Tomato Rates: ಬೆಂಗಳೂರಿನ ಆನ್‌ ಲೈನ್ ದಿನಸಿ ಪ್ಲಾಟ್‌ಫಾರ್ಮ್‌ಗಳಲ್ಲಿ ಗಗನಕ್ಕೇರಿದ ಟೊಮೆಟೊ ಬೆಲೆ, ಕಾರಣವೇನು

ಬೆಂಗಳೂರು: ಬೆಂಗಳೂರಿನಲ್ಲಿ ಟೊಮೆಟೊ ಬೆಲೆ ಮತ್ತೆ ನೂರು ರೂ.ಗಡಿ ದಾಟಿದೆ.ಅದರಲ್ಲೂ ಆನ್‌ಲೈನ್‌ ಫ್ಲಾಟ್‌ಫಾರ್ಮ್‌ಗಳಲ್ಲಿ ದರ ಕೊಂಚ ಕಡಿಮೆ ಎಂದರೆ ಅಲ್ಲಿಯೂ ದರ ಗಗನಕ್ಕೆ ಏರಿದೆ.ಬೆಂಗಳೂರಿನ ಟೊಮೆಟೊ ಬೆಳೆಯುವ ಪ್ರದೇಶಗಳಲ್ಲಿ ನಿರಂತರ ಮಳೆ ಮತ್ತು ಕಡಿಮೆ ಇಳುವರಿಯಿಂದಾಗಿ ಆನ್‌ ಲೈನ್ ದಿನಸಿ ಪ್ಲಾಟ್‌ಫಾರ್ಮ್‌ಗಳಲ್ಲಿ ಟೊಮೆಟೊ ಬೆಲೆ 100 ರೂ.ಗಿಂತ ಹೆಚ್ಚಾಗಿದೆ. 79 ರಿಂದ 90 ರೂ.ಗಳಷ್ಟಿದ್ದ ಟೊಮೆಟೊ ಬೆಲೆ ಈಗ ಆನ್‌ ಲೈನ್ ದಿನಸಿ ಪ್ಲಾಟ್‌ಫಾರ್ಮ್‌ಗಳಲ್ಲಿ 100 ರೂ.ಗಳ ಗಡಿ ದಾಟಿದೆ. ಟೈಮ್ಸ್ ನೌ ವರದಿಯ ಪ್ರಕಾರ, ಬೆಂಗಳೂರು ಸುತ್ತಮುತ್ತಲಿನ ಟೊಮೆಟೊ ಉತ್ಪಾದಿಸುವ ಪ್ರದೇಶಗಳಲ್ಲಿ ಭಾರಿ ಮಳೆಯಾಗುತ್ತಿರುವುದರಿಂದ, ಬೆಲೆಗಳು ಇನ್ನೂ ಹೆಚ್ಚಾಗಬಹುದು ಎಂಬ ಆತಂಕವಿದೆ.

ಇದನ್ನೂ ಓದಿರಿ: ಶಿರೂರು ಭೂಕುಸಿತ; ಗಂಗಾವಳಿ ನದಿಯಲ್ಲಿ 65 ವರ್ಷದ ಮಹಿಳೆಯ ಶವ ಪತ್ತೆ, ಸಾವಿನ ಸಂಖ್ಯೆ 8ಕ್ಕೆ ಏರಿಕೆ, ಮುಂದುವರಿದ ಶೋಧ ಕಾರ್ಯ

ಕಳೆದ ವರ್ಷ, ಟೊಮೆಟೊ ಬೆಲೆ ಜುಲೈನಲ್ಲಿ ಪ್ರತಿ ಕಿಲೋಗ್ರಾಂಗೆ 200 ರೂ.ಗೆ ಏರಿತು, ಆದರೆ ಎರಡು ತಿಂಗಳ ನಂತರ ಪ್ರತಿ ಕಿಲೋಗ್ರಾಂಗೆ 5 ರೂ.ಗೆ ಕುಸಿಯಿತು. ಪ್ರಸ್ತುತ, ಆನ್ಲೈನ್ ದಿನಸಿ ಅಂಗಡಿಗಳು ಟೊಮೆಟೊವನ್ನು ಪ್ರತಿ ಕಿಲೋಗ್ರಾಂಗೆ 100 ರಿಂದ 104 ರೂ.ಗಳ ನಡುವೆ ಮಾರಾಟ ಮಾಡುತ್ತಿವೆ. ಚಿಲ್ಲರೆ ಬೆಲೆಗಳು ಇದನ್ನು ಅನುಸರಿಸುವ ನಿರೀಕ್ಷೆಯಿದೆ ಎಂದು ವರದಿ ತಿಳಿಸಿದೆ.

