ಬೆಂಗಳೂರು ವಂಡರ್‌ಲಾದಲ್ಲಿ ಸ್ವಾತಂತ್ರ್ಯ ದಿನಾಚರಣೆ ಸಂಭ್ರಮ; ಆನ್ಲೈನ್ ಬುಕ್ಕಿಂಗ್‌ನಲ್ಲಿ 2 ಟಿಕೆಟ್‌ಗೆ 1 ಉಚಿತ ಆಫರ್‌
Aug 12, 2024 11:41 AM IST
Share
ಬೆಂಗಳೂರು ವಂಡರ್‌ಲಾದಲ್ಲಿ ಸ್ವಾತಂತ್ರ್ಯ ದಿನಾಚರಣೆ ಸಂಭ್ರಮ; ಆನ್ಲೈನ್ ಬುಕ್ಕಿಂಗ್‌ನಲ್ಲಿ 2 ಟಿಕೆಟ್‌ಗೆ 1 ಉಚಿತ ಆಫರ್‌ ಘೋಷಿಸಿದ ಕಂಪನಿ. (ಸಾಂಕೇತಿಕ ಚಿತ್ರ)
Indian Independence Day Celebration; ಸ್ವಾತಂತ್ರ್ಯ ದಿನಾಚರಣೆಯೊಂದಿಗೆ ದೀರ್ಘ ವಾರಾಂತ್ಯವೂ ಸಿಗುವ ಕಾರಣ ಅನೇಕರ ಸಂಭ್ರಮ ಈ ಬಾರಿ ಹೆಚ್ಚಿದೆ. ಇದರ ಸದುಪಯೋಗ ಪಡೆಯಲು ಎಲ್ಲರೂ ಪ್ರಯತ್ನಿಸುತ್ತಿದ್ದಾರೆ. ಬೆಂಗಳೂರು ವಂಡರ್‌ಲಾದಲ್ಲಿ ಸ್ವಾತಂತ್ರ್ಯ ದಿನಾಚರಣೆ ಸಂಭ್ರಮದ ಪ್ರಯುಕ್ತ ಆನ್ಲೈನ್ ಬುಕ್ಕಿಂಗ್‌ನಲ್ಲಿ 2 ಟಿಕೆಟ್‌ಗೆ 1 ಉಚಿತ ಆಫರ್‌ ಲಭ್ಯವಿದೆ.
ಬೆಂಗಳೂರು: ಸ್ವಾತಂತ್ರ್ಯ ದಿನಾಚರಣೆ ಸಂಭ್ರಮ ಹೆಚ್ಚಿಸುವುದಕ್ಕೆ ಅಮ್ಯೂಸ್ಮೆಂಟ್ ಪಾರ್ಕ್‌ಗಳು ಕೂಡ ಮುಂದಾಗಿವೆ. ಬೆಂಗಳೂರಿನ ಹೊರವಲಯದಲ್ಲಿರುವ ಭಾರತದ ಅತಿದೊಡ್ಡ ಅಮ್ಯೂಸ್ಮೆಂಟ್ ಪಾರ್ಕ್ ವಂಡರ್‌ಲಾ ಹಾಲಿಡೇಸ್, ಸ್ವಾತಂತ್ರ್ಯ ದಿನಾಚರಣೆಯ ಪ್ರಯುಕ್ತ ವಿಶೇಷ ಕೊಡುಗೆಯನ್ನು ಪ್ರಕಟಿಸಿದೆ.
ಬೆಂಗಳೂರು ವಂಡರ್‌ಲಾದಲ್ಲಿ ಆಗಸ್ಟ್ 6 ರಿಂದ ಇದು ಲಭ್ಯವಿದ್ದು, ಸಾರ್ವಜನಿಕರು ಆನ್ಲೈನ್ ಮೂಲಕ 2 ಟಿಕೆಟ್ ಖರೀದಿಸಿದರೆ ಒಂದು ಟಿಕೆಟ್ ಉಚಿತವಾಗಿ ನೀಡುವುದಾಗಿ ವಂಡರ್‌ಲಾ ಆಡಳಿತ ಘೋ‍ಷಿಸಿದೆ.
ವಂಡರ್‌ಲಾ ಆನ್ಲೈನ್ ಬುಕ್ಕಿಂಗ್ 2 ಟಿಕೆಟ್‌ಗೆ 1 ಟಿಕೆಟ್ ಉಚಿತ
ಸ್ವಾತಂತ್ರ್ಯ ದಿನಾಚರಣೆ ನಿಮಿತ್ತ ರಜೆ ಇರುವ ಕಾರಣ ಆಗಸ್ಟ್ 15 ರಿಂದ 19 ರ ತನಕ ಬೆಂಗಳೂರು ವಂಡರ್‌ಲಾಗೆ ಭೇಟಿ ನೀಡಬಯಸುವವರಿಗೆ ಆಗಸ್ಟ್ 6 ರಿಂದಲೇ ಆನ್ಲೈನ್ ಟಿಕೆಟ್ ಖರೀದಿಗೆ ವಂಡರ್‌ಲಾ ಅವಕಾಶ ಮಾಡಿಕೊಟ್ಟಿದೆ. ಆನ್‌ಲೈನ್‌ನಲ್ಲಿ ಟಿಕೆಟ್ ಖರೀದಿಮಾಡುವಾಗ 2 ಟಿಕೆಟ್ ಖರೀದಿಸಿದರೆ 1 ಟಿಕೆಟ್ ಅನ್ನು ಉಚಿತವಾಗಿ ನೀಡುತ್ತಿದೆ.
