Uorfi Javed Arrested in Dubai: ಆಗ ಪೂನಂ ಪಾಂಡೆ ಈಗ ಉರ್ಫಿ ಜಾವೇದ್...ಬಿಚ್ಚಮ್ಮನನ್ನು ಬಂಧಿಸಿದ ದುಬೈ ಪೊಲೀಸರು
Dec 21, 2022 05:32 PM IST
Share
ಉರ್ಪಿ ಜಾವೇದ್
- ದುಬೈನಲ್ಲಿ ಮಹಿಳೆಯರ ಬಟ್ಟೆ ಬಗ್ಗೆ ನಿರ್ದಿಷ್ಟ ಕಾನೂನು ಇದ್ದು ಉರ್ಫಿ ಜಾವೇದ್ (Uorfi Javed), ದುಬೈ (Dubai) ರಸ್ತೆಗಳಲ್ಲಿ ಅರೆ ಬರೆ ಬಟ್ಟೆ ತೊಟ್ಟು ಫೋಟೋಶೂಟ್‌ ಮಾಡಿಸುತ್ತಿದ್ದ ವೇಳೆ ಪೊಲೀಸರು ಆಕೆಯನ್ನು ವಶಕ್ಕೆ ಪಡೆದಿದ್ದಾರೆ ಎಂಬ ಮಾಹಿತಿ ತಿಳಿದುಬಂದಿದೆ.
ಉರ್ಫಿ ಜಾವೇದ್ (Uorfi Javed) ಎಂದರೆ ಯಾರು ಗೊತ್ತಿಲ್ಲ ಎನ್ನುವ ಸಿನಿಪ್ರಿಯರೇ ಇಲ್ಲ ಎನ್ನಬಹುದು. ಸಿನಿಮಾರಂಗದ ಬಗ್ಗೆ ಮಾಹಿತಿ ಇರುವವರಿಗೆ ಈಕೆ ಯಾರು ಎಂಬುದು ತಿಳಿದಿರುತ್ತದೆ. ದೇಹ ಕಾಣುವಂತೆ ವಿಚಿತ್ರ ಬಟ್ಟೆಗಳನ್ನೇ ಧರಿಸಿ ಸುದ್ದಿಯಾಗುವ ಉರ್ಫಿ ಜಾವೇದ್ ನಟಿಯಾಗಿ ಅಥವಾ ಮಾಡೆಲ್‌ ಆಗಿ ಹೆಸರು ಮಾಡಿಲ್ಲ. ಆಕೆ ಹಿಂದಿ ಬಿಗ್‌ಬಾಸ್‌ ಒಟಿಟಿ ಮಾಜಿ ಸ್ಪರ್ಧಿ.
ಭಾರತೀಯ ಕ್ರಿಕೆಟ್ ತಂಡ ಗೆದ್ದರೆ ನಾನು ಮೈದಾನದಲ್ಲೇ ಬೆತ್ತಲಾಗುತ್ತೇನೆ ಎಂದು ಹೇಳಿ ಸುದ್ದಿಯಾಗಿದ್ದ ಪೂನಂ ಪಾಂಡೆ (Poonam Pandey) ಅಂತೆಯೇ ಈ ಉರ್ಫಿ ಜಾವೇದ್ ಎಕ್ಸ್‌ಪೋಸ್‌ನಿಂದಲೇ ಸುದ್ದಿಯಾದವರು. ಅರೆ ಬರೆ ಬಟ್ಟೆ ಧರಿಸಿ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಿದ್ದ, ಪಾಪಾರಾಜಿಗಳ ಕ್ಯಾಮರಾಗೆ ಪೋಸ್‌ ಕೊಡುತ್ತಿದ್ದ ಈ ಬಿಚ್ಚಮ್ಮ ಈಗ ಅರೆಸ್ಟ್‌ ಆಗಿದ್ದಾರಂತೆ. ಆದರೆ ಭಾರತದಲ್ಲಿ ಅಲ್ಲ, ದುಬೈನಲ್ಲಂತೆ. ಭಾರದಲ್ಲಿ ಅರ್ಧಂಬರ್ಧ ಬಟ್ಟೆ ಧರಿಸಿ ಫೋಟೋಶೂಟ್‌ ಮಾಡಿಸಿದಂತೆ ದುಬೈನಲ್ಲೂ ಪಬ್ಲಿಕ್‌ ಪ್ಲೇಸ್‌ನಲ್ಲಿ ಫೋಟೋಶೂಟ್‌ ಮಾಡಿಸಿಕೊಳ್ಳಲು ಹೋದ ಉರ್ಫಿ ಜಾವೇದ್ ಈಗ ದುಬೈ ಪೊಲೀಸರ ವಶದಲ್ಲಿದ್ದಾರೆ ಎಂದು ತಿಳಿದುಬಂದಿದೆ.
