Friday Release: ಈ ವಾರ ಚಿತ್ರಮಂದಿರಗಳಲ್ಲಿ ಬಿಡುಗಡೆ; ಡಿ. 29ರಂದು ಕಾಟೇರದಿಂದ ಡೆವಿಲ್‌ವರೆಗೆ 17 ಸಿನಿಮಾ ರಿಲೀಸ್‌
Dec 28, 2023 11:35 AM IST
Share
ಡಿ. 29ರಂದು ಕಾಟೇರದಿಂದ ಡೆವಿಲ್‌ವರೆಗೆ 17 ಸಿನಿಮಾ ಬಿಡುಗಡೆ
- Upcoming Movies December 29 Friday: ಕನ್ನಡ ಸಿನಿಮಾ ಕಾಟೇರ ಸೇರಿದಂತೆ ಈ ಶುಕ್ರವಾರ ಭಾರತದ ಚಿತ್ರಮಂದಿರಗಳಲ್ಲಿ ಹಲವು ಸಿನಿಮಾಗಳು ಬಿಡುಗಡೆಯಾಗಲಿವೆ. ಉಮಾಪತಿ, ಕರೆನ್ಸಿ ನಗರ್‌, ಶಾನ್‌, ಬದ್ಮಾಸ್‌ ಗಲಕ್ಕಿ ಬಂಪರ್‌ ಆಫರ್‌ ಸೇರಿದಂತೆ ನಾಳೆ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗುವ ಸಿನಿಮಾಗಳ ವಿವರ ಇಲ್ಲಿದೆ.
ಬೆಂಗಳೂರು: ಪ್ರತಿ ಶುಕ್ರವಾರ ಬಿಡುಗಡೆಯಾದರೆ ಯಾವೆಲ್ಲ ಸಿನಿಮಾಗಳು ಬಿಡುಗಡೆಯಾಗುತ್ತವೆ ಎಂದು ಸಿನಿಪ್ರೇಕ್ಷಕರು ಕಾಯುತ್ತ ಇರುತ್ತಾರೆ. ನಾಳೆ ಕನ್ನಡದ ಬಹುನಿರೀಕ್ಷಿತ ಸಿನಿಮಾ ಕಾಟೇರಾ ಬಿಡುಗಡೆಯಾಗಲಿದೆ. ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ನಟನೆಯ ಕಾಟೇರ ಸಿನಿಮಾದ ಬುಕ್ಕಿಂಗ್‌ ಈಗಾಗಲೇ ಆರಂಭವಾಗಿದ್ದು, ಡಿಬಾಸ್‌ ಫ್ಯಾನ್‌ಗಳು ಸಿನಿಮಾ ಟಿಕೆಟ್‌ಗಾಗಿ ಮುಗಿ ಬೀಳುತ್ತಿದ್ದಾರೆ. ಈಗಾಗಲೇ ಫಸ್ಟ್‌ ಡೇಯ ಫಸ್ಟ್‌ ಶೋಗಳು ಬಹುತೇಕ ಭರ್ತಿಯಾಗಿವೆ. ಪ್ರಮುಖ ಚಿತ್ರಮಂದಿರಗಳಲ್ಲಿ ಮೊದಲ ದಿನದ ಶೋಗಳು ಫಿಲ್ಲಿಂಗ್‌ ಫಾಸ್ಟ್‌ ಸಂದೇಶ ತೋರಿಸುತ್ತಿವೆ. ಸಿನಿಮಾ ಟಿಕೆಟ್‌ ಅಡ್ವಾನ್ಸ್‌ ಬುಕ್ಕಿಂಗ್‌ನಲ್ಲಿ ಕಾಟೇರ ಸಿನಿಮಾವು ಹಲವು ದಾಖಲೆಗಳನ್ನು ಬರೆದಿದೆ.
ಡಿಸೆಂಬರ್‌ 29ರಂದು ಬಿಡುಗಡೆಯಾಗುವ ಕನ್ನಡ ಚಲನಚಿತ್ರಗಳು
- ಕಾಟೇರ- ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಅಭಿನಯದ ಚಿತ್ರ
ಕಾಟೇರ ಸಿನಿಮಾ ಡಿಸೆಂಬರ್‌ ನಾಳೆ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ದರ್ಶನ್‌ ಜೋಡಿಯಾಗಿ ಕನ್ನಡದ ಸೂಪರ್‌ಸ್ಟಾರ್‌ ನಟಿ ಮಾಲಾಶ್ರೀ ಮಗಳು ಆರಾಧನಾ ರಾಮ್‌ ನಾಯಕಿಯಾಗಿ ನಟಿಸಿದ್ದಾರೆ. ದರ್ಶನ್‌ ಕಾಟೇರ' ಚಿತ್ರವನ್ನು ರಾಕ್‌ಲೈನ್‌ ಎಂಟರ್‌ಟೈನ್ಮೆಂಟ್‌ ಬ್ಯಾನರ್‌ ಅಡಿ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಿಸಿದ್ದಾರೆ. ಈ ಚಿತ್ರಕ್ಕೆ ತರುಣ್‌ ಸುಧೀರ್‌ ನಿರ್ದೇಶನವಿದೆ.
