ರಿವ್ಯೂ ಇಲ್ಲಿದೆ.

ಈ ಸ್ಟೋರಿಯನ್ನು ಪೂರ್ತಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