ಇದಲ್ಲದೆಯೂ ಆಗಸ್ಟ್ 15 ರಿಂದ 19ರ ಅವಧಿಯಲ್ಲಿ ವಂಡರ್‌ಲಾ ಅಮ್ಯೂಸ್ಮೆಂಟ್ ಪಾರ್ಕ್‌ಗೆ ಭೇಟಿ ನೀಡಿ ನೇರವಾಗಿ ಟಿಕೆಟ್ ಖರೀದಿಸುವವರಿಗೆ 3 ಟಿಕೆಟ್ ಖರೀದಿಸಿದರೆ, 1 ಉಚಿತ ಟಿಕೆಟ್ ಪಡೆಯಬಹುದು. ಆಫ್‌ಲೈನ್‌ನಲ್ಲಿ ಖರೀದಿಸುವವರಿಗೆ ಈ ಕೊಡುಗೆಯು ಆಗಸ್ಟ್ 6 ರಿಂದ 31ರ ವರೆಗೆ ಸಿಗಲಿದೆ. ಆದಾಗ್ಯೂ ಈ ಕೊಡುಗೆ ಬೆಳಗ್ಗೆ 11 ಗಂಟೆಗೆ ಮುಂಚಿತವಾಗಿ ಟಿಕೆಟ್ ಖರೀದಿಸಿದವರಿಗೆ ಮಾತ್ರ ಸಿಗಲಿದೆ.
ವಂಡರ್‌ಲಾ ಪಾರ್ಕ್‌ನಲ್ಲಿ ತಿರಂಗಾ ಥೀಮ್‌
ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮವನ್ನು ಹೆಚ್ಚಿಸುವುದಕ್ಕಾಗಿ ವಂಡರ್‌ಲಾ ಪ್ರತಿಯೊಬ್ಬರಿಗೂ ಈ ಕೊಡುಗೆಯನ್ನು ನೀಡಿದೆ. ಇದರ ಜೊತೆಗೆ, ಸ್ವಾತಂತ್ರ್ಯೋತ್ಸವ ಸಡಗರಕ್ಕಾಗಿ ಪಾರ್ಕ್‌ನಲ್ಲಿರುವ ರೆಸ್ಟೊರೆಂಟ್‌ಗಳಲ್ಲಿ ತಿರಂಗಾ ಮೆನು ಕೂಡ ಇರಲಿದೆ. ವಿಶೇಷ ಸ್ವಾತಂತ್ರ್ಯ ದಿನದ ಥಾಲಿ ಸೇರಿ ವಿವಿಧ ರೀತಿಯ ಆಹಾರವೂ ಲಭ್ಯವಿರಲಿದೆ ಎಂದು ವಂಡರ್‌ಲಾ ಹಾಲಿಡೇಸ್‌ನ ವ್ಯವಸ್ಥಾಪಕ ನಿರ್ದೇಶಕ ಅರುಣ್ ಕೆ. ಚಿಟ್ಟಿಲಪ್ಪಿಳ್ಳಿ ಹೇಳಿದರು.
ಅಷ್ಟೇ ಅಲ್ಲದೆ, ಬೆಳಗ್ಗಿನ ಸಮಯದಲ್ಲಿ ಸ್ವಾತಂತ್ರ್ಯ ದಿನದ ಪರೇಡ್ ಹಾಗೂ ವಾರಾಂತ್ಯದಲ್ಲಿ ವಿಶೇಷ ಡಿಜೆ ಪ್ರದರ್ಶನವನ್ನೂ ಪ್ರೇಕ್ಷಕರು ಆನಂದಿಸಬಹುದು. ಈ ಸಲದ ಸ್ವಾತಂತ್ರ್ಯ ದಿನಾಚರಣೆ ಒಂದು ಹಬ್ಬದ ಸಂಭ್ರಮದಲ್ಲಿ ಮೇಳೈಸಲಿದೆ ಎಂದು ಅರುಣ್ ಕೆ. ಚಿಟ್ಟಿಲಪ್ಪಿಳ್ಳಿ ಹೇಳಿದ್ದಾರೆ.
ವಂಡರ್‌ಲಾ ಆನ್ಲೈನ್ ಪೋರ್ಟಲ್ ಮೂಲಕ ಮುಂಗಡ ಟಿಕೆಟ್‌ಗಳನ್ನು ಕಾಯ್ದಿರಿಸಬಹುದು. ಅಥವಾ ಗ್ರಾಹಕರು ನೇರವಾಗಿ ಪಾರ್ಕ್ ಕೌಂಟರ್‌ಗಳಿಗೆ ತೆರಳಿ ಟಿಕೆಟ್‌ಗಳನ್ನು ಖರೀದಿಸಬಹುದು ಎಂದು ಅವರು ತಿಳಿಸಿದ್ದಾರೆ.