Tollywood News: ರಾಮ್‌ ಪೋತಿನೇನಿ ಶ್ರೀಲೀಲಾ ಕಾಂಬಿನೇಶನ್‌ನ ಸ್ಕಂದ ಮೊದಲ ಹಾಡು ರಿಲೀಸ್‌; ಎಸ್‌ ತಮನ್‌ ಸಂಗೀತಕ್ಕೆ ತಲೆತೂಗಿದ ಸಿನಿಪ್ರಿಯರು

ರಾಮ್‌ ಪೋತಿನೇನಿ ಹಾಗೂ ಶ್ರೀಲೀಲಾ ಅಭಿನಯದ 'ಸ್ಕಂದ' ಸಿನಿಮಾ ಮೊದಲ ಹಾಡು ರಿಲೀಸ್‌ ಆಗಿದೆ. ಸಿನಿಮಾ ಕನ್ನಡಕ್ಕೆ ಕೂಡಾ ಡಬ್‌ ಆಗುತ್ತಿದ್ದು ನಿನ್ ಸುತ್ತ ಸುತ್ತ ತಿರುಗಿದೆ ಎಂಬ ಹಾಡಿಗೆ ವರದರಾಜು ಚಿಕ್ಕಬಳ್ಳಾಪುರ ಸಾಹಿತ್ಯ ಬರೆದಿದ್ದಾರೆ. ಸಂತೋಷ್ ವೆಂಕಿ ಹಾಗೂ ಶ್ರೀನಿಧಿ ತಿರುಮಲ ಹಾಡಿಗೆ ದನಿಯಾಗಿದ್ದಾರೆ. ಎಸ್‌ಎಸ್ ತಮನ್, ಚಿತ್ರದ ಹಾಡುಗಳಿಗೆ ಟ್ಯೂನ್‌ ಹಾಕಿದ್ದಾರೆ.

ಪ್ಯಾನ್‌ ಇಂಡಿಯಾ ಸಿನಿಮಾ ಸ್ಕಂದ

ರಾಮ್ ಪೋತಿನೇನಿ ಎನರ್ಜಿ, ಶ್ರೀಲೀಲಾ ಗ್ಲಾಮರ್ ರಂಗು, ಅದ್ಧೂರಿ ಸೆಟ್ ಹಾಡಿನ ಶ್ರೀಮಂತಿಕೆಯನ್ನು ಹೆಚ್ಚಿಸಿದೆ. ಐದೂ ಭಾಷೆಗಳಲ್ಲೂ ಸ್ಕಂದ ಹಾಡು ರಿಲೀಸ್‌ ಆಗಿದೆ. ಇದುವರೆಗಿನ ಸಿನಿಮಾಗಳಲ್ಲಿ ಲವರ್ ಬಾಯ್ ಆಗಿ ಮಿಂಚುತ್ತಿದ್ದ ರಾಮ್ ಪೋತಿನೇನಿ, ಮೊದಲ ಬಾರಿಗೆ ಸ್ಕಂದ ಸಿನಿಮಾಗಾಗಿ ಮಾಸ್ ಅವತಾರ ತಾಳಿದ್ದಾರೆ. ಈ ಚಿತ್ರದಲ್ಲಿ ಕನ್ನಡತಿ ಶ್ರೀಲೀಲಾ, ರಾಮ್ ಪೋತಿನೇನಿಗೆ ಜೊತೆಯಾಗಿದ್ದಾರೆ. ಸ್ಕಂದ ಚಿತ್ರಕ್ಕೆ ಸಂತೋಷ್ ಡಿಟೇಕ್ ಕ್ಯಾಮೆರಾ ವರ್ಕ್‌ ಇದೆ. ಚಿತ್ರವನ್ನು ಶ್ರೀನಿವಾಸ್ ಸಿಲ್ವರ್ ಸ್ಕ್ರೀನ್ ಬ್ಯಾನರ್ ಅಡಿ ಶ್ರೀನಿವಾಸ್ ಚಿತ್ತೂರಿ ನಿರ್ಮಾಣ ಮಾಡಿದ್ದಾರೆ. ಜೀ ಸ್ಟುಡಿಯೋಸ್ ಸೌತ್ ಹಾಗೂ ಪವನ್ ಕುಮಾರ್ ಅರ್ಪಿಸುತ್ತಿರುವ ಸಿನಿಮಾ, ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಅದ್ಧೂರಿಯಾಗಿ ನಿರ್ಮಾಣವಾಗಿದೆ.