ನಮಗೆ ಬರುವ ಟೊಮೆಟೊ ಆವಕದ ಪ್ರಮಾಣದಲ್ಲಿ ಇಳಿಕೆ ಕಂಡಿದೆ. ಒಂದು ಕಡೆ ಮಳೆ, ಮತ್ತೊಂದು ಕಡೆ ಇಳುವರಿಯಲ್ಲಿ ಇಳಿಕೆ. ಮಾರುಕಟ್ಟೆಗೆ ಬರುವ ವಸ್ತುಗಳ ಪ್ರಮಾಣ ಕಡಿಮೆಯಾದರೆ ಅದು ಸಹಜವಾಗಿಯೇ ದರ ಏರಿಕೆಗೆ ದಾರಿ ಮಾಡಿಕೊಡುತ್ತದೆ. ಟೊಮೆಟೊ ಬೆಲೆಯೂ ಹಾಗೆಯೇ ಆಗುತ್ತಿದೆ. ಅನಿವಾರ್ಯ ಇದ್ದವರು ಖರೀದಿಸುತ್ತಿದ್ಧಾರೆ ಎಂದು ಮಾರಾಟಗಾರರು ಟೊಮೆಟೊ ವಹಿವಾಟಿನ ಸ್ಥಿತಿಗತಿ ಬಿಡಿಸಿಡುತ್ತಾರೆ.

ಇದನ್ನೂ ಓದಿರಿ: Bengaluru News: ಖಾಕಿ ಸಮವಸ್ತ್ರದಲ್ಲಿದ್ದಾಗ ರೀಲ್ಸ್‌ ಮಾಡಬೇಡ್ರಪ್ಪ; ಪೊಲೀಸರಿಗೆ ಬೆಂಗಳೂರು ಆಯುಕ್ತರಿಂದ ಖಡಕ್‌ ವಾರ್ನಿಂಗ್‌

ನಿರಂತರ ಮಳೆ, ಸಸ್ಯ ರೋಗಗಳು ಮತ್ತು ಇಳುವರಿಯಲ್ಲಿ ಗಮನಾರ್ಹ ಕುಸಿತ ಸೇರಿದಂತೆ ಪ್ರಸ್ತುತ ಬೆಲೆ ಏರಿಕೆಯ ಹಿಂದಿನ ಹಲವಾರು ಅಂಶಗಳನ್ನು ತಜ್ಞರು ಗಮನಸೆಳೆದಿದ್ದಾರೆ. ಸುಮಾರು 15,000 ಎಕರೆ ಪ್ರದೇಶವನ್ನು ವ್ಯಾಪಿಸಿರುವ ಕರ್ನಾಟಕದ ಪ್ರಮುಖ ಟೊಮೆಟೊ ಕೃಷಿ ಕೇಂದ್ರವಾದ ಕೋಲಾರವು ಸ್ಥಳೀಯ ಮಾರುಕಟ್ಟೆಗಳಿಗೆ ಮಾತ್ರವಲ್ಲದೆ ಉತ್ತರದ ರಾಜ್ಯಗಳು ಮತ್ತು ನೆರೆಯ ಬಾಂಗ್ಲಾದೇಶದಂತಹ ನೆರೆಯ ದೇಶಗಳಿಗೂ ಟೊಮೆಟೊವನ್ನು ಪೂರೈಸುತ್ತದೆ.

