ಮತ್ತೆ ಒಂದಾಯ್ತು ಕ್ರೇಜಿ ಕಾಂಬಿನೇಷನ್‌; ಅಖಂಡ ಚಿತ್ರದ ಸೀಕ್ವೆಲ್‌ ಘೋಷಣೆ ಮಾಡಿದ ನಂದಮೂರಿ ಬಾಲಕೃಷ್ಣ- ಬೋಯಾಪಟಿ ಶ್ರೀನು

Akhanda 2 Movie Launched: ಸಿಂಹ, ಲೆಜೆಂಡ್ ಹಾಗೂ ಅಖಂಡದಂತಹ ಸೂಪರ್ ಹಿಟ್ ಸಿನಿಮಾಗಳನ್ನು ಕೊಟ್ಟಿರುವ ಕ್ರೇಜಿ ಕಾಂಬಿನೇಷನ್ ಮಾಸ್ ಆಫ್ ಗಾಡ್ ಖ್ಯಾತಿಯ ಬಾಲಕೃಷ್ಣ ಹಾಗೂ ಬೋಯಾಪಾಟಿ ಸೀನು ಇದೀಗ ಮತ್ತೆ ಒಂದಾಗುತ್ತಿದ್ದಾರೆ. 2021ರಲ್ಲಿ ಅಖಂಡ ಸಿನಿಮಾ ತೆರೆಗೆ ಬಂದಿತ್ತು. ಇದೀಗ ಅದೇ ಚಿತ್ರದ ಸೀಕ್ವೆಲ್‌ಗೆ ಹೈದರಾಬಾದ್‌ನಲ್ಲಿ ಚಾಲನೆ ಸಿಕ್ಕಿದೆ. ಬಾಲಕೃಷ್ಣ- ಬೋಯಾಪಟಿ ಶ್ರೀನು ಜೋಡಿ ನಾಲ್ಕನೇ ಬಾರಿಗೆ ಒಂದಾಗಿದೆ.

2021ರಲ್ಲಿ ತೆರೆಕಂಡಿದ್ದ ಬಾಲಯ್ಯ ಹಾಗೂ ಬೋಯಾಪಾಟಿ ಸೀನು ಜೋಡಿಯ ಅಖಂಡ ಸಿನಿಮಾ ಮೆಗಾ ಹಿಟ್ ಕಂಡಿತ್ತು. ಬಾಲಯ್ಯ ಡಬಲ್ ರೋಲ್‌ನಲ್ಲಿ ಧಮಾಕ ಎಬ್ಬಿಸಿದ್ದರು. ಈ ಚಿತ್ರದಲ್ಲಿ ಬಾಲಯ್ಯಗೆ ಪ್ರಾಗ್ಯಾ ಜೋಡಿಯಾಗಿ ನಟಿಸಿದ್ದರು. ಈ ಚಿತ್ರ ಬ್ಲಾಕ್‌ಬಸ್ಟರ್ ಹಿಟ್ ಆಗಿತ್ತು. ಇದೀಗ ಅದೇ ಚಿತ್ರಕ್ಕೆ ಇನ್ನಷ್ಟು ಹೊಸ ಅಂಶಗಳನ್ನು ಬೆರೆಸಿ ಸೀಕ್ವೆಲ್ ಮಾಡಲು ಚಿತ್ರತಂಡ ಸಜ್ಜಾಗಿದೆ.

ಇದನ್ನೂ ಓದಿ: ‘5 ಕೋಟಿ ಕೊಟ್ಟರೆ ಜೀವಂತವಾಗಿರ್ತೀಯಾ, ಇಲ್ಲದಿದ್ದರೆ ಬಾಬಾ ಸಿದ್ಧಿಕಿಗಿಂತ ಕೆಟ್ಟದಾಗಿ ಸಾಯ್ತಿಯಾ!’ ಸಲ್ಮಾನ್‌ ಖಾನ್‌ಗೆ ಮತ್ತೆ ಜೀವ ಬೆದರಿಕೆ

ಅಖಂಡ ಸಿನಿಮಾವನ್ನು 14 ರೀಲ್ಸ್ ಫ್ಲಸ್ ಬ್ಯಾನರ್ ಅಡಿಯಲ್ಲಿ ರಾಮ್ ಅಚಂತ ಮತ್ತು ಗೋಪಿಚಂದ್ ಅಚಂತಾ ನಿರ್ಮಾಣ ಮಾಡಲಿದ್ದಾರೆ. ಎಂ ತೇಜಸ್ವಿನಿ ನಂದಮೂರಿ ಈ ಚಿತ್ರವನ್ನು ಪ್ರೆಸೆಂಟ್ ಮಾಡಲಿದ್ದಾರೆ. ಅಖಂಡ-2 ತಾಂಡವ ಎಂಬ ಟೈಟಲ್ ನಡಿ ಸಣ್ಣ ಝಲಕ್ ರಿಲೀಸ್ ಮಾಡಿರುವ ಚಿತ್ರತಂಡ ಕಿಕ್ ಹೆಚ್ಚಿಸಿದೆ.

ಅಖಂಡ 2 ಪ್ರತಿಭಾವಂತ ತಂತ್ರಜ್ಞರ ತಂಡವನ್ನು ಹೊಂದಿದೆ. ಪ್ರೀಕ್ವೆಲ್ ಗೆ ಬ್ಲಾಕ್ ಬಸ್ಟರ್ ಸಂಗೀತ ನೀಡಿದ್ದ ಎಸ್ ಥಮನ್ ಸೀಕ್ವೆಲ್ ನಲ್ಲೂ ಕೆಲಸ ಮಾಡಲಿದ್ದಾರೆ. ಸಿ ರಾಮ್‌ಪ್ರಸಾದ್‌ ಅವರು ಸಂತೋಷ್‌ ಡಿ ಡೇಟಕೆ ಅವರೊಂದಿಗೆ ಕ್ಯಾಮರಾ ನಿರ್ವಹಿಸಲಿದ್ದಾರೆ. ಎ.ಎಸ್.ಪ್ರಕಾಶ್ ಕಲಾ ನಿರ್ದೇಶನ, ತಮ್ಮಿರಾಜು ಸಂಕಲನ ಚಿತ್ರಕ್ಕಿದೆ. ಶೀಘ್ರದಲ್ಲೇ ಅಖಂಡ ಸಿನಿಮಾದ ಶೂಟಿಂಗ್ ಶುರುವಾಗಲಿದೆ.

ಇದನ್ನೂ ಓದಿ: ಲಾಫಿಂಗ್‌ ಬುದ್ಧ, ಸ್ನೇಕ್ಸ್‌ ಅಂಡ್‌ ಲ್ಯಾಡರ್ಸ್‌ ಜತೆಗೆ ಇಂದು ಒಟಿಟಿಗೆ ಆಗಮಿಸಿವೆ 15ಕ್ಕೂ ಅಧಿಕ ಸಿನಿಮಾ, ವೆಬ್‌ಸಿರೀಸ್‌ಗಳು