AI ಲೋಕದಲ್ಲಿ ಅನುಷ್ಕಾ ಶೆಟ್ಟಿ ಪ್ರಭಾಸ್‌ ಮದುವೆ ಆಯ್ತು, ಮಗೂನೂ ಆಯ್ತು; ನವೆಂಬರ್‌ 7ಕ್ಕೆ ಮಗಳು ಪ್ರಭಾ ಶೆಟ್ಟಿ ನಾಮಕರಣ ಇರಬಹುದಾ?

Anushka Shetty Prabhas Marriage : ಸಿನಿಮಾದಲ್ಲಿ ಯಾವುದಾರೂ ಜೋಡಿ ಅಭಿಮಾನಿಗಳಿಗೆ ಇಷ್ಟವಾದರೆ ಸಾಕು ಅವರಿಬ್ಬರೂ ಮದುವೆ ಆದರೆ ಎಷ್ಟು ಚೆಂದ ಎಂದುಕೊಳ್ಳುತ್ತಾರೆ. ಇದೀಗ ಟಾಲಿವುಡ್‌ ಆನ್‌ಸ್ಕ್ರೀನ್‌ ಜೋಡಿ ಪ್ರಭಾಸ್‌ ಹಾಗೂ ಅನುಷ್ಕಾ ಶೆಟ್ಟಿ ವಿಚಾರದಲ್ಲಿ ಕೂಡಾ ಆಗಿರುವುದು ಅದೇ. ಅಭಿಮಾನಿಗಳು ಇವರಿಬ್ಬರಿಗೂ ಮದುವೆ ಮಾಡಿಸಿದ್ದಾರೆ. ಮಗು ಕೂಡಾ ಇದೆ.

ಜೊತೆಯಾಗಿ ನಟಿಸಿದ್ದು 3 ಸಿನಿಮಾಗಳು

ಪ್ರಭಾಸ್‌ ಹಾಗೂ ಅನುಷ್ಕಾ ಶೆಟ್ಟಿ ಜೊತೆಯಾಗಿ ನಟಿಸಿರುವುದು ಮೂರೇ ಸಿನಿಮಾಗಳು. ಮಿರ್ಚಿ, ಬಿಲ್ಲಾ ಹಾಗೂ ಬಾಹುಬಲಿ ಸಿನಿಮಾಗಳಲ್ಲಿ ಈ ಜೋಡಿಯನ್ನು ನೋಡಿದ ಅಭಿಮಾನಿಗಳು ತೆರೆ ಮೇಲಷ್ಟೇ ಅಲ್ಲ, ತೆರೆ ಹಿಂದೆ ಕೂಡಾ ಇವರಿಬ್ರೂ ಈಡು ಜೋಡಿ ಎಂದಿದ್ದರು. ಯಾವುದಾದ್ರೂ ಕಾರ್ಯಕ್ರಮದಲ್ಲಿ ಇಬ್ಬರೂ ಕ್ಲೋಸ್‌ ಆಗಿರುವುದನ್ನು ನೋಡಿದರೆ ಸಾಕು, ಇವರಿಬ್ರೂ ಪಕ್ಕಾ ಲವ್‌ ಮಾಡುತ್ತಿದ್ದಾರೆ. ಖಂಡಿತ ಮದುವೆ ಆಗುತ್ತಾರೆ ಎನ್ನುತ್ತಿದ್ದರು. ನೀವಿಬ್ಬರೂ ಮದುವೆ ಆಗಿ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಮನವಿ ಮಾಡುತ್ತಿದ್ದರು. ಆದರೆ ಫ್ಯಾನ್ಸ್‌ ಮಾತಿಗೆ ಅನುಷ್ಕಾ ಶೆಟ್ಟಿ ಆಗಲೀ, ಪ್ರಭಾಸ್‌ ಆಗಲೀ ಕ್ಯಾರೇ ಎನ್ನಲಿಲ್ಲ, ಈ ಕೋಪಕ್ಕೆ ಇದೀಗ ಅಭಿಮಾನಿಗಳೇ ಇಬ್ಬರ ಮದುವೆ ಮಾಡಿಸಿಬಿಟ್ಟಿದ್ಧಾರೆ.