ಕೋಲಾರದಲ್ಲಿ ಉತ್ಪಾದನೆಯಾಗುವ ಟೊಮೆಟೊದಲ್ಲಿ ಶೇ.90ರಷ್ಟು ರಫ್ತಾಗುತ್ತದೆ ಎಂದು ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿ (ಎಪಿಎಂಸಿ) ಯಾರ್ಡ್ ಮೂಲಗಳು ಪ್ರಕಟಣೆಗೆ ತಿಳಿಸಿವೆ. ಆದಾಗ್ಯೂ, ಉತ್ತರದ ರಾಜ್ಯಗಳಲ್ಲಿ ಆರಂಭಿಕ ಬೆಳೆಗಳನ್ನು ಹಾನಿಗೊಳಿಸುವ ತೀವ್ರ ಹವಾಮಾನ ಪರಿಸ್ಥಿತಿಗಳಿಂದಾಗಿ, ಕೋಲಾರ ಟೊಮೆಟೊಗೆ ಬೇಡಿಕೆ ಹೆಚ್ಚಾಗಿದೆ.

ಇದನ್ನೂ ಓದಿರಿ: ಕೊನೆಗೂ ಪಂಚೆಗೆ ಸಂದ ಗೌರವ; ಮಾಲ್‌ಗಳಲ್ಲಿ ರೈತ ಸೇರಿದಂತೆ ಯಾರನ್ನೂ ಅವಮಾನಿಸದಂತೆ ಮಾರ್ಗಸೂಚಿ ಹೊರಡಿಸಲು ಸರ್ಕಾರ ನಿರ್ಧಾರ

ಕೋಲಾರ ಎಪಿಎಂಸಿ ಯಾರ್ಡ್ ನ ಅಧಿಕಾರಿಯೊಬ್ಬರು ಈ ವರ್ಷದ ಟೊಮೆಟೊ ಕೊಯ್ಲು ತೀವ್ರವಾಗಿ ಕಡಿಮೆಯಾಗಿದೆ, ಇಳುವರಿ ಸಾಮಾನ್ಯ ಉತ್ಪಾದನೆಯ ಕೇವಲ 25 ಪ್ರತಿಶತದಷ್ಟಿದೆ ಎಂದು ಬಹಿರಂಗಪಡಿಸಿದ್ದಾರೆ. ಸಾಮಾನ್ಯವಾಗಿ, ಎಕರೆಗೆ ಸುಮಾರು 4,000 ಬಾಕ್ಸ್ ಟೊಮೆಟೊ ಕೊಯ್ಲು ಮಾಡಲಾಗುತ್ತದೆ, ಆದರೆ ಈ ವರ್ಷದ ಇಳುವರಿ ಎಕರೆಗೆ ಕೇವಲ 1,000 ಬಾಕ್ಸ್‌ ಗ ಳಿಗೆ ಇಳಿದಿದೆ ಎಂದು ಅವರು ಹೇಳಿದರು.

ಹಿಂದಿನ ವರ್ಷಗಳ ಆರ್ಥಿಕ ನಷ್ಟದಿಂದಾಗಿ, ವಿಶೇಷವಾಗಿ ಕಳೆದ ವರ್ಷದ ತೀವ್ರ ಶಾಖದಿಂದಾಗಿ ಅನೇಕ ರೈತರು ಟೊಮೆಟೊ ಉತ್ಪಾದನೆಯನ್ನು ನಿಲ್ಲಿಸಿದ್ದಾರೆ ಎಂದು ಅವರು ಗಮನಸೆಳೆದರು. ಕಳೆದ ವರ್ಷದ ಹೆಚ್ಚಿನ ತಾಪಮಾನ ಮತ್ತು ಈ ವರ್ಷದ ಅತಿಯಾದ ಮಳೆಯ ಸಂಯೋಜನೆಯು ಆರಂಭಿಕ ಟೊಮೆಟೊ ಬೆಳೆಗಳ ಮೇಲೆ ತೀವ್ರ ಪರಿಣಾಮ ಬೀರಿದೆ ಎಂದು ತೋಟಗಾರಿಕೆ ಇಲಾಖೆಯ ಮತ್ತೊಬ್ಬ ಅಧಿಕಾರಿ ತಿಳಿಸಿದ್ದಾರೆ.