Skanda Review: ಹೇಗಿದೆ ಸ್ಕಂದ ಸಿನಿಮಾ; ರಾಮ್‌ ಪೋತಿನೇನಿ ಆಕ್ಷನ್‌, ಶ್ರೀಲೀಲಾ ಆಕ್ಟಿಂಗ್‌ ಬಗ್ಗೆ ಜನರು ಹೇಳಿದ್ದೇನು?

ರಾಮ್‌ ಪೋತಿನೇನಿ ಹಾಗೂ ಶ್ರೀಲೀಲಾ ಪ್ರಮುಖ ಪಾತ್ರದಲ್ಲಿ ನಟಿಸಿರುವ 'ಸ್ಕಂದ' ಸಿನಿಮಾ ಇಂದು ತೆರೆ ಕಂಡಿದೆ. ಮೊದಲು ಅಕ್ಟೋಬರ್‌ 20ಕ್ಕೆ ಸಿನಿಮಾ ರಿಲೀಸ್‌ ನಿಗದಿ ಆಗಿತ್ತು. ನಂತರ ಸೆಪ್ಟೆಂಬರ್‌ 15ಕ್ಕೆ ಪ್ರೀ ಪೋನ್‌ ಮಾಡಲಾಗಿತ್ತು. ಆದರೆ ಸೆಪ್ಟೆಂಬರ್‌ 28ಕ್ಕೆ ಸಲಾರ್‌ ರಿಲೀಸ್‌ ಆಗದ ಕಾರಣ ಕೊನೆಗೆ ಈ ದಿನ ಸಿನಿಮಾ ರಿಲೀಸ್‌ ಆಗಿದೆ.

ಮಿಶ್ರ ಪ್ರತಿಕ್ರಿಯೆ

ಇದುವರೆಗೂ ಲವರ್‌ ಬಾಯ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದ ರಾಮ್‌ ಪೋತಿನೇನಿ 'ಸ್ಕಂದ' ಚಿತ್ರದಲ್ಲಿ ಮಾಸ್‌ ಹೀರೋ ಅವತಾರದಲ್ಲಿ ಅಭಿಮಾನಿಗಳಿಗೆ ದರ್ಶನ ನೀಡಿದ್ದಾರೆ. ಆದರೆ ಸಿನಿಮಾಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಸಿನಿಮಾದಲ್ಲಿ ಹೊಸತನ ಇಲ್ಲ, ಬೋಯಪಾಟಿ ಸೀನು ಇದುವರೆಗೂ ತಾವು ತೆಗೆದ ಸಿನಿಮಾಗಳನ್ನು ಒಟ್ಟುಗೂಡಿಸಿ ಸಿನಿಮಾ ಮಾಡಿರುವಂತೆ ಕಂಡು ಬರುತ್ತಿದೆ ಎಂಬ ಮಾತು ಕೇಳಿ ಬರುತ್ತಿದೆ. ಆದರೂ ರಾಮ್‌ ಪೋತಿನೇನಿ ಇದುವರೆಗೂ ಮಾಡಿಲ್ಲದ ಪಾತ್ರ ಇದಾಗಿರುವುದರಿಂದ ಪ್ರೇಕ್ಷಕರಿಗೆ ಚಿತ್ರದಲ್ಲಿ ಹೊಸತನ ಕಾಣುತ್ತಿದೆ.

ಶ್ರೀಲೀಲಾ ಹೈಲೈಟ್

ಇನ್ನು ಚಿತ್ರದಲ್ಲಿ ಶ್ರೀಲೀಲಾ ನಾಯಕಿಯಾಗಿ ನಟಿಸಿರುವುದು ಹೈಲೈಟ್‌. ತೆಲುಗು ಚಿತ್ರರಂಗದಲ್ಲಿ ಶ್ರೀಲೀಲಾ ಹೈಪ್‌ ಕ್ರಿಯೇಟ್‌ ಮಾಡಿದ್ದು ಅನೇಕರು ಶ್ರೀಲೀಲಾಗಾಗಿ ಸಿನಿಮಾ ನೋಡುತ್ತಿದ್ದಾರೆ. ತನ್ನ ಡ್ಯಾನ್ಸ್‌ ಹಾಗೂ ಕ್ಯೂಟ್‌ ಲುಕ್‌ನಿಂದಲೇ ಶ್ರೀಲೀಲಾ ಟಾಲಿವುಡ್‌ನಲ್ಲಿ ಸಾಕಷ್ಟು ಅಭಿಮಾನಿ ಬಳಗ ಸಂಪಾದಿಸಿದ್ದಾರೆ. ಚಿತ್ರದಲ್ಲಿ ನೀ ಚುಟ್ಟು.. ಎಂಬ ಹಾಡು ಚೆನ್ನಾಗಿದೆ. ಉಳಿದ ಹಾಡುಗಳು ಆವರೇಜ್‌, ಇನ್ನು ಚಿತ್ರದಲ್ಲಿ ಆಕ್ಷನ್‌ ಭರ್ಜರಿಯಾಗಿದೆ. ರಾಮ್‌ ಪೋತಿನೇನಿ ಎಂಟ್ರಿ ಹಾಗೂ ಅದಕ್ಕೆ ಬಿಜಿಎಂ ಮಾತ್ರ ಸೂಪರ್ಬ್‌ ಎಂದು ಸಿನಿಮಾಭಿಮಾನಿಗಳು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ತಮನ್‌ ಮ್ಯೂಸಿಕ್‌ ಬಗ್ಗೆ ಕೂಡಾ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಬೇರೆ ಭಾಷೆಗಳಲ್ಲಿ ರಿಲೀಸ್‌ ಏಕಿಲ್ಲ

