ಸಹಾಯಕನ ಮದುವೆಯಲ್ಲಿ ರಶ್ಮಿಕಾ ಮಂದಣ್ಣ ಭಾಗಿ; ನ್ಯಾಷನಲ್‌ ಕ್ರಷ್‌ ಕಾಲಿಗೆ ಬಿದ್ದ ನವ ದಂಪತಿ

ರಶ್ಮಿಕಾ ಮಂದಣ್ಣ ಈಗ ಎಲ್ಲಿ ಹೋದರೂ ಅಭಿಮಾನಿಗಳು ಅವರನ್ನು ಫಾಲೋ ಮಾಡುತ್ತಾರೆ. ನ್ಯಾಷನಲ್‌ ಕ್ರಷ್‌ ಜೊತೆ ಒಂದು ಸೆಲ್ಫಿ ಆದರೂ ತೆಗೆಸಿಕೊಳ್ಳುವ ಆಸೆ ವ್ಯಕ್ತಪಡಿಸುತ್ತಾರೆ. ಮುಂಬೈ, ದೆಹಲಿ, ಚೆನ್ನೈ, ಹೈದರಾಬಾದ್‌, ಬೆಂಗಳೂರು ಎಲ್ಲಿ ನೋಡಿದರೂ ರಶ್ಮಿಕಾಗೆ ಅಭಿಮಾನಿಗಳಿದ್ದಾರೆ. ಈ ಕೊಡಗು ಚೆಲುವೆ ಇತ್ತೀಚೆಗೆ ತಮ್ಮ ಸಹಾಯಕನ ಮದುವೆಗೆ ಹಾಜರಾಗಿ ಗಮನ ಸೆಳೆದಿದ್ದಾರೆ.

ಸಹಾಯಕ ಸಾಯಿ ಮದುವೆಗೆ ಹಾಜರಾದ ರಶ್ಮಿಕಾ ಮಂದಣ್ಣ

ಇತ್ತೀಚೆಗೆ ರಶ್ಮಿಕಾ ಮಂದಣ್ಣ ಅವರಿಗೆ ಮ್ಯಾನೇಜರ್‌ ಮೋಸ ಮಾಡಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಆದರೆ ನಂತರ ರಶ್ಮಿಕಾ ಪೋಸ್ಟ್‌ ಹಂಚಿಕೊಂಡು, ಹರಿದಾಡುತ್ತಿರುವ ಸುದ್ದಿ ಸುಳ್ಳು , ಅವರು ಸ್ವಯಂಪ್ರೇರಿತರಾಗಿ ಕೆಲಸ ಬಿಡುತ್ತಿದ್ದಾರೆ, ಅವರು ನನಗೆ ಮೋಸ ಮಾಡಿಲ್ಲ ಎಂದಿದ್ದರು. ರಶ್ಮಿಕಾ ಅವರದ್ದು ಒಳ್ಳೆ ಮನಸ್ಸು ,ಮ್ಯಾನೇಜರ್‌ ಮೋಸ ಮಾಡಿದರೂ ಅದನ್ನು ಬಚ್ಚಿಟ್ಟು ಅವರನ್ನು ಸೇವ್‌ ಮಾಡುತ್ತಿದ್ದಾರೆ ಎಂದು ಅಭಿಮಾನಿಗಳು ಮಾತನಾಡಿಕೊಂಡಿದ್ದರು. ಇದರ ಹಿಂದೆಯೇ ಇದೀಗ ರಶ್ಮಿಕಾ ತಮ್ಮ ಸಹಾಯಕ ಸಾಯಿ ಅವರ ಮದುವೆ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ನವ ದಂಪತಿಗೆ ಹರಸಿ ಬಂದಿದ್ದಾರೆ.

