Vettaiyan: ಬಾಕ್ಸ್ ಆಫೀಸ್‌ನಲ್ಲಿ 100 ಕೋಟಿ ದಾಟಿದ ವೇಟ್ಟೈಯನ್; ಎರಡೇ ದಿನಗಳಲ್ಲಿ ಭರ್ಜರಿ ಕಲೆಕ್ಷನ್‌

ವೇಟ್ಟೈಯನ್ ಬಾಕ್ಸ್ ಆಫೀಸ್ ಎರಡನೇ ದಿನದ ಕಲೆಕ್ಷನ್ ತುಂಬಾ ಜೋರಾಗಿದೆ. ರಜನಿಕಾಂತ್ ಮತ್ತು ಅಮಿತಾಭ್ ಬಚ್ಚನ್ ಅಭಿನಯದ ವೇಟ್ಟೈಯನ್ ಸಿನಿಮಾ ಭರ್ಜರಿ ಸದ್ದು ಮಾಡ್ತಿದೆ. ವೇಟ್ಟೈಯನ್ ಬಾಕ್ಸ್ ಆಫೀಸ್ ಕಲೆಕ್ಷನ್ ಕೂಡ ತುಂಬಾ ಚೆನ್ನಾಗಿ ಆಗಿದೆ. ಸಿನಿಮಾ ಬಿಡುಗಡೆಯಾಗಿ ಎರಡನೇ ದಿನಕ್ಕೆ ಆದ ಲಾಭ ಎಷ್ಟು ಎಂಬ ಮಾಹಿತಿ ಇಲ್ಲಿದೆ.

ಈಗ ಭಾರತದಲ್ಲಿ 55.70 ಕೋಟಿ ಲಾಭವನ್ನು ಈ ಚಿತ್ರ ಗಳಿಸಿದೆ. ಅದರಲ್ಲಿ ಬಹುಪಾಲು ತಮಿಳು ಭಾಷೆಯಿಂದ ಬಂದಿದೆ ಎಂದು ಹೇಳಲಾಗುತ್ತಿದೆ. ಡಬ್ಬಿಂಗ್ ಮಾಡಿದ ಚಿತ್ರಗಳೂ ಸಹ ಹಣ ತಂದುಕೊಟ್ಟಿದೆ, ಆದರೆ ತಮಿಳಿನಲ್ಲಾದಷ್ಟು ಕಲೆಕ್ಷನ್ ಬೇರೆ ಭಾಷೆಗಳಲ್ಲಿ ಆಗಿಲ್ಲ. ಆದರೂ 6.50ಕೋಟಿಯಷ್ಟು ಲಾಭ ತಂದಿದೆ. ಮೊದಲ ದಿನದಿಂದ ಎರಡನೇ ದಿನಕ್ಕೆ 24% ಕುಸಿತ ಕಂಡಿದೆ. ಒಟ್ಟು ಕಲೆಕ್ಷನ್ 64.80 ಕೋಟಿ ಆಗಿದೆ. ಸಾಗರೋತ್ತರದಲ್ಲಿ 4.4 ಮಿಲಿಯನ್ ಗಳಿಸಿದೆ. Sacnilk ಪ್ರಕಾರ ವಿಶ್ವಾದ್ಯಂತ ಒಟ್ಟು 100.80 ಕೋಟಿ ಲಾಭಗಳಿಸಿದೆ. ಕೇವಲ ಎರಡು ದಿನಗಳಲ್ಲಿ ವೆಟ್ಟೈಯಾನ್ 2024 ರ ಅತಿ ಹೆಚ್ಚು ಗಳಿಕೆಯ ತಮಿಳು ಚಲನಚಿತ್ರಗಳ ಪಟ್ಟಿಯಲ್ಲಿ ಟಾಪ್ 5 ಪ್ರವೇಶಿಸಿದೆ. ರಜನಿಕಾಂತ್ ಅಭಿನಯದ ಕ್ಯಾಪ್ಟನ್ ಮಿಲ್ಲರ್ 88 ಕೋಟಿ ಗಳಿಸಿತ್ತು.