ನಾಳೆ ಬಿಡುಗಡೆಯಾಗುವ ತೆಲುಗು ಚಿತ್ರ
- ಉಮಾಪತಿ
- ಕರೆನ್ಸಿ ನಗರ್‌
- ಬದ್ಮಾಸ್‌ ಗಲ್ಲಕಿ ಬಂಪರ್‌ ಆಫರ್‌
- ಶಾನ್‌ (ಲವ್‌ ವಾರ್‌)
- ಚಿತ್ರಂ ಚೂಡರಾ
- ವ್ಯೂಹಂ (ರಾಮ್‌ ಗೋಪಾಲ್‌ ವರ್ಮಾ ಅವರ ಸಿನಿಮಾ ಸದ್ಯ ಒಂದಿಷ್ಟು ವಿವಾದ ಪಡೆದುಕೊಳ್ಳುತ್ತಿದೆ)
- ಡೆವಿಲ್‌ ದಿ ಬ್ರಿಟೀಷ್‌ ಸೀಕ್ರೇಟ್‌ ಏಜೆಂಟ್‌
ಡೆವಿಲ್‌ ದಿ ಬ್ರಿಟೀಷ್‌ ಸೀಕ್ರೇಟ್‌ ಏಜೆಂಟ್‌ ಎನ್ನುವುದು ಪಿರೇಡ್‌ ಆಕ್ಷನ್‌ ಡ್ರಾಮಾ ಸಿನಿಮಾ. ಶ್ರೀಕಾಂತ್‌ ವಿಸ್ಸಾ ಮತ್ತು ನವೀನ್‌ ಮೇದಾರಮ್‌ ರಚನೆಯ ಈ ಚಿತ್ರದಲ್ಲಿ ನಂದಮೂರಿ ಕಲ್ಯಾಣ್‌ ರಾಮ್‌, ಸಂಯುಕ್‌ತ ಮೆನನ್‌, ಸತ್ಯಾ ಅಕಲ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಅಭಿಷೇಕ್‌ ಫಿಕ್ಚರ್ಸ್‌ ಬ್ಯಾನರ್‌ನಡಿ ಅಭಿಷೇಕ್‌ ನಾಮಾ ಈ ಸಿನಿಮಾ ನಿರ್ಮಿಸಿದ್ದಾರೆ.
ನಾಳೆ ಬಿಡುಗಡೆಯಾಗುವ ತಮಿಳು ಚಿತ್ರಗಳು
- ರೂಟ್‌ ನಂಬರ್‌ 17
- ಒಡವಮ್‌ ಮುಡಿಯಾದು ಒಲಿವುಮ್‌ ಮುಡಿಯಾದು
- ಮಾಥಿಮಾರನ್‌
- ನಂದಿ ವರ್ಮಾನ್‌
- ವಟ್ಟಾರ ವಝಕ್ಕೂ
- ಮೂಥಕುಡಿ
- ಟಿಕ್‌ಟಾಕ್‌
ಮಲಯಾಳಂ ಸಿನಿಮಾಗಳು
- ಆದಿಯನ್ತೀರವಸ್ತಕಲತೇ ಅನುರಾಗಮ್
ಬುಕ್‌ ಮೈ ಶೋ ಅಪ್‌ಡೇಟ್‌ ಪ್ರಕಾರ ನಾಳೆ ಯಾವುದೇ ಹಿಂದಿ ಸಿನಿಮಾಗಳು ಬಿಡುಗಡೆಯಾಗುತ್ತಿಲ್ಲ. ಸದ್ಯ ಡಂಕಿ ಮತ್ತು ಸಲಾರ್‌ ಚಿತ್ರವು ಚಿತ್ರಮಂದಿರಗಳಲ್ಲಿ ಬಾಕ್ಸ್‌ ಆಫೀಸ್‌ ಕೊಳ್ಳೆ ಹೊಡೆಯುತ್ತಿರುವುದರಿಂದ ಪ್ರಮುಖ ಸಿನಿಮಾಗಳು ಮುಂದಿನ ವರ್ಷ ಬಿಡುಗಡೆಯಾಗಲು ಕಾಯುತ್ತಿವೆ.