ರಶ್ಮಿಕಾ ಅವರ ಅಸಿಸ್ಟೆಂಟ್‌ ಆಗಿ ಕೆಲಸ ಮಾಡುತ್ತಿರುವ ಸಾಯಿ ಅವರ ಮದುವೆ ಇತ್ತೀಚೆಗೆ ಹೈದರಾಬಾದ್‌ನಲ್ಲಿ ನೆರವೇರಿದೆ. ಸಾಯಿ, ತಮ್ಮ ಮದುವೆಗೆ ತಮ್ಮ ಅನ್ನದಾತೆಯನ್ನು ಆಹ್ವಾನಿಸಿದ್ದಾರೆ. ರಶ್ಮಿಕಾ ಕೂಡಾ ಸಿನಿಮಾ ಕೆಲಸಗಳನ್ನು ಬದಿಗೊತ್ತಿ ಆರೆಂಜ್‌ ಬಣ್ಣದ ಸೀರೆ ಉಟ್ಟು ಸಾಯಿ ಮದುವೆಗೆ ಹಾಜರಾಗಿದ್ದಾರೆ. ಮದುವೆ ಮುಗಿದು ಜನರೆಲ್ಲಾ ವಾಸಪ್‌ ಹೋಗಿ, ಕಲ್ಯಾಣ ಮಂಟಪದಲ್ಲಿ ಹೆಚ್ಚು ಜನರು ಇಲ್ಲದ ಸಮಯದಲ್ಲಿ ರಶ್ಮಿಕಾ, ತೆರಳಿ ನವ ದಂಪತಿಗೆ ಅಕ್ಷತೆ ಹಾಕಿ ಹಾರೈಸಿದ್ದಾರೆ.

ರಶ್ಮಿಕಾ ಕಾಲಿಗೆ ಬಿದ್ದ ನವ ದಂಪತಿ

ಸಾಯಿ ಹಾಗೂ ಪತ್ನಿ ಇದ್ದಕ್ಕಿದ್ದಂತೆ ರಶ್ಮಿಕಾ ಮಂದಣ್ಣ ಕಾಲಿಗೆ ಬಿದ್ದು ನಮಸ್ಕರಿಸಿದ್ದಾರೆ. ಇದನ್ನು ಊಹಿಸದ ರಶ್ಮಿಕಾ ಮಂದಣ್ಣ ಒಮ್ಮೆ ಸಣ್ಣಗೆ ಅರಚಿದ್ದಾರೆ. ಗಾಬರಿಯಿಂದಲೇ ನವ ದಂಪತಿಗೆ ಆಶೀರ್ವಾದ ಮಾಡಿದ್ದಾರೆ. ಈ ವಿಡಿಯೋ ಈಗ ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ರಶ್ಮಿಕಾ ಅವರದ್ದು ಎಷ್ಟು ಒಳ್ಳೆಯ ಮನಸ್ಸು ಎಂದು ಅವರ ಅಸಿಸ್ಟೆಂಟ್‌ಗೆ ಗೊತ್ತು, ಆದ್ದರಿಂದಲೇ ಅವರು ನಮಸ್ಕರಿಸಿದ್ದಾರೆ ಎಂದು ಅಭಿಮಾನಿಗಳು ಕಾಮೆಂಟ್‌ ಮಾಡುತ್ತಿದ್ದಾರೆ.

ಸಿನಿಮಾಗಳ ವಿಚಾರಕ್ಕೆ ಬರುವುದಾದರೆ ರಶ್ಮಿಕಾ ಸದ್ಯಕ್ಕೆ ಅಲ್ಲು ಅರ್ಜುನ್‌ ಜೊತೆ ಪುಷ್ಪ 2, ರಣಬೀರ್‌ ಕಪೂರ್‌ ಜೊತೆ ಅನಿಮಲ್‌, ದೇವ್‌ ಮೋಹನ್‌ ಜೊತೆ ರೈಂಬೋ ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. 2 ಹೊಸ ಸಿನಿಮಾಗಳನ್ನು ರಶ್ಮಿಕಾ ಒಪ್ಪಿಕೊಂಡಿದ್ದು ಶೀಘ್ರದಲ್ಲೇ ಅಧಿಕೃತವಾಗಿ ಅನೌನ್ಸ್‌ ಆಗಲಿದೆ. ಇದಿಷ್ಟೇ ಅಲ್ಲದೆ ಶಾರುಖ್‌ ಖಾನ್‌ ಜೊತೆ ಜಾಹೀರಾತೊಂದರಲ್ಲಿ ನಟಿಸಲು ರಶ್ಮಿಕಾ ಸಹಿ ಹಾಕಿದ್ದಾರೆ.

‍