ಈ ಮೂಲಕ ತಿಳಿಯುವುದೆಂದರೆ ಸೂಪರ್‌ ಸ್ಟಾರ್‌ ರಜನಿಕಾಂತ್‌, ವೆಟ್ಟೈಯನ್‌ ಚಿತ್ರದ ಮೂಲಕ ಮತ್ತೊಮ್ಮೆ ಜನರ ಮನ ಗೆದ್ದಿದ್ದಾರೆ. ಜೈ ಭೀಮ್ ಖ್ಯಾತಿಯ ಟಿಜೆ ಜ್ಞಾನವೇಲ್ ನಿರ್ದೇಶನದ ಈ ಚಿತ್ರ ಭಾರೀ ಪ್ರದರ್ಶನ ಕಂಡಿದೆ.

ಇದನ್ನೂ ಓದಿ: Vettaiyan Review: ವೆಟ್ಟೈಯನ್ ಸಿನಿಮಾ ನೋಡಿ ಸೂಪರ್‌ಸ್ಟಾರ್‌ ಫ್ಯಾನ್ಸ್‌ ಏನಂದ್ರು? ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡ ರಜನಿಕಾಂತ್‌ ಚಿತ್ರ

ಚಿತ್ರದಲ್ಲಿ ಬಿಗ್‌ ಬಿ ಜೊತೆಗೆ ಕನ್ನಡದ ನಟ ಕಿಶೋರ್‌, ಮಲಯಾಳಂ ನಟ ಫಹಾದ್ ಫಾಸಿಲ್, ತೆಲುಗು ನಟ ರಾಣಾ ದಗ್ಗುಬಾಟಿ, ಮಂಜು ವಾರಿಯರ್, ರಿತಿಕಾ ಸಿಂಗ್, ದುಷಾರ ವಿಜಯನ್, ರೋಹಿಣಿ, ರಕ್ಷಣ್ ಮತ್ತು ಇತರರು ಕಾಣಿಸಿಕೊಂಡಿದ್ದಾರೆ. ಅನಿರುದ್ಧ್ ರವಿಚಂದರ್ ಅವರ ಸಂಗೀತ, ಎಸ್‌ಆರ್ ಕತೀರ್ ಅವರ ಛಾಯಾಗ್ರಹಣ ಅಭಿಮಾನಿಗಳಿಗೆ ಇಷ್ಟವಾಗಿದೆ.

2 ದಿನದ ಒಟ್ಟು ಕಲೆಕ್ಷನ್‌ ಸುಮಾರು 101.50 ಕೋಟಿ ರೂ ಆಗಿದೆ. ಇನ್ನು ವೀಕೆಂಡ್ ಬಂದಿರುವ ಕಾರಣ ಇನ್ನಷ್ಟು ಈ ಮೊತ್ತ ಹೆಚ್ಚಾಗಲಿದೆ. ತಮಿಳುನಾಡು ಮತ್ತು ಕೇರಳದಲ್ಲಿ ಚಿತ್ರದ ಪ್ರಭಾವ ಹೆಚ್ಚಿದೆ.

ರಜನಿಕಾಂತ್, ಮಂಜು ವಾರಿಯರ್, ಅಮಿತಾಭ್ ಬಚ್ಚನ್, ಫಹದ್ ಫಾಸಿಲ್, ರಾಣಾ ದಗ್ಗುಬಾಟಿ ಮತ್ತು ಇತರರು ನಟಿಸಿರುವ ಟಿಜೆ ಜ್ಞಾನವೇಲ್ ನಿರ್ದೇಶನದ ಈ ಚಿತ್ರ ಇನ್ನೂ ಹಲವು ದಿನಗಳ ಕಾಲ ಈ ಚಿತ್ರ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣುವ ನಿರೀಕ್ಷೆ ಹಲವರಿಗಿದೆ. ದಾಖಲೆಯ ಕಲೆಕ್ಷನ್‌ ಮಾಡುವ ಸಿನಿಮಾ ಇದಾಗಬಹುದು ಎಂದು ಊಹಿಸಲಾಗುತ್ತಿದೆ.

ಇದನ್ನೂ ಓದಿ: BBK 11: ಧನರಾಜ್‌ಗೆ ಸೈಕಲ್ ಪಂಪ್‌, ಗೌತಮಿಗೆ ಮುಖವಾಡ, ಇನ್ನು ಏನೆಲ್ಲ ಇದೆ ನೋಡಿ ಜನರ ಉಡುಗೊರೆ; ವಾರದ ಕಥೆ ಕಿಚ್ಚನ ಜೊತೆ