Zee Kutumba Awards: ಅಪರ್ಣಾ ಸ್ಮರಣಾರ್ಥ ಗೌರವ ಸಲ್ಲಿಸಿದ ಜೀ ವಾಹಿನಿ; ಪ್ರಶಸ್ತಿ ಸ್ವೀಕರಿಸಿ ಭಾವುಕರಾದ ನಿರೂಪಕರು

ಜೀ ಕುಟುಂಬ ಅವಾರ್ಡ್ಸ್‌ 2024ರ ಕಾರ್ಯಕ್ರಮದಲ್ಲಿ ನಿರೂಪಣೆಗಾಗಿಯೇ ಸಮರ್ಪಿಸಿಕೊಂಡಿದ್ದ ಅಪರ್ಣಾ ಹೆಸರಿನಲ್ಲಿ ಈ ಬಾರಿ ನಿರೂಪಕರಿಗೆ ಪ್ರಶಸ್ತಿ ನೀಡಲಾಗಿದೆ. ಅಪ್ಪಣ ಕನ್ನಡದ ನಿರೂಪಕಿ ಅಪರ್ಣಾ ಅವರನ್ನು ಮರೆಯಲು ಸಾಧ್ಯವೇ ಇಲ್ಲ. ಕನ್ನಡದ ನಿರೂಪಣೆ ಎಂದ ಕೂಡಲೇ ಅವರ ಹೆಸರು ನೆನಪಾಗುತ್ತದೆ. ಅವರು ನಮ್ಮೊಂದಿಗೆ ಇಂದು ದೈಹಿಕವಾಗಿ ಇಲ್ಲದಿದ್ದರೂ ಅವರನ್ನು ಎಲ್ಲೆಡೆ ಗೌರವದಿಂದ ಕಾಣಲಾಗುತ್ತಿದೆ. ಸದಾ ಕಾಲ ನೆನಪಿಸಿಕೊಳ್ಳಲಾಗುತ್ತಿದೆ. ಜೀ ಕುಟುಂಬದವರು ಅಪರ್ಣಾ ಅವರಿಗೆ ಗೌರವ ಸಮರ್ಪಣೆಗಾಗಿ ಅವರ ಹೆಸರಿನಲ್ಲೇ ಈ ಬಾರಿ ನಿರೂಪಕರಿಗೆ ಪ್ರಶಸ್ತಿ ನೀಡಿದ್ದಾರೆ.

ಜೀ ವಾಹಿನಿಯ ಈ ಕಾರ್ಯಕ್ಕಾಗಿ ಎಲ್ಲೆಡೆ ಶ್ಲಾಘನೆ ವ್ಯಕ್ತವಾಗುತ್ತಿದೆ. ನಿರೂಪಕರು ಹೇಗೆ ಇರಬೇಕು? ನಿರೂಪಣೆ ಅಂದರೆ ಹೇಗಿರಬೇಕು ಎಂಬುದನ್ನು ಅವರಿಂದ ಕಲಿಯುಬೇಕು ಆ ರೀತಿಯಲ್ಲಿ ಬದುಕಿದವರು ಅಪರ್ಣಾ. ಅವರ ಮಾತು, ಅವರ ಮಾತಿನಲ್ಲಿನ ಸ್ಪಷ್ಟತೆ ಮತ್ಯಾರಿಂದಲೂ ಸಾಧ್ಯವಿಲ್ಲ. ಅಷ್ಟು ಅಚ್ಚುಕಟ್ಟಾಗಿ ಕಾರ್ಯಕ್ರಮ ನಿರೂಪಣೆ ಮಾಡುತ್ತಿದ್ದ ಅವರನ್ನು ಈ ಸಂದರ್ಭದಲ್ಲಿ ಗೌರವಿಸಲಾಗಿದೆ.