ದುಬೈನಲ್ಲಿ ಮಹಿಳೆಯರ ಬಟ್ಟೆ ಬಗ್ಗೆ ನಿರ್ದಿಷ್ಟ ಕಾನೂನು ಇದ್ದು ಉರ್ಫಿ ಜಾವೇದ್ , ದುಬೈ ರಸ್ತೆಗಳಲ್ಲಿ ಅರೆ ಬರೆ ಬಟ್ಟೆ ತೊಟ್ಟು ಫೋಟೋಶೂಟ್‌ ಮಾಡಿಸುತ್ತಿದ್ದ ವೇಳೆ ಪೊಲೀಸರು ಆಕೆಯನ್ನು ವಶಕ್ಕೆ ಪಡೆದಿದ್ದಾರೆ ಎಂಬ ಮಾಹಿತಿ ತಿಳಿದುಬಂದಿದೆ. ಸದ್ಯಕ್ಕೆ ಇದನ್ನು ಹೊರತುಪಡಿಸಿ ಹೆಚ್ಚಿನ ಮಾಹಿತಿ ಇನ್ನೂ ತಿಳಿದುಬಂದಿಲ್ಲ. ಉರ್ಫಿ ಜಾವೇದ್ ಅರೆಸ್ಟ್‌ ಆಗಿರುವ ವಿಚಾರ ಕೇಳಿ ನೆಟಿಜನ್ಸ್‌ ನಾನಾ ರೀತಿ ಪ್ರತಿಕ್ರಿಯಿಸುತ್ತಿದ್ದಾರೆ. ರಣವೀರ್‌ ಸಿಂಗ್‌ ಬೆತ್ತಲೆ ಫೋಟೋಶೂಟ್‌ ಮಾಡಿಸಿಕೊಂಡು ಟ್ರೋಲ್‌ಗೆ ಒಳಗಾಗುತ್ತಿದ್ದಂತೆ ಮುಂಬೈ ಪೊಲೀಸರು ಆತನಿಗೆ ಸಮನ್ಸ್‌ ನೀಡಿದ್ದರು. ಹಾಗೇ ಉರ್ಫಿ ಜಾವೇದ್‌ಗೆ ಕೂಡಾ ಎಚ್ಚರಿಕೆ ನೀಡಬೇಕು, ಇಲ್ಲವಾದಲ್ಲಿ ಆಕೆಯನ್ನು ಅರೆಸ್ಟ್‌ ಮಾಡಿ ಶಿಕ್ಷೆ ವಿಧಿಸಬೇಕು ಎಂದು ಇದಕ್ಕೂ ಮುನ್ನ ನೆಟಿಜನ್ಸ್‌ ಸೋಷಿಯಲ್‌ ಮೀಡಿಯಾದಲ್ಲಿ ಕಮೆಂಟ್‌ ಮಾಡಿದ್ದರು. ಇದೀಗ ಆಕೆ ದುಬೈನಲ್ಲಿ ಅರೆಸ್ಟ್‌ ಆದ ಸುದ್ದಿ ಕೇಳಿ, ಭಾರತಕ್ಕೆ ವಾಪಸಾದ ನಂತರ ಇಲ್ಲಿ ಕೂಡಾ ಆಕೆಗೆ ವಾರ್ನಿಂಗ್‌ ಮಾಡಬೇಕು ಎನ್ನುತ್ತಿದ್ದಾರೆ.
ಉರ್ಫಿ ಜಾವೇದ್ ಹೂಗಳು, ಕಪ್ಪೆಚಿಪ್ಪು, ಸರಗಳಿಂದ, ಬೆಲ್ಟ್‌ಗಳು ಸೇಫ್ಟಿ ಪಿನ್‌ಗಳಿಂದ ತಮ್ಮ ಖಾಸಗಿ ಅಂಗಗಳನ್ನು ಮುಚ್ಚಿ, ಅಸಭ್ಯವಾಗಿ ಫೋಟೋಶೂಟ್‌ ಮಾಡಿಸಿ ಅದನ್ನು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡಿಕೊಂಡಿದ್ದಾರೆ. ಇನ್ನಾದರೂ ಆಕೆ ಬುದ್ಧಿ ಕಲಿಯುತ್ತಾರಾ ಎಂಬುದನ್ನು ಕಾದು ನೋಡಬೇಕು.
ಇದೇ ರೀತಿ ಅರೆಸ್ಟ್‌ ಆಗಿದ್ದ ಪೂನಂ ಪಾಂಡೆ
2 ವರ್ಷಗಳ ಹಿಂದೆ ಮಾಡೆಲ್‌ ಪೂನಂ ಪಾಂಡೆ ಕೂಡಾ ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಅರೆಸ್ಟ್‌ ಆಗಿದ್ದರು. ಅನುಮತಿ ಪಡೆಯದೆ ಗೋವಾದ ಚಾಪೋಲಿ ಡ್ಯಾಂ ಬಳಿ ಅಶ್ಲೀಲ ವಿಡಿಯೋ ಚಿತ್ರೀಕರಣ ಮಾಡುತ್ತಿದ್ದ ಆರೋಪದ ಮೇಲೆ ಗೋವಾ ಪೊಲೀಸರು ಪೂನಂ ಪಾಂಡೆಯನ್ನು ವಶಕ್ಕೆ ಪಡೆದಿದ್ದರು. ಆಕೆ ವಿರುದ್ಧ ಐಪಿಸಿ ಸೆಕ್ಷನ್‌ 294 ಅಡಿಯಲ್ಲಿ ಪ್ರಕರಣ ಕೂಡಾ ದಾಖಲಾಗಿತ್ತು.