ನಾವು ಬಹಳ ನಿರೀಕ್ಷೆಯಿಂದ ಸಿನಿಮಾಗೆ ಹೋದೆವು. ಆದರೆ ಚಿತ್ರದಲ್ಲಿ ಹೇಳಿಕೊಳ್ಳುವಂತ ಹೊಸತನ ಇಲ್ಲ, ಟ್ರೇಲರ್‌ ನೋಡಿಯೇ ನಮಗೆ ಬಹಳ ಬೇಸರ ಆಗಿತ್ತು. ಈಗ ಸಿನಿಮಾ ನೋಡಿದ ನಂತರ ಇನ್ನೂ ಎಂದು ಇನ್ನೂ ನಿರಾಶೆ ಆಗುತ್ತಿದೆ. ಕೆಲವರು ಹೇಳಿದ್ದಾರೆ. ಕೆಲವೊಂದು ಕಡೆ ಸಿನಿಮಾ ಓವರ್‌ ಎನಿಸುತ್ತಿದೆ. ಸಿನಿಮಾ ಪ್ಯಾನ್‌ ಇಂಡಿಯಾ ಎಂದು ಚಿತ್ರತಂಡ ಹೇಳಿತ್ತು. ಆದರೆ ಹಿಂದಿ, ಕನ್ನಡ, ತಮಿಳಿನಲ್ಲಿ ಸರಿಯಾಗಿ ಶೋ ಅರೇಂಜ್‌ ಮಾಡಿಲ್ಲ ಎಂದು ಒಬ್ಬರು ನೆಟಿಜನ್ಸ್‌ ಬೇಸರ ವ್ಯಕ್ತಪಡಿಸಿದ್ದಾರೆ.

ಸಿನಿಮಾ ಹೊಗಳಿದ ರಾಮ್‌ ಪೋತಿನೇನಿ ಫ್ಯಾನ್ಸ್‌

ಮತ್ತೊಂದೆಡೆ ರಾಮ್‌ ಪೋತಿನೇನಿ ಅಭಿಮಾನಿಗಳು ಸಿನಿಮಾವನ್ನು ಹಾಡಿ ಹೊಗಳಿದ್ದಾರೆ. ರಾಮ್‌ ಪೋತಿನೇನಿ ಇತರ ಸಿನಿಮಾಗಳಿಗಿಂತ ಈ ಚಿತ್ರ ವಿಭಿನ್ನವಾಗಿದೆ. ಸಿನಿಮಾ ನಿಜವಾಗಲೂ ಬ್ಲಾಕ್‌ ಬಸ್ಟರ್‌, ಹಾಡುಗಳು, ಡ್ಯಾನ್ಸ್‌ ಅಂತೂ ಸೂಪರ್‌, ಆಕ್ಷನ್‌ ಅದಕ್ಕಿಂತಲೂ ಸೂಪರ್‌. ಸಿನಿಮಾ ಬಗ್ಗೆ ಹೇಳುವುದಕ್ಕಿಂತ ಎಲ್ಲರೂ ಥಿಯೇಟರ್‌ಗೆ ಬಂದು ನೋಡಿ, ನಿಮಗೆ ಖಂಡಿತ ಹೊಸ ಅನುಭವ ನೀಡಲಿದೆ. ರಾಮ್‌ ಪೋತಿನೇನಿ ಲುಕ್‌ ಕೂಡಾ ಮಸ್ತ್‌ ಎಂದೆಲ್ಲಾ ಅಭಿಮಾನಿಗಳು ಸ್ಕಂದ ಚಿತ್ರವನ್ನು ಹೊಗಳಿದ್ದಾರೆ.