ಇನ್ನು ಜೀ ಕುಟುಂಬ ವೇದಿಕೆಯಲ್ಲಿ ಎಲ್ಲರೂ ಎದ್ದು ನಿಂತು ಅಪರ್ಣಾ ಅವರಿಗೆ ನಮನ ಸಲ್ಲಿಸಿದ್ದಾರೆ. ಪ್ರಶಸ್ತಿಯನ್ನು ಅಪರ್ಣಾ ಅವರ ಹೆಸರಿನಲ್ಲಿ ಕೊಡುತ್ತಿರುವುದು ತುಂಬಾ ಸಂತೋಷದ ವಿಷಯ ಎಂದು ಎಲ್ಲರೂ ಅಭಿಪ್ರಾಯಪಟ್ಟಿದ್ದಾರೆ

ಇದನ್ನೂ ಓದಿ: Bigg Boss Kannada: ಈ ಮನೆಯ ಹೇಡಿ ಯಾರು ಎಂದು ಪ್ರಶ್ನಿಸಿದ್ದಕ್ಕೆ ಧರ್ಮ ಅವರನ್ನು ಸೂಚಿಸಿದ ಧನರಾಜ್‌ ಆಚಾರ್; ಆಮೇಲೆ ನಡೆದದ್ದೇ ಬೇರೆ

ಅಪರ್ಣಾ ಮೇಡಂ ನೀವು ಕನ್ನಡ ನಿರೂಪಣಾ ಕ್ಷೇತ್ರಕ್ಕೆ ಕೊಟ್ಟಂತ ಕೊಡುಗೆ ಅಪಾರ ಎನ್ನುತ್ತಲೇ ಅನುಶ್ರೀ ಅವರು ಅಪರ್ಣಾ ಅವರ ಹೆಸರಿನಲ್ಲಿ ನೀಡಲಾದ ಪ್ರಶಸ್ತಿಯನ್ನು ಸ್ವೀಕರಿಸುತ್ತಿರುವುದನ್ನು ಪ್ರೋಮೋದಲ್ಲಿ ಕಾಣಬಹುದು. ಇನ್ನು ಶ್ವೇತಾ ಚಂಗಪ್ಪ ಅವರು ಬಹಳ ಭಾವುಕರಾಗಿ ಅವರ ಬಗ್ಗೆ ಮಾತುಗಳನ್ನಾಡಿದ್ದಾರೆ. ಈ ಪ್ರಶಸ್ತಿ ನಿಮಗೆ ಅರ್ಪಣೆ ಎಂದು ಹೇಳಿದ್ದಾರೆ.

ಸಿನಿಮಾ, ನಿರೂಪಣೆ, ಕಿರುತೆರೆ ಹೀಗೆ ಎಲ್ಲ ರಂಗಗಳಲ್ಲಿಯೂ ತಮ್ಮದೇ ಆದ ಅಚ್ಚ ಕನ್ನಡದ ಮಾತಿನ ಮೂಲಕವೇ ಮನಸೂರೆಗೊಳಿಸಿದ್ದ ಅಪರ್ಣಾ ಕನ್ನಡಕ್ಕೆ ಒಂದು ಕೊಡುಗೆ. ಸರ್ಕಾರಿ ಸಮಾರಂಭಗಳು ಸೇರಿದಂತೆ ಕನ್ನಡದ ಪ್ರಮುಖ ವಾಹಿನಿಗಳ ಕಾರ್ಯಕ್ರಮಗಳಲ್ಲಿ ಕನ್ನಡ ಭಾಷೆಯಲ್ಲಿ ಅತ್ಯಂತ ಸೊಗಸಾಗಿ ನಿರೂಪಣೆ ಮಾಡುತ್ತಾ ನಾಡಿನ ಮನೆಮಾತಾಗಿದ್ದ ಬಹುಮುಖ ಪ್ರತಿಭೆಯಾಗಿದ್ದ ಅಪರ್ಣಾ ಸಿನಿಮಾಗಳಲ್ಲೂ ಅಭಿನಯಿಸಿದ್ದಾರೆ.

ಇದನ್ನೂ ಓದಿ: Sai Pallavi: ನಾನು ಮಾಂಸದ ತುಂಡಲ್ಲ, ಗ್ಲಾಮರಸ್‌ ಪಾತ್ರ ಮಾಡಲಾರೆ ಎಂದ ಸಹಜ ಸುಂದರಿ ಸಾಯಿ ಪಲ್ಲವಿ