ಸೆಪ್ಟೆಂಬರ್‌ 15ಕ್ಕೆ ಸ್ಕಂದ ರಿಲೀಸ್

ಸ್ಕಂದ ಸಿನಿಮಾವನ್ನು ದಸರಾ ಸಮಯಕ್ಕೆ ರಿಲೀಸ್ ಮಾಡಲು ಚಿತ್ರತಂಡ ಪ್ಲಾನ್‌ ಮಾಡಿತ್ತು. ಆದರೆ ದಸರಾಗೂ ಮೊದಲೇ ಅಂದರೆ ಸೆಪ್ಟೆಂಬರ್ 15ರಂದು ರಾಮ್ ಪೋತಿನೇನಿ ಹಾಗೂ ಬೋಯಾಪಾಟಿ ಚಿತ್ರ ತೆರೆ ಕಾಣಲಿದೆ. ತೆಲುಗು, ಕನ್ನಡ, ಹಿಂದಿ, ಮಲಯಾಳಂ ಹಾಗೂ ತಮಿಳು ಭಾಷೆಗಳಲ್ಲಿ ಸ್ಕಂದ ಸಿನಿಮಾ ತೆರೆ ಕಾಣುತ್ತಿದೆ.‌

ಮತ್ತಷ್ಟು ಸಿನಿಮಾ ಸುದ್ದಿಗಳು

ಚಿತ್ರರಂಗದಲ್ಲಿ 50 ವಸಂತಗಳನ್ನು ಪೂರೈಸಿದ ಎವರ್‌ಗ್ರೀನ್‌ ನಟ ಅನಂತ್‌ನಾಗ್‌; ನೀವು ಇನ್ನೂ ನಟಿಸಬೇಕು ಎಂದು ಹಾರೈಸಿದ ಫ್ಯಾನ್ಸ್‌

ಕನ್ನಡ ಚಿತ್ರರಂಗದ ಎವರ್‌ಗ್ರೀನ್‌ ನಟ ಅನಂತ್‌‌ ನಾಗ್‌, ಚಿತ್ರರಂಗದಲ್ಲಿ 50 ವರ್ಷಗಳನ್ನು ಪೂರೈಸಿದ್ದಾರೆ. ಈ ಸುಂದರ ಕ್ಷಣವನ್ನು ಸದಾ ಕಾಲ ನೆನಪಿನಲ್ಲಿಡಲು ಅನಂತ್ ನಾಗ್‌ ಇತ್ತೀಚೆಗೆ ಚಿತ್ರರಂಗದ ತಮ್ಮ ಆತ್ಮೀಯರನ್ನು ಕರೆದು ಸಣ್ಣ ಪಾರ್ಟಿ ಮಾಡಿದರು. ಕಲಾವಿದರು ಕೂಡಾ ಹಿರಿಯ ನಟನಿಗೆ ಗಿಫ್ಟ್‌ ನೀಡಿ ಹಾರೈಸಿದ್ದಾರೆ. ಇದೀಗ ರಿಷಬ್‌ ಶೆಟ್ಟಿ ಕೂಡಾ ವಿಶೇಷ ವಿಡಿಯೋವೊಂದನ್ನು ಹಂಚಿಕೊಂಡು ಶುಭ ಕೋರಿದ್ದಾರೆ. ಪೂರ್ತಿ ಸ್ಟೋರಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ

ತೆಲುಗು ನಟನ ಜೊತೆ ನಿಹಾರಿಕಾ ಎರಡನೇ ಮದುವೆ; ಸೋಷಿಯಲ್‌ ಮೀಡಿಯಾ ಮೂಲಕ ತರುಣ್‌ ನೀಡಿದ ಸಂದೇಶ ಏನು?

ಮೆಗಾ ಕುಟುಂಬದ ಮಗಳು ನಿಹಾರಿಕಾ ಕೊನಿಡೇಲ ಇತ್ತೀಚೆಗಷ್ಟೇ ಡಿವೋರ್ಸ್‌ ಘೋಷಿಸಿದ್ದರು. ಮದುವೆ ಆಗಿ ಮೂರು ವರ್ಷ ತುಂಬುವಷ್ಟರಲ್ಲೇ ನಿಹಾರಿಕಾ ಈ ರೀತಿ ಪತಿಯಿಂದ ದೂರಾಗಿದ್ದಕ್ಕೆ ಕೆಲವರು ಅಸಮಾಧಾನ ವ್ಯಕ್ತಪಡಿಸಿದ್ದರು. ಇನ್ನೂ ಕೆಲವರು ಮೆಗಾ ಕುಟುಂಬದ ಕಾಲೆಳೆದಿದ್ದರು. ಆದರೆ ಇದೀಗ ನಿಹಾರಿಕಾ ಎರಡನೇ ಮದುವೆಗೆ ರೆಡಿಯಾಗುತ್ತಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ. ಈ ಲಿಂಕ್‌ ಕ್ಲಿಕ್‌ ಮಾಡಿ