ಸೃಷ್ಟಿಯಾಗುತ್ತಿವೆ ಹೊಸ ಹೊಸ ಫೋಟೋಗಳು

ಮೊದ ಮೊದಲು ಈ ಫೋಟೋ ನೋಡಿದಾಗ ಕೆಲವರಿಗೆ ಶಾಕ್‌ ಆಗಿತ್ತು. ಆದರೆ ಇದು AI ಜಮಾನ. ಯಾರು ಯಾರನ್ನಾದರೂ ಮದುವೆ ಆಗಿರುವಂತೆ ಸೃಷ್ಟಿಸಬಹುದು. ಆದ್ದರಿಂದ ಪ್ರಭಾಸ್‌ ಹಾಗೂ ಅನುಷ್ಕಾ ಅಭಿಮಾನಿಗಳು ನಾ ಮುಂದು ತಾ ಮುಂದು ಎಂದು ಇಬ್ಬರು ಮದುವೆ ಫೋಟೋಗಳನ್ನು ಕ್ರಿಯೇಟ್‌ ಮಾಡುತ್ತಿದ್ದಾರೆ. ಮೊದಲು ವೈರಲ್‌ ಆಗಿದ್ದ ಫೋಟೋದಲ್ಲಿ ಅನುಷ್ಕಾ ಪ್ರಭಾಸ್‌ ಮದುವೆ ಆಗಿತ್ತು. ನಂತರ ಅವರ ಜೊತೆ ಒಂದು ಹೆಣ್ಣು ಮಗು, ಮರು ದಿನ ಒಂದು ಗಂಡು ಮಗು. ನಿನ್ನೆ ಮೊನ್ನೆ ಹರಿದಾಡುತ್ತಿರುವ ಫೋಟೋಗಳಲ್ಲಿ ಈ ಟಾಲಿವುಡ್‌ ಜೋಡಿಗೆ ಮೂವರು ಮಕ್ಕಳಾಗಿವೆ. ಒಂದು ಅನುಷ್ಕಾ ಕೈಯ್ಯಲ್ಲಿ, ಒಂದು ಪ್ರಭಾಸ್‌ ಕೈಯಲ್ಲಿ ಇನ್ನೊಂದು ದೊಡ್ಡ ಮಗು ಇಬ್ಬರ ನಡುವೆ ನಿಂತಿದೆ.

ನವೆಂಬರ್‌ 7ಕ್ಕೆ ಏನು ವಿಶೇಷ?

ಇದು ನೋಡಲು ನಿಜಕ್ಕೂ ಫನ್ನಿಯಾಗಿದೆ. ಪ್ರಭಾಸ್‌ ಹಾಗೂ ಅನುಷ್ಕಾ ಅಭಿಮಾನಿಗಳನ್ನು ನೆಟಿಜನ್ಸ್‌ ಕಾಲೆಳೆಯುತ್ತಿದ್ದಾರೆ. ಮದುವೆ ಎಲ್ಲಿ ಮಾಡಿಸಿದಿರಿ, ಇಬ್ಬರಿಗೂ ಬಟ್ಟೆ, ಒಡವೆ ಡಿಸೈನ್‌ ಮಾಡಿದ್ದು ಯಾರು? ರಿಸೆಪ್ಷನ್‌ ಆಗಿದ್ದು ಎಲ್ಲಿ, ಯಾರ್ಯಾರು ಬಂದಿದ್ರು? ಊಟದ ಮೆನುವಿನಲ್ಲಿ ಏನಿತ್ತು? ಸ್ವೀಟಿ ಹಾಗೂ ಡಾರ್ಲಿಂಗ್‌ ಹನಿಮೂನ್‌ಗೆ ಎಲ್ಲಿ ಕಳಿಸಿದ್ರಿ? ಅನುಷ್ಕಾ ಬೇಬಿ ಬಂಪ್‌ ಫೋಟೋ ಎಲ್ಲಿ? ಮಕ್ಕಳಿಗೆ ಡೆಲಿವರಿ ಆಗಿದ್ದು ಯಾವ ಆಸ್ಪತ್ರೆಯಲ್ಲಿ? ಹೀಗೆ ಪ್ರಶ್ನೆ ಕೇಳಿ ಕಾಂಮೆಂಟ್‌ ಮಾಡ್ತಿದ್ದಾರೆ. ಇನ್ನೂ ಇಬ್ಬರು ಅಭಿಮಾನಿ ಕಾಮೆಂಟ್‌ ಮಾಡಿ ನವೆಂಬರ್‌ 7 ಅನುಷ್ಕಾ ಶೆಟ್ಟಿ ಬರ್ತ್‌ಡೇ, ಬಹುಶ: ಅವತ್ತು ಮಗುವಿನ ನಾಮಕರಣ ಇರಬಹುದು, ಹಾಗಾದ್ರೆ ಮಗುವಿಗೆ ಏನೆಂದು ಹೆಸರಿಡಬಹುದು ಪ್ರಭಾ ಶೆಟ್ಟಿ, ಅನೂಸ್‌, ಪ್ರನುಷ್ಕಾ ಇದರಲ್ಲಿ ಯಾವುದಿರಬಹುದು ಎಂದು ಫನ್ನಿಯಾಗಿ ಕೇಳುತ್ತಿದ್ದಾರೆ.

ಈಗ ಹರಿದಾಡುತ್ತಿರುವ ಫೋಟೋಗಳನ್ನು ನೋಡಿಯಾದರೂ ಪ್ರಭಾಸ್‌ ಹಾಗೂ ಅನುಷ್ಕಾ ಶೆಟ್ಟಿ ಮನಸ್ಸು ಬದಲಿಸಿ ಮದುವೆ ಆಗಿ ಫ್ಯಾನ್ಸ್‌ ಆಸೆ ಈಡೇರಿಸುತ್ತಾರಾ ಕಾದು ನೋಡಬೇಕು. ಈ AI ಫೋಟೋಗಳು ನಿಜವಾಗಲಿ ಎಂದು ನಮ್ಮದೊಂದು ಹಾರೈಕೆ.